خريج جديد حاصل علي CCNA كم راتبه بمصر ؟ [الأرشيف]

ozaro19

18-10-2009, 17:59

السلام عليكم

يا شباب عندي انترفيو وعايز اعرف الRange بتاع المرتب ؟
لشخص مقدم علي وظيفة Junior Network Engineer
وحاصل علي CCNA وبعض شهادات جونيبر وخريج جديد

ياريت تدوني ال Range اللي تدور حوله مرتبات مثل هذا الشخص بمصر عشان لو سألني في الانترفيو
أبقي عارف راسي من رجلي وميضحكش عليا او اضر غيري من ذوي الخبره

:)

م/ أحمد بخيت

18-10-2009, 18:53

شوف
مدام انت لسة حديث تخرج احتمال يكون مرتبك في حدود 850 الى 1200 جنيه ف الشهر
لكن لو الشركة عندها جونبير احتمال مرتبك يزيد عن كدا شوية
ربنا معاك يقويك ان شاء الله
المهم مش تخاف ولا تكون عندك رهبة

ozaro19

18-10-2009, 21:54

الله المستعان

Captain Tifa

19-10-2009, 03:11

علي ما اعتقد شاب خريج جديد كل ما يبحث عنه فقط الوظيفه للحصول علي خبره وليس المال في اول مشوار حياته وبعد الحصول علي خبره ( سنه شغل مثلا ) يشوف موضوع الراتب وهذا من وجهه نظري والله اعلم

amoon_son_asb

19-10-2009, 15:22

اخى الفاضل نصيحة وانت فى الانترفيو قلهم انا عايز خبرة متتكلمش فى مرتب انت خريج وحاصل على CCNA لازم تطلب بس خبرة ولو هتتكلم فى فلوس قلهم انا عايز بس تكاليف المواصلات او اسالهم فى بس بدل مواصلات وبس متتكلمش فى مرتبات بعد سنة هتقدر تقول وتشوف السوق والدنيا حواليك عملا اية

Leito.SR

20-10-2009, 02:22

اخى الفاضل نصيحة وانت فى الانترفيو قلهم انا عايز خبرة متتكلمش فى مرتب انت خريج وحاصل على CCNA لازم تطلب بس خبرة ولو هتتكلم فى فلوس قلهم انا عايز بس تكاليف المواصلات او اسالهم فى بس بدل مواصلات وبس متتكلمش فى مرتبات بعد سنة هتقدر تقول وتشوف السوق والدنيا حواليك عملا اية
رد ممتاز جداً. شكراً علي المشاركة القيمة
ربنا يكرمك.

donald1986

20-10-2009, 03:37

نعم انا معك فى رايك...
رد سليم 100%

mohsen_elfiky

20-10-2009, 04:33

سؤال من فضلكم يا جماعة هو فى فرص انى ألاقى شغل ب شهادات منحة cisco academy ولا لازم ال INDUSTRY مع العلم انى حديث التخرج برده هندسة حاسبات.دفعة 2009 وياريت الأخ الفاضل صاحب الموضوع يعرفنا الشركة اللى طالبة دى شركة ايه وربنا يكرمنا كلنا ان شاء الله .

ellassy

20-10-2009, 10:41

سؤال من فضلكم يا جماعة هو فى فرص انى ألاقى شغل ب شهادات منحة cisco academy ولا لازم ال INDUSTRY مع العلم انى حديث التخرج برده هندسة حاسبات.دفعة 2009 وياريت الأخ الفاضل صاحب الموضوع يعرفنا الشركة اللى طالبة دى شركة ايه وربنا يكرمنا كلنا ان شاء الله .

لازم امتحان INDUSTRY لان الاربعة شهادات بتاعت cisco academy يعتبرو كأنهم شهادات حضور فقط

محمود زغلول

22-10-2009, 23:24

هههههههههههههههههههه قول يارب تشتغل حتي لو ببلاش إنت متفائل زياده عن اللازم في ناس خريجة 2005 ولسه ماإستغلتشي وناس واخدة ccnp ومش لاقيه شغل ccna إيه ياأبو ccna

محمود زغلول

22-10-2009, 23:27

إتجدعن علشان رينا يكرمكلوس من البيت ولو هتشتغل وهتأخد فلوس من البيت أفضل من القاعده ومتتكلمشي في فلوس دي الوقتي ممكن بعد سنتين وربنا يوفقك

