المساعد الشخصي الرقمي

مشاهدة النسخة كاملة : مراجعتى للكيسة Coolermaster Elite 335


الصفحات : [1] 2
Coolman4now
08-10-2009, 02:40
- شباب ورجال عرب هاردوير ، أزيكم ؟؟؟

- معكم محدثكم فادى من وراء أأأ أقصد من امام :D الكيسة الكولر ماستر الأليت ال 335 ذات الأسم الطويل الممل والجسم الأسود الشيك.

-أيه الموضوع ؟؟؟؟

- كنت قررت من مدة ( مش فاكر طولها بالضبط وأعذروا ذاكرتى التعبانة جدا ) أنى اجمع جهاز أحتياطى ليا عشان التحميل ، ودة عشان أحافظ على الجهاز الكبير ( أل يعنى :D ) عشان أسيبه ليل نهار بيحمل والمشكلة مكانتش فى المحافظة على الجهاز ، المشكلة كانت فى صداع الجهاز الكبير قبل ما أعمله الموضوع دة : أضغط هنا.

- فكانت الخيارات المتاحة قدامى هى شراء أرخص جهاز بأقل سرعة بأحسن المواصفات ، وأستقر رأى على كينج السعر الرهيب والأداء الكويس وهو شركة AMD وجمعت جهاز للتحميل وهو اللى بيشتغل بالليل وتقريبا مالهوش صوت نهائيا يذكر.

- أستقريت على المواصفات الأتية :



Processor : AMD Athlon 5000 X2
MoBo : Gigabyte GA-MA74GM-S2
RAM : 2* 1GB Kingston ValueRAM @ 800MHz
HDD : WD5000AAKS
DVD-RW : ASUS 16X EIDE Drive
PSU : CoolerMaster eXtremePower 350W


- الهارد كان معايا أساسا من قبل يعنى مدفعتش فيه حاجة ونفس الكلام ينطبق على الرايتر على الرغم من أنه قديم وبستخدم واجهة IDE الأ أنه يؤدى الغرض تمام وكان مركون زى قلته فكدة أحسن ، واللى نفعنى أن لونه أسود زى الكيس فركب تمام عليها ، وطبعا بالأضافة للكلام اللى فوق دة الكيسة اللى بنتكلم عنها النهاردة.

- فلنبدأ على بركة الله

- الكيسة كويسة مش واسعة ومش ضيقة وكان عمقها أطول من أرتفاعها وبتفكرنى بالكيسات اللى بتتيجى مع أجهزة شركة ACER الأصلية.

https://www.fileden.com/files/2007/1/16/650027/ELITE335.Coolman.jpg

- دى صورة الكيسة فى علبتها وكانت متغلفة فى بلاستيك تمام لمنع الخدوش والفوم كان محاوطها من كل الجوانب فصعب أنك تقى فيها خبطات من الشحن.

https://www.fileden.com/files/2007/1/16/650027/11062009281.jpg

- الكيسة من ورا شكلها عادى جدا مفيهاش أى شئ مثير للأنتباة ، وهى بتشيل من ورا مروحة 120 ملم وفبيها مكان لسبع شقوق PCI زى أى كيسة.

https://www.fileden.com/files/2007/1/16/650027/11062009282.jpg


- الكيسة بييجى معاها باور تجاى تعبان من ماركة بمب ومراجيح وأسمه هو Thermal Master وطبعا التشابة بينها وبين CoolerMaster واضح جدا وممكن تخدع أى حد ، المهم أن تحت الماركة مكتوب Certified By CoolerMaster طبعا الكلام جة ميهمنيش ، المهم أن الباور Failed To Be Certified By Me :D وغيرته تالت يوم ، ودى قصة تانية هحكيهالكم بعدين.


