اسئله certificate للمشرف Webooo

[sayed_nada2002]

اولا شرح Certificate ولا اروع ولا احلى من كدا

انا طبقت الى حضرتك شرحته وكله شغال تمام :ah4:
لكن يجي هنا بقى وقت القلق :ah34:

السؤال الاول :- ايزاى اطلب الشهاده من السرفر وانا على الاكس بى
السوال التانى :- هل يتم عمل الشهاده على السرفر ولا عايزها يخدها ولا ايه
السؤال التالت : ازاى اعمل شهاده استخدمها مع الويب لسنر فى الايزا
السؤال الرابع : عايز اعمل شهاده لليوزر الى بيدخلوا فى بى ان


الخامس دا بقى رجاء وليس سوال

عايزين حاجه من واقع عملى يكون حضرتك عملتها :ah34:
اسف للاطاله
الف مليون شكر مقدمه لحضرتك :ah2:

[one-zero]

ساحاول ان اجيبك على اسئلتك على الخاص عندما يتوفر الوقت

[ja3com]

no (https://www10.0zz0.com/2009/12/02/13/418247749.jpg) plessssssssssssse mr yasser don leave as , those free videos are very important for as ALLAYBARAK FIK WA FI A3MALAK YA AKHI MATSIBCH ELKHIR ELLI BETE3MELO
PLEase the video cours are very important you said next week you gonna presente the video number 5 of certificates please im waiting for you

thank you in advance

[tarek_elmohamma]

وانا كمان يا باشمهندس ياسر الله يخليك عاوز اعرف نفس النقط اللى الاخ sayed بيسأل فيها لو ممكن تبعتلى على الخاص وياريت يكون على العام افضل اكيد فيه ناس كتير عاوزه تعرف

ولى كمان استفسارين صغيرين فى نفس الموضوع بس بعد ما حضرتك تفيدنا فى اسئلة الاخ sayed

وجزاك الله خيرا وزادك من علمه وفى انتظار رد حضرتك

[الشهبندر]

أضم صوتي للأخوة في هذه الطلبات
يا ريت الأخ المهندس ياسر يشرحها على العام
لتكون الإستفاده للجميع
وجعلها الله في ميزان حسناته

[outosend]

اخوانى فى كتاب microsoft press خاص بالPKI موجود على الانترنت من كام سنه الكتاب ده من احسن الكتب اللى نزلت فى هذا المجال ياريت تنزلوه فيه كل الاجابات عن الاسئله اللى فوق وزياده
MS Press - Microsoft Windows Server 2003 PKI and Certificate Security - 2004 -
ده اسم الكتاب

[sayed_nada2002]

لو سمحت لو الكتاب عند ارفعه لينا بعد اذان حضرتك

[sayed_nada2002]

https://rs164.rapidshare.com/files/50589177/Microsoft_Windows_Server_2003_PKI_and_Certificate_ Security__MS_Press_.pdf


دا رابط الكتاب يا جماعه

[عادل شبل]

مع احترامى لرأى الجميع_ كتاب ايه؟ مش معقول كل واحد عنده استفسار هنديله كتاب
عموما لحد ما يفضى المهندس ياسر ويرجع انا ممكن ارد على اى استفسار خاص بال certificate وال CA

بالنسبه للسؤال الاول للاخ sayed : عشان تطلب certificate من على السرفر وانت على xp _يا اما بال internet explorer وهتكتب https://CA-ip/certsrv وبعد كده كده تدخل ال username والباسورد بتوعك وبعد كده هتختار request certificate بس لازم تكون منزل ال IIS على ال CA والطريقه التانيه من ال certificate snap-in تفتح personal ثم كليك يمين على الفولدر certificatesوتختار request certificate او تعمل كليك يمين على ال certificate وتختار all tasks ثم renew لو عاوز تجددها وممكن تجددها بنفس ال key او ب key جديد

السؤال التانى: هى طبعا بتتعمل على السرفر بس انا بدى permission عليها وبدى allow enroll للناس اللى هتاخدها بس

السؤال التالت: مع ال web listener يعنى ال ISA server هيمثل ان هو web server _ خلاص اديله web server certificate هتلاقيه فى الtemplates اسمه web server بس خلى بالك ان ال CA مش public trusted CA يعنى لو اعطى ال certificate لحد من بره مش هيثق فيها لانه لا يثق فى الCA بتاعك ده local CA _ يا اما بقى تجيب لل CA بتاعك certificate من verysign مثلا

السؤال الرابع: ليه؟ ليه certificate لل vpn user ؟ مش ال user ده معاه certificate اصلا؟ ولا هو عاوز واحده مخصوص لل vpn connection ولو كده يبقى ليه؟ هى اللى معاه اصلا مش هتكفى ولا انت تقصد computer certificate ؟ ارجو التوضيح

السؤال الخامس: هيبقى من خبرة المهندس ياسر!!!!!! وما عليك الا الانتظار لحين ما يفضى وهو اكيد هيجاوبك

ومنتظر استفسارات الاخ طارق

[HD.Hard]

