المساعد الشخصي الرقمي

مشاهدة النسخة كاملة : ساعدوووني يارجالة احترت...



غاوي ألعاب
22-12-2009, 02:33
شوفو يا جماعة ...انا بقالي فترة جامدة عمال ادور في المنتدى عشان أعرف اشتري جهاز بنفسي لكن خلاص يئست .. عشرميت رأي ورأي والواحد احتار ومش عارف اعمل ايه.. :confused:...

الجهاز أساسا للالعاب وانا مش بتاع افلام بتاتا , ومعايا 7800 ج .. ومحدش يزود عشان لو كان ينفع 8000 كنت قلت ..المهم ... نخش في الموضوع... :)

أنا مش بتاع كسر سرعة والذي منه عشان كده قلت نجيب GA-EX5-UD3R ظريفة واقتصادية ومشغلة الI7 920 تمام...

والرامات عاجباني دي اللي في المجلة...OCZ PLATINIUM 3*2 GB 1600 CL7 ... ايه رأيكو فيها ... انا واحد قاللي ال I7 آخره في الفولت 1.65 ودي فولتها 1.65 وقاللي يستحسن تجيب رامة فولتها أقل... بصراحة أنا عاجباني دي لانها على بعضها 6 جيجا و 1600 .. وايه رايكو في التايمنج بتاعها...

الهارد بأه مش عاوزه كبير قوي لأني عندي واحد USB مخزن عليه كتيير... سمعت ان الوسترن ديجيتال البلاك حلو ...

وبالنسبة لكارت الشاشة ... وانا عارف ان اللي هقوله مش عيعجبكو بس اصبرو عليا معلش :ah17: انا عندي بتاع 350 جيجا العاب آخرها DX10 فلما يبقى معايا زيهم كده DX11 نبقى نحوش ونجيب حتى تكون الأسعار هديت بعد سنة كده أو أكتر ونجيب اللي عاوزينه ساعتها ...لأن ال 5850 أكيد بعد سنة هيكون زي 4850 دلوقتي فنتستنى أحسن وبعدين نشوف ... فايه رأيكو في 4890 حاليا بس قولولي شركة كويسة عشان مظنش ان سافير موجود منها حاليا ولا ايه؟؟

الشاشة بأه ...وده اكتر موضوع حيرني .. واحد يقول SAMSUNG 2333SW و التاني يقول لأ 2494HS .. وغيره يقول BENQ2200HD ... فعشان خاطري ريحوني وقولولي مع الألعاب شاشة ممتازة تستفيد بإمكانيات الكارت وتكون الصورة حلوة على 1650*1050 مثلا ... وفيه حاجة ... في ناس بتشكي من DEAD PIXEL ومن الألوان حتى مع الانواع الحلوة دي .. فايه الحكاية بالظبط؟؟:ah42:

فاضل بأه التحابيش.. الكيسه والباور والذي منه سايبه عليكم عشان مفهمش فيهم :D

منتظركم بفارغ الصبر..

ALL4US
22-12-2009, 04:15
اولا وكفكره عامه وبالمواصفات اللى انت كاتبهم فالجهاز لن يتخطى ال 6 الاف .. فهناك امكانيه اكبر ...



والرامات عاجباني دي اللي في المجلة...OCZ PLATINIUM 3*2 GB 1600 CL7 ... ايه رأيكو فيها ... انا واحد قاللي ال I7 آخره في الفولت 1.65 ودي فولتها 1.65 وقاللي يستحسن تجيب رامة فولتها أقل... بصراحة أنا عاجباني دي لانها على بعضها 6 جيجا و 1600 .. وايه رايكو في التايمنج بتاعها... هى اصلا Kate مخصصه ومصممه لمعالجات i7 فلا تفكر فى غيرها ...!


