۩(●̮●)۩ ماذا ينقص السوق المصرى ..؟؟ ۩(●̮●)۩ [الأرشيف]

Ĵ Ŏ ƙ Э Ř

14-11-2009, 22:28

السلام عليكم ورحمة الله وبركاتة

مما لايخفى للكثيرون ان هنالك تطور ملحوظ بالسوق المصرى

بسبب وجود اصحاب توكيلات فاهمون و محترمون ذو ضمير يسعون الى الرقى بالسوق المصرى و ليس تحقيق اكبر قدر من الربح فقط ...

امثال استاذ شريف عبد العظيم و استاذ اسلام رضا و غيرهم ...

لكن مايزال هنالك ثغرات فى النسيج العام للسوق متمثلة فى منتجات هامة و ضرورية غير موجودة او غير متنوعة و مقتصرة فقط على نوع او اثنين

مثل

عدم وجود سماعات محترمة ذات ماركة و جودة و كفاءة عالية

و الشاشات السامسونج 23 و 24 الذى لايوجد بديل لهم

عدم وجود لمنتجات اسوس المتميزة عالميا

عدم وجود هاردات سيجات مثلا و اقتصار البديل الافضل هو البحث عن هاردات ويسترن بلاك

والعديد و العديد من المنتجات التى تحتاج الى التواجد او التنوع

ارجو ان تتفاعلو معى بذكر

ما الذى ينقص السوق المصرى ...و ما الذى يحتاج الى التغيير بة

ونطالب بة اصحاب التوكيلات و المستوردين

حتى يكون هنالك فرصة للاختيار و المقارنة و من ثم

هبوط اسعار المنتجات نتيجة انتشارها ووجود البديل لها

و النهوض و الرقى بالسوق المصرى اكثر و اكثر ...

HuLkY

14-11-2009, 22:48

اشكرك جوكر على موضوعك المميز

بس نبص لكذا حاجة الأول , ايه وضع التقنية فى مصر؟

من المفارقات الطريفة انك تلاقى مثلا شخص ما معاه موبايل ب 4000 جنيه مثلا , يقولك مدفعش فى كابوطر اكتر من 1200 جنيه!

هههههههههههههههههه , للأسف ده شائع جدا ! إيهيئ , النتيجة , فى سوق كومبيوتر له احكامه تبع المشترين

بمعنى, تعالى نبص سوا

شركة ما حبت تغرق السوق كييسات مثلا Lian Li وما ادارك ما اشركة دى :)

هى برة مولعة! لو جت هنا اكيد لها مشترى , بس مين حيشترى بكام؟! الشحن والوزن والجمارك وانت عارف اللفة بنت التيييييييييت دة كلها

تعالى نبص للمستخدم نفسه فى مصر , دخله كام؟ متوسط دخله كام؟ انفاقه ايه؟ ايه وضع التقنية فى حياته او حياتها؟

:)

متنساش الحمل كله فى الفئة دى من المشترين على الشباب , شوف انت وضع الشباب!

انا نفسى زيك السوق يرتفع للأعلى بس ازاى؟!

انا واحد من الناس مش اسراف والله بس مستعد اعمل جهاز بسعر خرافى! لا املك اى مشكلة فى شراء جهاز ب 30 باكو مدام اقدر! بس!!!!!!!!!!!!! فى حاجة! فى But فى الموضوع!

المفروض اشتغل بكام فى الشهر او السنة او نصف القرن حتى عشان احقق كل ده :)؟

بلاش كل ده! كارت يجا بن حلال وجهاز كويس اجدده كل فترة

متخيل نفسى بعمل كل فترة ما RMA وبرنامج Step Up زى باقى خلق الله فى بلاده المتطورة المتحضرة

يوم ما اقول ححدث تحديث مميت , معملش جمعية ما او افجر تحويشة شغل كام سنة مثلا.....................

نحط نفسنا مكان المستورد , ليه اجيب عالى كتير لسوق بهذا الشكل؟

انا بحق الله بجد معجب بشجاعة كل من ادخل منتج محترم للسوق , بس للأسف جوكر احنا مجبرين على اتباع الأغلبية

انا وانت لو احنا وحشيين والاغلبية حلوة لازم حنبقى كويسيين , من جاور السعيد يُسعد , والعكس صحيح الا من رحم ربى

شوف مثلا موضوع الاحتكار , الفصال , الغش , حط كل ده فى حسبانك!

حيتان فى السوق كل هدفها ضرب بعضها البعض عشان اكبر مكسب على حساب مستخدمين كل جلهم جهاز كويس وكله فى الأخر عشان فرد ما يسيطر على السوق بشكل بشع مقابل شوية لحظات فانية شوف كام واحد اتأذى بسببه!

انا نفسى زي زيك فى مكان اتسوق فيه وننزل سوا ننقى انهى موديل وده اه وده لأ , معاملة محترمة , مكان كويس بلا فلاسفة فى علم انشطار الذرة المكوكى وكل رأى تسمع منه كلام يثقب طبلة انفك الخارجية وكلام يشل اطرافك التسعة!

الاقى دعم فنى محترم , اسأله يفيدنى , اسعار كويسة , متنساش اللى بيحكم اخر واحدة دى اقتصادك! دى برة ايديك! اللهم لو انت بيئتك للاستثمار بتوفرك جو مناسب جدا لدرجة شركة كبيرة مثلا تعمل مصنع على الضيق هنا متبيع منه! شوف التكلفة حتقل اد ايه!

مثال صغير , مجموعة رجال اعمال يجيبوا توكيل ل GB مثلا على اساس انها بتبيع كويس هنا فى مصر وتفتح فرع تصنيع هنا ونلاقى عمالة مصرى وعربى والله ناس كويسة واللى برة مش ب 78 فص مخ عشان يكونوا احسن منا , شوية علم وتفكير منطقى الموضوع خلص , شوف انت سعر الموبو , حيكون زى برة تقريبا اوى!

