المساعد الشخصي الرقمي

مشاهدة النسخة كاملة : دورس بالفديو صوت وصورة في CCNA security احمد عبد الله


الصفحات : [1] 2
laplace
18-10-2009, 02:06
السلام عليكم ورحمة الله
الاخوة الاعزاء هنا ستوضع حلقات م/ احمد عبد الله فى CCNA security
ارجو من الله ان تكون مفيده لكم
https://www.4shared.com/account/dir/4933250/e4bbaa4d/sharing.html?rnd=39
ozaro19
18-10-2009, 05:37
جاري تحميل الجزء الاول شكراً لك



:)
reda-ali
18-10-2009, 06:06
زاك الله خيرا
واصل علي الضرب
hossammo
18-10-2009, 07:57
جزاك الله خيراً , و أسأل الله لكم التوفيق
sincere
18-10-2009, 08:50
جزاك الله خير اخي, شرحه جميله بارك الله فيكم

شكرا
sunoftheworld
18-10-2009, 09:06
السلام عليكم

شكرا على المساهمة الجميلة دي

وادعو لك الله ان يتقبلها وان يرفعك بها درجات

انا اسف للرابط المباشر لكنه معدش شغال

وياترى فيه كام فيديو بعد رقم 6
mizou1978
18-10-2009, 11:11
بارك الله فيك
hisooka_dos
18-10-2009, 12:30
جزاك الله خيرا يا أخي الفاضل
barka
18-10-2009, 14:00
الف شكر اخي الكريم وبارك الله فيك

تحياتي
ellassy
18-10-2009, 14:00
:ah7::ah7::ah7: جزاك الله كل خير . :ah7::ah7::ah7:
redheart_010
18-10-2009, 19:44
جزاك االله خيرا
amer200
18-10-2009, 21:27
الله يعطيك العافية
شهادة مهمة وشكرا على مجهودك
والله يوفقك لتكمل الشرح
ieee99
19-10-2009, 00:35
جزاك الله خيرا
المبرمج المصرى
19-10-2009, 01:18
ايه الجمال ده........بارك الله فيك
المبرمج المصرى
19-10-2009, 02:05
والله يا أخى بسم الله ماشاء الله لاقوة الا بالله طريقتك فى الشرح جميلة جدا.......بارك الله فيك
وأرجو من الله عز وجل ثم منك أن تقوم باتمام الكورس الى النهاية لاننا فى أمس الحاجة اليه
ahmed sultan
19-10-2009, 04:12
السلام عليكم ورحمه الله وبركاته

جزاك الله خيرا على رفع الفيديو بس كان ليا نقد ان البشمهندس أحمد عبد الله بيقول حاجات غلط ودا طبعا ميقللش من قيمته
لكن الاخطاء ميسكتش عليها من حد عارف سيكيوريتى أو بمجرد ما سمع معلومات عنها

1- White hat Hackers
زى ما موجود فى ويكيبديا (https://en.wikipedia.org/wiki/White_hat) انهم الهاكرز الاخلاقيين , التيسترز المعتمدين من الشركه واللى بيحموها ضد البلاك هاكرز واللى بيقبضوا مرتباتهم على كده
انما مكنوش بلاك هاكرز وبعدين ربنا تاب عليهم زى ما بشمهندس أحمد قال !!

2- Script_kiddie
زى ما موجود بردو فى ويكيبديا (https://en.wikipedia.org/wiki/Script_kiddie) وزى ما كنت عارف قبل كده ان الاسكريبت كيدز أو اطفال الهاكرز مش بيعملوا حاجه غير انهم بيستخدموا تولز جاهزه فقط لا غير وهجومهم بيكون همجى وغير منظم بالمره ودا بسبب انهم أصلا مش فاهمين هم بيعملوا ايه غير انهم يحملوا تولز جاهزه ويجربوا ويا تصيب يا تخيب
انما البشمهندس أحمد قال انهم فى نظره أخطر نوع من الهاكرز ودا لانهم بيبرمجوا التولز بتاعتهم بنفسهم وبيها بيقدروا يخترقوا
يعنى كمااااااان بقوا Developers !!!

أنا الحقيقه مرضتش أكمل الفيديو أول ما لقيته كده , اكتشفت انى بضيع المعلومات اللى أنا عرفها مش بضيف عليها حاجه !!

