المساعد الشخصي الرقمي

مشاهدة النسخة كاملة : تقريري عن المشتت المعجزه Vendetta 2 مع البروسيسور Core i7


الصفحات : [1] 2 3
Doctor Medo
02-11-2009, 11:32
بسم الله الرحم الرحيم


تقريري عن المشتت المعجزه Vendetta 2 مع البروسيسور Core i7


مع البراكيت Force 2


ياتي المشتت مع البراكيت في بندل بسعر خاص 435 من ماكسيمم هاردوير فقط و حصريا و ده شكل المشتت و البراكيت و هما لسه مقفولين في علبهم




https://img687.imageshack.us/img687/4145/image279resize.jpg (https://img687.imageshack.us/i/image279resize.jpg/)



و عند فتح علبة المشتت نجد المكونات التاليه


1-جسم المشتت نفسه داخل فوم لحمايته




https://img257.imageshack.us/img257/4577/image282resize.jpg (https://img257.imageshack.us/i/image282resize.jpg/)



و كما نعرف جميعا مكون من 3 انابيب من النحاس الخالص تم ادخالها في شرائح من الالومنيوم الخالص و هو لين لكنه قوي و يستحمل الضغط الخفيف و له ميزه ممتازه في تخفيف الوزن مما يخفف الحمل عن البورده و يقلل احتمالات و اضرار انها تنكسر من ثقل المشتت و يقدر ثقل هذا الجزء بدون اضافات بخوالي 600 جرام و هو وزن ممتاز بالمقارنه مع وزن المشتت الافتراضي و الوزن الذي ينصح به من مصنعي الماذربورد


2-المروحه داخل فوم لحمايتها




https://img203.imageshack.us/img203/3333/image281resize.jpg (https://img203.imageshack.us/i/image281resize.jpg/)



و تاتي هذه المروحه بكابل توصيل 4 بن للتحكم في سرعة المروحه طبقا للحراره و لكني انصح بالغاء هذه الخاصيه من البيوس مع ظروف الطقس الجميل في بلدنا اتعمل المروحه باقصي سرعه دائما و السرعه المقرره للمروحه هي 1500-800 لفه في الدقيقه و لكن اقصي رقم وصلت له كلن حوالي 1350 لفه فقط و لكن بدون صوت يذكر و هذه افضل ميزه في هذه المروحه


3-مكونات التثبيت القديمه لبروسيسور انتل مخرج 775 و بروسيسورات AMD



https://img267.imageshack.us/img267/880/image284resize.jpg (https://img267.imageshack.us/i/image284resize.jpg/)


و انا عن نفسي ما استخدمتش منهم حاجه غير :
1- الكاوتش بتاع المروحه و ده كان صعب جدا في تركيبه و قلل التقييم العام بتاع المشتت داخل راسي لحد ما شفت الاداء قلت كان يستاهل التعب عموما اسهل طريقه لتركيب الكاوتش انك تسحبه بايدك من ناحيه و تدكك الكاوتش بسن قلم جاف من الناحيه التانيه و انت ساند علي حاجه صلبه
2-المعجون و ده ممتاز جدا و معرفش ليه الناس بتقول وحش يمكن قصدهم مقارنة بالمعجون الاحترافي عموما هو احسن كتير من اي حاجه رخيصه موجوده في السوق



نيجي للبراكيت Force 2


عند فتحه نجد هذه المكونات للتثبيت



https://img267.imageshack.us/img267/9792/image280resize.jpg (https://img267.imageshack.us/i/image280resize.jpg/)



و ده صوره للمكونات اثناء التحضير لعملية التركيب


الراكيت الامامي مربوط بالمسامير في جسم المشتت


https://img255.imageshack.us/img255/5281/image285resize.jpg (https://img255.imageshack.us/i/image285resize.jpg/)



و ده البراكيت الخلفي و عليه اللزق اللي بيثبته و يعزله في نفس الوقت عن ظهر البورده عشان ميلمسش في حاجه و يعمل قفله ز طبعا الورق البني ده اتشال قبل اللزق مباشره !!



https://img255.imageshack.us/img255/205/image286resize.jpg (https://img255.imageshack.us/i/image286resize.jpg/)