- ودى المواصفات الفانية ( خطأ مقصود :rolleyes: ) وليست الفنية

https://www.fileden.com/files/2007/1/16/650027/PSU.Elite.Coolman.jpg


- دى كابلات الباور اللى خارجه منه وههى تتكون من : أربعة Molex Connector لتوصيل المكونات ، وواحد SATA Connector وواحد FDD للفلوبى ( لمن يهفهم الحنين للأيام الماضية ) ، وللأسف مفيش أتنين فلوبى عشان لو حد عايز يعمل Floppy Disk SLI Action :D ، وكمان هتلاقوا باور البوردة ال 24 بن ( المقصود بها أبرة وليس بن لادن طبعا ) ، وباور البروسيسور ال 4 بن وطبعا مفيش أى كونيكتور للفيجا.

https://www.fileden.com/files/2007/1/16/650027/PSU.Elite.Cables.Coolman.jpg


- مع عودة للكيس ذات نفسها هتلاقى الكابلات اللى جايه معاها عشان ال Front Panel هى باور وريستارت وليد لهارد والأوديو سواء كان عادى أو عالى التحديد ( ترجمة ل High Definiton عشان محدش يقولى مين عالى التحديد دة ؟؟ :D ) بالأضافة إلى الناقل التسلسلى العام أو ال USB عشان تفهمونى أفضل.


https://www.fileden.com/files/2007/1/16/650027/Cables.Coolman.jpg


- فوق برضة فى الصورة السابقة هتلاقوا الفتحات اللى فى ال Motherboard Plate مكتوب حنبها رموز غريبة ، ودى حركة جدعنى من كولر باسترد ( CoolerBastard :D ) كانت معموله عندى فى الجيجابايت ، وهى ترميز لأنواع البورد والأماكن اللى المفروض تحط فيها روافع البوردة النحاس ، وتحت أهه صورة مقربه ليهم عشان محدش يقول حارمة من حاجة :D


https://www.fileden.com/files/2007/1/16/650027/Case.Elite.Ins.Coolman.jpg

- الكيس من جوه كبيرة ومش ضيقى زى ما البعض فاكر ( سامعنى يا ... ولا بلاش أن الله حليم ستار :p ) وكابلات الباور العظيم ( سخرية واضحة ) اللى بييجى معاها بيوصل لأخر الكيس بكابلاته بدون اى مشاكل.

https://www.fileden.com/files/2007/1/16/650027/Interior.Coolman.jpg

- الصورة اللى جايه دى مقصودة جدا جدا ، وهى أثبات لوسع الكيس ، حطيت الفيجا بتاعتى فيها وقصادها هارد ومع ذلك ركبوا مع بعض بدون أى مشاكل .

https://www.fileden.com/files/2007/1/16/650027/Case.Elite.Interior1.Coolman.jpg

- دى صورة مقربه للكابلات اللى راكبه فى الفيجا والهارد.

https://www.fileden.com/files/2007/1/16/650027/HDD.VGA.Closeup.jpg

- المروحة ال 120 ملم دى اللى جايه مع الكيسة وبتبقى راكبة جاهزة فى الكيس من ورا وهى بتسحب الهواء للخارج ، وبصراحة المروحة ملهاش اى صوت يذكر وأدائها كويس جدا.

https://www.fileden.com/files/2007/1/16/650027/Exhaust.Fan.Coolman.jpg

- وبمناسبة الحديث عن المراوح يؤسفنى ( أنت هتخطب ؟؟؟ :D ) أقول انه مفيش مروحة من قدام ، ودى حركة ندالة من فولرماستر ( FoolerMaster ) بس مش مشكلة ممكن تركب أنت أى مروحة من عندك ، وبيركب أى مقاس أنت عايزة ، زى ما أنتم شايفين.

https://www.fileden.com/files/2007/1/16/650027/11062009295.jpg

- الكيسة تعتمد على Screwless Design وهو معقول مع الهاردات وسئ جدا مع الفيجا للأسف.

