أفة الفصــــــــال , لنقتلها سويا , هنا! [الأرشيف]

مشاهدة النسخة كاملة : أفة الفصــــــــال , لنقتلها سويا , هنا!

HuLkY

06-10-2009, 13:10

بسم الله الرحمن الرحيم

موضوع اليوم حيوى جدا ,قوى جدا , مهم جدا

أفة الفصال او الكلام فى السعر نفسه مع البائع

يمكن اكتر سلعة بنعانى منها فى الموضوع ده هى ال PC كقطع وخلافه

طبعا كلنا عارفين القصة المعروفة

تخش للبائع

بكام دى؟ ب 18000 جنيه!

من هنا لهنا طيب؟ طب عشان خاطر خوفو وخفرع؟ ب 15000 الف

وكلام واقسام وحوارات وكذب طبعا من كلا الطرفين , تلاقى الموضوع خلص بسعر اقل صفرين او 3 بعد معارك كلامية طاحنة , حسنا؟ ليه بيتم كده؟

نشوف البائع , عادة الموضوع بيرجع لخلفيته الثقافية , تعليمه , مستواه الفكرى , لو قرأ شوية فى التسويق
عايز يحقق اعلى ربح ممكن! معاه انا فى دى
بس مقابل ايه؟
..............................ز
المشترى , نازل ونفسه فى اقل حاجة سعر بأحسن امكانيات , ماشى , حق مشروع؟ لكن مش فى ظلم للبائع انك كل شوية عمال تفاصل و و و و و؟

انا نفسى الموضوع لو امكن يتم تثبيته لأنه فى كذا هدف:-

1-حل المشكلة المقرفة دى فعلا! لأنه حلها حيعنى استقرار فى السوق كويس جدا + اسعار منافسة + راحة للكل

2-معانا هنا توكيلات كبيرة جدا فى مصر لماركات مرعبة, حنفهم منهم اكيد اسباب وعلاج المشكلة دى

3-فى شركات بتخش لها مش بتفاصل, حد بيفاصل فى Virgin or Radio Shack? إشمعنا؟!

4-نفسنا فى جيل جديد من البائعين المحترمين اللى عارفين بجد ازاى تسويق وخلافه , هو فى بادرة امل الحمد لله بس عايزين اكتر من واحد

5- نفسنا فى عروض زى اللى برة :( , بجد انا جه لى احباط! حرام نشوف برة عروض وتسويق وبروباجندا , حتى لو كان السوق هنا محدود , من حقنا نتعامل بأدمية بس نعامل الغير برضه بأدمية
حد مننا لو بيشترى من Newegg حيفاصل؟:ah19:

مستنى مشاركات الكل بس فى كام ملاحظة:-

1-انا عارف المنتدى فى متابعين كتير له , :) , يا ريت تكون كل مشاركة محترمة , هادفة , لها اضافة لأنه موضوع صعب زى ده لو انا شخصيا لقيت فيه مشاركة قبيحة او سب او تشهير او خلافه , بجانب قواعد المنتدى , حعمل مشاركة سيئة للمشرفين وشخصيا حوصى على عقوبة :ah24:, لأنه الموضوع هنا حساس جدا فلازم تراجع كلامك 100 مرة قبل ما تحطه...

2- نحاول كلنا نحلل السوق بشكل موضوعى , خلينا حياديين
يعنى لو مشترى بيشتكى من بائع , خليك حيادى , حط نفسك مكانه :) , نفس الكلام للبائع

أرجو الموضوع يعجب الكل وفى انتظار الجميع :)

Orphan Naremo

06-10-2009, 13:25

انا سعيد جداً جداً انى اول واحد رد على الموضوع ده ( اول مره فى حياتى ارد الاول فى منتدى :D:D:D)
بص يا سيدى العزيز الحكايه كلها ان البائعين هنا فى بلدنا بيفتكرو ان اللى رايح يشترى القطع دى بيكون حاجه من الاتنين
1 : مش عارف ايه الاسعار فى السوق وبيعيش عليه فيلم السعر العادى وسعره هو بعد التخفيض
2 : شخص غنى ودا مش هاتفرق معاه حبه الزياده اللى هارفعها عليه وابقى اكرمه فى الاخر

moshaks2010

06-10-2009, 14:08

يا هالكى فى بايعين اصلا بيبقو عارضين سعر علشان الزبون هيفاصل ولو مفصلش يبقى فعلا هيضحك عليه!!!

