المساعد الشخصي الرقمي

مشاهدة النسخة كاملة : ۩(●̮●)۩ كل ما تريد معرفتة عن شراء المنتجات من الخارج ۩(●̮●)۩



الصفحات : [1] 2

Ĵ Ŏ ƙ Э Ř
22-12-2009, 00:54
السلام عليكم ورحمة الله وبركاتة



قمت بعمل هذا الموضوع بسبب الخدمات الجديدة التى تقدمها شركات الانترنت ( تى اى داتا & لينك ) بمصر



لاستيراد المنتجات من الخارج


وحتى يصبح مرجع لكل من يريد استيراد اى منتج من الخارج


حتى يستطيع ان يحسب تكلفتة ااجمالية من شحن و جمارك و ضرائب


و ان يعرف افضل المواقع للشراء منها


و طرق الدفع و يكون ملم بكافة التفاصيل


ارجو من كل من لدية خبرة فى الاستيراد من الخارج ان يفيدنا جميعا بمعلومات عنة

ALL4US
22-12-2009, 01:08
موضوع رائع يا استاذ جوكر ... تسلم ايدك ..
ونرجو التفاعل فى الموضوع لمن لديه الخبره..

واسمحلى اضيف هذه الروابط ..

الدفع و الشراء عن طريق الإنترنت ( كتاب ) (https://www.arabhardware.net/forum/showthread.php?t=47261)

خدمة الـ Shop&Ship و طريقة الشراء من موقع Amazon ( كتاب ) (https://www.arabhardware.net/forum/showthread.php?t=37958)

DreAmO
22-12-2009, 01:14
فكرة ممتازة وانا محتاج اعرف معلومات كاملة عن الحكاية دي

بكل تفاصيلها

يعني لو انا شوفت مثلا شاشة فى موقع عجبتني .. وسعرها مثلا 200 دولار

هل هيكون ال 200 دولار وخلاااص كدة اللي هدفعهم من الفيزا

ولا هيكون في كلام تاني حواليهم

وازاي اعرف اجمالي التكلفة لحد ما توصلني السلعة .. وايه الامور والحجات اللي احوطها فى الحسبان واخلي بالي منها

عايزين معلومات دقيقة شاملة

يعني حكاية وزن السلعة دي محدش بيكلم عنها

حكاية الجمارك مش فاهمنها .. يعني انا اشتري حاجة وبعدين يتقدرلها جمرك انا مش عارف هيبقى كام ويطلع عالي .. اعمل ايه ساعتها


يعني بأختصار .. ازاي اعرف السلعة دي هتكلفني كام من طقطق لسلاموا عليكم لحد ما تبقى في بيتي بين ايدية

ايه اللي هيدفه بالفيزا وايه اليل هيدفع يد بيد


بالتوفيق

PC - 17
22-12-2009, 10:20
شكرا اخى جوكر على الموضوغ الممتاز الذى يسعة الى معرفتة الكثرين خصوصا عدم وجود كل المنتجات وهناك نقص كامل وتغيب لمنتجات هامة جدا مثل الكيس و المبرد الهوائى والمائى شاشات كروت شاشة احترافية ......الخ + المبالغة المميتة فى السعار للمنتجات الحصرية

والاهم معرفتة
1- مصادر الشراء الموثوقة والتى تتيح الشحن داخل مصر

2 طرق الدفع وسياستها

3- تكلفة الشحن (الضرائب و الجمرك ) ومعرفة السعر النهائى لسلعة مثلا 200 دولار 550 جنية ما كل التكليف لحد الوصول الى يد المستهلك والوقت الذى يصل لة المنتج من تاريخ الطرب معرفة وكيفية حساب تكلفة الجمارك والتعامل معها

