المساعد الشخصي الرقمي

مشاهدة النسخة كاملة : هاردى ال 1TB لا يظهر فى الوندوز


cyber007
27-12-2009, 00:52
قمت بتركيب هارد سامسونج 1TB اليوم مع هادرى القديم ولكن الجهاز يقرأ الهارد كانه 32 MB ولا استطيع حل المشكله
برجاء المساعده
صوت الإبداع
27-12-2009, 15:13
لو كان الكمبيوتر متعرف عليه تروح للوحة التحكم ثم ادارة الكمبيوتر ثم ادارة الأقراص تلاقي هاردسكك مع القائمة ومحطوط عليه غير مخصص تضغط بزر الفأرة الأيمن الظاهر وحدة تخزين أو شي زي كذا (باختصار شديد اعمل فورمات من إدارة الأقراص وراح يعمل)

بالتوفيق...:)


(تعديل)
هذا إن لم تجد الهارد الجديد في جهاز الكمبيوتر أتمنى إني وفقت في حل مشكلتك
cyber007
27-12-2009, 17:03
الهارد موجود ولكن متشاف 32mb فى ال bios وايضا جوا الوندوز
وللعلم انا جايب الهارد من جهاز كان شغال وبينقل عليه حاجات
صوت الإبداع
27-12-2009, 21:13
الله يعينك هذا ما أعرفه ننتظر رد الخبراء...
alayoubi
27-12-2009, 23:14
هل حجمه داخل الـ Disk management أيضا 32 ميجا ؟

ولو رجعته للجهاز المأخوذ منه الهارد بيتفرا بحجمه الطبيعي ؟
cyber007
28-12-2009, 00:59
شكرا لكل من ساهم فى حل المشكله ولكل من رد على الموضوع
انا الحمد لله حليت المشكله وهشرح اللى عملته عشان لو حد قابلته نفس المشكله

----- فى الاول لما قريت فى المانيوال اللى جاى مع الهارد لقيت المشكله حلها عمل تحديث لل BIOS وعملته فعلا بس المشكله متحلتش ، ممكن تتحل عند بعض الناس لو كان دا السبب بس فى حالتى مكنش المشكله فى ال BIOS -----

انا نزلت برنامج ES tool من موقع سامسونج
https://www.samsung.com/global/business/hdd/support/downloads/ESTOOL300g_CDROM.zip

وبعدين حرقته على اسطونه ( هوا بيتفك يطلع ملف iso )
عملت boot من الاسطوانه وفتح البرنامج هيطلع الهاردات المتوصله طبعا تختار الهارد السامسونج فقط
https://www.samsung.com/global/business/hdd/images/estool_img02.gif

عملت اول حاجه اللى هيا عمل test على الهارد وفى الاول جابلى ان فيه error
https://www.samsung.com/global/business/hdd/images/estool_img03.gif

بعدين عملت Low level format ومن جواها جبت erase MBR ( والله اعلم ان كانت دى حلت جزء من المشكله والا لا لانى عملت بعدها خطوه كمان ولا اعلم ان كانت الخطوه دى مهمه ام لا ولكن لا اظن ان منها ضرر وايضا مش بتاخد وقت نهائيا )

وبعدين رحت على اختيار SET MAX ADDRESS وعملت PROCESS
https://www.samsung.com/global/business/hdd/images/estool_img09.gif

طبعا الهارد دا مش بتاعى وانما الصور من موقع سامسونج
وبعدها شفت DISPLAY CURRENT STATUS لقيت الهارد اتشاف على انه 950 جيجا تقريبا وفى الاول طبعا كان بيجيبها 33 ميجا