جزاكم الله خيرا يا اخى الكريم

[tarek_elmohamma]

الاستفسار الول هل ينفع اليوزر ياخد اكتر من certificat ولو ينفع ايه الغرض من كده

التانى عاوز اعرف بالتفصيل خطوات authantication والتشفير باستخدام ال certificat

وشكرا

[عادل شبل]

اولا بالنسبه للسؤال الاول: طبعا ينفع بس كل واحده ليها استخدامها _ هو مش ينفع يكون معاك بطاقه شخصيه تثبت شخصيتك وكارنيه كليه يثبت شخصيتك ورخصة عربيه تثبت شخصيتك وباسبور يثبت شخصيتك؟ طبعا ينفع بس تستعمل كل واحد فى مكانه يعنى ما ينفعش وانت داخل الكليه الصبح تطلع لحرس الجامعه الباسبور بتاعك ولا ينفع لما تقفشك لجنة مرور على الدائرى تطلع لهم كارنيه الكليه_يبقى رحت فى داهيه!!!! كذلك فى ال certificates ممكن ال user او ال computer يحصل على اكثر من certificate لكن لكل واحده استخدام منفصل عن التانيه

بالنسبه للسؤال التانى
1- عمليه ال authentication باستخدام ال certificate بتتم كالاتى
user1 هيبعت ال certificate بتاعته ل user2 واللى بتقول ان هو user1!! طب user2 هيتأكد ازاى من الكلام ده؟؟؟؟؟ زى ما انت عارف واكيد استاذنا المهندس ياسر شرح الكلام فى فيديوهاته _ان ال CA بيمضى على ال certificate بعد ما بيعملها للuser والامضاء ده بيكون بال private key بتاع ال CA _يبقى كده user2 استقبل certfifcate من user1 بتقول ان هو فعلا user1 وممضيه من ال CA اللى عملها؟ طب امته user2 هيصدق الكلام ده وهيثق فيه؟ اقولك امته_ اذا كان ال CA اللى مضى على ال certificate دى له certificate فى الفولدر اللى اسمه trusted root certification autheorities والفولدر ده هتشوفه فى الcertificate snap-in عند user2 وبالتالى هيقدر يجيب ال certfifcate دى اللى هى بتاع ال CA server ويطلع منها ال public key بتاعه ويقرأ الامضاء بتاعته بيه_ولو ده حصل يبقى كده user2 هيثق فى الشهاده اللى اعطاها له user1 ويتأكد انه هو فعلا user1 زى ما ال certificate بتاعته بتقول لانه صادره من CA موثوق فيه.

2- عمليه ال encryption باستخدام ال certfifcate بتتم كالاتى
user1 بيبعت ال certificate بتاعته ل user2 عشان يشفر له داتا باستخدام ال public key الموجود فى ال certificate بتاع user1 _ المره دى user2 مش هيدور على ال CA اللى عمل ال certificate لان المرحله دى خلاص فاتت_هو بمنتهى البساطه هيطلع ال public key بتاع user1 من ال certificate بتاعته ويشفر بيها الداتا ويبعتها له متشفره وساعتها مفيش اى حد يعرف بفك التشفير ده الا user1 لان هو الوحيد اللى معاه ال corresponding private key وبالتالى هو الوحيد اللى يقدر يفك تشفير الداتا دى

شكلى كده طولت عليك لو عندك اى استفسار تانى انا تحت امرك واسف على الاطاله

[tarek_elmohamma]

شكرا

[outosend]

السلام عليكم جزيل الشكر للاخ سيد اللى قام برفع الكتاب
مع احترامى للمهندس عادل وتقديرى لكل مجهوداته انا اقترحت فكره الكتاب كمرجع للناس المهتمه بالموضوع من واقع خبرتى فى المجال ده لانى بفضل الله من المؤسسين للمجال ده فى مصر وشاركت فى انشاء اول داتا سنتر لاول مركز مرخص فى مصر لاصدار الشهادات الرقميه وهو المركز الوحيد الحاصل على الترخيص الحكومى الى الان
ومع ذلك دايما برجع للكتب لانه مش عيب برجع للتوبيك اللى محتاجه بس الموضوع لايستغرق اكتر من 5 دقايق بس ساعات بيكون افضل من انك ترمى المعلومه فى الهوا كده من غير توثيق وكمان لما تبذل 5 دقايق مجهود فى انك تبحث عن معلومه فى كتاب هتفضل فاكرها احسن ماكل مره لازم تسأل حد على طريقه لاتعطنى سمكه ولكن علمنى كيف اصطادها :)
لى بعض التعليقات على الاسئله واجاباتها سأوضحها فى ااقرب فرصه
جزيل الشكر للجميع
ملاحظه صغيره للمصلحه العامه : ياريت المناقشه تبقى باللغه الانجليزيه لا لشىء الا لانها لغه نظام التشغيل وال CA

[one-zero]

شاركت فى انشاء اول داتا سنتر لاول مركز مرخص فى مصر لاصدار الشهادات الرقميه وهو المركز الوحيد الحاصل على الترخيص الحكومى الى الان

كامل الاحترام والحب لك اخي و لكن تصحيح بسيط شركتك هي واحده من 3 شركات و ليس الوحيده

1-الشركة المصرية لخدمات الشبكات وتأمين المعلومات (SNS)
2-وشركة مصر للمقاصة والإيداع والقيد المركزي (MCDR)
3-والشركة المصرية لخدمات التوقيع الالكتروني وتأمين المعلومات (Egypt Trust).

