المساعد الشخصي الرقمي

مشاهدة النسخة كاملة : سؤال عن مزود الطاقة. هو غريب ولكن أتمنى الإجابة


MF88
28-12-2009, 23:31
السلام عليكم

ايه الاخبار و عاملين

يارب تكونو كاسرين سرعات كروتكم و معالجتكم بمناسبه السنه الجديده :D

كفايه خفه و ادخل فى الموضوع

انا بعد غلق الجهاز بقوم اذاكر جنب الكمبيوتر

و فى الهدوء بسمع صوت اشبه بصوت الصفير طالع من الباور سبلاى ( HEC 350 WATT )

و اول ما اقفل زرار الباور اللى فى الباور سبلاى الزنه او الصفاره دى تروح

طبعا مش صوتها عالى لكن انا سمعى قوى الحمد لله

فحبيت اعرف ايه السبب لان الصوت ده مكنش فى الباور التجارى اللى كنت بشتغل بيه قبل ده

و الباور تمام و مفيش مشاكل بس انا عايز اعرق ايه المسمى العلمى للظاهره دى او ايه ده

و فى انتظار تعليقاتكم
Raja'e
28-12-2009, 23:36
شوف يا كبتن انا البور بتاعي احترافي وبيعمل نفس الصوت الي بتحكي عنه

صوت كده بينخر بالودن :D (زعيق) او ما شابه

انتا سيبك منه اتركه بيسكت لوحده بعد ربع ساعه تقريبا

بس انا كمان عاوز اجابه بردو اهو اعدين
Raja'e
28-12-2009, 23:39
على فكره يا كبتن انت جهازك غريب حبتين

ازاي كرت زي ده مركبله بور زي ده ومعالج زي ده انا هتجنن :ah34:
Hady Potter
28-12-2009, 23:51
انا عندي نفس البور بتاعك ومش بمع صفافير :D

عارف ساعات اسمع صفارة فعلا بس مش من البغاور ده من الشاشة بدليل لما بقفلها بتقف الصفارة

هي صفارة حادة جدا شكل الشاشة حتضرب قريب :p
Raja'e
28-12-2009, 23:54
يا عم صفاره صفاره

بس انا والاستاذ عايزين اسم علمي لتلك الصفاره :D
MF88
28-12-2009, 23:55
الصوت مش عالى يا جماعه لدرجه ان حد غيرى يلاحظه

الصوت فى الهدوء و عن قرب اقدر " الاحظه "

اما بالنسبه للجهاز بتاعى فهو اغرب جهاز فى القرن الواحد و عشرين ههههههههههه كارت تنين مع جهاز كنتاكى ههههههههه

جارى العمل على ذلك و لكن انتظر شويه حاجات كده هتنزل فى 2010 ان شاء الله

و الشاشه بتاعتى samsung 2494 HS شاشه LCD

مستحيل يكون فيها اصوات . ده غير انى بقفلها تماما بعد ما اغلق الجهاز

انا بس حاس بدهشه من الصوت

شكله صرصار فى الباور هههههههههههههههههههههههههههههههههههههه
DoN OcTaViO
28-12-2009, 23:57
على فكره يا كبتن انت جهازك غريب حبتين

ازاي كرت زي ده مركبله بور زي ده ومعالج زي ده انا هتجنن :ah34:
5770 بيشتغل على 350 وات عادى

هو بس البروسيسور بتاعه ضعيف حبتين وكمان مركب تلات رامات 512
Raja'e
29-12-2009, 00:02
ده مش بس ضعيف ده قاتل الكرت

وبعدين راماته مش هيلحق عليهم شاشت زرقاء من غير ما اشوف منا عانيت من القصص دي

باختصار ما في توافق على ما اعتقد


انا اول مره اعرف انه بيشتغل عادي
MF88
29-12-2009, 00:08
مجاليش شاشات زرقا خالص ولا عمرى شفتها الحمد لله ولا عايز اشوفها

خلينا فى الباور احسن ههههههههههه

و متقلقوش عليا اوى كده

قريب هيتغير كل جاجه و الباور كمان هيعلى

و هجيب كارت كمان 5770 و اعمله كروس فاير

:D
HD5870X2
29-12-2009, 01:17
أحياناً كثيرة يصدر هذا الصوت من الباور سبلاي أياً كان نوعه أو ماركته وهو لا يؤثر بأي حال من الأحوال في أي شيء

يا عم محمد جهازك فعلاً بقى أسطوري :D:p
coolhero
29-12-2009, 02:02
الصوت الى زى بتاعك اعد معايا سنة بدون مشاكل :o

وبجد مشعارف سببه ايه :confused:

بس انا غيرت الباور علشان غيرت كرت الشاشة :)

وبص يامعلم جهازك صدم الباور :ah17:

لانك مركب شوماخر لعربية كارو :D
Claymore
29-12-2009, 02:33
هذا الصوت عادى اخى لا تخاف ان عندى فى الباور CORSAIR 1000HX