الشاشة بأه ...وده اكتر موضوع حيرني .. واحد يقول SAMSUNG 2333SW و التاني يقول لأ 2494HS .. وغيره يقول BENQ2200HD ... فعشان خاطري ريحوني وقولولي مع الألعاب شاشة ممتازة تستفيد بإمكانيات الكارت وتكون الصورة حلوة على 1650*1050 مثلا ... وفيه حاجة ... في ناس بتشكي من DEAD PIXEL ومن الألوان حتى مع الانواع الحلوة دي .. فايه الحكاية بالظبط؟؟:ah42:انت جبت من الاخر ..انت ذكرت افضل شاشتين موجودين عند ناس كتيييير وبيشكروا فيهم
بمعنى الاصح انك لو عايز شاشه 22 فجيب BENQ2200HD اما لو عايز شاشه 24 فجيب 2494HS اما 2333SW فهناك نوعان منها فى السوق واحده ماليزى ودى مفهاش مشاكل اما الاخرى صينى ودى فى ناس كتير بيشتكوا منها ..

فالافضل تخليك فى الشاشتين الBENQ2200HD او 2494HS
وبالنسبه لل DEAD PIXEL فده انت وحظك مفيش نوع والا وفى احتمال انه يكون فيه DEAD PIXEL
بس على كل حال ...قم بتجربتها اثناء الشراء وان شاء الله خير ...


وبالنسبة لكارت الشاشة ... وانا عارف ان اللي هقوله مش عيعجبكو بس اصبرو عليا معلش :ah17: انا عندي بتاع 350 جيجا العاب آخرها DX10 فلما يبقى معايا زيهم كده DX11 نبقى نحوش ونجيب حتى تكون الأسعار هديت بعد سنة كده أو أكتر ونجيب اللي عاوزينه ساعتها ...لأن ال 5850 أكيد بعد سنة هيكون زي 4850 دلوقتي فنتستنى أحسن وبعدين نشوف ... فايه رأيكو في 4890 حاليا بس قولولي شركة كويسة عشان مظنش ان سافير موجود منها حاليا ولا ايه؟؟سبق وذكرت ان فى امكانيتك ان تشترى كارت DX11

-----------------------------------------------------------------------

لذا انصحك بالتجميعه دى :

Intel Core i7 920 2.66GHz 1MB/8MB 4800MT/s = 1650 EGP
GIGABYTE GA-EX58-UD3R Intel X58/ICH10R = 1250 EGP
Powercolor HD 5850 1GB GDDR5 = 1700 EGP
OCZ Platinum 6GB (3x2GB) 1600MHz DDR3 =1150 EGP
Western Digital (WD6401AALS) 640GB, 32MB Buffer, SATA = 430 EGP
OCZ StealthXSream 500W = 380 EGP
Cooler Master Elite 333 = 280 EGP
BenQ T2200HD = 900 EGP
---------------------------------------------------------------------
7740

لو مش معاك dvd يبقى جيب
Sony Optiarc AD7240S 24X = 120 EGP
يبقى كده المجموع 7860


--------------------
موفق باذن الله ...

غاوي ألعاب
22-12-2009, 05:03
انا شاكر ليك جدا على سرعة ردك بس فيه كام حاجة كده.. انت بتقول الحاجات اللي انا كاتبها ماتزيدش عن 6000 ... طب ازاي ومفيش غير ال 5850 بس هو اللي أغلى بتاع 400 ج بس؟؟

كمان بالنسبة للشاشة كتير أوي شكرو في ال SAMSUNG 2494HS وأعضاء كبار جابوها على ما أظن ..طب انا عندي استفسار... إزاي الشاشات ال 22 و 23 و 24 كلهم يشتغلو على نفس الريزولوشن ... انا كان عندي شاشة 15 كنت ظابطها على 800 * 600 .... فلما جبت ال17 منفعش نفس الريزولوشن والصورة كانت وحشة فخليتها طبعا على 1024*768 ... فايه النظام بأه لما أشغل 2494HS على 1650*1050 ... وواحد تاني يشغل شاشة 22 على 1650*1050 ... انهي صورة أحسن؟؟؟ وهل هحتاجها أوي وانا مبتفرجش على أفلام ؟

وعاوز كمان باور 600 عشان ماجيش يوم ابقى عاوز كارت ما يشغلوش ال 500 خصوصا مع الضغط...

