ممكن أيضاح اجابه هذا السؤال

[manutd1010]

السلام عليكم ورحمه الله
والصلاه و السلام على رسول الله


أخوانى الكرام أ عضاء المنتدى الاكثر من ممتاز ممكن حل السؤال التالى مع شرح السبب

https://img18.imageshack.us/img18/8554/killtest18.png (https://img18.imageshack.us/i/killtest18.png/)


و جزاكم الله خيرآ

[Nourel2mar]

السلام عليكم ورحمة الله وبركاته

اهلا بك أخي الكريم

الجواب ان شاء الله هيكون رقم C

معاناها انه الروتر R2 هياخد OSPF Updates من الروتر R1 بس مش هيقدر ياخد منه الDefault Route مع ملاحظة ان المفروض كان ياخده لان الروتر R1 مكتوب فيه الكوماند Default-information originate والكوماند ده معناه اني بقوله الروتر الي هتبعت له OSPF Updates ابعت له معاهم الDefault route الي عندك والي هو ip route 0.0.0.0 0.0.0.0 Serial 0/0 وده تفسيره اني بقوله اي ترافيك يجي لك ميكونش موجود له مسار عندك طلعه من الSE0/0

طيب ركز معايا
الوقتي الكوماند بتاع الDefault route مش هيتبعت للروتر R2 مع اننا قلنا للروتر ابعته طيب ليه؟ :(
لأن يافندم في قاعده جميله اسمها split horizon بتستعمل في بروتوكولات كتير علشان نمنع بيها الloops وللاسف بقا الOSPF بيستعملها .... طيب الوقتي برده ايه علاقة القاعده دي بان الروتر مش راضي يبعت الكوماند بتاع الDefault route؟
اولا انا هقولك نص القاعده دي كما هو مذكور في كتاب CiscoPress - CCNA ICND2 Official Exam Certification Guide
النص هو كالآتي:

In routing updates sent out interface X , Do not include routing information about routes that refer to interface X as the outgoing interface

وفي حالتنا دي انت تطبق القاعده وتحط مكان X الكلمة SE 0/0 .
طيب برده عايزين نفهم اكتر الكلام ده .... هو بيقولك يافندم لو في routing update رايحين نبعته من انترفيس معينه زي مثلا Se0/0 الاول قبل ماتبعت ياروتر اوعى تبعت اي مسار يكون موجود فيه الانترفيس SE0/0 بحيث تكون المخرج بتاع المسار
يعني مثلا لو رايح ابعت للروتر الي جنبي مسارات كتير وهبعتم من الانترفيس se1/0 وفي منهم مسار مكتوب فيه لو عايز توصل للشبكة 192.168.1.0 تعالى لي . بس انا لما اخد الداتا عندي اصلا منه هطلعها من الانترفيس se1/0 فكدا بقا المخرج الخاص بالمسار هو se1/0 وانا اصلا هبعت له المسار من نفس الانترفيس " لاحظ المخرج ده يعني المكان الي انا هطلع منه الداتا لما الروتر التاني يبعتها لي علشان اوصلها للشبكة 192.178.1.0 وفي حالتنا هيكون المخرج هو se1/0"
المهم الروتر هيقوم متضايق بقا اول ميشوف المسار ده وواضح ان المسار ده الروتر مش هيطلعه ده هيولع فيه ويرميه من الشباك :D
طيب ليه؟ .... ليه نمنع المسار الي نبعته من انترفيس ويكون المسار ده فيه المخرج هو نفس الانترفيس؟ هقولك ليه
لان الروتر التاني لو خد المسار ده وحطه عنده وجه يوصل للشبكة الي انت كتبتها له في المسار هيقوم يبعت لك الباكت من الانترفيس se2/0 وانت حضرتك هتقوم مطلع الباكت من الانترفيس se2/0 يعني كدا هترجعها له تاني يقوم هو يقولها انتي ايه الي جابك تاني مقلنا لك الطريق من هناك فيرجع يبعتها للروتر على الانترفيس se2/0 وتفضل كدا الداتا تلف بينهم بقا
يبقا احنا كان لازم نطبق الsplit horizon ونمنع المسارات الي قلت لك عليها من انها تخرج للروتر التاني علشان منعملش المشاكل دي

