الجاموسة " التي أقالت وزير النقل"

[سيشرق فجر القدس]

وزير النقل يقدم استقالته ومبارك يقبلها




https://productnews.link.net/general/News/18-03-2009/49LotfyMansour.jpg


مصراوي - خاص - تقدم الوزير محمد لطفي منصور باستقالته الثلاثاء بعد ثلاثة ايام من حادث تصادم قطاري العياط (https://www.masrawy.com/News/Egypt/Politics/2009/october/25/ayat_maglis.aspx) الذي اسفر عن مقتل واصابة العشرات.وقبل الرئيس حسني مبارك استقالة منصور، على ان يتم تكليف مسئول جديد بتولي الوزارة.
ونقلت وكالة أنباء الشرق الأوسط من مصدر مسئول برئاسة الجمهورية أن منصور أعرب في الاستقالة عن تحمله مسئولية حادث تصادم قطارى العياط الذى أدى إلى مصرع 18 شخصا وإصابة 36 شخصا.

وكان الدكتور زكريا عزمي قد وجه اتهاما صريحا للحكومة ومجلس الشعب وحملها المسئولية الكاملة عن كارثة قطاري العياط وذلك في مواجهة قوية مع وزراء النقل والشئون القانونية والصحة والتنمية المحلية خلال الاجتماع.
وانتقد عزمي بشدة إعلانات السكة الحديد في شهر رمضان الماضي عن التطوير المزعوم خاصة أنها وصفت أفراد الشعب بأنهم "لصوص" ويسرقون محتويات القطارات.
وحيا عزمي د.مفيد شهاب لشجاعته في الاعتراف بالمسئولية السياسية للحكومة عن الحادث.
وحاول محمد لطفي منصور (https://www.masrawy.com/News/Egypt/Politics/2008/november/2/egy.aspx) وزير النقل اطلاق المبررات متهما العنصر البشري بالتسبب في الحادث وأكد احالة 34 مسئولا بالسكة الحديد للتحقيق.
ولكن د. مفيد شهاب سارع معترفا بالمسئولية التضامنية للحكومة عن الحادث وأكد ان الجميع مقصرون.

[one-zero]

:ah7::ah7::ah7:

[ellassy]

اللى هيجى هيبقى اسوأ منه مادام اللى فوق فاسد يبقى اللى تحتيه برضه هيبقى فاسد
لازم نقطع راس الفساد من فوق.. الوزير ده مجرد موظف صغير بالنسبة للناس التقيلة
وبعدين بصراحة انا مبصدقش حوار الاستقالة ده ...مفيش مسؤول فى مصر ممكن يقدم
استقالته حتى لو مليون واحد ماتو
الخلاصة ان الحكومة قدمته كبش فدى علشان تقول للشعب ان احنا عاقبنا المسؤولين
والموضوع يهدى وكلها يومين تلاتة والحكومة تشغل الناس بمبارة الجزائر ..

[SNAKE180592]

تسلم إيد الجاموسة دي.

[Night stone]

شالو ألدو جابو شاهين

[سيشرق فجر القدس]

هو كبش فداء
وبكره
تيجي حادثه
تانيه
ويكون السبب حمار :D

بس على الاقل المرة دى حصل حاجة...

لكن يا ترى مين اللى ممكن يقبل استقالة الكبير بقة ؟؟

[SNAKE180592]

لكن يا ترى مين اللى ممكن يقبل استقالة الكبير بقة ؟؟


الشعب و بكل سرور.

[سيشرق فجر القدس]

الشعب و بكل سرور.