والهارد ده أسود ولا ...؟

ومستني الردود....

masklove
22-12-2009, 09:30
Western Digital (WD6401AALS) 640GB, 32MB Buffer, SATA = 430 EGP
الهارد بلاك فعلا 640 جيجا

BenQ T2200HD = 900 EGP
ده تقرير عن الشاشة https://www.arabhardware.net/forum/showthread.php?t=109823 والشاشة ماشاء الله روعة
البور ال 600 وات بــ 480 جنيه
علي فكرة الويندوز الــ 32 بت لا يستطيع التعامل مع رام اكبر من 4 جيجا وستطر الي تركيب ويندوز 64 بت

غاوي ألعاب
22-12-2009, 13:58
بس انت كده ما جاوبتينيش على حكاية الريزولوشن لأن لو ال 1650*1050 حلو على ال 2494hs فانا ممكن اجيبها انما لو كانت مش ولابد وعاوزه 1920*1080 ابقى اشوف ال benq 22 ...

وبالنسة للويندوز ال 64 بت ايه المشكلة فيه؟؟

ALL4US
22-12-2009, 14:24
يا اخى الشاشتين Full HD يعنى بتدعم الرزيولوشن1920*1080 وهيكون احلى مما تتخيل ..ولا تقارنهم بشاشه 15 بوصه!
لا مجال يا اخى ..
وبالنسبه ل 2494hs الفرق بينها وبين ال benq 22 هو انها 24 بوصه وفيها 2 speakers بس ..
لكن موضوع الرزيولوشن فالشاشتين واحد لانهم الاثنين Full HD
لو انت مستعد تنقص من امكانيات جهازك علشان تزود فى الشاشه فهذه حريه شخصيه
وليكن فى علمك ان الشاشه وسيله عرض اما الجهاز هو الاساسى..

وبالنسبه للباور ..فمتطلبات الكارت هى 158 وات كحد اقصى .. فلا تقلق ال 500 وات كافيه ..

والاستاذ masklove (https://www.arabhardware.net/forum/member.php?u=94016) وضحلك ان الويندوز لابد ان يكون 64 حتى تستفاد من كل سعه الرام 6 جيجا اما لو الويندوز 32 لن تستفاد الا ب 3.5 جيجا من الرام ..

vmidov
22-12-2009, 14:29
بس انت كده ما جاوبتينيش على حكاية الريزولوشن لأن لو ال 1650*1050 حلو على ال 2494hs فانا ممكن اجيبها انما لو كانت مش ولابد وعاوزه 1920*1080 ابقى اشوف ال benq 22 ...

وبالنسة للويندوز ال 64 بت ايه المشكلة فيه؟؟

ليه أصلا تجيب 2494hs
عندك دى Monitor Samsung 2333SW 23 Inch = 1050 EGP
أو دى
Monitor Samsung P2370 23 Inch = 1450 EGP
الأولى ناس كتير جايبها وشغاله بيها من غير مشاكل الثانيه أمكانيتها تحفه
حكايه الResulution دى أنت اللى تحددها لما تجيب الشاشه وحسب ما تستريح عينك
الافضل 1080*1920 عشان دى الدقه بتاعه الافلام FullHD و Blue-Ray
بالتالى هتكون أفضل أن الشاشه بتدعم الدقه دى والشاشتين اللى رشحتهم لك بيدعموا FullHD
مين قال أن الويندوز 64 فيه مشكله
أستاذ Masklove يقصد أنك عشان هتجيب 6 جيجا رامات محتاج تنصيب ويندوز 64
لأن لو نصبت 32 Bit مش هيقرا أكتر من 3 جيجا تقريبا رامات بالتالى باقى المساحه هتكون مش شغاله

أسف أستاذ ALL4US (https://www.arabhardware.net/forum/member.php?u=11177628) كتبت مشاركتى فى نفس الوقت معاك
بس فى نقطه مهمه أن الجهاز فعلا مش كافى له الباور 500 وات محتاج 600 وات على الاقل من غير كسر سرعه
كارت الشاشه يستخدم 158 وات لكن لسه باقى الجهاز وخصوصا المعالج محتاج باور كويس

غاوي ألعاب
22-12-2009, 15:06
شكرا على المتابعة...