https://www.fileden.com/files/2007/1/16/650027/11062009289.jpg


- مع الفيجا ال Retention Clip-On ضعيف جدا إلى أبعد حد وخصوصا لو الفيجا Dual Slot Cooling يبقى عمرها ماهتستقر ، وأنصح أى حد يركبها بمسامير ويكنش الميكانيزم دة خالص. :ah1:


https://www.fileden.com/files/2007/1/16/650027/11062009283.jpg

- وطالما أتكلمنا عن العيب دة يبقى اتكلم عن العيب التانى اللى هيشلنى فى الكيسة دى :ah19: وهى أن زر Reset عبارة عن دبوس رفيع جدا ومش هتقدر تدوس عليه بأيدك نهائيا ، لازم تستخدم أى شئ رفيع.

https://www.fileden.com/files/2007/1/16/650027/11062009354.jpg

https://www.fileden.com/files/2007/1/16/650027/11062009356.jpg


- تتميز واجهة الكيسة بأنها Metal Mesh كلها ودة بيساعد على سحب الهواء وبالتالى تقليل درجات الحرارة ، حتى ال Drive Bays معموله Metal Mesh ودى حاجة تحسب لرولرماستر ( RollerMaster ) وأشجعها عليها ، وفيها من الداخل أسفنج عشان تمنع دخول التراب بسهولة للكيس.


https://www.fileden.com/files/2007/1/16/650027/11062009342.jpg

- وديه المكونات اللى جات مع الكيسة.

https://www.fileden.com/files/2007/1/16/650027/11062009303.jpg

- صورة البوردة ومكوناتها ومحتويات العلبة.

https://www.fileden.com/files/2007/1/16/650027/11062009306.jpg

- ملحوظة جانبية لا علاقة لها بالموضوع : كل مراوح AMD بييجى الأستيكر بتاعها ملزوق غلط ، مش عارف ليه ودة حصلى فى كل الأجهزة اللى ركبيتها من شركة AMD بس المرة دى مسكتش وشلته ولزقته صح. :D:D

https://www.fileden.com/files/2007/1/16/650027/11062009322.jpg

https://www.fileden.com/files/2007/1/16/650027/11062009323.jpg

- من ضمن حركات الجدعنه لبورر ماستر ( PoorerMaster ) أنها حطت محول للمروحة عشان لو مطالتش البوردة يبقى توصلها بالمولكس علطول.

https://www.fileden.com/files/2007/1/16/650027/11062009299.jpg

- ودى الصورة بعد التجميع الأولى ، ولكن عملت شوية مانجمينت بعدين ورتبتها كويس وهبقى أصورهالكم قريبا فى الأسواق على كاسيت :D

https://www.fileden.com/files/2007/1/16/650027/11062009353.jpg


- الكيسة خاماتها أنضف بكتير والحق يقال من الكيسات التجارية اللى ب 110-160 جنية ومتينة عنهم ، وشكلا لكيسة جميل جدا جدا وتصميمها هادئ وكلاسيك ودة أكتر شئ بحبه فى الكيسات ، أكتر شئ ضايقنى فى التركيب أن الكيسة فيها أطراف حادة جدا ، وخصوصا الحديدة اللى يلزم خلعها لتركيب الرايتر ، خلتنى أتجرحت جرح مش سهل ، بس الحمدلله كله تمام دلوقتى.