4- طريقة الاستلام النهائى

بالتوفيق و اتمنى ان يفيدنا احد الخبراء او المجربين اهذا الموضوع


ولى استفسار عن

الخدمات الجديدة التى تقدمها شركات الانترنت ( تى اى داتا & لينك ) بمصر



لاستيراد المنتجات من الخارج

وشكرا على طرح الموضوع ولك تقييم

I-IEMA
23-12-2009, 00:47
الجووووووكر D: ,,, اشكــرك يا باشا على طرحكك للموضوع

و نتمنى اخوانا اللى اتعاملوا فى الموضوع و عندهم خبرة فيه يشاركونا هنا
أنا مقدم على عملية شراء من الخارج و عاوز اعرف منكم المعلومات :)

thunder_eagle
24-12-2009, 16:58
فكرة ممتازة وانا محتاج اعرف معلومات كاملة عن الحكاية دي

بكل تفاصيلها

يعني لو انا شوفت مثلا شاشة فى موقع عجبتني .. وسعرها مثلا 200 دولار

هل هيكون ال 200 دولار وخلاااص كدة اللي هدفعهم من الفيزا

ولا هيكون في كلام تاني حواليهم

وازاي اعرف اجمالي التكلفة لحد ما توصلني السلعة .. وايه الامور والحجات اللي احوطها فى الحسبان واخلي بالي منها

عايزين معلومات دقيقة شاملة

يعني حكاية وزن السلعة دي محدش بيكلم عنها

حكاية الجمارك مش فاهمنها .. يعني انا اشتري حاجة وبعدين يتقدرلها جمرك انا مش عارف هيبقى كام ويطلع عالي .. اعمل ايه ساعتها


يعني بأختصار .. ازاي اعرف السلعة دي هتكلفني كام من طقطق لسلاموا عليكم لحد ما تبقى في بيتي بين ايدية

ايه اللي هيدفه بالفيزا وايه اليل هيدفع يد بيد


بالتوفيق
أولا حضرتك لازم تتأكد إن الموقع يقبل "International Credit Card " لإن لو بطاقة ال Visa صادرة من أي دولة غير الولايات المتحدة تبقي بطاقة Visa دولية ويتم رفضها لأسباب امنية

ثانيا الحسبة الأساسيه تقسم للاتي

ثمن المنتجات + ثمن الشحن داخل امريكا + ثمن الشحن من امريكا إلي مصر + ضرائب

أولا ثمن المنتج

مثلا حاجة زي كده
$79.99
You Save: $20.00
($54.99 after $25.00 Mail-In Rebate Card )
سعر المنتج 80$ في حالة الشراء سيتم خصم 80$ من بطاقة الائتمان , بالنسبة لل Mail IN Rebate فـ هو خصم من المصنع والموقع ليس له دخل , بعد شراء المنتج تحصل على ال rebate من المصنع وفي حالتنا لن تحصل عليه

ثاني جزئية هي وجود ضرائب داخل الولايات المتحدة تطبق من بعض المواقع على بعض الولايات فقط , مثلا عند شراء HD4890 من أمازون وشحنة الي New York قمت بدفع 224$ ثمن المنتج و 20$ ضرائب , لكن في حالة الشراء من Tigerdirect وشحن الي NewYork لا يوجد ضرائب

ثانيًا شحن داخل امريكا
يختلف من موقع اللي آخر حسب مكان الشحن / وزن المنتج / مدة الشحن وهناك مواقع تشحن بالمجان (Free Shipping ) و تكلفة الشحن الداخلي تحمل على بطاقة الائتمان

أول جزئين من أسهل ميكون لسهولة معرفتهم قبل الطلب


ثالثا ثمن الشحن من امريكا إلي مصر
اولا aramex
أول بوند 62 جنيه و 45 جنيه على كل بوند اضافي
ثانيا DHL
أول كيلو 130 جنيه بعد كده الحسبة معقدة شاملة كسور كتير
https://www.borderlinx.com/m/total-cost-calculator
المشكلة في حسبه تكلفة الشحن إن المنتج يتم تغليفه و شحنة في صندوق أكبر
مثلا hd5870
Shipping Weight: 4 pounds
عند تغليفه وشحنه أصبح 5.5 بوند بتكلفة 242 جنيه عن طريق أرامكس , تكلفة شحن 5.5 بوند من DHL الي مصر 266 جنيه .
يتم دفع مصاريف الشحن مباشر لشركة الشحن