بس يا جماعة الأخ MASKLOVE بيقول " هتضطر تسطب ويندوز 64 بت " ... فانا بسأل ايه وجه الاضطرار هوه فيه مشكلة ؟؟؟ ... بس....مش بقول هوه وحش...

وبعدين انا ما قارنتش ما بين الشاشات دي والشاشة ال15... !!!! انا كل اللي بقوله ان الريزولوشن اضطريت ازوده لما جبت ال17 ... فازاي شاشات 22 و 23 و 24 تشتغل على نفس الريزولوشن من غير الصورة ما تتغير ... ولا هضطر أخلي الريزولوشن في الألعاب 1920*1080 على شاشة زي ال 24 فبالتالي ده هيقلل ال FPS جامد ... فإذا كان ال1650*1050 كويس على ال 23 اوال 24 يبقى خلينا معاها... ده كان سؤالي مش أكتر...

وبالنسبة لفرق ال CONTRAST RATIO
BENQT2200HD---------10000:1
SAMSUNG 2333SW-----20000:1
SAMSUNG 2494HS------50000:1

هو برضه مش هيأثر على حلاوة الألوان؟؟؟

أما ال P2370 فللاسف غالية شوية .. وبعدين فيه ناس بتقول ال 5MS مش هتفرق من ال 2 MS ... والنقطة دي بالذات قالقاني لان فيه ناس بتشتكي من ال GHOSTING خصوصا مع العاب الكورة...بس مش عارف الRESPONSE TIME هو السبب ولا حاجة تانية...

يعني أنا مش هقلل قوي من امكانيات الجهاز أنا بقول اقلل كارت الشاشة طالما ينفع يتحدث بعدين ( وال 4890 حلو برضو ) ... وازود الباور واجيب شاشة أحلى...بس مش أكتر ... وباقي الحاجات زي ما هيا...

ومستني آرائكم ونصايحكم

EL-MARIACHY
22-12-2009, 15:28
و الله أنا رأى الشاشه ال2494hs هى معايا دلوقتى و الحمد لله ما فيهاش أى مشاكل و جميله جدا و تحس انها أكبر من ال 2333sw و الكارت ال4890 حلو جدا معها بس أنا أرى أنك تمشى مع رأى الأعضاء حاليا لأنهم ذات خبره كبيره جدا من ناحيه كارت الشاشه حتى اذا كنت غير مقتنع بال5850

غاوي ألعاب
22-12-2009, 15:42
شكرا ليك على ردك ياصاحبي ... بس مين قال اني مش مقتنع بال 5850 :ah46: كل المشكلة انه أغلى شوية ..لكن لو أنا معايا فلوس دلوقتي كنت جبت حتى ال 5870 ذات نفسه :rolleyes: ... أو حتى ال ...احم ... بلاش عشان ماتقولوش مفتري :p... فأنا بقول نمشي بال 4890 سنة كده سنة ونص وبعدين مين عارف ممكن أجيب ايه ساعتها إن شاء الله....

بس فيه بأه سؤال ليك انت بالذات حيث ان عندك ال GIGABYTE 4890 OC وكمان ال 2494HS... بتعمل الريزولوشن في الألعاب على كام؟؟ وأخبار الألعاب لما تلعب على 1650*1050 على شاشتك الكبيرة ايه؟؟؟

وبعدين أكيد السافير أو الباوركلر باتلفورج مش موجود حاليا على ما أظن... فهل الجيجابيت OC حلو معاك خصوصا الحرارة والمروحة وكده؟؟

طمني الله يكرمك...