صوت صفير خفيف جدا :ah40:
MF88
29-12-2009, 16:37
طيب الحمد لله انه مش مشكله

و طبعا جهازى اسطوره يا استاذ مينا " نحن نختلف عن الاخرون " :D و على فكره انا اسمى محمود :p

و الف شكر يا كول هيرو هههههههه و ان شاء الله اجيب جهاز فورمولا 1 يمشى مع امكانيات شوماخر

و شكرا لردك اخى claymore و اوعى تنفجر فينا ;):D
مدمر القلوب
30-12-2009, 21:22
انا صار لي نفس المشكلة مع نفس الباور سبلاي مرتين
بالبداية صوت خفيف بعدها يزيد الصوت ويصبح على واعطيه كف ويرجع هادي وفجأة برجع يزن لين احترق البور وجبت غيرةوبعدها بسة شهور رجعت نفس المشكلة على طول بدلت المروحة بوحدة ثانية واختفى الصوت لي حين بدلت الكمبيوتر كله.
اما كمبيوتري الثاني استخدم جيجا بايت 720 وات تحسسك ان جهازك بعالم ثاني بالمروحة العملاقة..
اما اسم الخلل الاول اسمة على فان بيرنق ..... نسيت الباقي..
S@M
30-12-2009, 21:33
هل هذا الصوت يصدر من اول بداية التشغيل ...ام يظهر عند التحميل على الجهاز فى العمل ؟
Boss-sawas
30-12-2009, 21:37
نفس الشيى عندي لاتخاف في البور سبلي الاحترافي يوجد voltage regulator يقوم بتنظيم الكهرباء

عندما تسمع الصوت فهوا يقوم بعملية التنظيم
hamadasaad
15-03-2010, 21:50
اخى العزيز على ما اظن انه خلل او تلفا ما فى البور سبلاى و تقريبا او غالبا هتكون مكثفات

ونا حاليا عندى بور سبلاى به نفس المشكلة بشرحه واذا وصلت ل شئ ساوافيك بالسبب بالتحديد لكن تاكد انه خلل
shaker3
16-03-2010, 01:29
اظن الصوت سببه الاوتوماتيك اللي بيوصل البور عند الضغط على زر الاقلاع لانه يعتمد على التحريض المغناطيسي او ماشابه ويكون فيه شحات كهربائية ضمن ملفات نحاسية وبعضها يكون الاوتوماتيك الكتروني :)
hamadasaad
20-04-2010, 04:15
كما وعدتكم من قبل قمت بحل المشكلة فى البورسبلاى الى عندى والمشكلة من ال 2 مكثفات الكبار وتم استبدالهم بمكثفين من دائرة اخرى و الدائرة اشتغلت زى الفل وعلى فكرة اى حد تظهر عنده المشكلة دى
لازم يتعامل معها بجدية لانها تاثيرها كبير على الكمبيوتر بتاعك زى مثلا

ممكن تلاقى الجهاز بتاعك بطئ مع انه امكانيات الجهاز معقولة..... طبعا البورسبلاى قديم او بيصفر
الاخطر تلف الهارد ديسك وطبعا يا جماعة الهارد ديسك اول حاجة بتتاثر من البور
يعنى ممكن تيجى تبوص تلاقى بارتشين ناقص من الجهاز او تلف التقسيم بتاع الهارد وطبعا الداتا بتاعتك يعوض ربنا
الرام انا عدت عليا مشكلة الباور قديم و الرام باظت طبعا غيرتها وشوية وباظت تانى طبعا الرام الى انا ركبتها من نوع اس دى رام يعنى مستعملة علشان كدا قولت ممكن الرامة الى انا ركبتها تكون اساسا مش تمام غيرتها وطبعا قمت بقياس البور سليم و طبعا فترة صغيرة و الجهاز رجعلى تانى طبعا اصحاب الجهاز بيقولوا ايه الفاشل ده طبعا قولت لا الموضوع فيه ان قولت له يا عم الحاج سيبلى الجهاز ده اسبووووع
غيرت البورسبلاى وجربت الجهاز تمام الحمد لله
يعنى يا جماعة البور سبلاى مهم جدا جدا جدا ومع ذلك اكثر الناس و للاسف فنيين مش بيهتموا بالكيسة يقولك
احنا ممكن نجيب كيسة نص نص ونجيب مذر حلوة
اقوله نصيحة اعكس الموضوع هات كيسة حلوة ومذر نص نص لان لو جبت مذر جيجا ولا انتل ولا احسن بوردة فى العالم والكيسة وحشة المذرة دى هتبوظ والجهاز هيبقى بطئ مهما كانت امكانياته وعن تجربة
mramzi
20-04-2010, 06:32
اعتقد بان هذا القسم خاص بكروت الشاشة ، وهناك قسم لملحقات الحاسب ! ما رأيكم ؟!