مشكلة في فهمي لل gateway

[ahab]

السلام عليكم ورحمة الله وبركاته

كنت أتحدث مع صديق لي عن ال vlan و ال intervlan

وقلت له أن الأجهزة المشتركة في نفس ال vlan نضع لها ال gateway هو ال ip الموضوع على subinterface المشترك معها في ال vlan
وبالتالي هيختلف هذا ال gateway من vlan إلى أخرى

فقال : طيب وليه ؟؟ نضع gateway مشترك من أي subinterface والراوتر شايفهم كلهم وخلاص ؟؟؟

قلتله تعالى أعملهالك على ال packet tracer

وعملتها زي ما الكتاب بيقول . المهم كل شيء تمام

قلتله : تعالى نغير في ال gateway ونضعه مشترك مابينهم ونأخذ أي ip من أي subinterface

وكانت الصدمة لي ؟؟؟:eek::eek:


البنج ناجح تمام بين ال vlans ومفيش أي مشكلة

وصاحبي عملي كده :ah50:

قلت لنفسي يا إما أنا كنت فاهم المعلومة هذه خطأ يا إما ال packet tracer بيخرف


روحت على ال gns3
طبعًا مش هعرف أطبق الموضوع ده عليه

فعملت راوتر له 2 إنترفيس
ربطت انترفيس ب xp1 وضعه على ال vmware وعمله شبكة مثلاً 20.20.20.0
والإنترفيس الآخر ربطته ب xp2 على ال vmware وعمله شبكة 10.10.10.0

ووضعت للجهازين نفس ال gateway وهو 10.10.10.1

وكانت الصدمة مرة أخرى ال ping ناجح بين الجهازين :eek::eek::eek:


طبعًا أنا اتصدمت علشان لقيت نفسي فاهم خطأ



هنا صراحة أنا مش عارف أصيغ سؤالي ؟؟

طريقة الحصول على ال destination MAC

هل الكمبيوتر بيرسل arp request والراوتر بيرد عليه بالماك الخاص بالإنترفيس المتصل بالجهاز مباشرة (صاحب الطلب ) سواء كان هذا الإنترفيس هو ال gateway للكمبيوتر أو لا .

ولو كان كده ؟؟
ليه بعد ما عملت بنج بين الأجهزة ونجحت تمام .... فعملت arp -a ولم أجد أي mac address متسجل
فعملت بنج على الإنترفيس المتصل مباشرة بالجهاز وعملت arp-a فظهر الماك الخاص به

يعني حد يقولي دور ال gateway في الحالة السابقة إيه .

حاسس إني ملخبط.

أتمنى شرح هذه النقطة من أحد الأخوة في المنتدى ولا شكلي هروح لكتاب ccna وأذاكر من جديد .

[one-zero]

هو طبيعي يعمل كده بس ده شئ مش مفضل في التصميم

السويتش حياخذ البنج ويشوف انها مرسله الي ماك جيتواي ( جيت واي السبانترفيس الثاني مش بتاع الجهاز المرسل ) هو مش عارف الماك يتاعها فيعمل uincast flooding حيرد عليه الروتر يقوله اويه ده سبانترفيس عندي

وممكن تتاكد ان الكلام ده حصل من ال
Switch#show mac-address-table
يعني اللعبه هنا من الاخر حصلت علشان الروتر عنده اثنين سب انترفيس لهم ماك ادرس واحد اللي هو بتاع الانترفس الاصلي

وده اسمه تضييع وقت المفروض اعمل الحاجه منظمه احسن وبأصول علشان ال troubleshooting يكون اسهل بعد كده

[ahab]

هو طبيعي يعمل كده بس ده شئ مش مفضل في التصميم

السويتش حياخذ البنج ويشوف انها مرسله الي ماك جيتواي ( جيت واي السبانترفيس الثاني مش بتاع الجهاز المرسل ) هو مش عارف الماك يتاعها فيعمل uincast flooding حيرد عليه الروتر يقوله اويه ده سبانترفيس عندي

وممكن تتاكد ان الكلام ده حصل من ال
Switch#show mac-address-table
يعني اللعبه هنا من الاخر حصلت علشان الروتر عنده اثنين سب انترفيس لهم ماك ادرس واحد اللي هو بتاع الانترفس الاصلي

وده اسمه تضييع وقت المفروض اعمل الحاجه منظمه احسن وبأصول علشان ال troubleshooting يكون اسهل بعد كده

أولاً : أشكرك أخي الكريم على سرعة تجاوبك
والكلام ده جميل جدًا ومقنع في الحالة الأولى وهي استخدام ال Inter vlan لأنهم لهم نفس الفيزيكال إنترفيس