عملت ريستارت والحمد لله المشكله اتحلت على كده

اتمنى اكون وصلت معلومه مفيده للاعضاء
cyber007
28-12-2009, 18:15
انا عندى سؤال دلوقتى هلى لو عملت الهارد القديم ال120 لل وندوز فقط والهارد الجديد ال 1000 لبقية الحاجات هيبقى اسرع
والا كله على الجديد بما فيه الوندوز ؟؟
ياعنى بطريقه اخرى عند تشغيل game من الهارد الجديد والوندوز موجود على الهارد القديم هيكون افضل ام عندما يكون كله على الهارد الاسرع الجديد ؟؟؟؟؟؟؟؟
Fu'ad
28-12-2009, 18:34
انا عندى سؤال دلوقتى هلى لو عملت الهارد القديم ال120 لل وندوز فقط والهارد الجديد ال 1000 لبقية الحاجات هيبقى اسرع
والا كله على الجديد بما فيه الوندوز ؟؟
ياعنى بطريقه اخرى عند تشغيل game من الهارد الجديد والوندوز موجود على الهارد القديم هيكون افضل ام عندما يكون كله على الهارد الاسرع الجديد ؟؟؟؟؟؟؟؟
السّلام عليكم...
مبروك إشتغال الهارد الجديد .
و أنت يا اخي جاوبت نفسك بنفسك :) , نعم الافضل الويندوز على القديم و الألعاب على الجديد .
مع فائق الاحترام...
cyber007
28-12-2009, 19:43
مع فارق السرعه الموجود الان لصالح الجديد ؟؟
تظن انه منفصلين يعوض هذا الفارق ؟
engmhz
29-12-2009, 22:49
بارك الله فيك وجزاك خيرا
Fu'ad
30-12-2009, 02:15
مع فارق السرعه الموجود الان لصالح الجديد ؟؟
تظن انه منفصلين يعوض هذا الفارق ؟

نعم أخي منفصلين أفضل , و لا أتوقّع أنّ هناك فرق , الهاردين بـ 7200 RPM , و الفرق سيكون في الـ Cache Memory .
و حتى لو كان هناك فرق في الـ RPM , الفصل يعوّض الفارق .
مع فائق الاحترام...
cyber007
31-12-2009, 19:25
طب معلش يا solid هوا الكاش بيفرق فى ايه بالظبط ؟؟؟
Fu'ad
31-12-2009, 20:36
الكاش ميموري في الأقراص الصّلبة أخي يقوم بالموازنة ما بين القطع السّريعة في الجهاز , و القطع البطيئة , على سبيل المثال لو أنّ هناك بيانات يتمّ معالجتها في المعالج , و تعتمد على قيم متتالية ( بيانات أخرى ) محفوظة على القرص الصّلب نفسه و يحتاج إليها المعالج , فإنّ الكاش ميموري في القرص يقوم باستدعاء تلك البيانات و تجهيزها عند طلب المعالج .
بدلاً من أن يطلبها المعالج , ثم يتم البحث عنها في القرص الصّلب , ثم إرسالها , حيث تكون جاهزة في الكاش ميموري الموجود في القرص الصّلب من دون عمليّة البحث عنها في القرص ( لأنّها متوقّعة مسبقاّ و جاهزة عند الطّلب ) , و هذا يشكّل فارق كبير في السّرعة .
و هو أهم عمل يقوم به الكاش ميموري , و تشبيهاً له بالكاش ميموري في المعالج نفسه ( أي نفس الوظيفة تقريباً ) .
The Mysterious
31-12-2009, 22:47
بارك الله فيك على اجتهادك في حل المشكلة وهي بالفعل تكون عادةً في الـMaster Boot Record :).
"هذه المشاركة بواسطة الهاتف الجوال"
cyber007
01-01-2010, 15:28
الكاش ميموري في الأقراص الصّلبة أخي يقوم بالموازنة ما بين القطع السّريعة في الجهاز , و القطع البطيئة , على سبيل المثال لو أنّ هناك بيانات يتمّ معالجتها في المعالج , و تعتمد على قيم متتالية ( بيانات أخرى ) محفوظة على القرص الصّلب نفسه و يحتاج إليها المعالج , فإنّ الكاش ميموري في القرص يقوم باستدعاء تلك البيانات و تجهيزها عند طلب المعالج .
بدلاً من أن يطلبها المعالج , ثم يتم البحث عنها في القرص الصّلب , ثم إرسالها , حيث تكون جاهزة في الكاش ميموري الموجود في القرص الصّلب من دون عمليّة البحث عنها في القرص ( لأنّها متوقّعة مسبقاّ و جاهزة عند الطّلب ) , و هذا يشكّل فارق كبير في السّرعة .
و هو أهم عمل يقوم به الكاش ميموري , و تشبيهاً له بالكاش ميموري في المعالج نفسه ( أي نفس الوظيفة تقريباً ) .

شكرا يا solid على تعبك معايا ومتابعتك للمشكله والشرح الوافى
ejram
08-01-2010, 00:11
لو كان على الجهاز الثاني شغال تمام

هذا يعني ان المشكلة من الجهاز ..