آخر جزئية هي الضرائب وهي طبعا اصعب جزئية
بالنسبة لمستلزمات الكمبيوتر فهيا 10% من اجمالي سعر المنتج + مصاريف تخليص جمركي وفي حالة عدم وجود فاتورة يتم حسب قيمة تقديرية (على مزاج الشركة )
مصاريف التخليص في ارامكس 25 جنيه في حالة إن الضرائب اقل من 150 جنيه و 50 جنيه لو الضرائب اكتر من 150 جنيه , DHL مجانا لعملاء link.net



1- مصادر الشراء الموثوقة والتى تتيح الشحن داخل مصر

عن تجربة amazon.com , وخلي بالك إن داخل أمازون يوجد كثير من المواقع مثل Tigerdirect , buy.com , Compusa , Zipzoomfly Antonline و في جميع الحالات تعاملاتك تكون من خلال أمازون ولكن لك حرية الاختيار ما بين اسعار مختلفة من موقع للآخر


2 طرق الدفع وسياستها


تم التوضيح بالأعلى و ايضا في مشاركة الاخ ALL4US


تكلفة الشحن (الضرائب و الجمرك ) ومعرفة السعر النهائى لسلعة مثلا 200 دولار 550 جنية ما كل التكليف لحد الوصول الى يد المستهلك
تم التوضيح بالأعلى


الوقت الذى يصل لة المنتج من تاريخ الطلب
اكيد بتختلف من موقع للاخر لكن عامتا بيكون من 1 الي 3 ايام order processing من الموقع , 1-5 ايام شحن داخلي حسب اختيار نوعية الشحن , وآخر حاجة هو الشحن من امريكا الي مصر عن طريق ارامكس وهي من اسبوع الثلاث اسابيع لكن المتوسط 10 ايام ,, كل ماسبق بدون حساب عطلة نهاية الاسبوع ,,, فى بعد الحالات الخاصة يكون هناك تعطيل من الاجراءات الجمركية مثل ال Mobile Phones حتى يتم عرضها على وزارة الاتصالات


4- طريقة الاستلام النهائى

الاستلام بعد دفع الشحن والضرائب من مركز ارامكس أو توصيل لبيت العميل حسب الاتفاق

I-IEMA
24-12-2009, 22:37
بعد اذنكم عاوز اسأل سؤال بدائى شوية :)

عاوز توضيح للمسميات دى :
الـ international credit card , الفيزا , credit card

عاوز اعرف ايه فيهم اللى بيستخدم فى الشراء من النت ,, و ايه فيهم الكارت الممغنط اللى بيستخدم فى الـ ATM

و ايه المتطلبات لعمل Credit Card اقدر اشترى بيه من امازون ؟

--------
سؤال آخر ,
هل فيه مواقع على قدر أمان و مصداقية امازون لكن بيتعامل بـ paypal كوسيلة للدفع ؟
و هل ممكن الشراء عليه بـ unverified paypal account ؟

البارونوو
25-12-2009, 08:04
موضوع اكثر من رائع اخ جوكر

عندي سؤال:
لو انا اشتريت بطاقه 5770 من الامارات وانا مسافر ونزلت بيها مصر هتجمرك؟
+
هل فرق السعر كبير بين مصر والامارات(يريت لو حد يعرف تمن البطاقه هناك يقولي)؟

في انتظار الردود...........:)

thunder_eagle
31-12-2009, 12:38
بعد اذنكم عاوز اسأل سؤال بدائى شوية :)