بعد كده تم تركيب المشتت علي البورده بدون خلعها من الكيسه و دي ميزه جباره لل HAF 922 بسبب الفتحه اللي في ظهر التراي بتاع البورده قصاد مكان البروسيسور و العمليه دي اخدت 10 دقايق بالظبط - و ده زود غيظي من كاوتش المروحه اللي قعدت اثبت فيه اكتر من ساعه -و احسن طريقه لتثبيت المشتت في البورده انك تربط المسامير بمفك صليبه طويل و كل مسماريين قصاد بعض بزاويه و تلف بالراحه لحد متلاقي المسمار و قف معاك خالص و علي فكره عمليه لف المسمار لينه جدا و بيلف شويه كتير فلو لقيته عصلض معاك بعد لفتين و لا حاجه يبقي انت مش داخل بالمسمار عمودي عدل فكه و ركبه تاني بالراحه و بعد التكيب دي النتيجه



https://img687.imageshack.us/img687/4600/image287resize.jpg (https://img687.imageshack.us/i/image287resize.jpg/)




و في الصوره دي بحاول ابين طول المشتت داخل الكيسه الهاف 922 اللي هي عرضها ممتاز بالمناسبه




https://img257.imageshack.us/img257/8219/image288resize.jpg (https://img257.imageshack.us/i/image288resize.jpg/)



و دي صوره بعد قفل الكيسه تماما و بدون ازالة اي مراوح جانبيه و لسه باقي حوالي 3 سم فرق مش بقولكم كيسه ممتازه




https://img233.imageshack.us/img233/5391/image289resize.jpg (https://img233.imageshack.us/i/image289resize.jpg/)



نيجي بقي للي انتم مستنينه من بدري


درجات الحراره


الصور دي لدرجات الحراره بالمشتت الافتراضي بتاع انتل في درجة حراره الغرفه 26 مئويه و بدون تكييف الساعه 4 عصرا و البروسيسور بالسرعه الافتراضيه و الفولت الافتراضي



https://img233.imageshack.us/img233/4338/11041093.jpg (https://img233.imageshack.us/i/11041093.jpg/)



و بعد الضغط لمدة دقيقه واحده فقط ببرنامج ايفرست ستابلتي تست



https://img442.imageshack.us/img442/6573/25593750.jpg (https://img442.imageshack.us/i/25593750.jpg/)




https://img233.imageshack.us/img233/6929/54312644.jpg (https://img233.imageshack.us/i/54312644.jpg/)




و دي بقي درجات حراره الفينديتا 2 في نفس الظروف تماما بس الساعه 12 الظهر !!





https://img99.imageshack.us/img99/2103/54743248.jpg (https://img99.imageshack.us/i/54743248.jpg/)




ايون انخفاض 13 درجه كامله في وضع الايدل مش بقولكم معجزه !!!




و دي بقي درجات حراره الفينديتا 2 و بعد الضغط لمدة دقيقه واحده فقط ببرنامج ايفرست ستابلتي تست



https://img233.imageshack.us/img233/3654/16918185.jpg (https://img233.imageshack.us/i/16918185.jpg/)




https://img402.imageshack.us/img402/1315/51411631.jpg (https://img402.imageshack.us/i/51411631.jpg/)




ايون 18 درجه كامله مع الضغط السريع و انا اخترت البرنامج ده بالذات لاني لقيت انه بيجيب اخر حراره ممكن يوصلها البروسيسور بالمشتت اللي عليه خلال دقيقه واحده :D


اضافه خاصه لمحبي ال Overclocking


دي درجات الحراره بتاعت البروسيسور في الخمول و هو بتردد 3.2 جيجاهرتز و زياده بسيطه في الفولت و درجة حراره الغرفه 27 بدون تكييف الساعه 3 العصر



https://img691.imageshack.us/img691/4707/17034178.jpg (https://img691.imageshack.us/i/17034178.jpg/)




ايون اقل 9 درجات كامله عن المشتت الافتراضي علي السرعه الافتراضيه و لمدة دقيقه واحده فقط !!