wild cat

06-10-2009, 14:32

شكرا ياهالكي على الموضوع

الشخص اللي بيجي ينزل المول لشراء بعض القطع مثلا فيه منهم مش بياخد جوله للسؤال عن اسعار القطع المراد شراؤها واول ميدخل المحل اللي يقابله ولقى الحاجه اللي هو عاوزها ويسمع السعر في بعضهم بيجي في باله الفصال على طول

وطبعا والافضل ياحد جوله في معظم المحلات لمعرفة الاسعار ويشوف اقل سعر مثلا زيشتري من عنده بدون وجع دماغ وفصل والكلام ده

وبردو معلش المحلات هي اللي بتعمل كده ماهو اما الواحد يلاقي نفس المنتج في كذا محل وكل محل فيه فرق سعر بينه وبين التاني هو كده هيخلي الزبون يفاصل معاه لاقل سعر اما لو كلهم ثابتين على سعر واحد هيبقى افضل ويرتاحو من الفصال

معلش المشاركه مش منظمه بس عشان كتبت على استعجال

وبالتوفيق للجميع

Coolman4now

06-10-2009, 15:31

- أنا أكره الفصال ، أذا كان الباع ملتزم بتمن الحاجة الفعلى مش مزود عليها نص تمنها زى القاهرة كمبرور كدة :rolleyes: ، ولكن أذا حسيت أن البياع فعلا تمنه معقول عمرى ما هفاصل ، طيب هفاصل ليه ودة أحسن سعر فعلا ؟؟؟!!!!

- البياعين بيحطوا رينج للفصال من كذا لكذا ، لو الزبون مش عارف السعر بره هيدفعهم ويتضحك عليه ، عشان كدة انصح كل شاب وفتاة لاتنحرف وأبعد عن ال ..... :D ، أأأأ سورى أقصد أنصح كل واحد يلف شوية يعرف الأسعار قبل مايشترى مش يروح يشترى من أول أو تانى واحد يدخله.

S@M

06-10-2009, 15:51

موضوع مميز جدا يا هالكى ................بحيك علية..وانا قيمت الموضوع :)

بس المشكلة ...اراها تتمثل ..فى اصحاب الشركات نفسهم ..؟؟ لية

لآنهم بحاولو على قدر الآمكان يجيبو بياعين ..مش فاهمة قوى ...او معندهاش خبرة ..عشان مرتباتهم ماتكونش عالية...فطبعا الموضوع دة بينعكس على المشترى نفسة....

لآنة بيدخل المحل يفاجأ ان اللى واقف يبيعلة معندوش خبرة واحيايا مش فاهم حاجة ...

يضطر البياع الى اللجوء لآسلوب الحوارات اياها ...والكلاام اللى احنا عارفينة كويس...:)

الخطأ الآكبر بيبقا من الهيد اوفيس يا عزيزى .....

انما تعالى ادخل المحلاات الكبيرة اللى انت قولت عليها ...هتلااقى الناس اللى بتبيع ...او على الآقل اللى بيشرحلك المنتج ...فاهم كل حاجة فية....لية ...لآن الشخص دة اختير بعناية من قبل ادارة المكان لآنة فعلا فاهم فى شغلة ...وبالتالى هتلااقى مرتبة ماشأاللة.....:D

هية دى المنظومة يا عزيزى .....................:)

شلاع العتر

06-10-2009, 15:52

المفاصلة هي ثقافة دارجة وطريقة التجارة في أغلب المحال العادية والمتوسطة ...

والحقيقة أن عدم المفاصلة يصلح حينما تكون السلع معروضة ومسعّرة ... ومعروفة الثمن ...

ولكن في كثير من المحال تدخل عليه فيحاول ان يتذاكى ويخمن وزن الزبون ويعطيه السعر المناسب لهيئته ... المهم مهما كان هذا السعر سواء عادلا أو غير عادل إن قبل به الزبون مباشرة فالتاجر يقوم برفع وزن الزبون للمرة الثانية من أول ما يراه "لا يفاصل" ويعطيه سعر "في المليان" ... هذا إن لم يقم ب"قعره" (كلمة تستعمل عندنا للتدليل على النصب الكبير)

شخصيا افاصل في المحال التي تعتمد سياسة المُفاصلة ولا أفاصل في المحال التي تعتمد الاسعار الثابتة والاخيرة قسمان :
قسم لا يصلح للشراء منه بسبب الاسعار الغبية وتعنت الموظفين .
وقسم تدخل تبحث عن السلعة تحملها بدون النظر الى سعرها لأنك تعلم انه سيكون من أفضل الاسعار ...