قييس على كده الغيرة والمنافسة الشريفة حتخلى السوق كبير

المشكلة انك كل يوم بتشوف ابعاد للموضوع اكبر مما تتخيل عزيزى الجوكر

انا من سنتين كنت بمشى فى المول اقول ليه مفيش Asus

ِوية وبدأت افهم

وكل يوم الفهم بيزيد , تفهميمي بيزيد , وبفكر لو انا مكان المستثمر اعمل ايه :(

انا مش قصدى اعكنن والله بس موضوع ممتاز :) , وانا معاك فيه يا معلم ولعل وعسى نوصل لحاجة :)

vmidov

14-11-2009, 23:10

موضوع جامد جدا يا ابوحميد
وياريت يكون فعلا حل للمشكله
هحاول أوضح بعض الحاجات اللى شايف السوق محتاجلها طبعا على قدى :o

طبعا أولا واخيرا التنوع ثم التنوع ثم التنوع

معالجات : طبعا عندنا AMD وأنتل :) لكن برده فين التنوع
ليه I7 920 هو بس الموجود فى مصر وليه سعره غالى جدا مع أنه أضعف حاجه فى العيله دى
I5 معندناش منه إلا مودلين 860 تقريبا و 750 طيب فين الباقى سؤال محيرنى من زمان فين توكيل أنتل اصلا انا مش قصدى على العنوان انا أقصد انى مشفتلوش دور حتى ألأن حتى يخيل لى انه مش موجود ثم ان I5 اسعاره قمه فى ....... :ah32: لدرجه ان قريب من I7 920 ليه ؟ طبعا فى عروض جيده للبندل لكن مازالت من أقل المعالجات والبوردات الداعمه لها
AMD الحمد لله متوفر عندنا تقريبا الHigh End كله والLOw كمان لكن محتاجين أكتر بالنسبه للمتوسط

بوردات :
أين ASUS عملاقه البوردات طبعا انا مابقللش من المجهود المبذول لكن مازال معظم المتواجد جيجابايت وهى فى رأيى التجار وبعض المستهلكين هى No.1 فى نظرى هى No.5 :rolleyes: ومع ذلك مازالت المعتقدات موجوده بأنها الافضل

VGA:
انا شايف شغل مالوش مثيل صراحه من أستاذنا الفاضل /شريف عبد العظيم طبعا المجهود بتاعه فاق الحدود لأنه لم يكتفى بشئ واحد لكن ساعد وطور ودخل حاجات نحدش كان يتخيل انها تتواجد فى مصر ولسه كمان وأتمنى عن نفسى أنه يقدر يجيب توكيل حاجتين الاولى هاذكرها هنا وهى توكيل ASUS على الاقل فى كروت الشاشه والتانيه هقولها تحت شويه

Cases
ودى لازم يذكر فيها الشغل الممتاز لأستاذ/ أسلام
بصراحه تشكيلات كيسات ممتازه ومختلفه زمان-مش زمان أوى - مكنش فيه غير دولفين و جيجابايت وبالنسبه للكيسات فعلا محتاجين منتجات
NZXT , Thermaltalk

PSU,Ram
دى تانى حاجه أتمنى أستاذ/شريف يدخلها مصر إلا وهى منتجات Corsair مش لازم الرامات ممكن متلاقيش سوق هنا لكن على الاقل الباورات فعلا حاجه رهيبه
بالنسبه للرامات عندنا كينجستون فقط طبعا OCZ موجوده لكن نادره ودى مشكلتها
وطبعا السؤال الغريب اللى طالما دار بذهنى
أزاى توكيل كينجستون معندوش رامات DDR3 أو HX اذا ما فائدته :confused::confused:
الباورات المستهلك محتاج توعيه فعلا بالنقطه دى خصوصا لأنه الحاجه الوحيده المهمله وغير معروف أهميتها مع أنها أهمهم على الاطلاق

هاردات ياريت ياريت نفك عقده الWD من السوق لأنه مش المعجزه زى مالناس متوقعه فى أحسن منه بس المحلات هى اللى أجبرت المستهلك على أسلوبها ومنتجاته بل وخليته أدمنها وده أكبرغلط ده طبعا زى عقد الجيفورس :ah26: اللى مسببالى شخصيا عقده مكلكعه فى دماغى

الشاشات وال DVD's دول مش واخدين تقريبا نصف حقهم فى السوق

طبعا : أولا وأخيرا محتاجين 98% من أصحاب محلات الهاردويير يتم تغييرهم لأن اللى بيحصل منهم كتير جدا
طبعا كلنا عارفين وأكيد كل واحد فينا ليه معاهم أكتر من 10 مواقف على اأقل بس حاجه أستفزتنى جدا
لما أروح لمحل عارض بوردات AMD وأسأله لو سمحت البورده دى عامله كام
يرد عليا بكل أستفزاز بس دى AMD مش أنتل
معناها أيه بس دى AMD يعنى وحشه طب بتبيعها ليه
طيب هى حلوه ليه تحسسنى انى بسألك على زباله البوردات
ومعناه أيه الكلمه دى هو انا قلتلك انا عايز بورده أنتل أصلا عشان تقولى دى AMD
وبعدين هو مفيش فى مصر غير أنتل
وطبعا مننساش البوب الكبير اللى أحسن من ال5870 :mad:
جيفففورس 9600 1 جااايجا :ah34::ah34::ah34:

أتمنى اكون مطولتش عليك مع أنى طولت فعلا بس ده رأيى أو جزء منه الباقى مش فاكره حاليا :rolleyes:
وشكرا جدا على الموضوع الجامد ده ياأستاذى

masklove

14-11-2009, 23:56

عدم وجود سماعات محترمة ذات ماركة و جودة و كفاءة عالية لا يوجد كثير من المستهلكين من يهتم بالسماعات الي هذه الدرجة , وأغلب ميزانية من يشتريون الاجهزة توضع في الماذر والبروسيسور وليس من المعقول ان يتخلي مستهلك عن ماذر محترمة او بروسيسور في مقابل سماعة مهما تكن جودتها ولهذا يقبل الناس علي السماعات ذات الثمن المتوسط ولهذا لا يوجد في السوق سماعات غالية ومحترمة (الا قليل جدا) لأنه ببساطة لا مستهلك لها (مش معقول البضاعة تقعد عند التاجر 10 سنين عقبال ما حد يتعطف عليه ويشتريها )

و الشاشات السامسونج 23 و 24 الذى لايوجد بديل لهم نفس الرد السابق مع تغيير كلمة سماعة الي شاشة
كام في المئة من مستهلكين مصر يشاهد افلام blue-ray ! وكام في المئة من يشتري كروت شاشة قادرة علي العمل بجوده عاليه مع شاشات اكبر من 22-23 بوصة ؟! ده حتي الناس اللي ميزانيتهم 6000-7000 بيشتريوا شاشات 19 بوصة وبيكتفوا بكده قوي , فما بالك والغالبية العظمي من الناس ميزانيتهم في حدود 3000 بالشاشة

عدم وجود لمنتجات اسوس المتميزة عالميا لا اجابة لدي علي هذا السؤال وانا اتسأل مثلك تماما !!!!