و دي بعد الضغط بالبرنامج المذكور لمدة 5 دقائق كامله و مفرقتش غير درجه زياده عن الضغط لمدة دقيقه واحده



https://img513.imageshack.us/img513/175/17310735.jpg (https://img513.imageshack.us/i/17310735.jpg/)




https://img99.imageshack.us/img99/1648/67843305.jpg (https://img99.imageshack.us/i/67843305.jpg/)




ايون اقل 9 درجات كامله عن المشتت الافتراضي علي السرعه الافتراضيه و لمدة دقيقه واحده فقط !!!!!!!!


كمان واحده لمحبي ال Overclocking


درجات الحراره ببرنامج Real Temp 3.39 مع استخدام الضغط ببرنامج Linx 0.6.4 درجة حراره الغرفه 26 و تردد 3.2 للبروسيسور و زيادة فولت بسيطه



https://img515.imageshack.us/img515/8062/66623368.jpg (https://img515.imageshack.us/i/66623368.jpg/)



الحقيقه معنديش حاجه اقارن بيها مع المشتت الافتراضي بس اعتقد انه مكنش حيعدي الاختبار ده لان الحراره ب Real Temp كانت 85 و ب Everest كانت 78




و دول شوية صور للذكري فقط



بروسيسوري العزيز علي 3.6 جيجاهرتز و 1.26 فولت ;)




https://img264.imageshack.us/img264/8644/14667211.jpg (https://img264.imageshack.us/i/14667211.jpg/)




و للناس اللي مش عاجبها الفينديتا 2


بروسيسوري العزيز علي 4.0 جيجاهرتز و فولت 1.26 ايضا و درجات الحراره دي في الخمول و درجة حرارة الغرفه 23 مئويه الساعه 9 مساء و بدون تكييف :ah4:




https://img97.imageshack.us/img97/7163/80114406.jpg (https://img97.imageshack.us/i/80114406.jpg/)





https://img59.imageshack.us/img59/7532/22829077.jpg (https://img59.imageshack.us/i/22829077.jpg/)




و احب اذكر اني حاولت علي 4.2 بنفس الفولت لكن مرضيش يقوم الويندوز حتي الا لما عليت الفولت عن رقم مينا القياسي فقلت ملهاش لزمه



و احب اشيد ببوردتي العزيزه الجامده جدا جيجابايت GA-EX58-UD3R اللي اخر تحديث للبيوس فيها بقي بيحسب الفولت اللازم للاوفركلوك بتاع البروسيسور لوحده :ah4: !! و الموضوع ده انا اكتشفته بالصدفه !!



عشان ده كله معنديش غير كلمه واحده : معجزه


مميزات المشتت (من وجهة نظري )
1-اداء قوي جدا زي ما شفنا بالصور
2-عملية تركيب سهله جدا بغض النظر عن الكاوتش بتاع المروحه
3-تبريد سريع جدا بعد توقف الضغط علي البروسيسور و العوده لوضعية الخمول
4-السعر مقابل الاداء اكثر من ممتاز
5-موجود معاة كل اللي ممكن تحتاجه من اكسيسوريز
6-ممكن تركبه من غير ما تشيل البورده لو عندك كيسه مناسبه و علي فكره بيركب علي بروسيسرات AMD من غير ما تشيل البورده بغض النظر عن نوع الكيسه


عيوب المشتت (من وجهة نظري )
1-كاوتش المروحه اللي طلع روحي عقبال ما ركب عدل و احب اشكر استاذ هاني لان هو اللي قالي علي الطريه السهله اللي قلتلكم عليها فوق


و من رائي ممكن OCZ تبعت المروحه بالكاوتش راكب حتوفر كتير علي المستخدم


التقييم العام 9 من 10


و كانت حتبقي 10 لولا الكاوتش بتاع المروحه اللي تعب قلبي


تم بحم الله و اي سوال او استفسار انا تحت امركم
Bloody Wolf
02-11-2009, 11:52
مبروك على المشتت والمروحه

و ارى ان العنوان يحتاج الى تعديل فانت تعرض مبرد وليس معالج
Stone
02-11-2009, 11:57
مبروك المشتت ..