فكرتني بفيلم عاوز حقي ...
على أي حال الـ 80 مليون دول ما فاضلش منهم غير شوية لحم في كتافهم... وحبة دم متلوثين باللهم :(
مافيهمش حد ممكن يقبل الأستقالة ... لأن مافيهمش حد ممكن يعمل اي حاجة... غير إنه يموت شهيد... بس مش فى سبيل الوطن ولكن تحت أقدام حاكميه

[SNAKE180592]

فكرتني بفيلم عاوز حقي ...
على أي حال الـ 80 مليون دول ما فاضلش منهم غير شوية لحم في كتافهم... وحبة دم متلوثين باللهم :(
مافيهمش حد ممكن يقبل الأستقالة ... لأن مافيهمش حد ممكن يعمل اي حاجة... غير إنه يموت شهيد... بس مش فى سبيل الوطن ولكن تحت أقدام حاكميه


بأتفرج على الفيلم دلوقتي.
"بالروح بالدم ح نعمل التوكيل".:D

[one-zero]

الجاموسه بأستقاله
اذن
اللهم اكثر من جواميس هذا البلد

[GHOSTEID0]

اخيرا الحكومه حست على دم اهلها

ربنا يوعدنا بطور هايج يجيب عليها واطيها

[سيشرق فجر القدس]

الجاموسه بأستقاله
اذن
اللهم اكثر من جواميس هذا البلد


اقتدائا باعلانات هيئة السكه الحديد بالتلفزيون المصرى

" المصري اللي علي حق يقول للجاموسة لأ " :D

[HuLkY]

اخرتها مصر كلها حتركب عجل! ربنا يستر

يشيلوا واحد يجيبوا التانى! كلها واقعة واقعة...................

مهما تبدل فى جواميس! صاحب الزريبة لازم يمشى!

[Tech_Admin]

اقتدائا باعلانات هيئة السكه الحديد بالتلفزيون المصرى

" المصري اللي علي حق يقول للجاموسة لأ " :D


تعليق جميل للاعلانات التي كانت تعرض فى شهر رمضان على التليفزيون

المصرى اللى على حق يقول للبهائم لألأ

[moataz1983]

بس على الاقل المرة دى حصل حاجة...


لكن يا ترى مين اللى ممكن يقبل استقالة الكبير بقة ؟؟




لو واقفة على امضاء - انا أول المتبرعين هات امضيلك عليها بس الختم في انهي درج لان المشكلة مش في الامضا عليها مش هتلاقي ولا ختم يختم استقالته لانه الوحيد اللى كلامة مش بيتختم
:Dههههههههههههههههههههه:D

[سيشرق فجر القدس]

رئيس هيئة السكك الحديدية يقدم استقالته ويونس يقبلها

القاهرة - محرر مصراوي - قبل الدكتور حسن يونس وزير الكهرباء (https://www.masrawy.com/News/Egypt/Politics/2009/october/27/younis.aspx) والطاقة ووزيرالنقل بالانابة استقالة المهندس محمود سامى أحمد الرئيس الحالى لهيئة سكك حديد مصر.
كما أصدر الدكتور حسن يونس قرارا الأربعاء بتكليف المهندس مصطفى قناوى رئيسا للهيئة.
وكان المهندس محمد لطفي منصور وزير النقل قد تقدم باستقالته الثلاثاء بعد ثلاثة ايام من حادث تصادم قطاري العياط الذي اسفر عن مقتل واصابة العشرات.
وقال الوزير انه انطلاقا من إحساسه بالمسئولية السياسية فقد تقدم بطلب لاعفائه من منصبه كوزير للنقل للدكتور أحمد نظيف رئيس مجلس الوزراء لرفعه الى الرئيس حسنى مبارك.
وعقد يونس اجتماعا صباح الاربعاء مع رئيس هيئة السكك الحديدية لبحث الموقف الحالى للهيئة وخطط التطوير المستقبلية والاطمئنان على سير العمل.
وأكد خلال الاجتماع أهمية مرفق السكك الحديدية بإعتباره احد المرافق الحيوية الهامة للدولة.
وطالب الوزير رئيس الهيئة بالقيام بإتخاذ الاجراءات اللازمة لتلافي أية حوادث مستقبلا والعمل على تفعيل إجراءات الأمن والسلامة ووضعهما كأولوية من أولويات الهيئة لتأمين سلامة المواطنين.
المصدر: وكالة انباء الشرق الاوسط، مصراوي.