Marine

06-10-2009, 16:03

شوف يا هالكي انا من رأيي الفصال حاجة مش كويسة :mad: للبائع والمستهلك لماذا لان

الاتنين بيتعبوا من المناهدة وكل واحد مصر علي اللي في دماغه دة عايز يبيع من يغير ما يخسر

لانه لما يقلل وهو حاطط سعر كويس دي انا لو بياع بعتبرها خسارة لان مثلا الرامة ال2 جيجا تعتقد مكسبه

فيها كام (لن يتعدي 10 او 15 جنيه تقريبا) اقوم افاصل في مكسبه اللي هو 15 جنيه :rolleyes::confused:

نقطة 2 البائع الجشع بيحط السعر عالي شوية لكذا سبب

أ . يكسب زيادة لو المشتري ميعرفش حاجة :mad:

ب. لو المشتري فاصل ميبقاش اسمه خسران حاجة

نقطة 3

من الاخر رأيي لو هشتري الف كل المحلات واعرف اقل سعر فيهم بدل ما اروح لاول محل علطول واعد افاصل

ولو اقل سعر طلع اعلي من ميزانيتي استني وازود الفلوس وممكن سعر البضاعة يقل واجيب قطع افضل ;)

تحياتي وبجد موضوع رائع جدا لنشر التوعية

Brigadier

06-10-2009, 16:14

Cobra007

06-10-2009, 19:08

فعلا الفصال بقي حاجة صعبة جدا عندنا, انا من اسكندرية و نزلت من كام يوم اشتري قطع لجهاز جديد و بصراحة خلوني ازهق من الشراء و بفكر اشتري من الانترنت و اريح دماغي من الصداع ده. انا مبحبش افاصل بس كمان مبحبش يضحك عليا و البياع للاسف بيحط سعر عشان انت تفاصل فيوصل للسعر الاصلي للسلعة. طبعا مش كلهم كده بس اغلبهم و ده بيخلي مفيش ثقة بين البائع و المشتري. انا نفسي يكون في محلات زي Radioshack بتشتري منهم الحاجة و انت عارف ان مفيش حد حيجي ياخدها بسعر تاني.

tiito2005

06-10-2009, 19:44

لن تستطيع ان تحكم سوق عجيب غريب وبالاساس يندرج تحن بلد تسمى مصر :)
لسبب بسيط
كل واحد هنا بيبيع على مزاجه وكل بائع هوه وشطارته يعنى العملية ماشية مين اللى هيغلب التانى لان الثقة شبه منعدمة بين الطرفين
الفصال مطلوب الى ان تاتى عاصفه تطيح بنظام سوقنا المتخلف نوعا ما
طبعا استثنى قليل القليل من التجار والمحلات اللى بيتعاملوا بما يرضى الله
والله الموفق

DXD

06-10-2009, 21:48

بكل بساطه....امشي اكثر بتعرف اكثر ..والذي عنده لسان لايضيع(بين رجلين التجار)
انا اعرف تاجر<<<بالحرف>>>
قال لي: انا مسعر ماوس ب ٢٥٠ ليره في واحد بدو يفاصله بنزلها لل ٢٠٠(السعر للربح) فسآلته اذا لم يفاصلك قالي حلال علي!!

طبعا في شغلات بتستاهل الفصال<<<وفي ناس بتحلف آيمان و بالله انه لم يربح الا ٥٠ ليره(٧جنيه) .....وبالآخير بيطلع تاجر محتال ابن....
طبعا الناس آجناس وابن الحلال موجود اين ماكنت.

alayoubi

06-10-2009, 23:02

الحقيقة موضوع الفصال دا ليه حسناته وليه سيآته ازاي يعني ,, لمى تخش على شركة محترمة وفيها ماركات معروفة زي الي ذكرتها بموضوعك مش هتقدر تفاصل لأن الأسعار فيها غير قابلة للمناقشة Fix Price ودا عادة بتلاقيه عند الوكلاء والموزعين وبيكونو محددين الأسعار بسبب مصاريف الشركة التي لا تنتهي .

لكن لمى تدخل على دكانه صغيرة أو فترينه زي ما بيقول عليها البعض هنا وعنده نفس المنتج فالبائع هنا بيكون واضع نسبة ربح معينة ولكنها غير ثابتة وهذا يفتح المجال للفصال وبالتالي الحصول على سعر أرخص .