GHOSTEID0

23-10-2009, 13:47

لو انا مكانك و قالى هتشتغل بالمواصلات اللى هتركبها

هوافق

و لو قالى هتشتغل ببلاش هوافق

ده فى البدايه

MAGA

24-10-2009, 16:17

انا المفروض ما ارد لأني من خارج مصر

بس أقسم بالله اني متعاطف كثير من اللي قرأته والله الواحد ما يعرف النعمة اللي يعيشها إلا بعد ما يشوف غيره

850 جنيه في الشهر .. اعانكم الله

معناها انكم ملزمين على التطور بسرعة واثبات الوجود انشاء الله تتوفق وتحصل على CCIE وتفتح شركة خاصة بيك كمان

Captain Tifa

24-10-2009, 22:24

انا المفروض ما ارد لأني من خارج مصر

بس أقسم بالله اني متعاطف كثير من اللي قرأته والله الواحد ما يعرف النعمة اللي يعيشها إلا بعد ما يشوف غيره

850 جنيه في الشهر .. اعانكم الله

معناها انكم ملزمين على التطور بسرعة واثبات الوجود انشاء الله تتوفق وتحصل على CCIE وتفتح شركة خاصة بيك كمان
ههههههههههه حضرتك مستغرب من 850 جنيه هي دي الحياه في مصر وكمان في ناس مش طيلاهااا وربنا يوفق الجميع

Nightspy

25-10-2009, 05:15

مين قالكم يا جماعة على ان المرتبتات لمهندسين سيسكو ب820 جنية ؟

مصر اية وهند اية ياجماعة

ياجماعة محدش يرخص سعر المهنة الله يكرمكم

يا اخى الفاضل المرتبات بتبداء من 1500

MAGA

25-10-2009, 11:10

في قاعدة في العمل اللي يبدأ صغير يفضل طول عمره صغير

مو كلامي معناه انك تتكبر على الراتب بس برضو لازم تكون لك شخصية في المقابلة

وطبعا اللي يبدا بشركة ويكون راتبه مثلا ألف صعب يطلع بسرعة في الشركة وحيكون الموظف اللي يقبل بالقليل ليش يزودوه انا اظن انها كلها تعتمد على الشخصية والأسلوب ياما ناس أخذو مرتبات عالية مو من معرفتهم واحترافيتهم لا كان مظهرهم وشخصيتهم وطريقة حوارهم
وناس محترفين بس شخصيتهم ضعيفة هذولا أغلب أصحاب العمل يدورو عليهم موظف قنوع أكثر من اللازم

البس كويس ....... لا مو كويس خليك أنيق بلبسك ...
واتكلم بشكل احترافي وادرس المقابل وانت قدامه وخليك أذكى منه وحلل شخصيته
ولا تبيع نفسك برخيص وبرضو لا تضيع الفرص

أنا من ناحيتي أحب مقابلات العمل وأحب أشوف إيش يحب ولمن أحس إني نلت إعجابه أبدى أناقشه في المرتب .

وطبعا ما في حدود .... كلمة حدود الراتب هذي لعبتهم اللي هما حطوها انت اكبر منها !

ozaro19

25-10-2009, 13:27

مين قالكم يا جماعة على ان المرتبتات لمهندسين سيسكو ب820 جنية ؟

مصر اية وهند اية ياجماعة

ياجماعة محدش يرخص سعر المهنة الله يكرمكم

يا اخى الفاضل المرتبات بتبداء من 1500

فعلاً بعد ان ذهبت للشركه كان هناك شخص افادني بأن المرتب يبدء من 1500

وفعلاً اذا امتهنت نفسك هتكره نفسك

الشهبندر

27-10-2009, 19:42

مين قالكم يا جماعة على ان المرتبتات لمهندسين سيسكو ب820 جنية ؟

مصر اية وهند اية ياجماعة

ياجماعة محدش يرخص سعر المهنة الله يكرمكم

يا اخى الفاضل المرتبات بتبداء من 1500

أنا مع الأخ nightspy
وبنسبة 100% يا جماعه المفروض العاملين في مجال الأي تي سواء خريجين الأي تي أو الحاصلين على شهادات سيسكو ومايكروسوفت وما إلى ذلك ما يرخصوا المهنه بالشكل ده
طبعاً الخبره مطلوبه
بس إحنا مش عايشين في الدنيا بنأكل طوب وكمان المفروض يكون فيه دخل يكفي مصاريف الحياه ومصاريف تكملة الدراسات في مجال الشهادات دي وتطوير الذات وخصوصاً إن مجال تكنولوجيا المعلومات الشهادات فيه والتدريب مكلف جداً
أرجو من الجميع التفكير في هذا الكلام جيداً لازم إحنا نفرض أسلوبنا مش العكس

