استفسارات بخصوص AMD Phenom II X4 940 [الأرشيف]

مشاهدة النسخة كاملة : استفسارات بخصوص AMD Phenom II X4 940

Ĵ Ŏ ƙ Э Ř

21-10-2009, 14:08

Metalhead

21-10-2009, 14:17

اوقف انتاج الـ940 من فترة على حسب ما اذكر
ونزل بداله الـ945 بنفس التردد لكن باستهلاك طاقة اقل

940 متوفر فقط باصدار BE
اما الـ945 متوفر بالاصدار العادي

S@M

21-10-2009, 14:30

البروسيسور ليس لة اى مشاكل ....وهو صفقة قوية ...لآنك بمجرد شوية OC ...ممكن توصل بية لترددات قوية جدا ...:)

اما السعر فلا اعلم ...؟!

لآنة المفروض انة اتوقف من فترة ...:)

ahmedelsabbagh

21-10-2009, 14:31

اضافة ايضا ان ال 940 يعمل بالسوكيت AM2+ اما ال 945 فالسوكيت الخاص به AM3

لذلك ال 940 لن يعمل على اللوحات ال AM3 ولن يدعم DDR3 .

Doctor Medo

21-10-2009, 14:32

اوقف انتاج الـ940 من فترة على حسب ما اذكر
ونزل بداله الـ945 بنفس التردد لكن باستهلاك طاقة اقل

940 متوفر فقط باصدار BE
اما الـ945 متوفر بالاصدار العادي

كلام مظبوط احب بس اضيف عليه ان ال 940 سوكيت AM2+ و يعمل مع رامات DDR2 انما ال 945 سوكيت AM3 و يعمل مع رامات DDR3 و بما ان استهلاكه للطاقه اقل فالحراره المتولده اقل ايضا و انا بنصح بيه لو عاوز بروسيسور ايه ام دي قوي و رخيص نسبيا و يديك تكنولوجيا الجيل القادم من ايه ام دي

Maloush7al

21-10-2009, 14:33

بالنسبة للمعالج phen.II X4 940

مواصفات جهازي زي ما مكتوب فوق والكيس جاما 350 (مروحة واحدة 8 سم في الخلف)

الجهاز بأحوال ساعات اطحنه شغل وما يسخنش وساعات يسخن من غير ضغط

بس في العادة الحرارة زيادة شوية في الخمول 43 وفي الضغط 61
وبعد كام أسبوع من التشغيل مستوي الحرارة بيقل عن الأول بفرق واضح حوالي 4-6 درجات بدون أي تعديل

بس أكبر مشكلة قابلتني هي لما لقيت الحرارة زادت تدرجيا بعد ما نزلت وحبيت أغير المعجون لما جيت فكيت المشتت لقيتة شديد حبتين ولازق في البروسيسور وبعدين لقيت المشتت ف ايدي والبروسيسور اتفك لازق فيه من غير ما افك الدراع بتاع البروسيسور :eek: وطبعا قلبي وقع في الدور الأرضي ولقيت كمان أول صف من ال pins متني في عدة اتجاهات

:eek: :eek: :eek:

نفس المشكلة اللي حصلت مع العضو smalltoto لو تفتكروا وحد شار عليه بطريقه تعديل وضع الpins والحمد لله رجعت معدولة زي الأول -الله يبارك فيه وما يبوظلوش بروسيسور-

البوسيسور كان لازق بشكل غير طبيعي,المعجون اللي جاي على المشتت الstock كان هيضيع الجهاز ولقيته ناشف بشكل غريب وعمل زي الفوم بين البروسيسور والمشتت وبعد ما شيلته وحطيت المعجون الشعبي اللي الكيس ب 25 قرش لقيت الجهاز بيسخن أكتر (اللي زاد الطين بله اني حطيت ويندوز 7 ومافيش تعريف ال cool'n'quiet ) بقى الخمول 49 والضغط وصل ل64

جاري البحث عن معجون ابن حلال ومروحتين للكيسة وللمساعدة في تجاوز الجو ال.....