VGA
22-12-2009, 16:21
و الله أنا رأى الشاشه ال2494hs هى معايا دلوقتى و الحمد لله ما فيهاش أى مشاكل و جميله جدا و تحس انها أكبر من ال 2333sw و الكارت ال4890 حلو جدا معها بس أنا أرى أنك تمشى مع رأى الأعضاء حاليا لأنهم ذات خبره كبيره جدا من ناحيه كارت الشاشه حتى اذا كنت غير مقتنع بال5850


2494hs هى فين دلوقتى الشاشة دى ؟؟ ياريت تقولى اسم المحل لو تكرمت

ومعلش لصاحب الموضوع دخلت كدة من غير ما استاذن :ah40:

عايز راى فى موضوع كارت الشاشة اصبر شوى على دعم الـdx11 متستعجلش احسنلك كل اللى استعجلو دول هيندمو زى بالظبط ما حصل مع dx10


تحياتى

غاوي ألعاب
22-12-2009, 16:31
ياباشا ولا يهمك المهم الاستفادة للجميع ;)

vmidov
22-12-2009, 16:35
شكرا على المتابعة...

بس يا جماعة الأخ MASKLOVE بيقول " هتضطر تسطب ويندوز 64 بت " ... فانا بسأل ايه وجه الاضطرار هوه فيه مشكلة ؟؟؟ ... بس....مش بقول هوه وحش...

وبعدين انا ما قارنتش ما بين الشاشات دي والشاشة ال15... !!!! انا كل اللي بقوله ان الريزولوشن اضطريت ازوده لما جبت ال17 ... فازاي شاشات 22 و 23 و 24 تشتغل على نفس الريزولوشن من غير الصورة ما تتغير ... ولا هضطر أخلي الريزولوشن في الألعاب 1920*1080 على شاشة زي ال 24 فبالتالي ده هيقلل ال FPS جامد ... فإذا كان ال1650*1050 كويس على ال 23 اوال 24 يبقى خلينا معاها... ده كان سؤالي مش أكتر...

وبالنسبة لفرق ال CONTRAST RATIO
BENQT2200HD---------10000:1
SAMSUNG 2333SW-----20000:1
SAMSUNG 2494HS------50000:1

هو برضه مش هيأثر على حلاوة الألوان؟؟؟

أما ال P2370 فللاسف غالية شوية .. وبعدين فيه ناس بتقول ال 5MS مش هتفرق من ال 2 MS ... والنقطة دي بالذات قالقاني لان فيه ناس بتشتكي من ال GHOSTING خصوصا مع العاب الكورة...بس مش عارف الRESPONSE TIME هو السبب ولا حاجة تانية...

يعني أنا مش هقلل قوي من امكانيات الجهاز أنا بقول اقلل كارت الشاشة طالما ينفع يتحدث بعدين ( وال 4890 حلو برضو ) ... وازود الباور واجيب شاشة أحلى...بس مش أكتر ... وباقي الحاجات زي ما هيا...

ومستني آرائكم ونصايحكم


سؤال ليه 1050*1650 بالذات اللى بتذكرها فى كل مره فى Resolution غيرها كتير وأنت مش مضطر تلعب على دقه معينه ممكن على شاشه بدقه 1080*1920 تلعب على 600*800 عادى جدا براحتك

Contrast Ratio
رأىي مش هتحس بالفرق بين 20000 و 50000

5MS أو 2MS مش هتفرق فى الالعاب أصلا ينصح بأقل من 8MS فقط فما بالك ب 5 دى مجرد أسماء للترويج
وبالنسبه لألعاب الكوره دى أقل حاجه تقاس بها الشاشه عشان تظهر أمكانيات الشاشه عن طريق أفلام FullHD أو ألعاب Action أو سباق سيارات مثلا