عاوز توضيح للمسميات دى :
الـ international credit card , الفيزا , credit card

عاوز اعرف ايه فيهم اللى بيستخدم فى الشراء من النت ,, و ايه فيهم الكارت الممغنط اللى بيستخدم فى الـ ATM

و ايه المتطلبات لعمل Credit Card اقدر اشترى بيه من امازون ؟

--------
سؤال آخر ,
هل فيه مواقع على قدر أمان و مصداقية امازون لكن بيتعامل بـ paypal كوسيلة للدفع ؟
و هل ممكن الشراء عليه بـ unverified paypal account ؟


international credit card
يطلق على أي بطاقة ائتمان صادرة من أي دولة غير الولايات المتحدة عند التعامل مع المواقع الخاصة بهم

الفيزا , credit card
أي بطاقة ائتمان تعتمد على الشراء الآن والدفع للبنك لاحقا حسب الاتفاق مع البنك

عاوز اعرف ايه فيهم اللى بيستخدم فى الشراء من النت ,, و ايه فيهم الكارت الممغنط اللى بيستخدم فى الـ ATM

معظم الكروت الخاصة بالشراء من النت تستخدم مع ال ATM في نفس الوقت لكن لايمكن استخدام أي كرت ATM للشراء من أمازون , يجب أن تتأكد من البنك انه صالح للاستخدام online

و ايه المتطلبات لعمل Credit Card اقدر اشترى بيه من امازون ؟
لو Credit Card لازم تكون فوق 21 سنة وليك دخل ثابت أو ضمانات للبنك بس ممكن تعمل Debit Card وفي الحالة دي يجب أن تقوم بإيداع فالحساب قبل الشراء



هل فيه مواقع على قدر أمان و مصداقية امازون لكن بيتعامل بـ paypal كوسيلة للدفع ؟
و هل ممكن الشراء عليه بـ unverified paypal account ؟

للأسف معنديش أي معلومات عن الجزء ده


موضوع اكثر من رائع اخ جوكر

عندي سؤال:
لو انا اشتريت بطاقه 5770 من الامارات وانا مسافر ونزلت بيها مصر هتجمرك؟
+
هل فرق السعر كبير بين مصر والامارات(يريت لو حد يعرف تمن البطاقه هناك يقولي)؟

في انتظار الردود...........:)

اكيد لو البطاقة دخلت الجمارك يبقى هتدفع 10% ضريبة مبيعات لكن لو دخلت وسط باقي الأمتعة يبقي محدش هياخد باله :D

سعر ال 5770 مابين 160-180 دولار في الولايات المتحدة يعني من 900-1000 جنيه فـمعتقدش إنه يستاهل

optimus prime
01-02-2010, 00:53
طب معلش انا عندي سؤال
يعني لو انا جبت مثلا جهاز الzune hd من برة
مثلا من موقع زي new egg او amazon
الجهاز سعره 199 دولار
الحاجات الي هدفعها او الاجراءات الي هحتاج اعملها من ساعة ما هدي الاوردر لحد ما الحاجة هتوصلني

handakes
02-02-2010, 23:10
يا جماعة انا قرأت ان فى FAQ بتاع امازون انهم مش بشحنو حاجة لأفريقيا ولا الشرق الاوسط...يبقى ازاى الحاجة هتوصلنى هنا فى مصر؟

و بعدين ايه نظام ال Gift cards بتاعهم...يعنى مثلا لو معاي 3 gift cards الواحدة ب100 دولار...ممكن اجيب منهم حاجة ب 300 دولار؟..الف شكر مقدما :)

محمد الجوهري
03-02-2010, 22:15
يُثبّت لفتره

mostafa_fa
13-02-2010, 19:36
السلام عليكم

سؤال ضرووووري

انا حاليا في الرياض وناوي لما انزل اشتري المكونات من هنا وانزل بيها بس من غير علبها
يعني كرت الشاشه والبروسيسور والبورده والرام من غير اي علبة