ومشكلة الحرارة دي للبروسيسور موجودة على النت بس بشكل غريب ناس بتشتكي من نفس المشكلة وناس بتقول العكس تماما تماما على نفس البروسيسور مش عارف ايه النظام

والاداء رهييييييييب من ألعاب جامدة زي GRID , Prototype الجهاز ما اشتكاش ماشاء الله وعندي الشاشة 15 فكل الحمل على البروسيسور (وقبل موضوع المعجون ووبعد كام ساعة لعب البروسيسور ماكانش بيعدي ال58 في الصيف )

دي تجربتي بالتفصيل مع عم الامور

من بين جبلين وصحرا
مراسلكم من أسيوط

vmidov

21-10-2009, 14:36

+ ان ال945 أعلى وأقوى من ال940 وده هتلاقيه فى أى مرجعات على النت وبتأكيد من الاخ remonkamel اللى كان عنده ال940 وجاب ال945 وذكر انه فعلا أفضل منه
وممكن تشوف الموضوع فى توقيعى فيه أختبارات بسيطه ل945 ممكن تساعدك

Orphan Naremo

21-10-2009, 19:03

AMD Phenom II X4 940

هل المعالج دة لة اى مشاكل ..؟؟

ماهى ظروف درجات حرارتة ...؟؟

هل يوجد منة اصدار BE و اصدار اخر عادى ..؟؟

ماهو اخر سعر فعلى لهذا المعالج فى السوق المصرى ...؟؟

ماهو الفارق بينة و بين ال 945 ...؟؟

جاكور حبيب قلبى بص المعالج دا ادائه قوى جداً بس الصراحه الاقوى منه ال 945 ودا عن تجربه وصدقنى لو عايز جهاز قوى بأمكانيات عليه ويحقق السعر المناسب ليه هات ال 945 لعده اسباب

1 - 945 ارخص من 940
2 - 945 اقوى والباص بتاعه اعلى من 945
3 - يشتغل معاك على موبو AM2+ ودى ميزه يعنى لو حبيت تغير الموبو والرمات ل DDR 3 دى امكانيه متاحه مع 945 وليس 940

انا كنت شغال بال 940 :ah7: و المشتت بتاعه الصراحه خرافه :ah7: بس الحراره بتعته كمان كانت خرافه :ah5: وزى ما الاخ العزيز (Maloush7al) قالك الحراره كانت تمام لحد ما سائل التبريد بقى ناشف شبه الفوم :ah34: و انا كنت مظبط الدنيا و كنت هاغير السائل بس الحمد لله على كل حال كبايه الشاى اللى كنت بشربها وقعت صب جوا الكيس :confused: بس الحمد لله الباور سبلاى مجرلوش اى حاجه :ah8: هو والهاردات والدريفر والباقى راح ومعاه مروحه المشتت كمان فا نزلت جبت الالمعالج اللى هو 945 على جهاز الدون لود اللى هو كان نفس المواصفات مع اختلاف البروسيسور والبور والدنيا دلوقتى نشكر ربنا تمام وحاسس انى مكنتش شغال على اى جهاز اسرع من كدا
والصراحه انا مطمن انى لو حبيت اغير الموب والرمات بعد ما تتظبط الاسعار مش هاحتاج اغير البروسيسور ودى نقطة فى صالح ال 945

shaker3

21-10-2009, 22:58

المعالج ممتاز واكثر من رائع لكن كما نصحك الاخوة من قبل اتجه لل 945 للمستقبل تستطيع تشغيله على لوحات am3 وذواكر ddr3 استهلاكه قليل وحرارته اقل
بالتوفيق :ah39:

Mr.pOPo

21-10-2009, 23:19

انا رأيى من رأى الشباب .. انك تجيب ال 945

وغير كدا، انت تقدر تعمل كسر سرعة بسيط وتوصله لل Core i7 920 زى ما الاخ vmidov (https://www.arabhardware.net/forum/member.php?u=11116688) جرب قبل كدا ومن غير مشتت احترافى ولا حاجة ودرجة الحرارة بتاعته بعد الكسر ماكنتش عالية على الاطلاق

وسعره حاليا حوالى 1075 جنيه

بالتوفيق انشاء الله.