- أى أستفسار عن الكيس أنا حاضر ، ودى كانت مراجعة بسيطة على السريع للكيسة.
Zagros
08-10-2009, 02:56
استاذ كوول مان ابن بلدى مشكور على مجهودك ويارب دايما عونا لاخوانك
محمد الجوهري
08-10-2009, 03:20
الله اكبر
ايه ده يا أستاذ فادى
تقرير ولا أروع من كده
و تصوير ممتاز ( حضرتك متوصى بالفولر ماستر اوى :D )
عقبال لما تعمل التقرير على ال Lian Li
klela
08-10-2009, 04:12
ماشاء الله عليك مبدع

طب بنسبه كيسه GIGA Byte Setto 1000 الا سعرها 290 جنيه هل هى افضل ولا ديه وهل سعرها قريب منها لانى عندى كيسه ماركت اومجا ضيقه وتعبانى فى حراره عاوز اغيرها ومشكله ان ماركات كولر ماستر ديه مش هلاقيها فى اسكندريه
The King2
08-10-2009, 04:30
شكراً يا كول على التقرير
V for Vendetta
08-10-2009, 04:35
مجهود رائع كولرماسترمان:D
كنت اشتريت لواحد صاحبي elite 333 ال screwless مع الهاردات تعبان كمان والمروحه عايزه أجهزه تصنت عشان تسمع صوتها لكن آداءها جيد وخامة الكيسه خفيفه جدا والمدعو باور لا يستحق التعليق لكن عموما الكيسه جميله
بالنسبه ل AMD عملت كل حاجه في الدنيا غير انها تعرف تلزق الاستيكر بتاع البروسيسور صح
أنت كنت قولت هتعمل التقرير عن الكيسه دي من 3 شهور :D
HuLkY
08-10-2009, 07:34
الله ينور يا فادى

مستنين ال ;)
| raZor |
08-10-2009, 10:46
ماشاء الله عليك مبدع

طب بنسبه كيسه GIGA Byte Setto 1000 الا سعرها 290 جنيه هل هى افضل ولا ديه وهل سعرها قريب منها لانى عندى كيسه ماركت اومجا ضيقه وتعبانى فى حراره عاوز اغيرها ومشكله ان ماركات كولر ماستر ديه مش هلاقيها فى اسكندريه

موجودة في اسكندرية بس دور شوية :) لان توكيل Cooler Master (شركة الطويل) مقرهم الاسكندرية

تقرير جميل مستر فادي ... :)
Coolman4now
08-10-2009, 11:03
استاذ كوول مان ابن بلدى مشكور على مجهودك ويارب دايما عونا لاخوانك



الله اكبر
ايه ده يا أستاذ فادى
تقرير ولا أروع من كده
و تصوير ممتاز ( حضرتك متوصى بالفولر ماستر اوى :D )
عقبال لما تعمل التقرير على ال Lian Li



شكراً يا كول على التقرير

- أشكركم جدا يا شباب على أحلى كلام.


الله ينور يا فادى

مستنين ال ;)

- معلش مش فاضى خالص اليومين دول ، هحاول بأذن الله.


ماشاء الله عليك مبدع

طب بنسبه كيسه GIGA Byte Setto 1000 الا سعرها 290 جنيه هل هى افضل ولا ديه وهل سعرها قريب منها لانى عندى كيسه ماركت اومجا ضيقه وتعبانى فى حراره عاوز اغيرها ومشكله ان ماركات كولر ماستر ديه مش هلاقيها فى اسكندريه

- مستر خالد قالك مكانهم ، وهتلاقيهم فى محل رقم واحد فى كمبيو مول فى رشدى ، اللى هو أول محل على أيديك الشمال وأنت طالع السلم.



تقرير جميل مستر فادي ... :)

- شكرا مستر حد الموسى.
Brigadier
08-10-2009, 11:12
تقرير رائع لكيسه جيده.
S@M
08-10-2009, 11:52
شكرا فادى على التقرير الرائع والوافى ....

https://www.fileden.com/files/2007/1/16/650027/Interior.Coolman.jpg


يا اخى صبحان اللة حسستنى بالصورة دى انى واقف قدام عمارة 11 دور...........:D:p:D
| Fusion |
08-10-2009, 12:20
CoolerMaster
CoolerBastard
FoolerMaster
RollerMaster
PoorerMaster
:D

تقرير مميز سيد فادي ، و لك تقييم مستحق :)
mostafa_mhmoud7
08-10-2009, 12:23
مشكور على التقرير الرائع
BlacK ShaDoW
08-10-2009, 12:47
ههههههههه
دي كلها مسميات للشركة حسب الحاجة اللي مضايقاك في الكيسة :eek: :D
مراجعة ممتازة جدا يا مسيو فادي :D تم التقييم :)
ahmedelsabbagh
08-10-2009, 12:52
شكرا على التقرير الرائع ...

