المساعد الشخصي الرقمي

مشاهدة النسخة كاملة : LAN disconnects


A-Bomb
15-10-2009, 12:08
السلام عليكم...
حصلتلي مشكلة غريبة كدة...
و أنا قاعد عادي جدا شغال علي النت, فجأة لقيت علامة ال x تحت و ان مفيش نت, كلمت واحد معايا و سألته قالي لأ في نت عادي خالص.
قلت يبقي المشكلة من عندي. ركبت RJ جديد للكابل و قلت اشوف...اشتغل. قلت يبقي المشكلة من الRJ بس بعد شوية الموضوع اتكرر تاني....كدة يبقي فيه ان.
المهم, شلت الكابل من الجهاز, و شغلت ال2 LAN اللي عندي و ركبت فيها الكابل...اشتغل, و شوية و فصل. المهم في الاخر وصلت للنتيجة دي:
النت بيفصل في اي من ال 2LAN اللي عندي, و لو شلت الكابل و ركبته تاني بيشتغل عادي...بس الاول كان بيفصل بسرعة دلوقتي بيقعد فترة علي ما يفصل...و جربت اجيب كرت LAN لقيت كل الموجود موديل سئ مش شغال كويس.
حد عنده اي اقتراح!!!:confused:
wild cat
15-10-2009, 13:07
ازيك A-bomb اخبارك ايه

المشكله دي كانت عندي في الشغل وكان دايما النتوورك يفصل كل دقيقه كل شويه علامة x تظهر

وحليتها بان ال الكابل اللي راكب في السويتش كان مهزوز من مكانه حاجه بسيطه عشان كده كان بيفصل

شوف لو انت عندك الراوتر او عندك صديقك شوف الكابل مظبوط او مش مهزوز

لو متحلتش استنى باقى الاراء

وبالتوفيق ان شاء الله
A-Bomb
15-10-2009, 14:02
wild cat باشا...الحمد لله أنا بخير
هو غالبا دا اللي حصل, الaccess point او الswitch فيهم مشكلة و عرفت دا عن طريق برنامج dumeter لأني لما جيت شلت الفشة بتاعتهم البرنامج سجلي 12جيجا بيانات دخلت الشبكة, فغالبا في حاجة غلط فيهم...
Black-Edition
15-10-2009, 15:19
انا والله حصلتلى المشكلة دي من فترة
وعملت كل الى انت عملته ده بالظبط
وفى الاخر السلك طلع فيه جزء مقطوع بحيث يشتغل شوية ويفصل بعد كده
او مضغوط عليه

لكن صلحته واهه شغال كويس الحمد لله
A-Bomb
15-10-2009, 16:31
جوليانو العزيز...
مكن برضوا يكون دا السبب, بس علشان اغير 50 متر سلك فهايبقي حوار جامد..
The STIG
16-10-2009, 00:11
كان عندى مشكله زى دى وحلها بسيط مش عارف انت نفس الوضع ولا لأ
المهم:
كان عندى نفس الحكايه وعملت كل حاجه و جربت اللاب توب وبرضه كان بيعمل نفس الحكايه فى الاخر طلع السوكيت اللى بيبقى فى الحيطه (عندى الكابلات جوه الحيطه زى الكهربا كده ) شوف لو عندك حاجه مشابهه ممكن تبقى هى السبب :)
وفى برضه وصله ممكن تعمل نفس المشكله بس مش عارف اسمها هى زى دى:
https://cache.smarthome.com/images/8625.jpg

معلش الصوره كبيره شويه :)
ahmedelsabbagh
16-10-2009, 13:55
فى الغالب ام ا من السويتش او من ال RJ ناحية السويتش
ddsf
16-10-2009, 15:53
عندى مشكلة ان السويتش او المودم موحود عند بيت جارى وساعات يفصل النت ويتطلب الامر عمل ريست للمودم او اعادة تشغيله فهل توجد طريقة لعمل ذلك من الجهاز الخاص بى بدل كل مرة اتصل على جارى واقوله اعمل اعادة تشغيل للمودم