بس وين التجربـــه ؟
Extreme2
02-11-2009, 12:02
ألف مبروك وبإنتظار النتائج .. :)


تقريري عن البروسيسور المعجزه Vendetta 2 مع البروسيسور Core i7 العنوان بحاجة لتعديل :D
Doctor Medo
02-11-2009, 12:45
الله يبارك فيكم اخواني و عقبالكم و اسف علي الخطأ و تم تعديل العنوان و الموضوع كامل الان و يمكن قرائته
vmidov
02-11-2009, 12:50
ألف مبروك مستر قلبظ ربنا يباركلك فيه
وفعلا هو جبار لما يعمل كده مع ال920 يبقى ممتاز
للأسف لم يتم ال:ah7: بسبب السمعات :o
Doctor Medo
02-11-2009, 12:54
ألف مبروك مستر قلبظ ربنا يباركلك فيه
وفعلا هو جبار لما يعمل كده مع ال920 يبقى ممتاز
للأسف لم يتم ال:ah7: بسبب السمعات :o

الله يبارك فيك و عقبالك باذن الله و كفايه انك شرفت الموضوع
hamada999
02-11-2009, 12:56
مبروك عليك مستر قلبظ المشتت و اداء ممتاز و اللى عجبنى اكتر تقريرك الرائع والله و للأسف مش هعرف اقيمك :mad:
Marine
02-11-2009, 12:58
شكرا علي الموضوع بس للاسف مفيش تقييم عشان السمعات :)
S.O.S
02-11-2009, 13:01
ماشاء الله اداء رائع وممتاز الف مبروك عليك
Doctor Medo
02-11-2009, 13:06
حماده ,مارين, الفا اوميجا

الله يبارك فيكم و عقبالكم باذن الله و شرفتم الموضوع بمشاركتكم الجميله دي
XMasterrrr
02-11-2009, 13:16
مبروك ياقلبظ بيه انا نفسى تم التقيم :):):):)
Ĵ Ŏ ƙ Э Ř
02-11-2009, 13:51
مبروك المشتت و الراكيت يا كلبظ

وتقرير رائع و جميل




بس انا اشيف ان عندك نفس مشكلتى مع الباور

https://img687.imageshack.us/img687/4600/image287resize.jpg

كابل ال 8 بن (4+4) قصير ولازم يعدى من قدام الكيسة و كارت الشاشة :mad:

اعتقد دى مشكلة فى باورات HEC
اكسمان
02-11-2009, 14:17
الف مبروك علي المشتت والبريسيسور
بس معلش اعذرني احب ان الفت نظرك ان المشتت اداؤه مش معجزة مع الكور سيفن انا معاك هو معجزة مع الكور توكواد لكن مع السفن اداؤه عادي
انت بتتكلم عن اداؤه في السرعه الافتراضيه وده مش مقياس
جرب كده زود الفولت الي 1.425 مع كسر السرعه طبعا وشوف اداؤه ساعتها هتلاقي درجة حرارة الخمول من 50 الي 55 ومع الضغط بيوصل الي 80 مستريح في دقيقة
وعلي فكرة الضغط علي البريسيسور لمدة دقيقة مش كفاية للحكم علي البريسيسور يعني علي الاقل 15 دقيقة واحكم ساعتها(انا بكلمك من منطلق التجربة لاني انا اول واحد جرب الفينداتا مع الكور سفن وعلي فكرة انا مش مقتنع باللي يجيب مشتت علشان السرعه الافتراضيه مالهوش لازمه بصراحه)
وعلي فكرة انا جربت كسر البريسيسور الي 4.2 علي فولت 1.425 بالمشتت الاصلي بتاع انتل مع معجون فريزر وكانت درجات الحرارة من 55 الي 60 في الخمول ومع الاستخدام العادي كانت بتوصل 68 علي اقصي تقدير لكن طبعا مع البريمر 95 بيعدي ال 80 درجه في 30 ثانيه بس اللي بقصده ان المشتت بتاع الكور سيفن بردو كويس وةغير كده ان الكور سيفن اساسا بيستحمل ارتفاع درجه الحرارة بعكس الكواد
بالنسبة للكور سيفن افضل تبريد ليه التبريد المائي

وانا كمان كم يوم هاعمل موضوع عن اقوي تبريد ليه بالستخدام التبريد المائي بتكلفة من 600 الي 800 جنيه