فهل هيحسبوا عليا جمارك يعني مثلا الحاجات لو بـ 1500 ريال او 2000 ريال ؟

وهل لو حسبوا جمارك هلاقي بنفس سعر مصر ولا هتكون اكتر ؟


ياريت تفيدوني بالله عليكم
وشكرا مقدما

muradsharm
17-02-2010, 02:48
شكراً جزيلا علي فتح هذا الموضوع
أنا عننفسي بحب اجيب حاجات مش موجوده في مصر للأسف

mostafa_fa
17-02-2010, 12:03
................UP

thunder_eagle
17-02-2010, 16:57
طب معلش انا عندي سؤال
يعني لو انا جبت مثلا جهاز الzune hd من برة
مثلا من موقع زي new egg او amazon
الجهاز سعره 199 دولار
الحاجات الي هدفعها او الاجراءات الي هحتاج اعملها من ساعة ما هدي الاوردر لحد ما الحاجة هتوصلني

راجع المشاركات اللي فوق , كل حاجة مشروحة



يا جماعة انا قرأت ان فى FAQ بتاع امازون انهم مش بشحنو حاجة لأفريقيا ولا الشرق الاوسط...يبقى ازاى الحاجة هتوصلنى هنا فى مصر؟

و بعدين ايه نظام ال Gift cards بتاعهم...يعنى مثلا لو معاي 3 gift cards الواحدة ب100 دولار...ممكن اجيب منهم حاجة ب 300 دولار؟..الف شكر مقدما :)

واضح إن حضرتك متعبتش نفسك و حاولت تقرأ اللي مكتوب فوق , إنت بتشحن داخل امريكا و من امريكا لي افريقيا والشرق الأوسط

وبالنسبه لل Gift Cards ممكن حضرتك تشوف ال FAQ بتاع أمازون



السلام عليكم

سؤال ضرووووري

انا حاليا في الرياض وناوي لما انزل اشتري المكونات من هنا وانزل بيها بس من غير علبها
يعني كرت الشاشه والبروسيسور والبورده والرام من غير اي علبة

فهل هيحسبوا عليا جمارك يعني مثلا الحاجات لو بـ 1500 ريال او 2000 ريال ؟

وهل لو حسبوا جمارك هلاقي بنفس سعر مصر ولا هتكون اكتر ؟


ياريت تفيدوني بالله عليكم
وشكرا مقدما



لو حضرتك نازل بالحاجة بنفسك ممكن تعدي من غير جمارك , إنت وظروفك ,, لكن عامتا مفيش جمارك بس فية 10% ضريبة ,, بالنسبه للأسعار فـانا مقدرش افيد حضرتك فالموضوع ده

AL_ISLAM_333
18-02-2010, 03:48
جزاكم الله خيرا .. والموضوع مهم جدا و خاصة في هذا الوقت .. حيث أصبحت معظم المحلات لا تبيع الا الرديء القديم ... ونحن بالتأكيد نحتاج الى الجديد ... والى أن يأتو بالجديد و يعلم أصحاب المحلات ما يحتاجه المواطن العربي ..سوف نشتري من النت

azzam111
23-03-2010, 22:00
السلام عليكم ورحمة الله وبركاتة



قمت بعمل هذا الموضوع بسبب الخدمات الجديدة التى تقدمها شركات الانترنت ( تى اى داتا & لينك ) بمصر



لاستيراد المنتجات من الخارج


وحتى يصبح مرجع لكل من يريد استيراد اى منتج من الخارج


حتى يستطيع ان يحسب تكلفتة ااجمالية من شحن و جمارك و ضرائب


و ان يعرف افضل المواقع للشراء منها


و طرق الدفع و يكون ملم بكافة التفاصيل


ارجو من كل من لدية خبرة فى الاستيراد من الخارج ان يفيدنا جميعا بمعلومات عنة






ممكن لينك يوضح الخدمات دي من موقع تي اي داتا أو موقع لينك.