طبعا موضوع الفصال دا محتاج تكون فيه هادي شوية وما تقولش للتاجر ان نفس المنتج موجود عند جارك أو المحل الفلاني بسعر أرخص الا في نهاية الفصال بعد ما تكون جبت أخره وساعتها لا يقولك خذها بنفس السعر أو روح اشتريها من عنده طبعا انت هتقوله سعر أرخص من أرخص سعر لقيته علشان تكون كسبان من الناحيتين لكن مدة الفصال ما تطولش كثير يعني ما تحرج نفسك أو تحرج البائع و بدون نتيجة فلازم تتكلم بثقة وانت بتفاصل .

سلام

HuLkY

06-10-2009, 23:11

انا لاحظت المشاهدات للموضوع أكتر من المشاركات , خاصة فى موضوع زى ده المفروض كله يشارك , أوكى :)

انا لاحظت كله بيتكلم فى نقطة واحد حرد عليها تفصيلا فى الأخر :)

نمسك بس شوية نقاط مهمة.....

انما تعالى ادخل المحلاات الكبيرة اللى انت قولت عليها ...هتلااقى الناس اللى بتبيع ...او على الآقل اللى بيشرحلك المنتج ...فاهم كل حاجة فية....لية ...لآن الشخص دة اختير بعناية من قبل ادارة المكان لآنة فعلا فاهم فى شغلة ...وبالتالى هتلااقى مرتبة ماشأاللة.....:D

مش صح صام :)

فى شركات كبيرة تسعيرها والكلام فيها والمعونة والشرح , فستك :)

فى شركات انا بعرفها بتفاجئ انه مثلا بائع فاهم والله شوية! وبيعرف ينتقى!

وفى توكيلات كبيرة! اسما ;) ومنتج , بس كباقى المنظومة , بتلاقى خلل فظيع فى حتت تانية برضه قاتلة منها السعر وخلافه

يعنى يا اما سوق فيه فصال بأسعار انت وحظك يا اما اخش لحد يقول لى الكارت ده بكا باكو مقابل حديك حقك" اللى هو المفروض أساسا متوفر!!!" وادفع انا التمن, لحاجة من حقى.................:ah32:

بدون نتيجة فلازم تتكلم بثقة وانت بتفاصل .

ميت قال أخى؟ انا كذا مرة كنت حرفيا حضرب بائع لقلة زوقه فى الرد وبحق الله غلطتى انى تدنيت فى المستوى المنجط هذا للأسف , ليش تروح تشترى من Virgin وما تفاصل وليش تشترى من فترينة أصغر من راديو شاك مثلا وبالتالى مكسبها اقل ونفاصله فى مكسبه؟
لنشترى جميعا من راديو شاك وخلاص!:D , لازم فى حل لموضوع الفصال لأنه سيئاته أكتر من حسناته على المدى

ماشى شباب, حاخدكم فى جولة بعيدة عن موضوعنا شكلا لكن مهمة مضمونا

فى حاجة اسمها ال Soft Skilles

ماشى؟ "لو حد مش لاقى معنى لكلامى فى Google :ah4: , لو صعبة انا فى الخدمة :)"

مهارات معاملةالغير مهمة جدا منن تعابير وجه لكل حاجة , كل هفوة لها حساب , ده نظام الناس المحترفة خاصة ال Sales مهم جدا يتمتع بالكلام ده لأنه واجهة الشركة مهما كانت!

ممكن تكون شركة بسيطة يكون لها سايلز محترم يرفع منها جدا والعكس!

فى مهارة اسمها ال Negotiation او التفاوض , تمام؟

دى مش فى السياسية بس , لآ فى الحوار كمان , بس له حدود وحاجات متعارف عليها

أولا لكل سلعة المفروض فى سعر معين متقلش عنه

لنقول مثلا هارد فلان ب 200 جنيه, ده ال Deal Line بدون أى مكسب , ماشى؟ لنفترض

علبة الهارد من برة عليها تيكيت المستورد او الضامن او التوكيل , ماشى؟

لنقول انه مستورد واحد لسلعة ما

المورد يدى لكل موزع السلعة بسعر موحد للكل

وشطار البائع فى البيع وتحقيق مكسبه بشكل مشروع,.........

س : مين يحدد السعر؟!

جـ : المفروض نظريا فى جمعية حماية مستهلك , بس دى للحماية , ليه مفيش جمعية غير ربحية هدفها التسعير؟ ليه لأ؟!