شوف التجميعه دى كده

CPU INTEL Core I7 920 2.66GHZ QPI: 4.8GT/s L2 1MB L3 8MB = 1675 EGP
MotherBoard ASUS P6T = 1450 EGP
VGA Sapphire 5750 1GB GDDR5 = 925 EGP
HardDisk Western Digital WD6401AALS 640GB = 430 EGP
Ram OCZ 6GB 1600MT/S CL7 = 1150 EGP
PSU Antec EarthWatts 650W = 600 EGP
Case Cooler Master Storm Scout NoPSU = 525 EGP
Monitor Samsung 2333SW 23 Inch = 1050 EGP
---------------------------------------------------------------------
Total = 7805 EGP
كده تكون أنت جبت الاساسيات
طبعا انا قللت فى كارت الشاشه بس ده أفضل كارت تحصل عليه فى مقابل المبلغ المتبقى من التجميعه
وزى ماقلت ممكن تقلل من الكارت دلوقتى فى مقابل أنك تأسس صح وبعدين لو عايز تحدث تحدث كارت الشاشه
ليه أخترت 5750 خصوصا
لأنه DX11 لسببين
1- لما تيجى تحدث وحبيت تبيعه هيكون يعتبر حديث بالتالى مش هتخسر فيه كتير غير أن سعره يعتبر مش كبير أصلا
2- لما تيجى تحدث ومش هتبيعه ساعتها تجيب كارت تانى وتعمل CF الكارت التانى اللى هتجيبه هيكون DX11 بالتالى تقدر تعمل CF معاه لأن الكروت DX10 مينفعش تعمل CF مع DX11
+ أداء الكارت ممتاز برده ومش قليل والافضل أنك تجيب كارت متوسط حاليا على حساب باور وأساسيات ممتازه

غاوي ألعاب
22-12-2009, 17:02
شكرا ليك أستاذ VMIDOV على ردك ...بس كده انا هبدأ اتلخبط تاني بعد ماكنت خلاص هستقر عالمواصفات... :confused:

انا شايف كده انك زودت في البوردة 200 ج يمكن مش هستفيد بيهم في كسر السرعة لاني مش بكسر سرعة ولا بتاع ... يبقى مش كفاية ال جيجابايت؟؟

كمان زودت في الباور وغيرت النوع مع اني سمعت ان الـ OCZXSTREAM 600 WATT حلو وكفاية ... فارجوك وضحلي النقطة دي ... خصوصا اني مش هكسر سرعة ولا هكسر حاجة خالص ... :o

وبالنسبة للكيس أنا كان غرضي كيسة والسلام ... يعني التهوية كويسة وبس لكن الشكل مش هاممني أوي... فايه حكاية النوع ده و مالها ال 333 ؟

اوعى تفتكرني بنتقد أو حاجة زي كده لا أبدا انا بس بحاول افهم الانسب ايه... عشان كنت عاوز اخد الزيادة دي واحطها في كارت الشاشة يكون أفيد للألعاب..

وبالنسبة للريزولوشن أنا بلاحظ ان في اختبارات الكروت غالبا الريزولوشن إما 1650*1050 أو 1920*1080 ... لكن الاخير طبعا تقيل عالكرت اللي هجيبه وممكن يديني 20 فريم ولا حاجة في لعبة زي كرايسس خصوصا مع الانتي اليزنج ... فاللي تحتيه علطول هو ال 1650*1050 مش كده؟؟ ..بس كده ياسيدي :)

VGA
22-12-2009, 17:19
سؤال ليه 1050*1650 بالذات اللى بتذكرها فى كل مره فى Resolution غيرها كتير وأنت مش مضطر تلعب على دقه معينه ممكن على شاشه بدقه 1080*1920 تلعب على 600*800 عادى جدا براحتك

Contrast Ratio
رأىي مش هتحس بالفرق بين 20000 و 50000

5MS أو 2MS مش هتفرق فى الالعاب أصلا ينصح بأقل من 8MS فقط فما بالك ب 5 دى مجرد أسماء للترويج
وبالنسبه لألعاب الكوره دى أقل حاجه تقاس بها الشاشه عشان تظهر أمكانيات الشاشه عن طريق أفلام FullHD أو ألعاب Action أو سباق سيارات مثلا



ثوانى يا حج كل حاجة تفرق ودى مش اسماء ترويج دى فرروووق وهى اللى بتحدد السعر حط شاشة 20000 جنب شاشة 50000 وجرب فيلم هتحس بالفرق

وبيبان اكتر فى الالعاب والجيمز

انا بقالى اسبوع ببحث عن الشاشات ووقع اختيارى على SAMSUNG 2494HS لو هى مش هتفرق يبقى انا تعبت نفسى على فاضى مثلا ؟