ياريت كل كلامى اللى فوء دا يقابل بصدر رحب وان النقد بناء وليس هدام لان مينفعش أكون عارف الصح فين وأسيب الباقى يقع فى الغلط ,
اللهم بلغت اللهم فاشهد ,
laplace
19-10-2009, 13:45
جزاك الله خيرا يا اخ احمد انت المصيب وانا المخطئ وان شاء الله سوف اصحح ذلك الخطأ فى فيديو مقبل وليس من العيب ان اخطئ ولكن العيب ان الا اعترف به اذا وقعت فيه جزاك الله خيرا وانتظر ملاحظاتك على الفديوهات القادمة
engamir500
19-10-2009, 15:36
جزاك الله كل خير يا باشمهندس وجعله الله فى ميزان حسناتك
anti_world2007
19-10-2009, 15:47
thank u brother.....:D
Nourel2mar
19-10-2009, 23:21
السلام عليكم ورحمة الله وبركاته

في البداية أحب اشكرك يابشمهندس أحمد فعلا على المجهود المبذول لعمل الكورس بغرض إفادة الناس وأحييك على الأسلوب الجيد في عرض المعلومة وده كلام يشهد به كثير من الناس الي شافت الشرح

بس للأسف في ناس تانيه تشوف الشرح ومتبصش للفائدة الي فيه ومتتكلمش غير عن العيوب الي فيه كأنه رايح يشتري حاجه بيدفع فيها فلوس ومش مقدر إن ده عمل خيري للفائده العامة والمفروض إننا نساعد في تحسينه مش نيجي ننتقده بأسلوب غير لائق أبدُا , والله أعلم الغرض من وراء الأسلوب ده.





السلام عليكم ورحمه الله وبركاته

جزاك الله خيرا على رفع الفيديو بس كان ليا نقد ان البشمهندس أحمد عبد الله بيقول حاجات غلط ودا طبعا ميقللش من قيمته
لكن الاخطاء ميسكتش عليها من حد عارف سيكيوريتى أو بمجرد ما سمع معلومات عنها

1- White hat Hackers
زى ما موجود فى ويكيبديا (https://en.wikipedia.org/wiki/White_hat) انهم الهاكرز الاخلاقيين , التيسترز المعتمدين من الشركه واللى بيحموها ضد البلاك هاكرز واللى بيقبضوا مرتباتهم على كده
انما مكنوش بلاك هاكرز وبعدين ربنا تاب عليهم زى ما بشمهندس أحمد قال !!

2- Script_kiddie
زى ما موجود بردو فى ويكيبديا (https://en.wikipedia.org/wiki/Script_kiddie) وزى ما كنت عارف قبل كده ان الاسكريبت كيدز أو اطفال الهاكرز مش بيعملوا حاجه غير انهم بيستخدموا تولز جاهزه فقط لا غير وهجومهم بيكون همجى وغير منظم بالمره ودا بسبب انهم أصلا مش فاهمين هم بيعملوا ايه غير انهم يحملوا تولز جاهزه ويجربوا ويا تصيب يا تخيب
انما البشمهندس أحمد قال انهم فى نظره أخطر نوع من الهاكرز ودا لانهم بيبرمجوا التولز بتاعتهم بنفسهم وبيها بيقدروا يخترقوا
يعنى كمااااااان بقوا Developers !!!

أنا الحقيقه مرضتش أكمل الفيديو أول ما لقيته كده , اكتشفت انى بضيع المعلومات اللى أنا عرفها مش بضيف عليها حاجه !!

ياريت كل كلامى اللى فوء دا يقابل بصدر رحب وان النقد بناء وليس هدام لان مينفعش أكون عارف الصح فين وأسيب الباقى يقع فى الغلط ,
اللهم بلغت اللهم فاشهد ,





في البداية يا أخ أحمد أنا هستعير كلمات حضرتك زي مانت طلبت من صاحب الشرح أن يقابل بصدر رحب نقدك ولا ينزعج والراجل فعلا رد عليك بكل طيب نفس وتقبل كلامك وإعتذر

