المساعد الشخصي الرقمي

مشاهدة النسخة كاملة : عاوز المشورة من اهل الخبرة من مصر بالله عليكم انا محتار محتاج حد يرشدنى



m_raid
06-01-2010, 03:38
السلام عليكم ورحمة الله وبركاته

انا بجد احيى المنتدى المحترم جدا ده وبجد انا اتعلمت منه كتير وانا هجمع جهاز كمان اسبوع كده وعاوز الراى والمشوره

انا عندى خبره فى اللف فى المولات فانا هعرض الموضوع كله واهل الخبره فقط هما اللى يبتوا فيه لانى مش عارف بعض الحاجات الصراحه
بالمناسبه ميزانيه الجهاز لا تتعدى ال1800 جنيه
اولا البروسيسور

انا نويت باذن الله اجيب intel 2.6/cache 2mb dual core بحوالى 360جنيه

ثانيا البورده

انا محبذ الasus G41 بحوالى 330 جنيه ايه رايكم فيها انا بصراحه منحاز للasusعلى حساب الmsiو ال gigabyte وخصوصا موضوع الbuffered بتاع الرامه اللى كانت موجوده فى البوردات ال p31 والg31 من الgigabyte

ثالثا:
الهارد
ده بقى حيرتى الكبيره

عندى هارد 500جيجا ويسترن blueولكن 16mb buffer وسعره ب 275 جنيه
وعندى برضو هارد 500 جيجا green ولكن 32mb bufferوسعره برضو ب275 جنيه وكلهم تايلاندى


وعندى هارد 640جيجا blue ولكن 16mb buffer فى حين ان الجرين منه عامل buffer 32mb والاتنين عاملين فى السوق 310 جنيه

السوال بقى الاولويه لايه للون لانى شفت موضوع هنا كان مقسم الهاردات حسب الجوده والكفاءه الى الاخضر وده الاردأ والازرق وده الافضل ثم الاسود وده انساه فى السوق المصرى
ولكن من ناحيه تانيه كل الازرق زى ما انتوا شايفين البافر بتاعه 16 ميجا والجرين بتاعه بافره 32ميجا

الاولويه لايه فى الهارد للبافر ولا اللون ولا الصناعه ولا لايه بالظبط افيدونى فى مسالة الهارد بالذات ده اللى مجننانى


رابعا الرامات

انا لمحت حاجه غريبه جدا وانا بالف فى المولات

فى رامات الشيبايه السوده محفور عليها علامة كينجستون وفيه رامه تانيه محفوره عليها اسم elpida واحيانا unix (مش hynix)

اللى اعرفه ان الرامه الاصلى بتاعة كينجستون بتبقى محفوره عليها اسمها وواللى اعرفه ان اللى عليها البيدا دى او يونكس بتبقى مضروبه وحاطين عليها ورقتين باتنين صاغ وقال يعنى كينجستون فهل فعلا اللى محفور عليها اسم كينجستون على الشيبه السودا اللى بطول الرامه هى الاصلى والباقى فكسان ولا زى البياعين ما حاولوا يوهمونى انها بتنزل من المورد كده


سوال كمان فى الرامه انا عندى اربع اماكن فاضيين للرامه وعندى خاصيه الdual channel

وعندى فى جهازى رامتين كل واحده واحد جيجا كينجستون باس 667
دلوقتى بفكر ادى رامه للجاهز الجديد (لانه بتاع اخواتى ) واحط الجديده اللى هيا اتنين جيجا كينجستون باس 800 مكانها
السوال بقى ياترى لو حطيت فى خانه وليكن الخانه الصفرا اللى فى البورده حطيت فيها الاتنين جيجا الباس 800 وحطيت فى الخانه السودا الواحد جيجا المتبقيه اللى باسها 667 كده افضل ولا اخلينى زى ما انا واكسب تقنيه الdual channel
السوال بطريقه اخرى الكميه (اى 3جيجا رام من غير الdual channel )احسن ولا اتنين جيجا رام بالdual channel؟



خامسا dvd ناويت اجيب الasus 24x light scrib بحوالى 155 جنيه



سادسا الكيسه جاما 300واط بلاك بحوالى 275 جنيه


محتاج المشوره فى كل قطعه بالله عليكم اللى عنده خبره مايبخلش على اخوكم وتقبلوا كامل احترامى لهذا المنتدى المحترم

ومعلش استحملوا اسئلتى الكتيره وياريت اللى يرد عليا يرد عليا سوال سوال وربنا يكرمكم ويبارك فيكم
فى رعاية الله وامنه

السلام عليكم ورحمة الله وبركاته

TEch Zone
06-01-2010, 03:53
1- بالنسبة للبروسيسور احسن انك تجيب AMD لان الماذربورد بتاعتة بيبقى فيها كارت شاشة احسن من الماذربورد اللى بيركب عليها بروسيسور انتل خصوصا انك مش هتجيب كارت شاشة ولو مش فارق معاك كارت الشاشة يبقى هات انتل وبالنسبة للمازربورد ال ASUS انا مش عارفها
2- الهارد 640G blue احسن من الجرين
3- هات رامات OCZ 2G bus 800 احسن ب 240 ج
4- ال DVD Sony احسن وبنفس السعر
5- الكيسه تمام

m_raid
06-01-2010, 03:57
جزاك الله خيرا اخى الفاضل على التفاعل ولكن الاولويه فى الهارد لايه للون ولا البافر ولا ايه بالظبط الهارد ال640 بلو بافره 16 ميجا فى حين الجرين منه بافره 32ميجا الاولويه لايه

