انواع الباور سبلاي الجيده

[khopho]

السلام عليكم
المنتدى ما شاء الله اكتر من رائع ومجهود الاعضاء واضح جدا في كتير من الاقسام وانا عايز اشكر كل شخص ساهم بموضوع من المواضيع المفيده اللي استفدت منها فعليا

انا عايز اجيب باور سبلاي لجهاز مكوناته عاديه جدا لا توجد اشياء زياده
لكن محتار اجيب انهي نوع لأن هناك انواع في السوق المصري من 45 جنيه لحد 400 واكتر
وانا عايز اجيب نوع كويس وسعره معقول
فأرجو اراء الخبراء في الموضوع
واسف جدا على الاطاله

[medo_24_9]

HEC 350W = 155 EGP
ده باور جامد جدا ومعقول في الثمن

[ALL4US]

لماذا تريد باور لا تستخدمه
اليس الحالى يعمل بدون مشاكل؟
لو جهازك امكانيته ضعيفه شويه متجبلهوش باور احترافى لانو مش هيشتغل غير بنص قوته على الاكثر

على كل حال ال hec اللى نصحك بيه لاخ ميدو جيد جدا ومناسب للاجهزه منخفضه القوه
وفى كمان HEC 300W ب 120 جندى
وربنا يوفقك ...

[masklove]

لو جهازك امكانيته ضعيفه شويه متجبلهوش باور احترافى لانو مش هيشتغل غير بنص قوته على الاكثر
اخي الكريم في الحقيقة البورات الاصليه افضل ولا وجه للمقارنة والموضوع مش موضوع الجهاز بيحتاج كام وات
المسئلة مسئلة الثبات
مثلا لو حاول يوصل هارد اخر او شغل التحميل فترة طويلة او كان الجو شديد الحرارة فممكن ان البور التجاري ابو 40 جنيه لا يتحمل فيحترق ويحرق معه بقية المكونات
اما البورات الاصلية فنادرا جدا ما يحدث فيها كدا
cooler Master: eXtreme Power Plus 350W = 170 EGP
او
HEC 350W = 155 EGP
الاثنين جودتهما ممتازة اختار اللي يريحك

[khopho]

اولا طبعا شكرا لجميع الاعضاء اللي اهتموا بالرد عليا
وسبب سؤالي عن البور سبلاي
ان عندي مشكله في الجهاز انه بيطفي لوحده لكن في حاله اني شغلته لمده طويله متصله او اني زودت التحميل على الجهاز زي نقل ملف كبير من مكان لأخر على الهارد الجهاز بيفصل مني
كان ظني في البدايه مروحه البروسيسور لكن غيرتها وفي نفس اليوم فصل مني تاني
عشان كده اعتقد ان المشكله من الباور سبلاي
ارجو من اي حد عنده خبره بمثل هذه المشكله يفيدنا
وشكرا ليكم يا جماعه