ولا تنسي ايضا ثقافة المستهلك نفسه جيجابايت هي الافضل ! AMD بيسخن وانتل لأ ! وهكذا
وانا متأكد انك لو رحت سئلت مستهلك وقلت له عن رأيه في سماعات ب 500-600 جنيه هيكون رده هو "ليه يعني هي السماعات دي بتطلع اصوات من الجنة ولا انا هشغلها في فرح" !!! ده الرد اللي هتسمعه من 70 % من الناس

بالنسبة لموضوع الهاردات فنفس المبدأ بمعني لو جيت تبيع هارد ويسترن مستعمل وهارد سيجات مستعمل الاثنين نفس الثمن نفس المساحة نفس الحالة مين فيهما هيتباع اسرع ؟ <الاجابة متروكة للطالب>
رغم ان الهاردات السيجات محترمة جدا جدا الا ان شهرتها قليلة
ولهذا تجد الاقبال علي الويسترن (ولو مش متأكد انزل سوق المستعمل وشوف كمية الهاردات الويسترن وكمية الهارات السيجات)

في النهاية عايز اقول حاجة لأعضاء المنتدي وتقدر تعتبرها ملحوظة صغيرة وهي رأي شخصي تماما:
الناس اللي بتيجي تطلب منا تجميعات في المنتدي مادامت بتدخل الانترنت وتعرف تشترك في المنتدي وتبحث وكده معناه انهم عندهم سابق خبرة وده اللي جعلنا في المنتدي نأخد فكرة وردية شويه عن المستهلك ولو نظرنا الي اغلبية الناس فستجد ان معظمهم لا يمتلك تلك الخبرة
انا كنت نزلت اجمع جهاز لصديق ونظرا لظروف استنيت عند البياع ساعتان وشوية
1- في الساعتين دول البياع باع امام عيني اكثر من 5 شاشات سامسونج 19 بوصة
2- في نفس الساعتين باع شاشة واحدة فقط 20 بوصة (مش فاكر الماركة)
وعلي فكرة الراجل كان عنده شاشات 23 بوصة ولما سألته عنها قال لي ان زبونها قليل جدا جدا

محمد الجوهري

15-11-2009, 00:21

جيت على الوجيعه يا جوكر

أنا متفق مع هالكى فى 90 % من اللى قاله
فيما يخص دخل الأفراد و الأهد قابليتهم لدفع مبالغ
عاليه - فى نظرهم - لشراء اجهزه كمبيوتر
لا تنسى ان هناك اولويات ...
فمثلا لو سألت معظم شباب مصر الآن ماهو حلو حياتك
يقول لك بدون تردد : أتــــــــــزوج ..
و منهم من سيقول : أشترى سياره
و منهم من سيكتفى بالسكوت لانه
يعيش فى ظروف تجعله عاجز عن تحقيق أحلامه
أو حتى التفكير فيها بالمره

و لكــــــــــــن

على الجانب الآخر هناك منتجات ممكن تنزل السوق و
سعرها سيكون فى متناول يد الكثيرين
و لن ازيد فوق ما قاله الاخوه و لكن اتمنى ان ارى اكسسوارات
جديده و مراوح للتبريد و مشتتات باسعار متفاوته
ولا تنسى ان كل سلعه لها مشتر لها و ان السلع لن تبور
و لن تفسد او تنتهى صلاحيتها
فهناك أناسا على إستعداد لشراء معالجات CORE I 7
965 , 947 EE و لكن أين تلك المعالجات

طبعا لن اقوم بعرض للمنتجات التى أتمنى توافرها فى السوق
لكثره عددها و تنوعها و تشعبها و لكن هناك منتج اتمنى توفره فى
أسرع وقت الا و هى
XBOX 360 Controller For Windows

على الرغم من وجود Logitech Chillstream Gamepad
المزود بمروحه لتبريد الأيدى و منع تصبب العرق منها عند اللعب العنيف
و لكن ما يعيبه إرتفاع ثمنه البالغ 300 ريال

أحييك على الموضوع
و لك احلى تقييم
كما اتمنى من الإخوه التفاعل الإيجابى

modyrenoo

15-11-2009, 02:17

السلام عليكم و رحمة الله و بركاته
كلامك صحيح ميه ف الميه
انا بدور علي ASUS ومش لاقي مش عارف ليه
قدامك موديلات مرغم عليها زي ECS
Biostar MSI gigabyte
,وبصراحة انا عمري مااغير اسوس
جهازي القديم ASUS و الحالي ASUS
و ان شاء الله الجديد برضو ASUS
بس المشكلة في التوكيلات و المستوردين في مصر
ياريت نوصل لحل

latala43

15-11-2009, 17:00

موضوع رائع وياريت الكل يتفاعل بقوة معاه

أنا متضايق جدا من السوق المصري لإن في أصناف هناك بدائل كثيرة منها ويوجد منها الرخيص ويوجد منها الغالي وتناسب العديد من فئات المجتمع ولكن إحنا (محرومين) تماما من أشياء لايوجد منها لا أصلي ولا بديل ولا يدخل مصر من الآخر.
يعني مع إحترامي لرأي بعض المعلقين عن الـ ASUS لكن على الأقل بالنسبة للمازربورد يوجد جيجا بايت وEVGA وده معقول ويناسب فئات دخل مختلفة لكن أين:

"التبريد المائي"

هل تستطيع أن تشتري أي RADIATOR بأي نوع غير التعيس بتاع جيجا بايت. أين XPS أو ICE AGE أو AEROCOOL أو SWIFTECH أو THERMOCHEEL أو ..... أو THERMALTALK

هل تستطيع أن تشتري Reservior من المحروسه؟ هناك ما يزيد عن 100 شكل Reservior ولكن المعروض وخاصة من الشركات المذكورة أعلاه.

