المساعد الشخصي الرقمي

مشاهدة النسخة كاملة : مصر ... محتار مع CoolerMaster فى شراء كيس



BionicMan
22-11-2009, 08:47
السلام عليكم ورحمة الله وبركاته


انا ان شاء الله ناوي اشتري كيسة جديدة من العملاقة CoolerMaster بس محتار بين نوعين فيها :ah34:


CoolerMaster - HAF 922 - MidTower Case


https://img697.imageshack.us/img697/6274/haf9222.png

CoolerMaster - Storm Scout - MidTower Case
https://img218.imageshack.us/img218/8251/stormscout1.jpg


انا عارف الفرق بينهم و ان الهاف احسن فى التبريد و الكلام ده بس انا عايز اعرف رأيكم بصراحة الفلوس مش مشكلة مفرقتش كتييير قوي
مين الافضل بصرف النظر عن الاداء فى التبريد لان في ناس كتيير قلولي الستورم بردوه التبريد بتاعها حلو خصوصا انا مش من هواة الاوفركلوك قوي بس ميمنعش اني اعمل اوفركلوك فى المستقبل القريب ان شاء الله.

يا ريت تفيدوني يا شباب ؟؟؟؟؟؟؟؟!!!!!!!!!!

سلامووز :D

mohamed790gx
22-11-2009, 11:10
واضح من كلامك انك تميل للستورم

انا هقولك حاجه واحده شوف الي شكلها عاجبك فيهم واتوكل علي الله واشتريها

بالنسبه للهاف انا شايف انك لو من مصر هتطلع عينك في التنظيف من الغبار غير كده معليهاش كلام ومن افضل كيسات العالم ده راي الشخصي وبرده استني راي الخبراء هيفيدوك اكتر مني

BionicMan
22-11-2009, 12:31
يا سلام عليك حيرتني اكتر يا محمد
انا عارف ان الهاف احسن و مشكلتها هنا التراب خصوصا ان الهوا عندنا ما شاء الله نقي نقاء الكريستال :D
انا الي محتار فيه الشكل انا عايز الاراء بس عشان شوية يقولولي هاف و شوية يقولولي ستورم فا انا مش عارف خلاص هشد فى شعري :ah34: لو عندي اصلا

mohamed790gx
22-11-2009, 12:44
والله مش عارف اقولك ايه انا لم يسبق لي التعامل مع اي منهم لكن بالنسبه للشكل

عايز حاجه شكلها simple هات الستورم

عايز حاجه شكلها power full هات الهاف

بالنسبه ليا معايا cooler master elite 310 ازرق شكلها رائع وخامتها اروع مع انها من المنتجات الضعيفه من

cooler master فما بالك بالهاف وبصراحه الي ريحني معاها اكتر من القديمه (jumpo) الحراره ولا اروع

من الاخر صلي صلاه استخاره وربنا يوفقك

BionicMan
22-11-2009, 17:12
الله يكرمك يا ابوحميد ريحتني شوية ههههه
بس فعلا انا كنت محتار لدرجة اني قولت هجيب الاتنين و ريح نفسي
بس شكلي كده هجيب الهاف مع اني كان عجبني شكل الستورم بس انا شغال جرافيك ريندرينج و انيماشن و ان شاء الله فى خطط لكسر السرعة فهجيب الهاف عشان تبريدها الجبار

تسلم يا باشا علي رأيك و فعلا هعمل صلاة استخارة مفيش احسن منها

مرة تانية شكرا علي المساعدة

mohamed790gx
23-11-2009, 14:17
اي خدمه وبجد كان نفسي افيدك اكتر من كده

استفسار صغنن انت جبت الأسم بتاعك ده منين اول مره اسمعه وليه وقع حلو اوي cooool :cool:

BionicMan
23-11-2009, 16:33
هههههههههههه اول مرة حد يسأل علي الاسم :rolleyes:
عموما هو كان اسمي من زمان فى الجيمز و غيرها النيك نيم يعني بس غيرته من فتره بقي Mr.GoGo لان انا اسمي اصلا محمد الجوهري بس قولت اغير شوية

عموما الاسم ميغلاش عليك يا باشا :D

mohamed790gx
23-11-2009, 18:06
هههههههههههههههههههههه:D:D ربنا يخليك اصله شدني اوي :ah7:فمعرفتش امسك نفسي وسالتك عليه

اصل انا بفكر في نيك نيم جديد :ah30: مش لاقي بس كل اصحابي بيقولولي دولا حبيبي(محمد عادل)

عالموم اتشرفت بمعرفتك مستر جوجو

BionicMan
23-11-2009, 18:30
ربنا يخليك و ربنا يوفقك فى اختيار اسم جديد ان شاء الله

و تشرفت بمعرفتك استاذ محمد

محمد الجوهري
23-11-2009, 19:04
انا اسمي اصلا محمد الجوهري

:D :D :D

حصل لنا الرعب و التهديد

لو انا مكانك يا أبو حميد هاجيب الهاف بدون تردد
انا زاد اعجابى بيهاب بعد اما شفت تقرير دكتور قلبظ

BionicMan
24-11-2009, 16:52
:D :D :D

حصل لنا الرعب و التهديد

تصدق بالله انا والله دخلت المنتدي و اشتركت فيه بسببك :)
كنت بقرا شوية مواضيع لقيت اسمك قولت ايه ده جوهري زيي لا لازم اعرفه

و اديني قابلتك

انا عندي بقي سؤال صغنن عل رأي محمد :D

انت قريب محمود الجوهري مدرب المنتخب ولا انت من عائلة تانية اسمها الجوهري ؟

محمد الجوهري
25-11-2009, 00:05
و الله انا أتشرف و أسعد انى اتعرف عليك
و يشرفنى انى كنت سبب فى انضمامك لهذا الصرح
أنا اخوك محمد علاء الجوهرى
من كفر الشيخ
و بالنسبه لكابتن محمود الجوهرى .. ده مجرد تشابه اسماء

BionicMan
25-11-2009, 10:38
دا انا الي اسعد والله بس جصل خير اصل عائلة الجوهري كبيرة و متفرقين فى كل حتة فا قلت اعرف يعني
بس دي فرصة جميلة اني عرفت ناس زيكم يا استاذ محمد الجوهري و mohamed790gx

و انا فعلا نويت خلاص اشتري الهاف 922 و لو في 932 هجبها و هجيب ان شاء الله السامسونج الـــ24 بوصة 2494hs بس هضطر استني شوية عشان الميزانية كانت يدوبك :D