وكان من المفترض ان تكون ACT هي الشركه الرابعه و لكن حصل لديهم تأخير في بناء مستلزمات توفير الخدمه

[sayed_nada2002]

شكرا لاهتمام الجميع ومنتظرين الفديو الرابع من مشرفنا Weboo

[عادل شبل]

السلام عليكم جزيل الشكر للاخ سيد اللى قام برفع الكتاب
مع احترامى للمهندس عادل وتقديرى لكل مجهوداته انا اقترحت فكره الكتاب كمرجع للناس المهتمه بالموضوع من واقع خبرتى فى المجال ده لانى بفضل الله من المؤسسين للمجال ده فى مصر وشاركت فى انشاء اول داتا سنتر لاول مركز مرخص فى مصر لاصدار الشهادات الرقميه وهو المركز الوحيد الحاصل على الترخيص الحكومى الى الان
ومع ذلك دايما برجع للكتب لانه مش عيب برجع للتوبيك اللى محتاجه بس الموضوع لايستغرق اكتر من 5 دقايق بس ساعات بيكون افضل من انك ترمى المعلومه فى الهوا كده من غير توثيق وكمان لما تبذل 5 دقايق مجهود فى انك تبحث عن معلومه فى كتاب هتفضل فاكرها احسن ماكل مره لازم تسأل حد على طريقه لاتعطنى سمكه ولكن علمنى كيف اصطادها :)
لى بعض التعليقات على الاسئله واجاباتها سأوضحها فى ااقرب فرصه
جزيل الشكر للجميع
ملاحظه صغيره للمصلحه العامه : ياريت المناقشه تبقى باللغه الانجليزيه لا لشىء الا لانها لغه نظام التشغيل وال CA

يا بشمهندس الاختلاف فى وجهات النظر مش قضيه_انا من وجهة نظرى شايف ان اى اخ عنده استفسار_اللى عارف يوضح له النقطه اللى بيسأل فيها وممكن بعد كده يديله لنك لكتاب فيه تفاصيل الموضوع لكن ما يكونش الكتاب هو الحل الاول لان اللى بيسأل اكيد بحث. ودى وجهة نظرى ايا كان المكان اللى حضرتك بتشتغل حتى لو شغال فى ال DoD ذات نفسه دى وجهة نظرى ولحضرتك الحق انك تختلف معايا

واختلف مع حضرتك مرة تانيه فى موضوع اللغه_انا شايف انى عربى والمنتدى عربى والاعضاء كلهم عرب بالاضافه الى اعتزازى بلغتى العربيه وشايف انى استعمل المصلحات الانجليزيه فى اضيق الحدود وخصوصا كمان انه فيه ناس لغتها الانجليزيه ضعيفه

وانا اسف على مشاركتى ان كانت سلبيه

[outosend]

اخى بفضل الله نحن اخوه ونحن هنا لنستفيد من بعض ونتعلم من بعض ورأيك يحترم اكيد ولاداعى للاسف انت تعبر عن ارائك

انا افضل الانجليزيه علشان موضوع الناس اللى اللغه بتاعتها ضعيفه لان المفروض نحاول نننميها مايكونش الحل الهروب لانه هروب مؤقت عاجلا ام اجلا هاترجع تصطدم تانى بالانجليزيه والكل يعلم الفرق طبعا فى الراتب بين اتنين بنفس المؤهلات واحد يتقن الانجليزيه وواحد لا ده على المدى القصير

على المدى البعيد الموضوع لاعلاقه له بالاعتزاز بالعربيه لانهم سبقونا فى العلوم فيجب فى المرحله دى على الاقل تعلم لغتهم من اجل اجاده العلوم دى شوف اى مجال فيه كام كتاب باللغه الانجليزيه وكام كتاب باللغه العربيه ؟
ولا هانفضل طول العمر مستنين اللى يقرا ويترجملنا :)
نتعلم لغتهم كويس نتعلم العلوم كويس فى اللحظه دى ممكن تبدأ مرحله التعريب زى ماكانت ايام زمان لما كنا فى عصر القوه لكن عربى دلوقتى هايضرك على المدى البعيد
دى مجرد نصيحه لله ممكن مايكونش لها اى اهميه

[tarek_elmohamma]

خلينا بالعربى الله يخليك ولما نشتغل اوعدك هنظبط الانجليزى

[gamal_mcse]

فين الشرح ال طلبوا منك
ولا انتو بتشرحوا كتب وخلاص
بجد عاوزين حاجه عملية