وياريت الافادة بشأن الباور


المهم أن الباور Failed To Be Certified By Me :D وغيرته تالت يوم ، ودى قصة تانية هحكيهالكم بعدين.
ǺђḾỂĐ260
08-10-2009, 13:03
مشكورررر اخى فادى على التقرير بس الكيسه ديه افضل ولا ال GAMA small افضل
Coolman4now
08-10-2009, 13:19
شكرا فادى على التقرير الرائع والوافى ....
يا اخى صبحان اللة حسستنى بالصورة دى انى واقف قدام عمارة 11 دور...........:D:p:D


- دى صورة من زاوية عين نملة القط :D عشان كدة طلعت كبيرة حبتين.


:D
تقرير مميز سيد فادي ، و لك تقييم مستحق :)

- أشكرك جزيلا مستر محمد.


مشكور على التقرير الرائع

- لاشكر على واجب يا مصطفى.


شكرا على التقرير الرائع ...
وياريت الافادة بشأن الباور


- الباور مكانش عاجبنى وصوته كان عالى جدا ، رجعته مرتين وكل مرة أخد باور جديد ، ومفيش فايدة كلهم صوتهم عالى جدا ، فأتفقت مع الراجل اللى أخدتها منه أنى أديهوله وأدفع خمس وسبعون من الجنيهات وأخدت التانى اللى كاتبه فى المواصفات.


مشكورررر اخى فادى على التقرير بس الكيسه ديه افضل ولا ال GAMA small افضل

- الكيس كخامات وكشكل طبعا افضل بمراحل عن الجاما ، ولكن يذكر لصالح الجاما الباور صابلاى الهيك اللى فيها كويس جدا ، فلو ميزانيتك تسمح تشترى كيسة وباور أشترى الأليت ، لو الميزانية لاتسمح أشترى الجاما.
golden_knight
08-10-2009, 15:03
تقرير ممتاز...واضاف معلومات جديدة عن الكيسة...خصوصا اني ان شاء الله نازل النهاردة اشتري نفس الموديل...شكرا علي المعلومات والصور....وحاجة غريبة فعلا زرار الrestart صغيير جدا
Marine
08-10-2009, 15:26
بجد تقرير ممتاز جدا جدا استاذ فادي بس للاسف مفيش تقييم يبقالك عندي واحد :D
TheInfernal
08-10-2009, 21:07
تقرير ممتاز و ليك مني تقييم. عمال ادور لك على حاجة أسألك فيها بس انت مقفل كل التفاصيل.
آه ايه عملت ايه في الثيرمال ماستر؟
mohmet
10-10-2009, 14:38
تقرير و لا اروع يا فادي
كيسات كولر ماستر فعلا بقت اكتر من مرضيه
hellghost0
10-10-2009, 19:30
شكرا التقرير الشامل وانا ان شاء الله ناوى اشترى الكيسة دى بس ياريت لو تقولنا ايه اخبار التبريد معاك ودرجات الحرارة بتبقى عاملة ازاى عشان ده السبب الاساسى اللى هغير عشان كيستى القديمة
0 cool
10-10-2009, 21:58
مبروك عليك الجهاز

شكرا لك
Coolman4now
11-10-2009, 00:04
تقرير ممتاز...واضاف معلومات جديدة عن الكيسة...خصوصا اني ان شاء الله نازل النهاردة اشتري نفس الموديل...شكرا علي المعلومات والصور....وحاجة غريبة فعلا زرار الrestart صغيير جدا

- دى أكتر حاجة ضايقتنى فعلا. :ah16:


بجد تقرير ممتاز جدا جدا استاذ فادي بس للاسف مفيش تقييم يبقالك عندي واحد :D

- كفاية مرورك وكلامك الجميل :)


تقرير ممتاز و ليك مني تقييم. عمال ادور لك على حاجة أسألك فيها بس انت مقفل كل التفاصيل.
آه ايه عملت ايه في الثيرمال ماستر؟

- أنفرنال بك محمد ، لو كنت قريت ردودى على الناس كنت عرفت الأجابة.



- الباور مكانش عاجبنى وصوته كان عالى جدا ، رجعته مرتين وكل مرة أخد باور جديد ، ومفيش فايدة كلهم صوتهم عالى جدا ، فأتفقت مع الراجل اللى أخدتها منه أنى أديهوله وأدفع خمس وسبعون من الجنيهات وأخدت التانى اللى كاتبه فى المواصفات.[/QUOTE]

[QUOTE=mohmet;1091444]تقرير و لا اروع يا فادي
كيسات كولر ماستر فعلا بقت اكتر من مرضيه

- مرضية ( بفتح الميم أم بضمها ؟؟؟ ) أعتقد تقصد بضمها :D


شكرا التقرير الشامل وانا ان شاء الله ناوى اشترى الكيسة دى بس ياريت لو تقولنا ايه اخبار التبريد معاك ودرجات الحرارة بتبقى عاملة ازاى عشان ده السبب الاساسى اللى هغير عشان كيستى القديمة

- الكيسة تبريدها كويس جدا ، بس بعد أضافة مروحه من الأمام.


مبروك عليك الجهاز
شكرا لك

- الله يبارك فيك.
golden_knight
11-10-2009, 13:19
علي فكرة الكيسة بتتباع بمروحة امامية مضيئة بلون ازرق...ومروحة خلفية غير مضيئة ...انا اشتريتها كدة
klela
12-10-2009, 23:57
ليا سؤال هو يفرق ايه موديل 333 عن 335 وانهو احسن فى شكل لانى ما شوفتش 333 رغم انهم نفس السعر
golden_knight
13-10-2009, 13:04
ليا سؤال هو يفرق ايه موديل 333 عن 335 وانهو احسن فى شكل لانى ما شوفتش 333 رغم انهم نفس السعر



مافيش فرق بين الاثنين...بالنسبة للشكل رأيي ان ال335 شكلها احسن...بس الفرق الوحيد بين الاثنين ان ال335 بيجي معاها كابلHD audio والتانية لأ
golden_knight
13-10-2009, 13:42
سؤال للأستاذ coolman4now عن الملحقات اللي مع الكيسة ..هو اية وظيفة القطعة البلاستيكية المربعة البيضاء...واية وظيفة الحلقة السوداء الي مع الملحقات...عشان انا عندي نفس الكيس بس مش عارف اية وظيفة الاثنيين دول....
(https://www.arabhardware.net/forum/member.php?u=92600)
Coolman4now
21-01-2010, 11:14
- المربع البلاستيك دة هتلاقى فيه لزق من تحت بتلزقها على أى مكان عايز تلم فيه الأسلاك بسلك تانى ، هبقى أصورهالك عشان تكون واضحة لما أرجع من الشغل ، وطبعا متأسف الرد متأخر جدا جدا جدا. :o
DR ! ZERO
21-01-2010, 16:38
ايه اللى فكرك بالموضوع :rolleyes: ، أنا عارف :p

أ- فادى فى رأيك الكيسة دى و لا السيتو ؟ عارف ان السؤال متكرر لكن حضرتك فى ردك موضحتش أوى اعذرنى يعنى ايه رأيك فى الاتنين من حيت التهوية و الحجم و الخامة و كده و الأفضل بينهم .