هل هناك PUMP في مصر. ليه ميكونش فيه وكيل لـ SWIFTECH أو حتى موزع محترم.

حترد عليه وتقول بس تكلفته حتكون عاليه حرد عليك وأقولك هناك العديد من المستخدمين (ليس بكثير) يتمنى الدخول في عالم التبريد المائي وخاصة مع حرارة الصيف ونزول الـ I7 ، إذا الحل أن يكون حتى بالطلب علشان ميخسرش التاجر بمعنى إحجز بنص المبلغ وحجيبلك طلبك بالضمان بعد شهر مثلا.

تكلفة أعلى تبريد مائي على مستوى Radiator xps 360 حتوصل لـ 400 دولار بدون مراوح يعني لو تم طرحه في مصر بـ 3000 جنيه أو أكثر فيه ناس حتجيبه بدليل إن Cosomos و الـ Antec 1200 بيتباعوا في مصر ، أينعم ببطيء ولكن بيتباعوا.

ليه مفيش شركة تجاريه عملاقه في مجال الكمبيوتر في مصر وكله محلات في مول ؟ يعني لو شركة جابت Swiftec 220 Ultimate مثلا وثمنه 235 دولار من أمازون وعرضته بـ 1800 جنيه في مصر مع الحل الأول لـ XPS أكيد فيه فئات معينه من المحترفين في مجتمع الكمبيوتر يشتروه.

أكثر حاجه أتشوق لرؤيتها في مصر في هذا الحر الشديد في الصيف هو:

المراوح الإحترافيه 120 mm

يعني سرعتها أكثر من 2000 rpm وصوتها 40 db مثلا ومش حذكر أنواع ليها لإنها كثيرة جدا. لو فيه شركة عرضت المروحة بـ 100 جنيه أعتقد أن فيه ناس كثيرة حتشتريها وممكن كل واحد يشتري على الإقل إثنين أو واحدة أو ثلاثه يعني مش حتخسر.

ثالثا : Kingston Data Traveller HyperX
رابعا: SSD

أنا أشكر ماكسيمام هاردوير على إنها بتتعامل مع ocz و عرفتنا الـ Cosmos والـ Antec وكمان أنا سعيد جدا بنزول الهاف 922 مصر والـ Sniper لكن أين أهم كيسه في العالم أكيد كلمكم حتقولوا 932

bony5

15-11-2009, 17:08

vmidov

15-11-2009, 18:01

يا جماعة دة انا امبارح كنت جايب تجميعة م الموقع هنا عشان اعمل جهاز اشتغل عليه برامج جرافيك و نزلت مول اسمه سوق الكمبيوتر فى جامعة الدول ومعايا الورقة اللى كاتب فيها الامكانيات .. واتفرجو بقى عالكوميديا
اسأل اكتر من 5 محلات عن كيسة ا باور سبلاى من نوع Thermaltake يقولولى اول مرة نسمع الاسم دة.
بلاش دى .. يمكن عشان ملهاش توكيل زى ما البعض قاللى.
طب والبوردة
ياجدعان حفيييييييت عشان الاقى DX58so او حتى عشان الاقى حد عارف اسمها حتى .. بس ولا الهوا.
البروسيسور .. كل ماسأل حد يقوللى عندى i7 طب انهى واحد ياعم الحج يقوللى هو i7 وخلاص مالوش انواع.
اخر مازهقت بعد لما لفيت على 3 مولات رحت واخد بعضى وراجع البيت و ماجبتش حاجة :ah34:.

أستاذى العزيز حضرتك متقدرش تلوم الناس على الحاجات اللى قلتها خصوصا معدا طبعا نقطه ان ال I7 ملوش أنواع
لكن انك تسأل على Thermaltalk أو البورده DX58so طبيعى ان متلاقيش حد عارفها الاول ملوش توكيل زى ماقلت التانى مفيش حد أساسا حاليا بيجيب بوردات أنتل فما بالك بالاحدث X58 وطبعا فى بدائل أفضل بكتير من أنتل على الاقل من ناحيه الامكانيات وطبعا الكفاءه زى P6T
+ سؤال بس محيرنى حضرتك بتسأل ليه على أى نوع من الI7 مع ان كل واحد فى المنتدى عارف ان مفيش فى مصر غير 920 :confused::confused:

أستاذ latala43
تعليق بسيط بس Gigabyte اساسا لاتعتبر بديل لASUS ولا تتساوى مع أو تقارن مع كل من ASUS و EVGA
+ EVGA مبتقدمش بوردات لAMD فبالتالى الواحد مضطر لجيجايت لكن الحمد لله ان فى MSI

bony5

15-11-2009, 18:35

vmidov

15-11-2009, 20:04

يا اخى العزيز انا جديد هنا فى المنتدى بصراحة و يمكن حضرتك تلاحظ دة من عدد مشاركاتى و مكنتش اعرف ان كل الناس عارفة ان مفيش فى مصر غير ال 920 بس ..

انا دخلت على موقع انتل و لقيت تقريبا 4 انواع منه و ناس من برة نصحونى بال 680 و قالولى انه متخصص اكتر فى مجال الجرافيك بس مش عارف اجيبو منين دة ( شكلى هستورد انا) :D

+ ان حتى كارت الشاشة ال Quardo مش موجود خااالص و ناس كتير برضو متعرفوش :mad:

أولا أهلا بحضرتك فى المنتدى الجميل ده إن شاء الله تفيد وتستفيد

اما بالنسبه للموضوع ده عشان كده الافضل تاخد أراء الناس من مصر بدل ماتخد أراء ناس من بره وتنزل تشوف الحاجه تلاقى ملهاش وجود
واضح من أختيارك لكارت الشاشه انك بتستخدم الجهاز للجرافيك وفى النقطه دى 860 أقل من 920 بمراحل حتى PhenomII X4 955 اعلى منه

https://www.guru3d.com/article/core-i5-750-core-i7-860-870-processor-review-test/16
https://www.anandtech.com/cpuchipsets/showdoc.aspx?i=3641&p=5