إسمح لي أنا كمان انتقد حضرتك وتقابل كلامي بصدر رحب ولا تنزعج لأني لا أعرفك

أولًَا انا هتكلم عن الأخطاء لأن من العدل إني شفت الفيديو زيك ونذكر الي فيه.
انت ذكرت وجود خطأين ومن رأيي أن أحدهم ليس خطأ وانما هو سوء توضيح فقط من صاحب الشرح
بالنسبة لل White hat Hacker فكل مايقصد توصيله لك أن White Hat hacker هو راجل أخلاقي وشغال بيحمي الناس وده هو مربط الفرس "مش حضرتك تسيب المهم وتقول طيب انت ليه قلت انه ربنا تاب عليه"
ماهو يافندم فعلا في انواع من الWhite hat hackers كان هاكر سيء ومضر واشتغل بعد كدا كخبير أمني White hat hackers وأظن هو ذكر لك قصة كيفن في الفيديو
يعني الرجل حب يفهمك إن ده اخلاقي وده مش اخلاقي بس قال إن white hat hacker كان قبل كدا black hat hacker وده فعلا حصل بس مش دايمًا وحتى لو كان محصلش هو مربط الفرس والغرض الأساسي من تعريف الفرق بينهم هو ان حضرتك تقفل الفيديو وانت عارف إن
White HAT HACKER = هاكر اخلاقي يعني خبير أمني
أما Black Hat Hacker فهو هاكر سيء.


أما بالنسبة للخطأ الثاني فهو فعلا خطأ من صاحب الشرح وكلنا معرضون للخطأ فليس منا معصوم منه وأبسط طريق توصلك للخطأ هو أن تكون درست المعلومه من شخص معين أخبرها لك بشكل خاطيء
هل ده يبيح لغيري أن يكلمني بأسلوب غير لائق ويقولي الفيديو بوظ لي الي اتعلمته ومبيضيفش جديد؟
أنا أحب ان اذكر لك أنني كثيرا مادرست معلومات في الكليه وخرجت للواقع اجدها خاطئه وعادي متكلمتش وقلت الدكتور الي شرح لي ده بوظ لي الدنيا ولا عمري هقول كدا لأنه اجتهد ولازم أوفيه حقه

العلم بحر وكلنا نجتهد لنأخذ منه ولن نأخذ سوا ماقدره الله لنا فلماذا يأي غيري ويوبخني على خطأ في معلوماتي وكلنا معرضون له؟

أنا دائمًا شفت اختلاف بين اهل العلم وكان الي يرد على التاني لا يتطاول عليه وانما يقول هذا اجتهادي وارجو أن يكون صائبًا
وحتى لو أصاب فهو لا يقول انت كلامك فارغ ولا تزيد من عندي شيئًا ... سبحان من علمك ويستطيع أن يجعلك جاهلا فلا تضيع من مجهود غيرك بكلامك


خلاصة القول
حضرتك كان الواجب والمفروض انك لما تحب تنتقد حد أو حابب توبخه كمان علشان غلط في المعلومه تكلمه بينك وبينه في رسائل خاصه واعتقد انك لديك من العلم مايكفي لتعلم ان المنتديات بها امكانيه ارسال رساله خاصه
واكيد كنت هترسل الرساله فيها تصحيح الكلام فيقوم صاحب الشرح بتعديله في الفيديو ويعيد رفعه للناس والناس تتعلم ويكون المنظر جميل
ووقتها كان هيكون ليك جزاء في هذا العمل الخيري المقصود منه تعليم الناس.

لكن سبحان الله انا لا ادري لماذا يكون اسلوبنا المصريين في التعامل مع بعض غالبا في شكل الهجوم

أنا حتى مش هذكر لك ان صاحب الفيديو اكبر منك سنًا وعليك باحترامه ولكن هذكر لك انه حتى لو اقل منك سنا واقل علما فعليك باحترام مشاعره في الموضوع وعدم التطاول عليه لانه يقوم بعمل خيري ومن سيجزيه هو الله وليس انت او غيرك

ده حتى الرسول صلى الله عليه وسلم قدوتنا جميعا مدخلش الناس في الدين غير بحسن اخلاقه واسلوبه مش بهجومه على غيره من الناس
وأكيد هو أعلم الخلق لان معلمه هو الله ومع ذلك كان يحترم كل الناس.
وكذلك العلماء والله في عصرنا بيسلكوا نفس الطريق في الخلاف بينهم.