نرجع بقا للسؤال بتاعنا ونفكر كدا الروتر الوقتي مكتوب فيه الDefault route بيقول انا اي داتا تيجي لي هطلعها من الانترفيس se0/0 طيب ده جميل بس المشكله بقا اني لما اجي ابعت المسار ده للروتر R2 هقوله ياروتر انت لما تحب تبعت داتا لاي شبكه مش عندك في الجدول هاتها لي
طيب لاحظ انا لما اجي ابعت له المسار هبعتهوله منين؟ هبعته من الانترفيس se0/0
يبقا انت كدا كسرت قوانين الsplit horizon فعلا لان المسار الي انت بعته المخرج بتاعه عندك هو الانترفيس se0/0 وانت رايح تبعت له المسار من نفس الانترفيس فكدا ممنووووووووع
حتى فكر معايا لو فرضنا ان الروتر R2 خد منه المسار وجت له داتا مش لاقي لها سكه يمشيها منها هيقوم يروح للمسار الي بيقوله اي شبكه عندك مش عارف طريقها فين هاتها لي فيقوم R1 ياخد الداتا بس هيعمل ايه بقا؟ .. هياخد الداتا ويروح مطلعها من SE0/0
فتقوم راجعه للروتر R2 و R2 يبعتها تاني ل R1 لان المسار عنده بيقوله ياعم اي شبكة هتجي لك مش عارف طريقها ابعتها ل R1 وتفضل الداتا الغلبانه تلف كدا لحد مارجليها تتكسر :D

اذًا فخلاصه القول ان الروتر R1 لما يجي يبعت Routing Update للروتر R2 مش هيبعت معاهم المسار الخاص بال Default route لانه بيخترق قاعده الSplit Horizon


أرجو أن يكون الحل صحيحًا وأن يكون تفسير الحل واضح وان كان هناك اي غموض فانا جاهز للرد عليك بإذن الله :)

[manutd1010]

اخى الكريم جزاك الله خيرآ على تعاونك معى وجعله الله لك فى ميزان حسناتك
اولا السؤال ده اجابته هى الاجابه (A) مثل ما فى الصوره
https://img38.imageshack.us/img38/6118/killtest18answer.png (https://img38.imageshack.us/my.php?image=killtest18answer.png)
ثانيآ أخى الكريم ال ospf لا يستخدم ال split horizon ألا فى بعض الاشياء التى ترتبط بال lsa وهذا ما علمته من البحث على النت
بعد قراءة شرحك و هذا ليس ضمن منهج ال ccna ولكنه تقريبآ يتبع لمنهج ال ccie ربنا يوعدنا و أياكم
ثالثآ انا ما يحيرنى انى لا اجد مانع يمنع من حصول neighbor بين الروترين و هذا سبب طرحى للسؤال .


وجزاك الله خيرآ

[Nourel2mar]

هو فعلا كلامك صح الظاهر اني مخدتش بالي ان الروترين جوا الArea 0 اصل المفروض لو واحد برا والتاني جوا يكون الكلام الي انا قلته شغال انما كدا اعتقد اني بوظت الدنيا :D
لا جوا الArea الواحده كدا المفروض انهم بيبعتوا لبعض LSA وبعدين يكونوا الجدول

انا هقولك حاجه لو افترضنا ان الحل الي مكتوب صحيح هو رقم A
يبقا اكيد الروتر R2 الانترفيس بتاعته ليها IP يقع في Subnet مختلفه عن الي يقع فيها الانترفيس بتاع الروتر R1 بس زس مانت شايف هي مش مكتوبه وده واضح انه خطأ في الباسفور شور او اي كان الشركه الي عملت السؤال :)
لان الحالات الي ممنوع يتكون فها neigbours اول حاله فيهم انهم يكونوا مش في نفس الsubnet

[manutd1010]

جزاك الله خيرآ أخى الكريم
هوا السؤال ده شكله غلطه ذى مانتا قلت لأن ملهاش حل تانى غير كده
و جزاكم الله خيرآ

[Nourel2mar]

طيب عن اذنك اروح انام بقا :D

[manutd1010]

تصبح على خير

[hisooka_dos]

السلام عليكم و رحمة الله


إسمح لي أخيNourel2mar ولكن أنا الذي أعلمه أن قاعدة split Horizon معمولة علشان البروتوكول RIP بس ..و الأخmanutd101 (https://www.arabhardware.net/forum/member.php?u=11147511)لم يضع لنأ السؤال مع الصورة والذي يقول: refer to exhibit assume that all the routers interfaces are configured correctly how will router 2 be affected by confiquration of R1 that is shown in exihibit.?
أن إلي فهمت lconfiguration بتاعت ospf تعملت ل router 1 بس ،و لي ظاهرة أمامك في الصورة
و بالتالي router2 مش عارف Router 1 أي لن تتم عملية التعارف بينهما ..