جمعية تشوف المنتجات وتكون ملمة باوراق السوق والاستيراد وخلافه وتنزل نشرة منتظمة كل اسبوعين لأنه الأسعار بتتغير بسرعة بال Dead Line لكل سلعة , والتاجر هو وشطارته

المشترى لازم يكون واعى كتير , للسعر فىاماكن عدة وخلافه

بس برضه لما انا مشترى ألف على موول كامل واشوف الأسعار , مش ثابتة , فى فروقات كبيرة حتى الفصال مش مبرر لها , ليه طيب؟

لأنه انت تحت رحمة بائع , كتير مننا شاف منتج ما كان مهم جدا يقتنيه , بس مش عند اى احد غير بائع واحد , "قضية الاحتكار :)" , هنا انت تحت رحمة البائع , يا إما يكون محترم وتعرف تتصرف معاه , فى مثال فى السوق المصرى للكلام ده جلى جدا :) , يا أما العكس ويفرم المشترى عشان مفيش غيره, وبرضه فى مثال للكلام ده

معلش سوق الكومبيوتر سوق كبير جدا ويستحق كل اهتمام

بس محدش فكر فى فكرة مبدأية حتى , ازاى نموت الموضوع ده؟

:)

موقف مزعج بس , انا كنت مثلا أخش شركة ما , أسأل على بضاعة ما , بسعر 1000 جنيه , يخش واحد جمبى يقول للبائع انا من طرف فلان وهكذا , ألاقى البضاعة أضحت ب 500 مثلا!

أحس انى مليش أى كرامة بحق الله! مكسب الضعف؟! أين الرقابة؟!!!!!!!!!!!

السوق لو مت فيه الفصال لأصبحنا أفضل اكيد........

حتى فى الخارج , فى اختلاف أسعار ولكن بعروض و كومبوز , Combos , انما هنا :ah34:

فى انتظار أفكاركم شباب

firasmod

07-10-2009, 00:05

والله حطيت ايدك على الوجع بموضوعك بس المشكلة من الطرفين من البائع و الزبون فكل منهما يستغبي الاخر ويظن بان كلامه صح
فلبائع يظن باننا نعيش معزولين عن العالم الخارجي ومش دريانين بل الاسعار العالمية ومدى الفارق الخيالي احيانا لبعض القطع ....
لكن اكثر ما يغيظني عروض الكومبيوتر بل الوسيلة اسعار ومواصفات :ah34: بش المشكلة في ناش بتشتري وبتقلك بلا ما وجع راسي باخدو جاهز احسن ..........

The STIG

08-10-2009, 22:58

المشكله مش فى التسعير المشكله فى النظام اللى بيتحط بيه السعر و تحديد السعر على حسب مظهر الزبون !

يعنى مثلاً دخلت محل وسألت على حاجه كام يا عم؟ 1000 جنيه
تروح مره تانيه بس اللى يكون واقف واحد غير المره الاولانيه كام يا عم؟1200 جنيه !
يا عم الحاج ده انا لسه سائل من شويه قالى 1000 بس !
مين اللى قالك كده ده ميعرفش حاجه وبتاع ويقعد يقولك اصل مشعارف ايه و مكسب صاحب المحل حيدفعنى الفرق من جيبى ويحكيلك قصه حياته وانت واقف

طيب الزياده دى رايحه فيييين؟
يعنى لما الحاجه تكون ب800 مثلاً وده يبعها ب 1000 يتهيألى 200 جنيه مكسب كويس ولا ايه؟
لما يزود هو 200 كمان وطبعا بيضربهم فى جيبه وصاحب المحل ولا حاسس بأى حاجه ده لأنه مشغل خضرى موقفه فى المحل !

وبعدين فى سياسه من التجار انه بيسعر الحاجه على مظهر الزبون اللى داخل يعنى لو واحد شيك كده ولابس بدله تلاقيه يضرب 3 اضعاف السعر !

الموضوع عشان يتحل لازم من الناحيتين:
المستهلك يراعى التاجر الامين (اللى هم بقوا قله دلوقتى) لما يلاقيه حاطط سعر كويس ميفاصلش وبالتالى التاجر حيقدر يحط اسعار مناسبه على طول (بتكلم برضه على القله)

التاجر كمان يراعى مكسبه ميضربش اى مكسب والسلام لازم فى نسبه معينه للمكسب و يبطل يوقف بياعين الخضار فى المحل يعنى يحاول يوقف ناس بتفهم شويه عشان حتى سمعته !

يعنى مثلاً محدش بيفاصل فى السوبر ماركت لييييه؟
الحاجه سعرها محدد يعنى كله بياخدها بنفس السعر متفرقش بقى لابس بدله ولا راكب عربيه مشعارف ايه ولا راكب توكتوك حتى !

و طبعاً فوق كل ده قله الذوق من البياعين اللى بيقفوا كذا مره اتخانقت بسبب الحكايه دى تلاقيه بيكلمك اكنك حتاخد منه الحاجه ببلاش !

:)