يعني اللعبه هنا من الاخر حصلت علشان الروتر عنده اثنين سب انترفيس لهم ماك ادرس واحد اللي هو بتاع الانترفس الاصلي



لكن مع الحالة الثانية وهي استخدام ال GNS3 أنا عامل راوتر وموصل شبكتين على 2 إنترفيس وكل إنترفيس له MAC مختلف فهل الراوتر برده هيرد عليه ويقوله أيوه دا إنترفيس آخر عندي


[SIZE="3"]


السويتش حياخذ البنج ويشوف انها مرسله الي ماك جيتواي ( جيت واي السبانترفيس الثاني مش بتاع الجهاز المرسل )


طيب الكمبوتر كيف حصل على هذا ال mac أصلاً .. مجرد استفسار !




وده اسمه تضييع وقت المفروض اعمل الحاجه منظمه احسن وبأصول علشان ال troubleshooting يكون اسهل بعد كده

أكيد طبعًا دا شيء مش منظم ، لكن أنا كنت عايز أعرف السبب فقط.

[Nightspy]

مع انى ما بحثت عن الموضوع لاكن اتوقع الموضوع كلة يتعلق بالProxy ARP

[one-zero]

لكن مع الحالة الثانية وهي استخدام ال GNS3 أنا عامل راوتر وموصل شبكتين على 2 إنترفيس وكل إنترفيس له MAC مختلف فهل الراوتر برده هيرد عليه ويقوله أيوه دا إنترفيس آخر عندي

رد عليه علشان الانترفيس الثاني هو connected ايضا و بالتالي عارف الماك بتاعه و بالتالي حيرد على arp request بالايجاب


طيب الكمبوتر كيف حصل على هذا ال mac أصلاً .. مجرد استفسار !


ببروتكول ال arp

https://www.juniper.net/techpubs/software/erx/erx50x/swconfig-routing-vol1/html/ip-config8.html
https://www.tildefrugal.net/tech/arp.php

[ahab]

أنا كنت لسه هستفسر عن حاجة تانية

ولكن لاحظت الرابط فخليني أشوف الرابط وبعدين أستفسر

وجزاك الله كل خير أستاذي العزيز

[one-zero]

انا معاك على النت الان عموما لمده ساعه كمان
لو عايز اي مساعده اخي الحبيب

[ahab]

سؤالي يا أستاذ/ ياسر

حتى تضح الصورة

Xp1 ال Ip هو 10.10.10.2 وال gateway هو 10.10.10.1
XP2 ال ip هو 11.11.11.2 وال gateway هو 10.10.10.1 ( هذا ما تم عمله على ال GNS3 )

من جهاز 11.11.11.2 عملت بنج على 10.10.10.2 نجح البنج

ايه الي حصل

الأول علشان أي باكيت تروح للجهاز 10.10.10.2 لازم يكون عارف ال mac
طيب هو حدد إنه في شبكة مختلفة

إذا هيسأل على الماك لل gateway المتسجل عنده

هذا السؤال سيصل إلى الإنترفيس 11.11.11.1 المتصل مباشرة ب 11.11.11.2
الراوتر هينظر عنده هيلاقيه direct connected إذا هيرد ب ال mac الخاص ب 10.10.10.1 وهو الطرف البعيد

هل هذا الكلام صحيح

لأن أنا معتقد ( إن لازم ال mac لل destination يكون الماك لإنترفيس الراوتر المتصل بالحاسب مباشرة يعني مفكر إنه هيرد بالماك الخاص ب 11.11.11.1 )

أرجو التعليق

[ahab]

أعتقد إنه لازم يرد بالماك للإنترفيس المتصل مباشرة بالحاسب

لأن دا اللي هيتسجل في السويتش

[ccna1]

اسمحوا لي اشارك واقول مجرد رأي وأرجو التصحيح اذا كان هاك خطأ

نستخدم السب انتر فيس اذا اردنا اثنين vlan او اكثر يشوفو بعض واذا كان لدينا سب انتر فيس فمعناه ان لكل vlan ديفولت جيت وي مختلفة

ونستخدم لكل ال vlans ديفولت جيت وي واحد ونفعل بينهم راوتنق بروتوكول

اعتقد حتكون طريقة عملية صحيحه ومناسبة

لكم فائق الاحترام اخواني

[one-zero]

ثواني اعمل كوب نسكافيه و راجع لك ( مع الاسف اخذت منوم علشان انام و لم يعمل اي شغل على الرغم ان دي يمكن اول مره اخذ منوم ) شكلي حتفرج على الماتش وانا بأكل رز ولبن مع الملائكه

راجعلك

[one-zero]

شوف يا سيدي اعتبر الروتر جهاز له كرتتين نيتورك
السويتش سأله ياعم الوتر تعرف الماك بتاع 10.10.10.2
الروتر يقوله اه طبعا عرفه ده واحد من كرتيتين النتورك بتوعي اتفضل اهو الماك بتاعه
السويتش ياخذ الماك حيوطه في الماك تيبل بتاعه ويرسل كمان الرد لجهاز 11.11.11.2
-------------------------------------------------------------------------------------------------------
وانا اسف لاني استخدمت تعريب الانجليزي بالعربي كده بس للسرعه في الرد

[ahab]

شوف يا سيدي اعتبر الروتر جهاز له كرتتين نيتورك
السويتش سأله ياعم الوتر تعرف الماك بتاع 10.10.10.2
الروتر يقوله اه طبعا عرفه ده واحد من كرتيتين النتورك بتوعي اتفضل اهو الماك بتاعه
السويتش ياخذ الماك حيوطه في الماك تيبل بتاعه ويرسل كمان الرد لجهاز 11.11.11.2
-------------------------------------------------------------------------------------------------------
وانا اسف لاني استخدمت تعريب الانجليزي بالعربي كده بس للسرعه في الرد

تمام يا أستاذنا دي أقدر أتأكد منها لما أروح البيت أشوف mac address table للسويتش لو لقيت فيه ال mac لللإنترفيس البعيد يبقى كل المشاكل اتحلت

وألف شكر على تعبك معاي
وربنا يجعله في ميزان حسناتك

[ahab]

ثواني اعمل كوب نسكافيه و راجع لك ( مع الاسف اخذت منوم علشان انام و لم يعمل اي شغل على الرغم ان دي يمكن اول مره اخذ منوم ) شكلي حتفرج على الماتش وانا بأكل رز ولبن مع الملائكه

راجعلك

ساعتها ممكن تشوف المبارة على كيفك ومصر تفوز خمسة / صفر

[ahab]

اسمحوا لي اشارك واقول مجرد رأي وأرجو التصحيح اذا كان هاك خطأ

نستخدم السب انتر فيس اذا اردنا اثنين vlan او اكثر يشوفو بعض واذا كان لدينا سب انتر فيس فمعناه ان لكل vlan ديفولت جيت وي مختلفة

ونستخدم لكل ال vlans ديفولت جيت وي واحد ونفعل بينهم راوتنق بروتوكول

اعتقد حتكون طريقة عملية صحيحه ومناسبة

لكم فائق الاحترام اخواني

أخي الكريم كلامك صحيح ولا خلاف عليه

اقرأ المشاركة الأولى بتمعن

واحد لسه بيدرس في الشبكات و مستكتر إنه يكون لكل vlan ـ(gateway مختلف ) فبيقول نحط أي ip من ال ip اللي على subinterface هو ال gateway لكل ال vlan ( طبعًا هو ضربها حظ )

فلما حبيت أقنعه إن الكلام دا مش هيحصل
وجربت على ال packet tracer ولاب آخر على GNS3

لقيت إن كلامه ممكن تعمله وبينجح الاتصال ( هي طريقة غير نظامية )
فكنت عايز أعرف ايه السبب

والحمد لله قام الأستاذ / ياسر بتوضيح الموضوع

[warior10]

المشاركات دية كلها فى يوم واحد
ليه هو مفيش حد قاعد قدام التليفزيون مستني الماتش
وعاى فكرة يا ايهاب
مصر هتاخد خمسة مش هتغلب بالخمسة
منتخبنا دايما عودنا ان الماتش الى نكون متوقعين الفوز فيه نتهزم فيه
وماتش امريكا يشهد

[ahab]

المشاركات دية كلها فى يوم واحد
ليه هو مفيش حد قاعد قدام التليفزيون مستني الماتش


لأ يا عم : احنا كلنا قاعدين لكن انت اللي نايم متأخر ولسه صاحي دلوقتي

تصدق إني مش ناوي أتفرج على الماتش

مش بحب حرق الأعصاب.

[Nourel2mar]

ياجدعان بلاش احباط بقا
تفائلوا بالخير تجدوه واحنا فريقنا بيعلب كويس دايمًا بس بنخسر لما نفرح بنفسنا ونتمنظر على الفرق الهايفه
انما ان شاء الله كله تمام
بس هو الموضوع كان gateway قلب على دريم سبورت ولا ايه :D

[ahab]

شوف يا سيدي اعتبر الروتر جهاز له كرتتين نيتورك
السويتش سأله ياعم الوتر تعرف الماك بتاع 10.10.10.2
الروتر يقوله اه طبعا عرفه ده واحد من كرتيتين النتورك بتوعي اتفضل اهو الماك بتاعه
السويتش ياخذ الماك حيوطه في الماك تيبل بتاعه ويرسل كمان الرد لجهاز 11.11.11.2
-------------------------------------------------------------------------------------------------------
وانا اسف لاني استخدمت تعريب الانجليزي بالعربي كده بس للسرعه في الرد