[donald1986]

السلام عليكم...
انا رأى مع hisooka_dos ان ال split horizon معموله لل RIP على حد علمى,و انا معاه برده فى و جهة نظره عن الحل ان R2 متعملهوش config و لذلك R2 مش قادر يعمل neighbor ship مع R1...

[kamel_s_s]

انا رائي ان ال routers مش هاتبقي neighbor علشان ال subnet مختلفة ياعني واحد /27 والتاني /30 والسؤال ده جه في الامتحان و انا جوبت A

[Nourel2mar]

ياجماعه مش معنى ان السؤال مأظهرش الكونفجريشن تبقا متعملتش ده تفكير مش صحيح
وكمان الOSPF فه Split horizon بس مش بيكون جوا الArea0 ده بيكون بين الروترات الي جواها والروترات الي براها
يعني الروتر ABR بتاع الArea0 بيتطبق عليه Split horizon لان هو بيستقبل summary :)
هو أغلب الظن ان السؤال ده متكتبش فيه الاي بي بتاع الروتر ولو كان مكتوب كان هيظهر انه اي بي مش في نفس الsubnet وكدا ميتكونش علاقة neighbour .. والله اعلم بالحق

[manutd1010]

السلام عليكم
اسف أخوانى على نقل السؤال ناقص بس عالشان انا جبته من الkilltest و ساعات اول السؤال بيبقى فى صفحه وباقى السؤال بيبقى فى صفحه تانى ودى كمالة السؤال
https://img35.imageshack.us/img35/7786/capturerl.png (https://img35.imageshack.us/my.php?image=capturerl.png)
و انا اتفق مع الاخ hisooka_dos (https://www.arabhardware.net/forum/member.php?u=11157373) فى حله و انا مكنتش واخد بالى من routers interfaces
و جزاكم الله خيرآ ووفقكم الى ما يحبه و يرضاه

[Nourel2mar]

انا رائي ان ال routers مش هاتبقي neighbor علشان ال subnet مختلفة ياعني واحد /27 والتاني /30 والسؤال ده جه في الامتحان و انا جوبت A

حضرتك احنا لما نتكلم عن الsubnet بيكون مقصود بيها الsubnet الي تنتمي لها الانترفيس السريال في كل روتر لكن متدخلش الانترفيس الEthernet معاك في الحسابات
احنا تركيزنا على الانترفيس الي بعتت الhello والي استقبلت الHello يعني الاتنين الي هما سريال على الرسمه اما الباقيين دول فطبيعي يكونوا مش في نفس الsubnet اصلا ده ممنوع يتشابهوا :)

[manutd1010]

انا رائي ان ال routers مش هاتبقي neighbor علشان ال subnet مختلفة ياعني واحد /27 والتاني /30 والسؤال ده جه في الامتحان و انا جوبت A


السلام عليكم
أخى الكريم ال subnet ال 27 و ال 30 على راوتر R1 و حتى هاتلقيه ذايع عنها فى الconfig بتاعه
و جزاك الله خيرآ

[Nourel2mar]

والله انا اخترت عن نفسي بس انا اغلب اعتقادي انه السؤال ده ناقص لان كل الانترفيس عليها عناوين ماعدا الانترفيس السريال الي هتحدد لنا هما هيكونوا علاقه neighbor ولا لا
انا اعتقد المفروض كانوا هيكتبوا عنوان الانترفيس دي عنوان منتمي لsubnet اخر

[hisooka_dos]

والله انا اخترت عن نفسي بس انا اغلب اعتقادي انه السؤال ده ناقص لان كل الانترفيس عليها عناوين ماعدا الانترفيس السريال الي هتحدد لنا هما هيكونوا علاقه neighbor ولا لا
انا اعتقد المفروض كانوا هيكتبوا عنوان الانترفيس دي عنوان منتمي لsubnet اخر


السؤال يقول " assume that all the routers interfaces are configured correctly" يعني كل subnets صحيحة ..