وموضوع الرامات اللى عليها اسم البيدا ويونكس دى دلاله على انها شحنه مضروبه ولا ايه

ومعلش السوال بتاع تلاته جيجا من غير dual channelاحسن ولا اتنين جيجا بالdual channel

وربنا يكرمك ياباشا

TEch Zone
06-01-2010, 04:05
جواك الله خيرا اخى الفاضل على التفاعل ولكن الاولويه فى الهارد لايه للون ولا البافر ولا ايه بالظبط الهارد ال640 بلو بافره 16 ميجا فى حين الجرين منه بافره 32ميجا الاولويه لايه

وموضوع الرامات اللى عليها اسم البيدا ويونكس دى دلاله على انها شحنه مضروبه ولا ايه

ومعلش السوال بتاع تلاته جيجا من غير dual channelاحسن ولا اتنين جيجا بالdual channel

وربنا يكرمك ياباشا

الاولوية للون البلاك بعدية البلو بعدية الجرين
انا الحقيقة مش ايه البيدا ويونكس بس شركة OCZ ممتازة والناس بتجيب رامات الشركة دية دلؤتى اكتر من ال Kingstone
اعتقد ان Dual Channel اداة احسن والاعضاء بردة هيفدوك فى الموضوع دة

m_raid
06-01-2010, 04:11
شكرا يا باشا واسف على تعبك

بس ليا سوال عندك البروسيسور بتاعك كويس لانه نفس النوعيه اللى ناوى اشتريها
وتقبل مرورى

TEch Zone
06-01-2010, 04:16
العفو :)
البروسيسور اللى عندى P4 غير اللى انتا كتبة ال dual core
ال Dual core افضل طبعا لانة بنواتين اما P4 بنواة واحدة

m_raid
06-01-2010, 04:18
اه معلش العتب على النظر وشكرا لتفاعلك يا باشا

masklove
06-01-2010, 11:14
Athlon II X2 250 3.0GHz, 2MB Total Cache, 4000MT/s Bus = 390 EGP
GIGABYTE GA-MA785GPMT-UD2H = 560 EGP
Kingston 2GB DDR3 bus 1333MHz CL9 = 280 EGP
Western Digital Blue 500GB AAKS 16M Cache SATAII = 280 EGP
DVD Writer = 155 EGP
GAMMA 350W = 280 EGP
__________________________________________________ __________
1945 جنيه
وكده بجد افضل لأن البورده 785GPMT افضل من حيث المواصفات من G41 + نوع الرامات DDR3 افضل من DDR2
ولو مصر علي انتل

INTEL Dual Core E5300 2.6GHz / 2MB cache / 800 bus = 370 EGP
GIGABYTE GA-EP41-UD3L = 385 EGP
HD 4350 512M = 200 EGP
OCZ GOLD Series 2GB DDR2 800 CL5 v1.8 = 240 EGP
Western Digital Blue 500GB AAKS 16M Cache SATAII = 280 EGP
DVD Writer = 155 EGP
GAMMA 350W = 280 EGP
__________________________________________________ ________
1910 جنيه

m_raid
06-01-2010, 16:54
شكرا يا باشا على ردك بس برضو ماحدش جاوب على اسئلتى اللى بالازرق

منتظر رد الخبراء وتقبلوا مرورى

vmidov
06-01-2010, 21:12
سوال كمان فى الرامه انا عندى اربع اماكن فاضيين للرامه وعندى خاصيه الdual channel
وعندى فى جهازى رامتين كل واحده واحد جيجا كينجستون باس 667
دلوقتى بفكر ادى رامه للجاهز الجديد (لانه بتاع اخواتى ) واحط الجديده اللى هيا اتنين جيجا كينجستون باس 800 مكانها
السوال بقى ياترى لو حطيت فى خانه وليكن الخانه الصفرا اللى فى البورده حطيت فيها الاتنين جيجا الباس 800 وحطيت فى الخانه السودا الواحد جيجا المتبقيه اللى باسها 667 كده افضل ولا اخلينى زى ما انا واكسب تقنيه الdual channel
السوال بطريقه اخرى الكميه (اى 3جيجا رام من غير الdual channel )احسن ولا اتنين جيجا رام بالdual channel؟


أساسا أستخدامك كأقصى لعبه ممكن تلعبها أو تطبيق مش هيوصل ل4جيجا
Dual Channel بيسرع الرامات لكن مع الشريحتين بس التالته مش هتدخل فى الخاصيه طبعا
لكن لو فرضا أن أستخدامك تعدى 4جيجا
هتكون مشكله أنك تستخدم الرامه الاخيره ترددها أقل من الاتنين
بالتالى لو وصلت البيانات ليها هتكون أبطأ فى الرجوع تانى وبالتالى هتنزل سرعه الرمات للرامه الابطأ عشان تقدر تستخدمهم
بطريقه تانيه ملهاش لزوم ولما تحب تركب رامات تركب رامات على نفس التردد أو تردد أعلى