+ 860 LGA 1156 Socket اما ال920 1366 الشريحه اللى هينزل لها I9 بأذن الله أذا 920 أفضل للمستقبل مش ال860 زى مالمنتديات بره قالتلك
وبالمناسبه لو انت ناوى تشترى من بره ومتفرقش معاك السعر يبقى هات 975 أحسن أو 965 أفضل من الاتنين

اما بالنسبه للQuardo أعتقد صعب جدا تلاقيه لأن هنا التجار بيجيبوا الحاجات الاكثر مبيعا بمعنى أخر كروت الشاشه الخاصه بالالعاب مش للجرافيك والRendering لكن قبل كده أستاذ أنفرنال كان قال ان ممكن كارت من كروت ATI تقريبا كان 4670 يشتغل ككارت FireGL لأن تقريبا النواه بتاعته نفس نواه الFireGL بس محتاج Catalyst الخاص حاجه زى كده بها مش فاكر بالظبط والله

latala43

15-11-2009, 22:26

تعليق بسيط بس Gigabyte اساسا لاتعتبر بديل لASUS ولا تتساوى مع أو تقارن مع كل من ASUS و EVGA
+ EVGA مبتقدمش بوردات لAMD فبالتالى الواحد مضطر لجيجايت لكن الحمد لله ان فى MSI

حضرتك عندك حق بس في النهاية سواء ASUS أو GIGABYTE أو EVGA كلهم إسمهم مازربورد يعني الحمد لله يوجد مازر بورد في مصر والتجار محرموناش منها:cool:

أما إللي بتكلم عنه بخصوص التبريد المائي والفلاشات الإحترافيه والمراوح الإحترافيه والـ HAF 932 فدول ليس لهم بديل على الإطلاق. أو بمعنى آخر مستحيل تشتريهم في مصر ومستحيل تجد الغرض منهم أيضا في مصر. حتى الرامات Crosair فبديلهم موجود مع العلم أنهم الأعلى عالميا لكن عندنا رامات. أنا بتكلم عن إللي مفيش منه خالص والسوق يحتاجه بشده لشدة الحرارة في الصيف خاصة في أماكن يصعب تركيب تكييف بها.

حتقوللي الـ 932 بديلها موجود مع إحترامي لكل الآراء فبديل 932 في العالم من ناحيه كمية تدفق الهواء وخلافه فليس موجود وهي فئة أعلى من أي كيسه ثانية.

A-Bomb

16-11-2009, 01:13

هاقول شركات و منتجاتها بقي كلها:
xigmatek, rosewell, g.skill, raidmax
asus, asus, asus
dfi
مش عايزين كروت شاشة خلاص...
عايزين باورات كويسة رخيصة...كيسات...رامات....و باقي معالجات AMD:)
الشاشات أنا شايف ان الموجود في الفئات العالية قليل قوي.
السماعات هي بس الcreative
الmouse, keyborad عايزين منتجات اكتر من الموجود لأن الحاجات الجامدة هنا اسعرها خيالي جدا.
اجهوة محمولة كويسة...كفاية appleبقي و creative عايزين sandisk, cowon, archos و كدة يعني.
هو في حاجات مالهاش دعوة بالhardware بس السوق عامة محتاجها .
مجرد وجود منتجات من xigmatek و/او rosewell دا لوحده هايحل مشكلة الحاجت الرخيصة, لأن منتجاتهم سعرها مناسب جدا و كتيرة و تملأ الفراغ اللي في السوق دا.

vmidov

16-11-2009, 12:31

حضرتك عندك حق بس في النهاية سواء ASUS أو GIGABYTE أو EVGA كلهم إسمهم مازربورد يعني الحمد لله يوجد مازر بورد في مصر والتجار محرموناش منها:cool:

أما إللي بتكلم عنه بخصوص التبريد المائي والفلاشات الإحترافيه والمراوح الإحترافيه والـ HAF 932 فدول ليس لهم بديل على الإطلاق. أو بمعنى آخر مستحيل تشتريهم في مصر ومستحيل تجد الغرض منهم أيضا في مصر. حتى الرامات Crosair فبديلهم موجود مع العلم أنهم الأعلى عالميا لكن عندنا رامات. أنا بتكلم عن إللي مفيش منه خالص والسوق يحتاجه بشده لشدة الحرارة في الصيف خاصة في أماكن يصعب تركيب تكييف بها.

حتقوللي الـ 932 بديلها موجود مع إحترامي لكل الآراء فبديل 932 في العالم من ناحيه كمية تدفق الهواء وخلافه فليس موجود وهي فئة أعلى من أي كيسه ثانية.

بخصوص التبريد المائى فهو مش مختفى من عندنا فى تبريد مائى لكن جيجابايت بس
الفلاشات والمراوح ليك حق فى النقطه دى
ال HAF 932 فى بديل ليها Cosmos S و أفضل منها كمان

latala43

16-11-2009, 13:08

بخصوص التبريد المائى فهو مش مختفى من عندنا فى تبريد مائى لكن جيجابايت بس
الفلاشات والمراوح ليك حق فى النقطه دى
ال HAF 932 فى بديل ليها Cosmos S و أفضل منها كمان

معلهش إذا كنت برد كثير لكن الموضوع مهم جدا ومستحوز على تفكيري منذ فترة.

أولا: الجيجابايت ده ليس تبريد مائي ده تسخين مائي :ah5:

ثانيا: الـ Cosmos S خلصت خلاص وهي كانت كيسه محترمة جدا لكن ملحقتش أجيبها للأسف لكن أحب أوضح شيء مهم قوي إن الـ Cosmos S هي أفضل كيسه يركب فيها 7 أنواع Radiator عالمية للتبريد المائي في السقف بتاع الثلاث مراوح. وممكن يركب فيها push - pull يعني 6 مراوح في السقف ثلاثه تحت الـ Radiator وثلاثه في مكان الـ Radiator بس فانات إرتفاعها لايزيد عن 25 ملم. وكمان هيه E-ATX وأهم ما بها هو الفلاتر للتراب وعمقها المهول Depth ولكن لو مفيش تبريد مائي يبقى برده كويسه ولكنها ليست بفائدة الـ 932.