Ĵ Ŏ ƙ Э Ř

22-10-2009, 02:18

شباب

شكرا لكم جميعا

لكن اتجاهى لل 940 كان بسبب واحد فقط

هو ان ال 720 موجود بكمية محدودة بسعر 750 جنية

ووجدت امس عند احد المحلات بمول سفنكس اسمة وادى النيل ال 940 بسعر 875

اتاكدت منة اكثر من مرة

و ذهبت الية اليوم و سئلتة مرة اخرى فاكد لى نفس السعر

طبعا صفقة و لا فى الاحلام :rolleyes:

فاسئلنى انت هاتجيب حاجة تانى قولتلة هادور على هاردات سامسونج بسرعة 7200 لان كل الموجود ايجو جرين 5400

قالى طب شوف و تعالى فية حاجة مهمة

رجعتلة قالى المعالج دة سعر هاينزل جامد خلال عدة ايام بالكتير يوم الاثنين هايكون بسعر 720 جنية :eek:

طبعا مسكت اعصابى :mad: و هديت و قولت فى نفسى كل الجديد اللى نازل ال 620 و ال 550 و لاثنين اقل منة بمراحل و لن يؤثرو ع السعر

و كمان ال 965 موجود عندة اصلا يعنى هو كمان لم يؤثر

قولتلة لا انا مستعجل و مش هابقى فاضى بعد كدة انا جايلك بالعافية مخصوص عشان اخدة و الجهاز مش ناقصة غير المعالج

هاتة ب 750 جنية حتى قالى ماينفعش لازم تستنى قولتلة اعمل الفاتورة بتاريخ يوم 26 -10 مثلا قالى بردة لا

قولتلة هاتة بال 875 قالى و الله الادارة اتصل بينا الصبح و منعتنا من بيعة لان سعرة هاينزل جامد

قولتلة اومال انت لسة عارضة للبيع لية و قولتلى سعرة لية و بعدين ادارة اية دى اللى عاوزة تخسر بقولك هاخدة اغلى من السعر اللى هايبقى بية بعد كام يوم ب 150 جنية :ah34:

قالى و الله ماينفعش ابيعهولك ولازم تستنى

و خليتة يحلف بالله العظيم اكتر من 4 مرات ان يوم الاحد هايدهونى بسعر اقل من ال 875

طبعا واضح انة كداب و منافق

BlacK ShaDoW

22-10-2009, 02:35

اموت و افهم إدارة إيه اللي هتمنع بيع بسعر اعلى :rolleyes:

عالعموم بالتوفيق و انت عارف راي طبعا :)

Salem AL Fituri

22-10-2009, 02:52

هاتة ب 750 جنية حتى قالى ماينفعش لازم تستنى قولتلة اعمل الفاتورة بتاريخ يوم 26 -10 مثلا قالى بردة لا
قولتلة هاتة بال 875 قالى و الله الادارة اتصل بينا الصبح و منعتنا من بيعة لان سعرة هاينزل جامد
قولتلة اومال انت لسة عارضة للبيع لية و قولتلى سعرة لية و بعدين ادارة اية دى اللى عاوزة تخسر بقولك هاخدة اغلى من السعر اللى هايبقى بية بعد كام يوم ب 150 جنية :ah34:
قالى و الله ماينفعش ابيعهولك ولازم تستنى
و خليتة يحلف بالله العظيم اكتر من 4 مرات ان يوم الاحد هايدهونى بسعر اقل من ال 875
طبعا واضح انة كداب و منافق
الواضح والله أعلم أن لديه معالج 940 مستعمل سيصله بعد أيام ويريدك أن تشتريه منه كأنه جديد وبسعر مخفض .

Mr.pOPo

22-10-2009, 03:02

ااااه .. يا عم خليك فى المضمون وبلاش الحاجات المشبوه دى :p:p

Orphan Naremo

22-10-2009, 04:51

يا جوكر يا حبيبى ازاى اال 940 هايبى ب 875 وهو دلوقتى فعلياً موقوف تصنيعه ايه هايقللو من قوته ولا هايفلو فيه كور
ياعمنا الراجل دا نصاب وانت اكتر واحد بتعرف تفرق بين الناس دى والمعالج شكله كدا مستعمل ومطحون اوعى تاخد من الراجل دا اى حاجه لحسن يقولك انا معرفكش ويبقى ضاعت عليك الفلوس ومتلقيش ضمان ولا يحزنون

GoldenLionTech

22-10-2009, 07:38

السلام عليكم ورحمة الله وبركاته

المعالج ممتاز لا غبار عليه وبالفعل هناك خيارات قيمة أحدث
أستغرب بعضكم يطلق السباب على البائع دونما أدنى معرفة به..

shaker3

22-10-2009, 13:05

السلام عليكم
اخي ان اشتريت من عنده او من عند غيره اي معالج كان يأتي بكرتونة مغلقة من الطرفين بختم عليه شعار AMD
تأكد من سلامته وانه لم يتم العبث فيه وقتها اشتري وانت مطمن
بالتوفيق :ah7::ah7: