المساعد الشخصي الرقمي

مشاهدة النسخة كاملة : هما مركزين بس؟ ومين أحسن من مين ؟؟؟


Salehnasr
13-10-2009, 00:30
يا جماعة ايه هوا أحسن المراكز اللي ممكن الواحد ياخد فيه كورس A+ وNetwork+ في القاهرة ؟
الموضوع ده محيرني جداً ..... :confused:

سألت في NewHorizon اتلقيتهم بيدوا A+ 2006 والكورس جزئين كل جزء ب 850 جنيه يعني الجزئين ب 1700 جنيه.
وسألت في YAT برضوا طلعوا بيدوا 2006 والجزئين مع بعض ب 980 جنيه يعني قول 1000 جنيه.

دي الفلوس لكن في الشرح بقى مين أحسن ؟؟؟؟؟

الله أعلم
سندبادالجيل
13-10-2009, 01:49
والله انا رحت يات اللى ف الدقى بس رحت عشان ccna اسال وكده لقيتوا 1800 والامتحان 1400
وسالت الاخوة ومحدش رد بردوا
GHOSTEID0
13-10-2009, 02:07
يا جماعة ايه هوا أحسن المراكز اللي ممكن الواحد ياخد فيه كورس A+ وNetwork+ في القاهرة ؟
الموضوع ده محيرني جداً ..... :confused:

سألت في NewHorizon اتلقيتهم بيدوا A+ 2006 والكورس جزئين كل جزء ب 850 جنيه يعني الجزئين ب 1700 جنيه.
وسألت في YAT برضوا طلعوا بيدوا 2006 والجزئين مع بعض ب 980 جنيه يعني قول 1000 جنيه.

دي الفلوس لكن في الشرح بقى مين أحسن ؟؟؟؟؟

الله أعلم

عايز نصيحتى

بلاش تاخد فيهم دوره

عندك دورة network + مشروحه فى المنتدى للمهندس ياسر رمزى و انا اعتقادى انه لا يوجد فى مصر افضل من هذا الرجل لشرح الكورس

و بالنسبه ل a+ فالاستاذ احمد جوده بدا فى شرحها فى المنتدى و هو استاذ رائع جدا فى الشرح

و ممكن تذاكر هم من كتب عربيه انا عملت كده

و وفر الالافات دى فى حاجه اهم

و نصيحه منى ليك كمان بلاش تمتحنهم لانهم اصبحوا غير مهمين الان فكل الانظار تتجه لسيسكو و ميكروسوفت

اما عن رايى فى المراكز فلا اعرف لاننى ما جربتش بس قبل ما تدفع مليم احمر لازم تعرف مين اللى هيديك و تسال عنه كمان
Mohammad Saad
13-10-2009, 12:02
يا اخى .... لو انت مهتم بانك تاخد الكورس فى احد المركزين ... فانا استطيع مساعدتك ....

بالنسبة لمركز يات .... لو انت حابب تاخد الكورس هناك .... شوف الفرع اللى انت عاوزه .... واسال مين المحاضر ... وانا هاقدر اعرفلك المحاضر ده كويس ولا مش قد كده .... نظراً لعلاقاتى بهم .....

اما بالنسبة لنيو هورايزون ... روح شوف المحاضر واقعد اتكلم معاه ... وانت احكم عليه .... وده حق اصيل ليك ... ولو كانت الشركة ديه محترمة وبتراعى اللى عليها ... هاتسمحلك بكده ..........

وعلى فكرة ....... هناك من هو اروع من المركزين ..... :) :) :) .... إنه الاستاذ الكبير والنجم القدير .... احمد جودة .... :) :) :) :)

شكراً
محمد سعد
Salehnasr
13-10-2009, 19:37
والله انا رحت يات اللى ف الدقى بس رحت عشان ccna اسال وكده لقيتوا 1800 والامتحان 1400
وسالت الاخوة ومحدش رد بردوا

على حد علمي وعن تجربة مفيش مكان ممكن تاخد فيه CCNA أحسن من مركز أحمد نبيل بعمارات العبور
وتقريبا هوا بحوالي 1300 جنيه الكورس وبالنسبة للامتحانات أسعارها ثابتة عالمياً.
Salehnasr
13-10-2009, 23:43
يا اخى .... لو انت مهتم بانك تاخد الكورس فى احد المركزين ... فانا استطيع مساعدتك ....

بالنسبة لمركز يات .... لو انت حابب تاخد الكورس هناك .... شوف الفرع اللى انت عاوزه .... واسال مين المحاضر ... وانا هاقدر اعرفلك المحاضر ده كويس ولا مش قد كده .... نظراً لعلاقاتى بهم .....

اما بالنسبة لنيو هورايزون ... روح شوف المحاضر واقعد اتكلم معاه ... وانت احكم عليه .... وده حق اصيل ليك ... ولو كانت الشركة ديه محترمة وبتراعى اللى عليها ... هاتسمحلك بكده ..........

وعلى فكرة ....... هناك من هو اروع من المركزين ..... :) :) :) .... إنه الاستاذ الكبير والنجم القدير .... احمد جودة .... :) :) :) :)

شكراً
محمد سعد


شكراً يا أ/محمد وان شاء الله هسأل على اسم الانستراكتور وأقولك
Salehnasr
15-10-2009, 03:19
وبالنسبة لشرح الأستاذ أحمد جودة فهو شرح راااااااااااااااااائع جداً وليس عليه غبار ولكنه هياخد وقت طوييييييييييييييل شوية والله أعلم
mavrik
24-10-2009, 21:47
والله انا لو منك ادرسهم في المنتدي العظيم ده احسن من الف مركز بره ووالله عن تجربه انا لسه واخد قرص في مركز يات المحترم يات ده مركز اشتغلات ومعلش لو هطول عليك شويه لكن حكيلك القصه من البدايه انا واحد من الناس لسه متخرج السنه الي فاتت (نظم ومعلومات اداريه) وطبعا اول ما خلصت قلت اخد كورسات عشان اشتغل والحورات دي ورحت علي مركز يات وسالت علي كورس mcse 2003 قلولي ده اتلغي وفي دلوقتي كورس mcitp 2008 قلتلهم ماشي ودفعنا تمن الكورس 4500 جنيه وحطونا علي الواتنج لمده اربع شهور قلت ماشي مش مشكله بدانا في شهر ابريل (4) وكل حاجه كانت مشيه زي الساعه لمدة اسبوعين وبعد كده اتفرج علي المواعيد المحاضره تبدا متاخره نصف ساعه البريك بدل نصف ساعه يبقي ساعه مش مشكله طبعا مع مرور الوقت محدش كان بيعلق علي الحاجات البسيطه دي بدانا ناخد اجزات كتير وصلت حوالي شهرين لغايت دلوقتي واحنا لسه مخلصناش والسنه خلصت كل ده شيء بسيط وما خفي كان اعظم اول حاجه عملوها جابولنا محاضرين معتمدين سيرفر 2003 وليس 2008
وقعدوا يشرحولنا 2003 علي وندوز 2008 وطبعا احنا عشان لسه مبتدئين كنا عملين زي الاطرش في الزفه وبعدين المحاضر مشي جابو واحد غيره استمر معانا اسبوعين ومشي من المركز خالص جابو واحد تالت كل ده حاجه بسيطه خالص لما ناس جت تدخل الامتحانات اكتشفوا ان احنا لبسنا في الحيط في حاجات كتير متشرحتش وفي لبات متعملتش وحصل مشكله مع واحد بيمتحن من الناس الي معانا بدون زكر اسماء (ماهر)المشكله بتاعته ان النص العملي بتاع الامتحان منزلوش علي الجهاز وطبعا ماهر سقط مدير فرع مدينه نصر للامتحانات بدون زكر اسماء مستر(محمد السيد)قلو ملناش دعوه وبعد ده كله لما قدمنا احتجاج رسمي علي القرص الناقص ده كان ردهم ان في حجات عملي مينفعش تتعمل وميكروسوفت لسه بتجربها ولكن هي حطاها للدعايا للوندوس الجديد يتعها وبعيد عن الكلام ده كله لو مش عجبك اخبط دماغك في الحيط واعلي ما ف خيلك اركحبو والي عندك اعميله بس اشهد للمركز ده بالديمقراطيه والاحترام كل اسبوعين يبعتولنا استفتاء عن كل حاجه في المركز واحنا نكتب الي ربنا يقدرنا عليه وفي الاخر الواد بتاع it يروح جاي رامي كل الاستفتاءات دي في سله المهملات بتاعته وارجوا انا انا مكونش طولت عليكم وشكرا
helal_10g
24-10-2009, 22:48
يا جماعة يات فعلا أسم على الفاضى أنا أولا كنت ذهبت إلى مركز يات كمدرس صيانة و icdl أم مستر بدون ذكر الأسم( أحمد جمعة ) قال لى و دبلومة الشبكات ده سهلة جدا قلت ماشى يا عم دخلت إمتحان مع مدير فرع مدينة نصر و نجحت فيه و بعدين تست لاب و نجحت فيه بس لم أعمل حتى الأن معاهم بس أنا فعلا مش قوى فى الشبكات
xasser
25-10-2009, 11:48
والله يا شباب حيرتوني ، كنت ناوي أخذ دورة في A+ بس الأن متردد وخصوصا عشان أنا معايا شويه فلوس قلت أحسن بيهم وضعي وبلاش دلوقتي الجواز بس لقيت الدورة غالية ولما سألت نيو هوريزن طلع مجموع المصاريف 18000 ثمانية عشر ألف جنيه مصري
helal_10g
26-10-2009, 16:55
والله يا شباب حيرتوني ، كنت ناوي أخذ دورة في A+ بس الأن متردد وخصوصا عشان أنا معايا شويه فلوس قلت أحسن بيهم وضعي وبلاش دلوقتي الجواز بس لقيت الدورة غالية ولما سألت نيو هوريزن طلع مجموع المصاريف 18000 ثمانية عشر ألف جنيه مصري

صدقنى بلاش a+ , n+ الأن ليس لهم قيمة فى سوق العمل ممكن ccna أو mcitp
سندبادالجيل
26-10-2009, 18:48
حيرتونا امال ناخد فين ccna انا كنت ف الجامعه الامريكيه وسبتها لما لقيت يات بياخد على طول اما الجامعه الامريكيه بيقولوك لازم توصل للكورس 8 ف الانجليزى فمش عارف اعمل ايه قرفت