وفق الله الجميع
وأعاننا الله على هذه الحياه

ozaro19

27-10-2009, 20:43

أنا مع الأخ nightspy
وبنسبة 100% يا جماعه المفروض العاملين في مجال الأي تي سواء خريجين الأي تي أو الحاصلين على شهادات سيسكو ومايكروسوفت وما إلى ذلك ما يرخصوا المهنه بالشكل ده
طبعاً الخبره مطلوبه
بس إحنا مش عايشين في الدنيا بنأكل طوب وكمان المفروض يكون فيه دخل يكفي مصاريف الحياه ومصاريف تكملة الدراسات في مجال الشهادات دي وتطوير الذات وخصوصاً إن مجال تكنولوجيا المعلومات الشهادات فيه والتدريب مكلف جداً
أرجو من الجميع التفكير في هذا الكلام جيداً لازم إحنا نفرض أسلوبنا مش العكس

وفق الله الجميع
وأعاننا الله على هذه الحياه

كلام سليم (ون هاندريد برسنت)
وهذا ما أردته من موضوعي

وشكراً لكل...... من يشارك واحترم من يدلي برأيه بطريقه مهذبه وانتم اساتذتي :)

engharby

29-10-2009, 10:11

السلام عليكم ورحمة الله وبركاته
ربنا يوفقك
وافق وخد خبرة لو 6 شهور وبعدين سيبها
لو الراتب مزادش

darwish233

03-11-2009, 11:00

اخي الفاضل فعلا المرتبات في مصر في الفترة الأخيرة شهدت ارتفاع ملحوظ ...
فالرواتب تبدأمن 1500 أو 1800 و لكن نصيحيتي لك عندم تحديد مرتب لك و بلغهم بانك ستترك لهم التقدير

Foadd

04-11-2009, 21:06

لا تقبل بأقل من ألف جنيه

وصدقني الفلوس مش كل حاجه بس مش معنى كده انك تشتغل ببلاش

وجهة نظري

وفكر في صاحب الشغل ازاي بيستفيد منك

attyah

06-11-2009, 01:19

بالفعل، أنا شايف أصحاب مصر متقدمين جداً، وفي أجواء حماسية كبيرة، علشان كذه الرواتب بتكون ضعيفة نسبياً نظراً لوجود العديد من الشباب اللي معاهم سيسكو.

KOMODOR

14-11-2009, 14:48

اذا كانت الحكومة و مرتباتها في مصر معروف انها هزيلة لا تقل عن 900 للمهندس
و من غير خبرة و لا كورسات و ما بيعملوش شغل جامد أو متعب غالبا
لذا أعتقد إنك تختار حل وسط و تطلب زي الحكومة في الأول ( يعني 900 )
لاحظ إن المسألة ترجع إلي تقييمك لعوامل أخري مهمة
1- حجم أعمال الشركة
2- نوعية النشاط ( أعمال بناء شبكات - صيانة و تركيب شبكات - تدريب و دعم فني)
3- مقاول IT أو تخصص شبكات أو إن الشبكات مجرد قسم فيها.
4- مستوي مبني الشركة ( دليل إحترامهم لنفسهم و موظفينهم)
5- و حاجات تانية كتيرة

hard_revenge

14-11-2009, 22:47

السلام عليكم ورحمه الله وبركاته اخوانى الاعزاء اولا انا معرفش حكايه المرتبات اللى فى الرانج بتاع 1500 لانه ذى ما انتم عارفين كل الشركات اللى فى مصر توكيلات تجاريه يعنى بيايعن اخرهم تركيبات وتصلايحات فالاماكن المتخصصه قليله على العموم ربنا يوفقك

المهم انا لى سوال فى اول مشاركه الاخ العزيز قال انه امتحان ال ccna لازم يكون indystry هل قصدك اللى هو الامتحان المعتمد من سيسكو ولا ايه والسلام عليكم ورحمه الله وبركاته

ozaro19

15-11-2009, 00:02

(https://www.arabhardware.net/forum/member.php?u=11130561)
hard_reveng (https://www.arabhardware.net/forum/member.php?u=11130561)e (https://www.arabhardware.net/forum/member.php?u=11130561)