عشان أنا دورت وموصلتش ، ولا انا فهمتك غلط؟؟

thunder_eagle
30-03-2010, 23:01
ممكن لينك يوضح الخدمات دي من موقع تي اي داتا أو موقع لينك.

عشان أنا دورت وموصلتش ، ولا انا فهمتك غلط؟؟

https://www.tedata.net/web/eg/ar/default.aspx?sec=48&pr=2


https://www.link.net/English/Linkcorp/News+and+Events/DHL_LINKdotNET.htm

mostafa741
04-04-2010, 11:05
السلام عليكم
تم الشراء من امازون عن طريق ارامكس الي الاسكندرية و القتع وصلت الحمد لله سليمة 100%
في 4 ايام اقصي حد
و يتم خصم 30% علي القطع التي تزيد وزنها عن 10 كجم

ahmedsoliman64
19-04-2010, 13:56
يا جماعة معلش ممكن سؤال
انا احمد من مصر وبسمع كتيررر عن انه الاسعار فى دول الخليج ارخص من مصر
هو مفيش طريقة ممكن نشترى بيها من دول الخليج من على النت زى امازون والحاجات دى ولا صعبه

Don Khozzam
26-04-2010, 07:49
موضوع اكثر من رائع و اكثر من مهم ..

قرأت جميع المشاركات و عندى سؤال ..

هل لعمل ال Debit Card يلزم ان يكون صاحبها 21 فيما فوق زى الCredit ولا لا ؟؟

thunder_eagle
26-04-2010, 09:22
يا جماعة معلش ممكن سؤال
انا احمد من مصر وبسمع كتيررر عن انه الاسعار فى دول الخليج ارخص من مصر
هو مفيش طريقة ممكن نشترى بيها من دول الخليج من على النت زى امازون والحاجات دى ولا صعبه


في أوقات كتير بيكون الخليجي ارخص من مصر لكن لو هتشحن من الخارج فمعظم الناس بتجيب من امريكا . طرق على النت تجيب بيها من الخليج مثل امزاون يبقي مفيش


موضوع اكثر من رائع و اكثر من مهم ..

قرأت جميع المشاركات و عندى سؤال ..

هل لعمل ال Debit Card يلزم ان يكون صاحبها 21 فيما فوق زى الCredit ولا لا ؟؟

لأ مش لازم , انا طلعت Debit Card لما كان عندي 16 سنة , اهم حاجة تتأكد إن الكارت ده هيشتغل اونلين علشان مش كل الكروت بتشتغل

azzam111
03-05-2010, 07:18
https://www.tedata.net/web/eg/ar/default.aspx?sec=48&pr=2


https://www.link.net/English/Linkcorp/News+and+Events/DHL_LINKdotNET.htm

جزاك الله خير ، ربنا يكرمك .

Libya 7urra
13-05-2010, 21:22
سؤال يا اخوان
عند شراء من الامازون هناك متاجر اخرى يتعامل معهم اريد الشراء منهم لكن الشحن بالفلوس
كيف ادفع قيمة الشحن؟؟؟
انا بدي اجمع كمبيوتر من امازون كلفني 600 دولار
هل يا خدون مني ضريبة؟؟
وكيف يا اخدونها؟؟
بانتظاركم

