المساعد الشخصي الرقمي

مشاهدة النسخة كاملة : مشروع تعديل على كيسة Thermaltake Armor


mohamednon
03-10-2009, 04:57
بسم الله الرحمن الرحيم


السلام عليكم..

الموضوع من الاول انى وانا بلف فى النت لقت صوره و بالصدفة لكيسة Thermaltake Armor تعديل بس بالبوية - وكانت عجبانى جدا - :rolleyes:

https://img193.imageshack.us/img193/8612/paintb.jpg

فخطرت فى بالى فكرة انى اعدل فى الكيسة عندى بس المشكلة انى مش عوز اعملها بالبوية علشان اللحوسة وكمان علشان لوفكرت اغير فى المستقبل ميباقش فى مشكلة ممكن اغير ها فى اى وقت:( .المهم

وبعد طول تفكر قررت انى اعملها على شكل استكر كبير على مساحة الكيسة كلها شكل حرف U (الجنبين والسقف )

قلت اخد رائ فادى Coolman4now بصفتوا كان عندوا خبرة فى تعديل كيستوا قبل كده و هالكى كمان The.Hulk وتم تحديد الصورة المراد وضعها على الكيسة بعد عناء شديد فقرروا يسعدونى فيها :ah7:

وها هى :)

https://img36.imageshack.us/img36/2784/prezd.jpg

ولكن الصورة دى صغيره اذا علمتها على الكيسة حتكون المبكسلة -فيها تكسير - وكمان حتكون ممطومة :(

قررت انى اعمل الصورة بنفسى بالظبط على الفتوشوب ولكن بالمقاسات المطلوبة - كانت اول مرة استعملوا - الحب يصنع المعجزات:D , وانتهيت من الصور فى خلال 8 ساعات متواصلة.:ah42:


ورحت مع فادى وهالكى طباعنا الصورة (عند مركز طباعة جمب فنون جميلة ) على الورق استيكر - زى اللزق - بس الماء (زى فامية العربيات) انا مش فاكر نوع الورق -( اعتقد فادى عارف اسموا ) كانت الاطوال المطلوبة 130X55 cm طبعا مع حساب نسبة هدر 8%

https://img188.imageshack.us/img188/30/walledited1.jpg
هى دى الصور اليى اطبعت بس طبعا مع اختلاف الرزليوشن ( 6500X2750) وهى هى نفس نسبت الاطوال الحقيقة المطلوبة علشان مايكنش في مط فى الصورة.

https://img25.imageshack.us/img25/3703/casepre2.jpg


https://img203.imageshack.us/img203/2682/casepre.jpg

الكيسة قبل بداء العملية :)


https://img193.imageshack.us/img193/7444/24487345.jpg


https://img43.imageshack.us/img43/7078/85819342.jpg


https://img193.imageshack.us/img193/8833/66782294.jpg




وتم الشغل برفع الجزء الشفاف من على المعدن و الاجزاء البلاستيكة وبعد كده التنظيف السطح المعدنى اليى حيتلزق عليه.


https://img194.imageshack.us/img194/9650/84385282.jpg



بعد كده وضع اسبراى من جلانس -منظف الزجاج -



بعد ذالك البداء فى لصق الورقة ولكن بكل حذر حتى لايدخل فقاقيع هواء وبالتالى تأدى اليى عدم تماسك الورقة بالسطح المعدنى . وبصراحة فادى كان محترف جدا فى النقطة دى وحرص على ان لاتكون هناك فقاعة واحده .:D:D


https://img188.imageshack.us/img188/5338/73920149.jpg


https://img25.imageshack.us/img25/9080/91520465.jpg

واسيبكم مع بافى الصور بدل الرغى الكتير ده :)

https://img43.imageshack.us/img43/2606/65003174.jpg


https://img23.imageshack.us/img23/5058/61627483.jpg


https://img23.imageshack.us/img23/6282/z10y.jpg


https://img19.imageshack.us/img19/6122/zz1d.jpg


https://img21.imageshack.us/img21/425/zz3n.jpg


https://img19.imageshack.us/img19/3168/zz4n.jpg



https://img195.imageshack.us/img195/2369/zz5ms.jpg


تكلف العلمية دى 76 جنية طباعة ورق 130 ×55 + 6 جنية منظف زجاج:D +(8 ساعات شغل متواصل على الفتوشوب لعمل الصورة :ah17:)