أنا آسف أستاذي على إزعاجك

ولكن لما روحت البيت بعد ما عملت البنج ونجح تمام على ال packet tracer

لم أجد في mac-address table للسويتش غير ال mac للإنترفيس المتصلة مباشرة بالسويتش

وكمان من gns3 لو الراوتر هيرد ب ال mac للطرف البعيد أكيد كنت هلاقيه في ال cash لل arp المتسجل على الحاسب


فلو أتقل عليك وعندك وقت تشوفهالي على سويتش حقيقي .

نقطة الخلاف ( هل الراوتر هيرد بال mac للإنترفيس البعيد وبالتالي هيتسجل في السويتش وهذا لم أجده على ال paket tracer أو gns3)
أم الراوتر هيرد بال mac للإنترفيس المتصل مباشرة وهذا هو المسجل في السويتش

وجزاك الله كل خير

[ozaro19]

الراوتر هيرد بالماك الخاص بالانترفيس المتصله مباشره
وهيقول للجهاز دا الماك اللي تبعت عليه للجهاز اللي عايز تبعتله ولما البكت توصل للراوتر هيغير الماك لماك الجهاز ويرسله


حسب ما اعرف : )

[ahab]

الراوتر هيرد بالماك الخاص بالانترفيس المتصله مباشره
وهيقول للجهاز دا الماك اللي تبعت عليه للجهاز اللي عايز تبعتله ولما البكت توصل للراوتر هيغير الماك لماك الجهاز ويرسله


حسب ما اعرف : )

هذا هو نفس تفكيري

وجزيت خيرًا على المشاركة

[frozenEyes]

ألسلام عليكم ورحمه الله وبركاته

طبعا بعد كلام استاذ ياسر والاخوة الافاضل ما فيش كلام تانى :)

انا حبيت اجرب الموضوع دة عملى و أشوف الروتر هيدى الجهاز اى mac address فنزلت WireShark علشان اشوف
ايه اللى بيحصل ،

فى البداية جهازXP فى نتورك 172.16.2.0/24 وجيب واى 172.16.2.1

والاخر فى نتورك 172.16.3.0/24 و جيت واى 172.16.2.1

وطبعا بينهم روتر ،،


https://www.m5znk.com/up4/uploads/images/m5znk-8c1d0db0e7.gif





وعملت ping فى البداية لم اعتقد انه سيفلح ولكن لقيت ان replay عادى جدا

فقمت بعمل capture للانترفيس فى XP و جربت ping تانى ، فبالرغم من ان الجهاز 172.16.3.2 و الجيت واى له
172.16.2.1 فالروتر رد عليه بالماك بتاع 172.16.3.1 وليس 172.16.2.1 ( يعنى رد عليه بماك الانترفيس المتصل به )



https://www.m5znk.com/up4/uploads/images/m5znk-dd4d7f56ea.gif



https://www.m5znk.com/up4/uploads/images/m5znk-04bdfdb1ba.gif



ارجو ان أكون أجبت عن السؤال بطريقة عملية :)

وبالتوفيق ان شاء الله ،،،

[hisooka_dos]

سلمت يداك ..يعطيك العافية

[Nightspy]

طبعا هيرد بالماك المتصل بية Direct

حد يجرب هذا الامر ويقول هل سيعمل ام لا

Router# configure terminal
Enter configuration commands, one per line. End with CNTL/Z.
Router(config)# interface ethernet 0
Router(config-if)# no ip proxy-arp

[ahab]

جزاك الله كل خير أخي frozenEyes

فعلاً إنت جاوبت على سؤالي بشكل عملي تمامًا
وبكده تكون الصورة واضحة .

والشكر موصول لكل من شارك في الموضوع
وجزاكم الله كل خير

[one-zero]

الراوتر هيرد بالماك الخاص بالانترفيس المتصله مباشره
وهيقول للجهاز دا الماك اللي تبعت عليه للجهاز اللي عايز تبعتله ولما البكت توصل للراوتر هيغير الماك لماك الجهاز ويرسله

بالظبط كده يا ايهاب سيبك من هياس قلة النوم بتاعي امبارح :)

[ahab]

بالظبط كده يا ايهاب سيبك من هياس قلة النوم بتاعي امبارح :)


دا شكله مش قلة نوم يا أستاذنا

يبدوا إن المباراة كانت عاملة عمايلها معاك

وألف شكر . أنا فعلاً تعبتك معاي