كمان حضرتك قلت ان الفيديو بينقص من معلوماتك مش بيزيدها ولذلك انا كنت اتمنى لما ابحث في المواضيع الخاصه بيك اشوف موضوع حضرتك بتشرح فيه سكيوريتي مثلا ولكن لم أجد !!
يعني حضرتك معملتش عمل زي صاحب الشرح ده وهو تعب فيه وجاي كدا بسهوله ترد على المنتدى من غير رسالة خاصة وتقول ان كلامك بيخرب لي معلوماتي وانا مش مكمل الفيديو .... وفي الاخر الكلام ده كله نقد بناء؟

عموما انا ممكن أعتبره بناء بس كان يكون على الخاص والبشمهندس يغير الفيديو والناس تتعلم .

في النهاية ليا طلب عند حضرتك
ياريت تنسخ كلامي وتحتفظ بيه عندك وتقراه كل مره قبل ماتنتقد حد مقدم عمل خير للناس.
one-zero
20-10-2009, 01:35
الاخ احمد سلطان كلامك سليم طبعا من الناحيه العلميه في ما يخص الخطائيين
ويجب توضيح الخطاء حتى لا يقع فيه من يتعلم ايضا :ah7:
واتفهم مقصدك


جزاك الله خيرا يا اخ احمد انت المصيب وانا المخطئ وان شاء الله سوف اصحح ذلك الخطأ فى فيديو مقبل وليس من العيب ان اخطئ ولكن العيب ان الا اعترف به اذا وقعت فيه جزاك الله خيرا وانتظر ملاحظاتك على الفديوهات القادمة

احسنت اخي و الاعتراف بالخطاء يدل على رجوله و شجاعه
كمل يا اخ احمد عبد الله ما بدأت به و لك مني و الاخريين كل الدعاء

ولو في خطاء يا جماعه مش عيب نوضحه

فاكرين يوم ما غلطت في رقم ال dlci

كلنا ممكن نغلط و المهم نصحح بعض

احسنت بردك يا احمد و تقبل تحياتي :)
laplace
20-10-2009, 02:08
شكرا يا اخ ياسر بارك الله فيك وانار دربك واحب اسمع ملاحظاتك على الفديوهات
ahmed sultan
20-10-2009, 05:19
جزاك الله خيرا يا اخ احمد انت المصيب وانا المخطئ وان شاء الله سوف اصحح ذلك الخطأ فى فيديو مقبل وليس من العيب ان اخطئ ولكن العيب ان الا اعترف به اذا وقعت فيه جزاك الله خيرا وانتظر ملاحظاتك على الفديوهات القادمة

جزاك الله خيرا يا بشمهندس بس ليه حضرتك مقولتش من الاول انك م . أحمد عبد الله عالاقل كنت أعرف ابعتلك عالخاص .


لاخ احمد سلطان كلامك سليم طبعا من الناحيه العلميه في ما يخص الخطائيين
ويجب توضيح الخطاء حتى لا يقع فيه من يتعلم ايضا
واتفهم مقصدك

شكرا أستاذى ياسر :)
عصامهاشم صادق
22-10-2009, 12:02
اشكرك يا بشمهندس احمد على الافادة
طه طه العزب
25-10-2009, 21:55
جميل جدا وجزاك الله خيرا
thabet02
27-10-2009, 09:02
شكرااااااااا و بارك الله فيك
engsamir
27-10-2009, 18:13
شكرا جزيلا يا بشمهندس احمد
بجد بجد شرح رائع اتمنى ان حضرتك تكمل الشرح
advise20024
28-10-2009, 20:07
ما شاء الله شرح اكثر من ممتاز جزاك الله كلخير يارب .
اتمنى منحضرتك انك تكمل دروس routing فى ccna من ما شاء الله شرح اكثر من راثع
sharif_soper
01-11-2009, 21:42
السلام عليكم

اخي laplace (https://www.arabhardware.net/forum/member.php?u=44644) جزاك الله خيرا علي 6 دروس الفديو
والشكر الي المهندس احمد عبدالله ونتظر منة المزيد

وجعلة الله في ميزان حسناتكم
mosabsawy
02-11-2009, 02:07
جزاك الله كل خير