يا غاوى العاب ( زى ) :ah2: اصبر شوية على كروت dx11 شركة ati استعجلت اصبر لما ينزل حاجة من نيفيديا ويتعمل مقارنات ساعتها يبقى بدأ عصر الــdx11 غير كدة كروت ati dx11 مع الاحترام لقوة الكروت دى لكنها الان بدون منافس ومنعرفش قوتها الحقيقية

زى ما حصل مع dx10 الناس استعجلت واشترت اول ما الكروت نزلت وبعديها بشهر نزل كروت dx10.1 !! وطلعت الكروت dx10 فلوب فى قوة لما الشركتين بداو ينافسو بعض عموما انا هعمل كدة هستنى لما الشركتين ينزلو كروت dx11 ونشوف المرجعات وابقى اشترى

تحياتى

vmidov
22-12-2009, 20:14
انا شايف كده انك زودت في البوردة 200 ج يمكن مش هستفيد بيهم في كسر السرعة لاني مش بكسر سرعة ولا بتاع ... يبقى مش كفاية ال جيجابايت؟؟العفو أخى العزيز ده واجب
بالنسبه للبورده انا أخترها صراحه لأنى بحاول أبعد عن جيجابايت قدر الامكان وخصوصا أن فى بديل أفضل جدا وهو ASUS لكن مفيش مشاكل طبعا تقدر تجيب الجيجابايت


كمان زودت في الباور وغيرت النوع مع اني سمعت ان الـ OCZXSTREAM 600 WATT حلو وكفاية ... فارجوك وضحلي النقطة دي ... خصوصا اني مش هكسر سرعة ولا هكسر حاجة خالص ... :oOCZ شركه محترمه طبعا بس زى ماوضحت فى النقطه اللى فاتت وهلخص لحضرتك أنى بقول لحضرتك على تجميعه لو انا مكانك هشتريها
بالتالى انا بحاول أختار أفضل حاجات متوفره أو موجود الكويس وفى الافضل فبحاول أختارلك الافضل دايما


وبالنسبة للكيس أنا كان غرضي كيسة والسلام ... يعني التهوية كويسة وبس لكن الشكل مش هاممني أوي... فايه حكاية النوع ده و مالها ال 333 ؟دى بقى لا زم أعترض عليها :) أصل حضرتك هتجيب جهاز ما شاء الله عالى وهيبقى فى ضغط وحراره عاليه منه بالتالى انت محتاج كيسه كويسه وكبيره وتهويتها قويه وده متوفر فى الكيسه الStorm Scout طبعا فى الافضل لكن دى سعرها مناسب والافضل متغيرهاش بال333



اوعى تفتكرني بنتقد أو حاجة زي كده لا أبدا انا بس بحاول افهم الانسب ايه... عشان كنت عاوز اخد الزيادة دي واحطها في كارت الشاشة يكون أفيد للألعاب..لا أبدا مفيش حاجه يا أخى وحقك انك تحالو تفهم طبعا لأن أنت اللى هتدفع 7800 شهيد لازم تتأكد انت بتدفع فلوسك فى أيه


وبالنسبة للريزولوشن أنا بلاحظ ان في اختبارات الكروت غالبا الريزولوشن إما 1650*1050 أو 1920*1080 ... لكن الاخير طبعا تقيل عالكرت اللي هجيبه وممكن يديني 20 فريم ولا حاجة في لعبة زي كرايسس خصوصا مع الانتي اليزنج ... فاللي تحتيه علطول هو ال 1650*1050 مش كده؟؟ ..بس كده ياسيدي :)فعلا 1050*1680 هى اللى قبلها على طول
لكن زى ماوضحت لحضرتك ممكن تلعب على أقل من كده كمان لو عايز




ثوانى يا حج كل حاجة تفرق ودى مش اسماء ترويج دى فرروووق وهى اللى بتحدد السعر حط شاشة 20000 جنب شاشة 50000 وجرب فيلم هتحس بالفرقhttps://www.overclock.net/monitors-displays/438130-contrast-ratio-800-1-typical-2400-a.html


Yeah the Dynamic Is an bs number to get you in the store.
I had to turn if off dynamic on my samsung, it was very annoying.