وعليكم السلام ورحمة الله وبركاته

امتحان ال industry = امتحان ال CCNA 640-802 المعتمد من سيسكو
وفعلاً رنج المرتبات في حدود ال1500 وانصح نفسي واخواني المتقدمين للعمل عدم النزول عن هذا الحد

مش عايزين ننزل رنج المرتبات يا شباب

أشكر كل من طرح فكره وادلي برأيه ليفيد اخوانه
ومازال النقاش مفتوح لمن يريد ان يدلي برأيه واحترم رأي من يخالفني

hard_revenge

15-11-2009, 00:22

السلام عليكم ورحمه الله وبركاته اخى العزيز اولا الف شكر على المعلومه اما بالنسبه للمرتب فانا اعرف ناس فى الشبكات مرتباتهم 3 و 4 و10 االاف كمان بس بعد كام سنه شغل على الاقل 5 سنين لكن فى الاول ياجماعه الشغل اليدوى مختلف تماما عن العملى يعنى انا خريج اتصالات وبشتغل فى مجال اللاسلكى دارس 5 سنينن اتصالات وبمسك الجهاز يدوب بفكه بالعافيه يعنى هو لازم فى الاول كدا دا غير انه اللى بيحدد المرتب هو الشغل وليس انت لو انت مرضتش غيرك هيرضى فالاحسن المثل اللى بيقول اى شىء افضل من لاشىء على الاقل فى الاول هذا مبدئى والسلام عليكم ورحمه الله وبركاته

mermaid

15-11-2009, 10:11

مع احترمى للجميع
المشكلة ان عندنا فى مصر اغلب اصحاب الشركات مش بيفهموا اصلا بتوع IT بيعملوا ايه و بالتالى مرتباتهم بتبقى ضعيفة
انا معايا MCITP & CCNA وع ذلك مش بحصل ال 1000 جنيه
مع ان مركزى كبييييييييييييير جدا فى الشركة
ماهو يا برستيج يا فلوس

yhyakotb2010

08-12-2009, 23:47

مع احترمى للجميع
المشكلة ان عندنا فى مصر اغلب اصحاب الشركات مش بيفهموا اصلا بتوع IT بيعملوا ايه و بالتالى مرتباتهم بتبقى ضعيفة
انا معايا MCITP & CCNA وع ذلك مش بحصل ال 1000 جنيه
مع ان مركزى كبييييييييييييير جدا فى الشركة
ماهو يا برستيج يا فلوس

المفروض طالما انهم مبيفهموش انتو بتعملو اية ان المرتبات تبقى اعلى لانهم محتاجينكو

ahmedabagia

09-12-2009, 08:24

بسم الله والصلاة والسلام على رسول الله
السلام عليكم ورحمة الله وبركاته انا بس عايز اتكلم في موضوع المرتب بوجه عام انه مسألة عرض وطلب
يعني لو الفرص كتيره وقاعدة الشغل المعروض كبيرة للمتقدم للعمل

الواجب على الأخ إنه لا يتسبب في دونية من هم في نفس الدرجة وأختار أفضل المعروض عليه
لكن موضوع كبداية دي ذريعه أحيانا أصحاب العمل بيحاول يشربها للضيف الجديد ـ العامل من أي نوع في اي مجال ـ
وغالبا مش بيزيد غير بالمناهده ووجع القلب
ده لو زوده أصلا
كما تعرفون اكثر مني ان افضل عامل بالشركة هو من اعلى مهاريا وأقل مرتب
يعني هيه مسألة تقديرية في الأول والأخر مايحسبهاش غير المتقدم للوظيفة نفسه وتتوقف على اشياء عده
منها مثلا على سبيل المثال لا الحصر ممكن يكون الأخ المتقدم للعمل ظروفه ضيقه ماديا جدا ومضطر انه يقبل بأقل أقل شئ
وممكن في نفس الوقت انه شايف نفسه بين اقرانه في نفس المجال انه مستواه مرتفع جدا
ولا يصح انه يقبل بأقل من فئة مادية معينة
يعني الموضوع نسبي في الأخر
والله الموفق والسلام عليكم ورحمة الله وبركاته