وأيضا أنا نسيت حاجه مهمه قوي هي هل يوجد في السوق المصري أي نوع أيا كان من الـ Fan Controllers اللي فيه منه تقريبا فوق 10 أنواع محترمه عالميا وفيه منه 36 وات و 40 وات بيركب على مراوح الدلتا والبانافلو بتاعة باناسونيك.

إذا إحنا بنشتري قطع غالية ولكن لا توجد كيسات تحميها مع إحترامي للـ 922 والـ Sniper والـ Antec 1200 إللي أعتقد مازالوا متوفرين وهم جيدين أيضا. ولكن لمن يريد الإحتراف لازم نظام تبريد قوي. والغير إن الشباب بيعمل Over Clock لسه

vmidov

16-11-2009, 13:29

معلهش إذا كنت برد كثير لكن الموضوع مهم جدا ومستحوز على تفكيري منذ فترة.
أولا: الجيجابايت ده ليس تبريد مائي ده تسخين مائي :ah5:

ثانيا: الـ Cosmos S خلصت خلاص وهي كانت كيسه محترمة جدا لكن ملحقتش أجيبها للأسف لكن أحب أوضح شيء مهم قوي إن الـ Cosmos S هي أفضل كيسه يركب فيها 7 أنواع Radiator عالمية للتبريد المائي في السقف بتاع الثلاث مراوح. وممكن يركب فيها push - pull يعني 6 مراوح في السقف ثلاثه تحت الـ Radiator وثلاثه في مكان الـ Radiator بس فانات إرتفاعها لايزيد عن 25 ملم. وكمان هيه E-ATX وأهم ما بها هو الفلاتر للتراب وعمقها المهول Depth ولكن لو مفيش تبريد مائي يبقى برده كويسه ولكنها ليست بفائدة الـ 932.

وأيضا أنا نسيت حاجه مهمه قوي هي هل يوجد في السوق المصري أي نوع أيا كان من الـ Fan Controllers اللي فيه منه تقريبا فوق 10 أنواع محترمه عالميا وفيه منه 36 وات و 40 وات بيركب على مراوح الدلتا والبانافلو بتاعة باناسونيك.

إذا إحنا بنشتري قطع غالية ولكن لا توجد كيسات تحميها مع إحترامي للـ 922 والـ Sniper والـ Antec 1200 إللي أعتقد مازالوا متوفرين وهم جيدين أيضا. ولكن لمن يريد الإحتراف لازم نظام تبريد قوي. والغير إن الشباب بيعمل Over Clock لسه

أكيد طبعا جيجابايت لايعتبر أحترافى ولا حتى المشتتات بتاعتها لكن موجود ومتنساش ان الطلب على التبريد المائى نادر جدا حتى الاحترافى وكاسرى السرعات بيفضلوا التبريد الهوائى سواء فى مصر أو خارج مصر بسبب تكاليف التبريد المائى العاليه + تقارب الدرجات بينه وبين التبريد الهوائى الاحترافى
الCosomos فعلا خلصت بس أعتقد انه هيتجاب منها تانى قريبا + هى ATX,E-ATX مش E-ATX فقط
الHAF 932 بها مراوح قياس 230مم أكثر لكن الCosmos بها عدد مراوح أكبر +أوسع من 932 وتبريدها الهوائى ممتاز
التبريد الاحترافى مش لازم يكون مائى وحتى هنا فى المنتدى عامه نسبه ضئيله من تلجئ له فما بالك بمن فى مصر فقط

crypt76

16-11-2009, 15:18

تسلم إديك يا أبو الجواكر على الموضوع الجميل

ماذا ينقص السوق المصري... هممم، مش هكتب كتير

ينقصه الضمير، الأخلاق، الوعي، حسن المعاملة، قلة الفهلوة

Mr.pOPo

16-11-2009, 15:50

تسلم إديك يا أبو الجواكر على الموضوع الجميل

ماذا ينقص السوق المصري... هممم، مش هكتب كتير

ينقصه الضمير، الأخلاق، الوعي، حسن المعاملة، قلة الفهلوة

+1

بالاضافة الى المنتجات الغير متوفرة فى السوق المصرية

latala43

16-11-2009, 16:04

أكيد طبعا جيجابايت لايعتبر أحترافى ولا حتى المشتتات بتاعتها لكن موجود ومتنساش ان الطلب على التبريد المائى نادر جدا حتى الاحترافى وكاسرى السرعات بيفضلوا التبريد الهوائى سواء فى مصر أو خارج مصر بسبب تكاليف التبريد المائى العاليه + تقارب الدرجات بينه وبين التبريد الهوائى الاحترافى
الCosomos فعلا خلصت بس أعتقد انه هيتجاب منها تانى قريبا + هى ATX,E-ATX مش E-ATX فقط
الHAF 932 بها مراوح قياس 230مم أكثر لكن الCosmos بها عدد مراوح أكبر +أوسع من 932 وتبريدها الهوائى ممتاز
التبريد الاحترافى مش لازم يكون مائى وحتى هنا فى المنتدى عامه نسبه ضئيله من تلجئ له فما بالك بمن فى مصر فقط

إذا نحن متفقين وحضرتك تفكيرك به خبرة عاليه. ليه السوق المصري نزل الـ Sniper مش Black Edition؟ ولكن طبعا العاديه حله برده ومحترمة.

عموما زي ما في مقدمة الموضوع هناك تطور ملحوظ في السوق المصري وأنا شايف كده لكن أتمنى المزيد. ومش حتناقش معاك في الفرق بين التبريد المائي والهوائي في الأجواء الحارة زي ولاية أريزونا في أمريكا لإن التبريد الهوائي قوي جدا لو درجة حرارة الغرفة متوسط 25 زي ما حضرتك بتشوف في المنتديات الغربية لكن في أريزونا مثلا حيث التلوث كبير والغبار شديد (مناخ صحراوي) ودرجات الحرارة تصل إلى 39 بيلجؤا للمائي وبشرط يكون إحترافي يعني Radiator مش أقل من 360 مع إن الـ Swiftech Ultimat 220 ممتازة للسوق المصري برده لإننا مش حنكسر الدنيا وياريت شركة تجيب منه كام قطعة (ولو بالحجز) علشان متخصرش يعني إدفع مقدمة نص المبلغ والباقي عند الإستلام ودي فكرة حتشجع الشركات الكبيرة إنها تعرض بضاعة في الفاترينة بعلبتها مقفوله ويكتب عليها (محجوز) زي ما في المجالات التجارية الأخرى.