المهم هو Typical ratio وهو فى الشاشتين 1:1000



انا بقالى اسبوع ببحث عن الشاشات ووقع اختيارى على SAMSUNG 2494HSلو هى مش هتفرق يبقى انا تعبت نفسى على فاضى مثلا ؟ أحتمال دى حاجه حضرتك اللى تقدرها

أخيرا أخى صاحب الموضوع بناء على كلامك ده تعديل للتجميعه

CPU INTEL Core I7 920 2.66GHZ QPI: 4.8GT/s L2 1MB L3 8MB = 1675 EGP
MotherBoard GigaByte GA-EX58-UD3R = 1250 EGP
VGA Sapphire 5770 1GB GDDR5 = 1150 EGP
HardDisk Western Digital WD6401AALS 640GB = 430 EGP
Ram OCZ 6GB 1600MT/S CL7 = 1150 EGP
PSU OCZ StealthXSream 600W = 480 EGP
Case Cooler Master Storm Scout NoPSU = 525 EGP
Monitor Samsung 2333SW 23 Inch = 1050 EGP
---------------------------------------------------------------------
Total = 7710 EGP


طبعا شئ طبيعى أن 4890 يتفوق على 5770 حتى لو كان الفرق قريب لكن انا بقول لحضرتك على 5770 لأن 4890 هيكون صعب التخلص منه مستقبلا ده غير أن سعره حاليا غالى
عموما قرر براحتك أما 5770 أو 4890
لكن يفضل أنك متنزلش فى باقى الجهاز لأقل من كده
بالتوفيق إن شاء الله

غاوي ألعاب
23-12-2009, 02:38
أستاذ VMIDOV أنا شاكر ليك جدا على اهتمامك ومتابعتك ...

حضرتك أقنعتني فعلا بموضوع الكيسة رغم انها أغلى شوية لكن مش مشكلة ...بس ياترى هي موجودة؟...

بس بالنسبة للباور . حضرتك قلت ال OCZ كويس .. و ANTEC أفضل ... طب عشان اطمئن ... كلام نهائي ال OCZXSTREAM 600 WATT كويس كماركة و كـ 600 وات ؟؟؟

وكمان الشاشة ال 2333SW تمام يعني أجيبها ؟ ... بصراحة شكلها جميل جدا :ah39:

وال DVD SONY مش كده؟؟

يبقى كده خلاص قربت استقر عالجهاز ومفيش غير كارت الشاشة بس هو اللي هفكر فيه كويس ... والحمد لله انه مش حاجة ثابته زي المعالج والبوردة...

vmidov
23-12-2009, 11:27
أستاذ VMIDOV أنا شاكر ليك جدا على اهتمامك ومتابعتك ...

حضرتك أقنعتني فعلا بموضوع الكيسة رغم انها أغلى شوية لكن مش مشكلة ...بس ياترى هي موجودة؟...

بس بالنسبة للباور . حضرتك قلت ال OCZ كويس .. و ANTEC أفضل ... طب عشان اطمئن ... كلام نهائي ال OCZXSTREAM 600 WATT كويس كماركة و كـ 600 وات ؟؟؟

وكمان الشاشة ال 2333SW تمام يعني أجيبها ؟ ... بصراحة شكلها جميل جدا :ah39:

وال DVD SONY مش كده؟؟

يبقى كده خلاص قربت استقر عالجهاز ومفيش غير كارت الشاشة بس هو اللي هفكر فيه كويس ... والحمد لله انه مش حاجة ثابته زي المعالج والبوردة...



الكيسه المفروض هتكون متواجده فى خلال الشهر القادم إن شاء الله

هات الOCZ مناسب لأستخداماتك وإن شاء الله يكون كويس معاك

الشاشه توكل على الله وهاتها-ده رأيى-

تمام الDVD Sony Optiarc AD7240S

وألف مبروك مقدما

غاوي ألعاب
23-12-2009, 18:48
أشكرك على مساعدتك ... وبارك الله فيك :)