forzaredz
07-06-2010, 23:23
السلام عليكم ..عندي عدة استفسارات ياريت لو تتفضل بالاجابة عليها
شوف يا سيدي الموضوع باختصار اني محتاج مشتت محترم فكرت في cooler master hyper 212
لكن زي ما انت عارف هينزل لسه في شهر 8 وانا ماعنديش استعداد استني لنص شهر 6 حتي لان جهازي شبه مقتول بدون مشتت
ففكرت في اني اشتريه من الخارج .. فكنت عايز اعرف من حضرتك شوية حاجات واتمني ان حضرتك تجاوبني عليها جميعا عشان ابقي ملم بالموضوع
1- ايه هي المواقع المضمونة جدا في الشراء وياريت يكونوا اكتر من موقع عشان لو المشتت مش متوافر في احدهم الاقيه في الاخر؟
2- ايه مدي المجازفة في حالتي دي ؟ يعني هل مثلا نسبة المجازفة كبيرة بأن (المشتت) يجيلي بايظ او فيه حاجة مكسورة؟
اللي اعرفه ان لامشتت نفسه بيكون نحاس او اولمنيوم ..فهل ممكن يكون فيه اي مشكلة من اي نوع في النقطة دي ؟
3-ولو حصل وطلع فيه عيب فهل بقي اعادة المنتج و تكاليف الشحن مرة اخري هيكون عليا ؟ومتوقع يبقي كام (الاجمالي ..الشحن واعادة الشحن وتمن المشتت)؟
4- هل المجازفة في الحالة دي تستاهل ( خصوصا و اني ممكن جدا اجيبه بسعر اقل من اللي نزل بيه مصر لو قريبي في اراميكس قدر يظبطني) عن اني اجيب ال ocz vendetta 2 ؟
اقصد يعني هل فرق السعر وفرق الاداء بين الاتنين يستاهل المجازفة وقتها

واسف علي الاطالة يا باشا ومشكور مقدما

thunder_eagle
08-06-2010, 22:10
سؤال يا اخوان

بانتظاركم


عند شراء من الامازون هناك متاجر اخرى يتعامل معهم اريد الشراء منهم لكن الشحن بالفلوس
كيف ادفع قيمة الشحن؟؟؟


هذه المتاجر لا تختلف عن أمازون في أي شيء , قيمه الشحن تضاف على قيمة البضائع عند الدفع


انا بدي اجمع كمبيوتر من امازون كلفني 600 دولار
هل يا خدون مني ضريبة؟؟
وكيف يا اخدونها؟؟
الضريبة تختلف حسب جهة الشحن و حسب المتجر , عندك مثلا في حالة الطلب من أمازون و شحن في ولاية نيويورك يا تم اضافة الضريبة مع الشحن على قيمة الطلب , لكن اهم شيء تأكد إن أمازون يقبل الشحن الي محل إقامتك ..




السلام عليكم ..عندي عدة استفسارات ياريت لو تتفضل بالاجابة عليها
شوف يا سيدي الموضوع باختصار اني محتاج مشتت محترم فكرت في cooler master hyper 212
لكن زي ما انت عارف هينزل لسه في شهر 8 وانا ماعنديش استعداد استني لنص شهر 6 حتي لان جهازي شبه مقتول بدون مشتت
ففكرت في اني اشتريه من الخارج .. فكنت عايز اعرف من حضرتك شوية حاجات واتمني ان حضرتك تجاوبني عليها جميعا عشان ابقي ملم بالموضوع


واسف علي الاطالة يا باشا ومشكور مقدما


1- ايه هي المواقع المضمونة جدا في الشراء وياريت يكونوا اكتر من موقع عشان لو المشتت مش متوافر في احدهم الاقيه في الاخر؟
أمازون هو اسهل موقع و يوجد اكتر من موقع تابع له بطريقة غير مباشرة بمعني إن الطلب من موقع أمازون , و يقوم أمازون بتحصيل الفلوس ثم يقوم الموقع الاخر بالشحن


2- ايه مدي المجازفة في حالتي دي ؟ يعني هل مثلا نسبة المجازفة كبيرة بأن (المشتت) يجيلي بايظ او فيه حاجة مكسورة؟
نسبه المجزفة تكاد تكون معدومة


اللي اعرفه ان لامشتت نفسه بيكون نحاس او اولمنيوم ..فهل ممكن يكون فيه اي مشكلة من اي نوع في النقطة دي ؟
لع , مفيش مشكلة