ولكن طبعا (أنا بقول ولكن كثير مش عارف ليه) OCZ Vendetta 2 كويسه والحمد لله إنها موجوده في مصر وبشكر شركة ماكسيمام عليها وعلى معجونها. ومش لازم يكون عندنا Rrolematch Megahalmes لإنها أصلا مش موجوده في أمريكا غير بالحجز ولا الـ TRUE لإرتفاع سعرها فكان إختيار شركة ماكسيمام معقول جدا.

vmidov

16-11-2009, 18:04

إذا نحن متفقين وحضرتك تفكيرك به خبرة عاليه. ليه السوق المصري نزل الـ Sniper مش Black Edition؟ ولكن طبعا العاديه حله برده ومحترمة.

عموما زي ما في مقدمة الموضوع هناك تطور ملحوظ في السوق المصري وأنا شايف كده لكن أتمنى المزيد. ومش حتناقش معاك في الفرق بين التبريد المائي والهوائي في الأجواء الحارة زي ولاية أريزونا في أمريكا لإن التبريد الهوائي قوي جدا لو درجة حرارة الغرفة متوسط 25 زي ما حضرتك بتشوف في المنتديات الغربية لكن في أريزونا مثلا حيث التلوث كبير والغبار شديد (مناخ صحراوي) ودرجات الحرارة تصل إلى 39 بيلجؤا للمائي وبشرط يكون إحترافي يعني Radiator مش أقل من 360 مع إن الـ Swiftech Ultimat 220 ممتازة للسوق المصري برده لإننا مش حنكسر الدنيا وياريت شركة تجيب منه كام قطعة (ولو بالحجز) علشان متخصرش يعني إدفع مقدمة نص المبلغ والباقي عند الإستلام ودي فكرة حتشجع الشركات الكبيرة إنها تعرض بضاعة في الفاترينة بعلبتها مقفوله ويكتب عليها (محجوز) زي ما في المجالات التجارية الأخرى.

ولكن طبعا (أنا بقول ولكن كثير مش عارف ليه) OCZ Vendetta 2 كويسه والحمد لله إنها موجوده في مصر وبشكر شركة ماكسيمام عليها وعلى معجونها. ومش لازم يكون عندنا Rrolematch Megahalmes لإنها أصلا مش موجوده في أمريكا غير بالحجز ولا الـ TRUE لإرتفاع سعرها فكان إختيار شركة ماكسيمام معقول جدا.

كلها ياعزيزى أسباب تجاريه وبرده منقدرش نلوم الناس اللى نزلت حاجه ومجبتش التانيه لأنهم خايفين يجبوها ومتمشيش

بس فكره حضرتك كويسه جدا ونفسى من زمان حد ينفذها ان بعض الحاجات باهظه الثمن تتجاب بالطلب الواحد يدفع مثلا 25 أو 50% والشركه تجبهالوا من بره
بس خد بالك هيبقى سعرها عالى عالى جدا لأقصى الحدود وده بسبب سعرها + الجمرك اللى هيكون أعلى من الطبيعى لأنها طبعا هتكون قطعه أو أتنين + الضرائب أذا كان فى ضرائب تضاف + مكسب الشركه ماهى برده مش هتجيبها ببلاش وده حقها طبعا
بس لو أطبقت هتريح ناس كتير حضرتك واحد منهم بس واضح ان أصرارك على التبريد المائى بسبب ان التكييف الهوائى مش نافع معاك لأسباب مناخيه أو بسبب طبيعه المنطقه اللى حضرتك ساكن فيها

على فكره تكرار الكلمه بيدل على أيدلوجيه فيزيائيه نفسيه غير محدد ملامحها البعديه من ناحيه خط الاستواء :D
بشكرك على المناقشه اللذيذه دى وياريت يا جوكر باشا منكنش ضايقناك بمناقشات جانبيه

vmidov

16-11-2009, 18:19

تسلم إديك يا أبو الجواكر على الموضوع الجميل

ماذا ينقص السوق المصري... هممم، مش هكتب كتير

ينقصه الضمير، الأخلاق، الوعي، حسن المعاملة، قلة الفهلوة

اللــــــه عليك يا أستاذ هيثم أستاذ ورئيس قسم :ah7: فعلا كلام فى الجوووووووووول
بس انا سامع ناس فى مدرجات الدرجه التانيه بتقول مش فاهمه
حاضر حاضر هوضحلكم
ينقصه الضمير : فى ان لما انا واحد مش فاهم وأروح للتاجر أسئله عن حاجه سمعت انها كويسه يقولى لا خد دى أحسن منها لمجرد انها هى الموجوده عنده مع انها أقل من اللى طلبته
الاخلاق : ألتزم بمحلى أطوره بدل ما أهد محل اللى جنبى وأضاربه فى الاسعار ولو بالخساره عشان أبيع أكتر منه
الوعى : حدث ولا حرج يكفى ان زبون يروح يشترى يبقى فاهم أكتر من البائع دى أكبر عيبه
حسن المعامله : للأسف صاحب المحل بيعتقد ان الزبون هو اللى محتاجه فعايز يتحكم فيه ولو مش عاجبك أخبط دماغك فى الحيط ولو زبون دخل بيسأل على حاجه وكترت أسألته ومش هيشترى مش بعيد يطرده بره المحل مع أن حسن المعامله بتكسب كتيـــر اكتر من البيع
قله الفهلوه : ياريت نلغيها خالص لأنها حتى فهلوه خايبه يعنى أروح أسأل محل عندك كارت 4870 يتفلسف ويقولى سيبك من 4870 ده انا عندى حته كارت 9600 جيفورس 1 كيكا

طبعا مفيش حد محتاج أوضحله حاجه زى كده بس زى ماتقول كده جيت على الجرح مصدقت أقول الكلمتين دول :p

Ĵ Ŏ ƙ Э Ř

17-11-2009, 01:53

ما شاء الله مناقشات جميلة و هادفة و بها العديد من النقاط الهامة

ان بس ظروف شغلى منعتنى من الرد عليكم اول باول

ان شاء الله بحلول الصباح اكون ناقشت معكم اهم النقاط التى طرحت حتى الان

لية طلب منكم ...