وعلي فكرة نصيحه مني ليك لزيادة اداء المشتت معاك لان نتيتجه معاك في الوضع الافتراضي عاليه
انت اول ما اشتريت المشتت اكيد لقيت علي القاعده بتاعته لزقه رخمه شويه دي لما تشيلها بتخلي مكانها اثار من اللزق علي القاعده وده بيعمل عازل للحرارة ما بين المشتت والبريسيسور فانت فكه تاني واستخده اي كحول او مطهر او سنفره ناعمه جدا جدا لتنظيف سطح القاعده بتاع الفينداتا وجرب معجون الفريزر معاه وانت هتلاحظ فرق ات شاء الله
Bloody Wolf
02-11-2009, 14:28
ما شاء الله

الان التقرير اكتمل هو و العنوان

الف مبروك على المشتت الجبار

لكن انا قرأت ما كتبه اخونا اكسمان و يجب مراجعته

فعلا لا يجب شراء مشتت احترافى لاختبار ثبات المعالج على السرعه الافتراضيه
wild cat
02-11-2009, 14:28
تقرير رائع منك كالعاده مستر كلبظ

بس عندي استفسار

هو ليه المعالج ال I7 درجة حرارته عاليه كده في الخمول بالمشتت العادي مع انه 45 نانو

انا عندي في ال AMD في الخمول اخره 32 مع انه 90 نانو ولا ده عشان فرق عدد الانويه في المعالجين
Doctor Medo
02-11-2009, 14:33
اكسماستر و جوكر الله يبارك فيكم و عقبالكم

اخي اكسمان انا مش ناوي ارفع الفولت للدرجه دي لانه خطر علي البروسيسور اساسا و انا حاليا بحاول اوصل لاعلي اوفركلوك ممكن بفولت في الحدود المسموحه و اول ما اوصل ليه حرفع النتايج هنا باذن الله في وضع الخمول و الضغط و انا فعلا نضفت القاعده قبل ما اركبه اما بالنسبه لمعجون فريز ممكن ابقي اجربه بعدين بس حاليا انا راضي عن الاداء تماما و معاك ان دقيقه مش كفايه بس هي فعلا مرفعتش عن كده لمدة 5 دقايق كامله و اول ما افضي باذن الله حجرب موضوع الربع ساعه و الاوفركلوك باذن الله و حوافيكم بالنتايج اول باول

بس مش عارف ليه حاسس انك محبتش الفينديتا 2 ؟؟
Doctor Medo
02-11-2009, 14:38
تقرير رائع منك كالعاده مستر كلبظ

بس عندي استفسار

هو ليه المعالج ال I7 درجة حرارته عاليه كده في الخمول بالمشتت العادي مع انه 45 نانو

انا عندي في ال AMD في الخمول اخره 32 مع انه 90 نانو ولا ده عشان فرق عدد الانويه في المعالجين

متشكر ليك جدا و عقبالك

مش عارف بس اعتقد بسبب عدد الانويه و وجود متحكم الذاكره علي البروسيسور هو اللي بيرفع الحراره كده
Black-Edition
02-11-2009, 14:40
تحفه بجد والله

اداء ممتاز

تسلم وليك منى اخلى تقييم
HD5870X2
02-11-2009, 14:51
ممتاز يا دكتور ..ليك تقييم من أبو 20 نقطة :D

فعلاً ال OCZ Vendetta 2 معجزة في تبريده وهو من أفضل المشتتات لل Quad Core العادي وفي نفس الوقت جيد جداً مع ال Core i7

معلش يا اكسمان بس أنا مش عارف انت ليه بتقول عليه مشتت سيء لل Core i7 ... !




https://images.hardwarecanucks.com/image/akg/Air_Cooling/212P/i7_26.jpg

https://images.hardwarecanucks.com/image/akg/Air_Cooling/212P/i7_34.jpg

https://images.hardwarecanucks.com/image/akg/Air_Cooling/212P/i7_38.jpg
Doctor Medo
02-11-2009, 14:56
تحفه بجد والله



اداء ممتاز


تسلم وليك منى اخلى تقييم


يا باشا ربنا يبارك فيك و عقبالك كده باذن الله
megatrad
02-11-2009, 14:59
ايون 18 درجه كامله مع الضغط السريع و انا اخترت البرنامج ده بالذات لاني لقيت انه بيجيب اخر حراره ممكن يوصلها البروسيسور بالمشتت اللي عليه خلال دقيقه واحده