المشروع ده حصل يوم 15/6/2009 لظروف خاصة عن اردتنا كلنا الصور كانت غير متوفرة ;).. بس الحمد لله جت بعد طول انتظار:cool:

https://img194.imageshack.us/img194/4021/final3c.jpg

https://img36.imageshack.us/img36/9529/final2d.jpg


https://img38.imageshack.us/img38/4327/final1g.jpg

والصور دى النهارده بعد مرور تقريبا 3 شهور .. لا يوجد اى تغير على الورق بفعل الحرارة وكمان الورق ضدد الماية




وبشكر جدا فادى Coolman4now و محمد The.Hulk قاموا ب 90% من العملية
Ҝ ђ Λ Ł Є δ
03-10-2009, 05:06
شغل رائع جدا جدا وتستاهل تقييم عليه :ah7:
M Z
03-10-2009, 07:36
شغل روعه يابو حميد .. تسلم ايدك انت وفادي وهالك
واصعب حاجه فعلا لحظة اللزق دي
موضوع الفقاقيع ده بيفقعني انا شخصيا :D


بس انا ملاحظ حاجه صحيح
في الصور الاخيره اللي هي بعد 3 شهور غيرت الكولر من جيجابايت لـ Vendetta
لكن لسه محتفظ بالكنترولر بتاع الكولر القديم
هل قدرت تشغله عليه ولا محتفظ كده بالكنترولر كديكور بس علشان الشكل ؟
HuLkY
03-10-2009, 07:56
أخيرا!!!!!!!!!!!! الحمد لله المشروع شاف النور!

فى الحقيقة كان يوم فوق الممتاز :) , كنت لسه مخلص قرف بأه وكانت تجربة حلوة جدا وفادى ايديه تتلف فى حرير الحقيقة

فين صور ال SLI يا محمد؟!:mad:
صوت الإبداع
03-10-2009, 08:11
ما شاء الله شغل نظيف و النتيجه مذهلة :ah39:
الله يباركلك فيها :ah7:
BlacK ShaDoW
03-10-2009, 08:31
ياااااااااا أخيرا أفرجتوا عن الصور !
ما شاء الله شغل ممتاز جدا :ah7:
mohamednon
03-10-2009, 08:37
شغل روعه يابو حميد .. تسلم ايدك انت وفادي وهالك
واصعب حاجه فعلا لحظة اللزق دي
موضوع الفقاقيع ده بيفقعني انا شخصيا :D


بس انا ملاحظ حاجه صحيح
في الصور الاخيره اللي هي بعد 3 شهور غيرت الكولر من جيجابايت لـ Vendetta
لكن لسه محتفظ بالكنترولر بتاع الكولر القديم
هل قدرت تشغله عليه ولا محتفظ كده بالكنترولر كديكور بس علشان الشكل ؟


ومتشكرين ياجماعة :D

اه فعلا حاطط الكنتروال الجيجا بايت انا مكسل اشيلوا:D
وفى طريقة اكرب فيها الكنروال على المرحة الجديد الفندتا بس حبوظ المروحة الجيجا بايت فقلت اسيبوا احسن .

@ عم هالكى وثوانى وارفع الصور البوانس :)
mohamednon
03-10-2009, 08:49
دى صور Bonus لليلحق .:D

فادى كان فى نفس اليوم جايلى بالكرت بتاعوا XFX 8800GTS 512

وقلنا نشوف الموضوع وكنا عوزين نعمل نشوبة احتبارت بس الوقت ماسمحش

وجربنا فقط Far Cry 2 :( وكان الاداء حلوا جدا على 1920×1200 4 AA×

بس ماتخدناش صور للاسف من اللعبة :o

بس دى صور الكرتين على مواصفات الجهاز اليى فوق


https://img196.imageshack.us/img196/9846/15062009477.jpg


https://img22.imageshack.us/img22/5922/15062009476.jpg


https://img196.imageshack.us/img196/4951/15062009475.jpg




معلش على الطراب علشان الواحد كان لسة مخلص دراسة وماكنش فاضى ينظف الجهاز :)
abdallah937
03-10-2009, 08:55
ماشاء الله تعديل ممتاز اخي محمد

تم التقييم
Black-Edition
03-10-2009, 09:03
ماشاء الله
الكيسة شكلها جميل جداااااا
:ah39:
شكرا لك
HuLkY
03-10-2009, 09:19
SLI

كنت بفكر اجيب كارتى كمان عشان الفيزيكس بس المشكلة يومها كان زحمة جدا :(

تتعوض :)

فاهمنى انت يا محمد :D
miro the king
03-10-2009, 10:53
اة الحرفنة دى شكلة جامد بس كنت غير الاستيكر عشان مش عجبنى
ahmedelsabbagh
03-10-2009, 13:45
شغل رائع وفكرة جميلة .. تسلم ايدك .
hamada999
03-10-2009, 16:37
بجد شغل جميل جدا
احلى تقييم
alayoubi
03-10-2009, 21:02
شكرا عالموضوع الجميل ...