بوضع الموضوع فى توقيعكم و نشرة بالمنتدى حتى تتسع دائرة النقاش و الافكار الهامة و المنتجات التى نريد تواجدها

و التى نريد تنوعها ...

khalilo_1991

18-11-2009, 01:03

فيه عندنا في المنطقة محل بيبيع كمبيوتر pentium 5 :ah26:
بعض أصحاب المحلات بيستغلوا جهل الزبون

bony5

18-11-2009, 07:39

فيه عندنا في المنطقة محل بيبيع كمبيوتر pentium 5 :ah26:
بعض أصحاب المحلات بيستغلوا جهل الزبون

ههههه .. تصدق احنا كمان عندنا Pentium 4 معدل و 5 كمااااان :D

BionicMan

19-11-2009, 19:30

انا الي منرفزني فى كل ده ان الواحد لما يروح يشتري حاجة بيبقي المشتري فاهم اكتر من البائع و ديه فعلا اظن انها المشكلة فى عدم تواجد منتجات كتيير
يعني المشتري بيبقي فاهم عن التاجر ليه ؟
لان الاشخاص الي زينا المشترين بيدخلوا علي النت و علي منتديات محترمة زي المنتدي ده بيعملوا مقارنات و مناقشات و حوارات بخصوص منتج
فينتج عنه معرفة بالمنتجات معرفة شاملة و ايه الاحسن و ايه الي ينفع و الي مينفعش
المشكلة ان معظم المحلات الي موجوده حاليا فاتحين محلاتهم بغرض الكسب مش اكتر
يعني واحد عايز يعمل مشروع يقولك ادخل مجال الكومبيوتر المكسب فيه مضمون
و ده للأسف بيأثر علي المستهلك بصورة كبيرة جدا
لكن لو البائع بيدخل علي النت و بيدور و بيحاول يفهم ده هيفيدوه و هيفيدنا احنا كمان
يعني يدخل يتفرج علي المقارنات و التقارير عن منتجات عديدة يلم بمعرفة فى هذا المجال الواسع
و في الاخر عشان ميبقاش شكله وحش قدام المشتري ( تبقي عيبة يعني )
المنتجات الغير متوفرة فى السوق المصي كثيرة و متعددة
فى ناس هتقولي طب فى حاجات بديلة عنها... !
هرد عليهم و اقولهم حاجة بسيطة " لو اتفقت الاذواق لبارت السلع "
و اظن ان مش كل الناس متفقة علي منتج واحد يعني هتلاقي الي بيقولك انا مستريح مع INTEL و الي يقولك نفس الكلام مع AMD
يعني كل منتج وليه مستهلكيه
و نفس الكلام مع GIGABYTE - ASUS - MSI - EVGA - INTEL
KINGSTONE - OCZ - Corsair
CoolerMaster - Thermaltake - NZXT
ولو هنتكلم علي المنتجات مش هنخلص

و اسف علي الاطالة بس فعلا الموضوع مهم و شاغل دماغي من ساعة ما قرأته

"و الله أعلم"

| Fusion |

03-12-2009, 03:46

Ĵ Ŏ ƙ Э Ř

03-12-2009, 04:42

موضوع مهم ،، اتمنى استمرار هذا التفاعل البنّاء من الشباب لأن المنتدى بتابعه العديد من المسئولين و اصحاب المحلات الذين ينظرون دائماً لآراء الأعضاء بعين الإعتبار.

يُـثـبّـت لفترة.

و شكراً عمنا الجوكر على المبادرة الممتازة.

شكرا استاذ محمد

انا كنت نسيت الموضوع دة

بسبب عدم تفاعل العديد من اعضاء المنتدى الكبار و عدم تفاعل اصحاب التوكيلات و الشركات

ودة ضايقنى بشدة لدرجة انى لم اقم بالرد على الاعضاء الكرام اللى شاركو فى الموضوع

اكرر طلبك باستمرار المناقشة الهادفة البناءة ....

3m.Ahmed

03-12-2009, 16:58

اعتقد ان اكثر ما يحتاجه المستهلك المصري الا يظل الفرق مابين الجنيه و الدولار هو 8 اضعاف بعد اضافة الضرائب و الجمارك
في الوقت الذي ينهار الدولار امام جميع العملات مازال ثابت و بقوة امام الجنيه
و ده يعني حاجة من اتنين
1- الحكومة و البنك المركزي رغم تحرير سعر الدولار الا انهم يتحكموا في السعر من خلال ضخ و سحب كميات من الدولار في السوق
2-ان الدولار و الجنيه كلاهما يسقطان سريعا و بنفس المعدل لذلك الفرق لا يتغير

بصعوبة بدأ المشتري يفهم اهمية شراء باور سبلاي من ماركة محترمة بالرغم من ارتفاع تمنه و ده خوفا علي باقي المكونات التي زادت حاجاتها الكهربية عن امكانات الباور الصيني العادي

اعتقد ان لو الاسعار بقت مشابه لامريكا و اوربا يعني اغلي هارد لا يزيد عن 200 جنيه و احدث كارت شاشة لا يزيد عن 1000 جنيه
ساعتها فقط سنجد كل شئ موجود في السوق من اصغر الاكسسوارات الي اغلي المكونات و من افضل الماركات

اعتقد اني بحلم لكن دي مشكلة السوق الحقيقية و سبب الكساد الرهيب الذي نعيش فيه و اللي جميع خسران فيه سواء بايع او شاري

علي صعيد اخر :D
مطلوب ماوس A4teck (فأرة) من مودلات متنوعة خصوصا بتوع الجيميز لان سعرها مناسب و اقل كثيرا من اللوجيتك و الاداء جيد جدا
و اعتقد توكيل الطويل هو اللي ممكن يفيد في هذه النقطة لان الماوس ده بيظهر و يختفي بطريقة هلامية من السوق