[hisooka_dos]

الإفتراض إلي بقى هو أن router 2 متعملهوش ospf config

[kamel_s_s]

ياجماعة علي ما افتكر ان 172.16.100.128 ده SERIAL IP ومش LAN IP بس الرسمة مبينه انه بتاع ال FASTETHERNET

[manutd1010]

السلام عليكم
أخوانى معلش انا متقل عليكم
ممكن السؤال ده تلقو عليه نظره لأن انا مش فاهمه و جزاكم الله خيرآ
https://img261.imageshack.us/img261/8746/147killtest.png (https://img261.imageshack.us/my.php?image=147killtest.png)

[hisooka_dos]

السلام عليكم
أخوانى معلش انا متقل عليكم
ممكن السؤال ده تلقو عليه نظره لأن انا مش فاهمه و جزاكم الله خيرآ
https://img261.imageshack.us/img261/8746/147killtest.png (https://img261.imageshack.us/my.php?image=147killtest.png)


أظن أن السؤال غير مكتمل... مقدمة السؤال محذوفة على الأغلب ..

[Nourel2mar]

السلام عليكم
أخوانى معلش انا متقل عليكم
ممكن السؤال ده تلقو عليه نظره لأن انا مش فاهمه و جزاكم الله خيرآ
https://img261.imageshack.us/img261/8746/147killtest.png (https://img261.imageshack.us/my.php?image=147killtest.png)



:confused::confused:

[manutd1010]

السلام عليكم
هوا السؤال موجود كده فى ال pdf ودى صوره مفصله
https://img687.imageshack.us/img687/9224/capture222.png (https://img687.imageshack.us/my.php?image=capture222.png)
وجزاكم الله خيرآ

[Nourel2mar]

صدقني يا اخي الكريم انا مش قادر اقرأ السؤال اصلا وافهم حاجه منه
السؤال غالبا ناقص منه حاجات كتير
انا لو منك ابطل اذاكر من killtest خليك في تستكينج مثلا :)

[manutd1010]

صدقني يا اخي الكريم انا مش قادر اقرأ السؤال اصلا وافهم حاجه منه
السؤال غالبا ناقص منه حاجات كتير
انا لو منك ابطل اذاكر من killtest خليك في تستكينج مثلا :)


السلام عليكم
جزاك الله أخى الكريم على اهتمامك هو فعلآ السؤال ميتفهمش منه حاجه بس انا كنت فاكر ان انا الى مش فاهمه
وانا مش معتمد على ال killtelst انا كنت ببص عليه من باب المراجعه

[hisooka_dos]

حسب السؤال الذي يقول"Given a subnet " ،يعني إذا اعتبرنا subnet mask التالي 255.255.255.224 ولنختار أي ip address لتكن X.X.X.0 إذن يمكن استخراج subnets التالية:

-
x.x.x.0
X.X.X.32
X.X.X.64
X.X.X.96
X.X.X.128
X.X.X.160
X.X.X.192

لنرجع الآن إلى السؤال والذي يقول ،ماهي العناوين التي يمكن تعينها ليلهوست ، الآن لنقارن الأجوبة المطروحة مع العناوين السابقة التي استخراجناها :

‎ 15.234.118.63-A لا يمكن تعيينها ليليهوست لأنها boadcast
B. 92.11.178.93 صحيحة لأنها في range بتاع X.X.X.64
C. 134.178.18.56 صحيحة لأنها في range بتاع X.X.X.32

D192.168.16.87 صحيحة لأنها في range بتاع X.X.X.64
E. 201.45.116.159 لا يمكن تعيينها ليليهوست لأنها broadcast
F. 217.63.12.192 لا يمكن تعيينها ليليهوست لأنها subnet

إذن الجواب الصحيح : B,C,D و في هيه الحالة لايمكن تطبيق إلا هذا الماسك 255.255.255.224
و أنا أسف لأني لا أشرح جيدا بالعربية كما يفعل Nourel2mar :D شرحه جيد

[Nourel2mar]

جزاك الله خيرا
بس انت شرحك 100% كفايا انك بتساعد الناس
ربنا يزيدك علمًا كما زدت غيرك علمًا وفائدة :)

[manutd1010]

السلام عليكم
جزاكم الله اخوانى الكرام على مساعدتكم لى ولجميع أعضاء المنتدى وجعله الله فى ميزان حسناتكم و نفعكم بعلمكم و وفقكم الى ما يحب ويرضى