ألف مبروك مستر كلبظ

بس ليا رجاء ( يا ريت تجرب تضغط ببنرامج LinX لمدة 3 دقائق بس هوا دا اللي هيعطيك درجة الحرارة صح في وقت قصير )
لأن الضغط ببرنامج ايفرست ستابلتي تست مش هيديك درجة الحرارة القصوى عند الضغط
جرب بنفسك وهتشوف الفارق
ولك تقييم
Doctor Medo
02-11-2009, 15:09
ممتاز يا دكتور ..ليك تقييم من أبو 20 نقطة :D

فعلاً ال OCZ Vendetta 2 معجزة في تبريده وهو من أفضل المشتتات لل Quad Core العادي وفي نفس الوقت جيد جداً مع ال Core i7

معلش يا اكسمان بس أنا مش عارف انت ليه بتقول عليه مشتت سيء لل Core i7 ... !

مينا باشا بنفسه هنا و تقييم كمان لا لال لا لا لا ده شرف كبير انا مش قده

انا متشكر جدا و مستني تقريرك النهارده باذن الله و شكرا للمقارنات الجامده دي و عموما انا ضفت حاجات في الصفحه الاولي عشان خاطر اخونا اكسمان
Doctor Medo
02-11-2009, 15:11
ايون 18 درجه كامله مع الضغط السريع و انا اخترت البرنامج ده بالذات لاني لقيت انه بيجيب اخر حراره ممكن يوصلها البروسيسور بالمشتت اللي عليه خلال دقيقه واحده

ألف مبروك مستر كلبظ

بس ليا رجاء ( يا ريت تجرب تضغط ببنرامج LinX لمدة 3 دقائق بس هوا دا اللي هيعطيك درجة الحرارة صح في وقت قصير )
لأن الضغط ببرنامج ايفرست ستابلتي تست مش هيديك درجة الحرارة القصوى عند الضغط
جرب بنفسك وهتشوف الفارق
ولك تقييم

طب ممكن لنك للبرنامج ده و اجرب و ارفعلك الصور ؟؟ و شكرا لمشاركتك الجميله
S@M
02-11-2009, 15:16
شكرا على المراجعة والموضوع :)

وانت كدة لعبت فى دماغى ..:D....لآنى محتاج مشتت :( بس انا قولت استنى الV8 :)
HuLkY
02-11-2009, 15:19
الله ينور كلبظ, مينا كلامك صح و 100% , لك 17 نقطة كلبظ بك

بس حاول تعصر شوية فى المعالج كمان , انت ممكن توصل ل 3.5 وخلى رفع الفولت اوتو , سهل اوى :)
Extreme2
02-11-2009, 15:25
نتائج ممتازة .. شكرا على الإضافات :)

------------

معقولة مشتت v8 ادائه سيئ هكذا ؟ :confused:

https://images.hardwarecanucks.com/image/akg/Air_Cooling/212P/i7_38.jpg
ali helbawi
02-11-2009, 15:35
نعم مشتت V8 سيئ عند كسر السرعة وذالك عن تجربة
megatrad
02-11-2009, 15:38
طب ممكن لنك للبرنامج ده و اجرب و ارفعلك الصور ؟؟ و شكرا لمشاركتك الجميله


بس كدا أهو البرنامج

أول ما تستبه روح على Problem Size :D وزوده على أخر حاجه لغاية أما يقولك الرامات مش مكفيه دوس أوكي هيظبط الباقي من الرامات لوحده وبعد كدا يا حلو هتلاقي في أقصى اليمين فوق سهم فيه اختيارين واحد بالوقت وواحد بعدد مرات التشغيل خليه على 3 مرات كفاية في الأول وبعدين دوس start وراقب الحراره ببرنامج Real temp أحسن https://www.techpowerup.com/downloads/1325/mirrors.php
ودا البرنامج

https://dl.getdropbox.com/u/663563/LinX/LinX-setup.exe

البرامج دي عشان كل واحد ياخد حقه إدهالي أخونا العزيز إنفرنال
-M7mD
02-11-2009, 15:41
شكراً أخي كلبظ على التقرير الرائع
الف مبروك :)