3-ولو حصل وطلع فيه عيب فهل بقي اعادة المنتج و تكاليف الشحن مرة اخري هيكون عليا ؟ومتوقع يبقي كام (الاجمالي ..الشحن واعادة الشحن وتمن المشتت)؟
اعادةالمنتج مكلفة جدا و ممكن تعدي ال 300-400 جنيه ده غير انك لسة هتدفع شحن و ضرائب راجع كأنك شاريه جديد


4- هل المجازفة في الحالة دي تستاهل ( خصوصا و اني ممكن جدا اجيبه بسعر اقل من اللي نزل بيه مصر لو قريبي في اراميكس قدر يظبطني) عن اني اجيب ال ocz vendetta 2 ؟
اقصد يعني هل فرق السعر وفرق الاداء بين الاتنين يستاهل المجازفة وقتها
تكلفه أي مشتت لن تقل عن 500 جنيه , فـاكيد مش مستاهلة الا لو هتجيب حاجة غالية مش موجودة هنا و أحسن من المتاحفي مصر و كده هتكون بتكلم في 700 جنيه و إنت طالع ..

Ĵ Ŏ ƙ Э Ř
09-06-2010, 02:06
شكرا يا ثاندر ( بلاش اكرامى عشان خنقنى فى الماتش اياة:D )

مجهود ممتاز

forzaredz
11-06-2010, 14:03
thunder_eagle (https://www.arabhardware.net/forum/member.php?u=75606)
اولا بشكر حضرتك جدا جدا علي الرد بس كان عندي تعقيبين
للاسف المنتج غير متاح في امازون ولا newegg حاليا علشان كدة سألت عن اكتر من موقع
ثانيا انا حسبت من فترة تكلفة المشتت حسب ردك الاول في الموضوع وجدت ان التكلفة هتكون كالتالي
سعر المشتت بالمصري168
الشحن داخل امريكا free
الشحن الي مصر 152
الضرايب 17
تخليص جمركي 25

كدة اصبح السعر 362 ..وفي حالة ان قريبي هو اللي جابهولي فهم ليهم خصم 50% من سعر الشحن
يعني هيكون الاجمالي 287
ده لو كان سعره 30$ اما لو كان 23$ فهيكون الاجمالي اقل من 230
عشان كدة سألت :)

thunder_eagle
12-06-2010, 08:44
thunder_eagle (https://www.arabhardware.net/forum/member.php?u=75606)
اولا بشكر حضرتك جدا جدا علي الرد بس كان عندي تعقيبين
للاسف المنتج غير متاح في امازون ولا newegg حاليا علشان كدة سألت عن اكتر من موقع
ثانيا انا حسبت من فترة تكلفة المشتت حسب ردك الاول في الموضوع وجدت ان التكلفة هتكون كالتالي
سعر المشتت بالمصري168
الشحن داخل امريكا free
الشحن الي مصر 152
الضرايب 17
تخليص جمركي 25

كدة اصبح السعر 362 ..وفي حالة ان قريبي هو اللي جابهولي فهم ليهم خصم 50% من سعر الشحن
يعني هيكون الاجمالي 287
ده لو كان سعره 30$ اما لو كان 23$ فهيكون الاجمالي اقل من 230
عشان كدة سألت :)

مبدئيا المنتج شاحح في السوق جدا علشان كده الوكيل قال انه نازل الشحنة البعد الجاية واللي عامل المشكلة دي إن Cooler master مش بتسيب stock عندهم, دول بياخدوا orders , تروح المصنع , يسلمك بعد فترة و طبعا الأولوية لل OEM الكبار

واضح إن حضرتك دارس الموضوع كويس , لو الحسبه على كده يبقي السعر كويس بس اعمل حسابك إن ارامكس ساعات بيعملوا حاجات عجيبة , ممكن يزود عليك فالضرائب لو الفاتورة مش موجودة , تاني حاجة انا اشك إن الوزن 3 باوند فقط , انا لما طلبت ال Noctua NH-U12P SE كان 6 باوند , علشان كده قلت الشحن مكلف