بس هو منظف الزجاج ضروري لعملية اللصق ؟ والاستكر حيلزق ازاي وتحتيه سائل المنظف ؟
mustafa811
04-10-2009, 00:15
ايوى كده يا وديييييييع :D .... ابتديت تفهمني :p
خمس نجوم و احلى تقييم لما ينفع

بس عاوزين معلومات اكتر حول نوع الورق و مكان الطباعة و الجوده .... و ازاي فرغت الاماكن و خصوصا مكان القفل و الزجاج
و يا ترا قبل اللزق و لا بعد

و يا سلام بقى لو هالكي حت هالك و سبايدر حت سبايدر مان و انا ولفرين او ايه تي اي او نفيديا او انتل
Coolman4now
04-10-2009, 01:53
- أخيرا أترفعت الصور :)

- دى بقالها قرنين من الزمان ، بس الحمدلله الشغل طلع تمام
The King2
04-10-2009, 01:56
فكره جميله جداً
عندى كيسه خربااانه ممكن أعمل هذه الطريقه عليها بعد شويه تعديلات بصفيحه منشااار
وخصوصاً إن الصق أسهل بكتير من الرش والصنفره والشغل الطويل دا
Coolman4now
04-10-2009, 02:00
شكرا عالموضوع الجميل ...

بس هو منظف الزجاج ضروري لعملية اللصق ؟ والاستكر حيلزق ازاي وتحتيه سائل المنظف ؟

- سائل الجلانس بيفيد فى تقليل الفقاقيع ولكنه لزج وبيخلى اللزق أكثر صعوبة.


ايوى كده يا وديييييييع :D .... ابتديت تفهمني :p
خمس نجوم و احلى تقييم لما ينفع

بس عاوزين معلومات اكتر حول نوع الورق و مكان الطباعة و الجوده .... و ازاي فرغت الاماكن و خصوصا مكان القفل و الزجاج
و يا ترا قبل اللزق و لا بعد

و يا سلام بقى لو هالكي حت هالك و سبايدر حت سبايدر مان و انا ولفرين او ايه تي اي او نفيديا او انتل

- الورق أسمه فنيل مط وفيه منه نوع بيلمع.

- الأقفال أتشالت والويندو كمان ، وأتفرغ مكانها بالقطر ، وبعدين اتلزقت وبعدين أتركبوا تانى.

- الطباعة أنصحك تروح جنب بتوع الكليات الفنون عشان هناك هيكون أرخص وأجود طباعه لأنك هتعوز بلوتر كبير.
mohamednon
04-10-2009, 02:46
ودى كمان صورة للباب من الخلف لتوضيح

لاحظ تقيطع الورق من على الحواف علشان ميعملش كرمشة

https://img19.imageshack.us/img19/5366/dsc00203q.jpg
-M7mD
04-10-2009, 12:10
ما شاء الله عمل رائع
مشكور أخي العزيز :)
madboy2002
06-10-2009, 06:07
تسلم ايدك يا محمد على التعديل الجميل ده
تقبل مروري وتحياتى
Planet Hemp
07-10-2009, 19:36
الله عليك تسلم ايديك انت هو يا بنى يا حبيب والديك:D
اية يا بنى الحلاوة دى وكنت مخبى الشغل الجامد دة كل الفترة اللى فاتت دى دة انت بخيل قوى وانا مش عارف:)
لك تقييم اكيد على الشغل الجامد دة انت وحبايبى هالكى وفادى
S@M
08-10-2009, 12:01
كيسة رائعة يا عزيزى ..........وتستحق عليها التقيم ..........:ah7::ah7:
spidermohmd1
21-12-2009, 17:51
شغل أكثر من رائع !!


فاهمنى انت يا محمد :D

سلملي علي ال 3 Way ..... في مارس أن شاء الله :D:D:D:D
mohamed790gx
23-12-2009, 14:43
شغل جااااااااااااااااااااااااااااااااااااااااااااااااا اااااااااااااااااااااامد جدا

تسلم ايديكوا يا معلمين (hulky ,فادي , محمد)

سؤال لأستاذ محمد انت جبت الكيسه ديه من برا مصر

وأيه رأيك في أداء المشتت الجيجا بايت
fakee25
20-10-2010, 03:48
يارتنى كنت معاكم يا رجالة