المساعد الشخصي الرقمي

مشاهدة النسخة كاملة : الآي فون iPhone : نظرة عامة , أهم المميزات و العيوب , مصطلحات هامة



الصفحات : [1] 2

Dr Mohammad
27-01-2010, 16:42
بسم الله الرحمن الرحيم
السلام عليكم و رحمة الله و بركاته



هذا الموضوع هو نظرة شاملة للآى فون من حيث أهم المميزات و العيوب و يقدم فكرة عامة عن الجهاز و سأتبعه بإذن الله بعدة مواضيع عن الحلول الخاصة بالجهاز و كسر الحماية و فك الشفرة


نبدأ على بركة الله


موديلات الآى فون :


1 - الأى فون العادى iPhone 2G :

4 أو 8 أو 16 جيجا

موصفاته (https://www.gsmarena.com/apple_iphone-1827.php)


https://img.gsmarena.com/vv/pics/apple/apple_iphone_00.jpg
https://pic.gsmarena.com/vv/reviewsimg/iphone/new/gsmarena_008.jpg




2 - الآى فون ثري جي iPhone 3G :

8 أو 16 جيجا

مواصفاته (https://www.gsmarena.com/apple_iphone_3g-2424.php)

https://img.gsmarena.com/vv/pics/apple/apple-iphone-3g-01.jpg
https://img.gsmarena.com/vv/pics/apple/apple-iphone-3g-02.jpg




3 - الآى فون ثري جي إس iPhone 3Gs : (و حرف ال S بمعنى Speed و يرمز إلى سرعة الجهاز العالية أى أنه أسرع من الموديلين السابقين) :

16 أو 32 جيجا

مواصفاته (https://www.gsmarena.com/apple_iphone_3gs-2826.php)


https://img.gsmarena.com/vv/pics/apple/apple-iphone-3gs-00.jpg
https://img.gsmarena.com/vv/pics/apple/apple-iphone-3gs-01.jpg





4 - الآى فون فور iPhone 4 : ( الرقم 4 يعنى الهاتف الرابع من سلسلة iPhone ) :




مواصفاته (https://www.gsmarena.com/apple_iphone_4-3275.php)


16 أو 32 جيجا



https://www.moshtry.com/images/articles/iphone-4-01.jpg



https://img.gsmarena.com/vv/pics/apple/apple-iphone-4-ofic-4.jpg


و هذا الإصدار به الكثير من التطوير من أبل عن سابقيه :


نظرة شاملة على الآى فون الجديد iPhone 4 (https://www.arabhardware.net/forum/showthread.php?t=177354)


و لكن صاحب ظهوره بعض المفاجآت الغير سارة :


خيبة أمل تصيبنى و تصيب الكثيرين (iPhone 4 problems) (https://www.arabhardware.net/forum/showthread.php?t=179590)


و محاولات من أبل :


أبل تتخذ خطوات جدية لحل مشكلة الإرسال فى الآى فون 4 (https://www.arabhardware.net/forum/showthread.php?t=181601)









أبل تقول "نحن لا ندعى الكمال , و الهواتف ليست مثالية" (https://www.arabhardware.net/forum/showthread.php?t=181671)






أهم ما يميز الآى فون :


لا يخفى على أحد أن هاتف آى فون أرادت به أبل منافسة الويندوز موبايل

Windows Mobile فى المقام الأول و من أهم الأسباب التى أدت إلى هذا النجاح المدهش للآى فون هو أن أبل وضعت فيه الكثير من التقنيات المبهرة و التى سبيقت بها الكثير من مصنعى الهواتف المحمولة و على الرغم من أن بعض هذه التقنيات لم تبتكرها أبل نفسها و لكنها سبقت باقى الشركات فى تنفيذها و إخراجها فى صورة هاتف جميل مع بصمة أبل الإبتكارية , و منها :




1- شاشة كبيرة ذات نقاء عالى و وضوح رائع تحت الشمس و تدعم اللمس السعوى capacitive الذي يوفر أعلى حساسية للمس بمجرد لمسة إصبع مع دعم للمس المتعدد , كما أنها مقاومة للخدش بنسبة عالية جدا .
2- حساس لحركة الجهاز acceleromotor sensor مع إمكانيات هائلة .
3- حساس لقرب الهاتف من الأذن .
4 - active scrolling .
5 - متجر للبرامج Apple Store مع عدد هائل من البرامج و الألعاب .
6- تصميم جذاب و مصقول .
7- سرعة استجابة و سهولة فى تنفيذ المهام .
8- أى بود iPod مدمج مع ميزاته المعروفة كمشغل ملتيميديا .
9- نظام تشغيل مصغر من الماك OSX .
10- متصفح Apple Safari مدمج مع الجهاز .
11- مدخل سماعة 3.5 مم .
12- بوصلة مدمجة فى ال3Gs
13- ذاكرة داخلية كبيرة .



أهم عيوب الآى فون :


نظرا لسياسة أبل الاحتكارية المعروفة فهاتف آى فون على الرغم من إبهاره الشديد إلا أنه ينقصه العديد من الإمكانيات و منها :


مشاكل تم حلها (بعضها تم حله ببرامج غير رسمية و بعضها تم حله فى آخر إصدارات السوفت وير و بعضها تم حله فى ال


iPhone 3Gs و ال iPhone 4) :



1- عدم دعم تصوير الفيديو (3gs و 4 يدعمان تصوير الفيديو) .
2- عدم دعم البلوتوث . (تم حله ببرنامج و لكنه لا يزال به بعض المشاكل)
3- عدم دعم الثيمات و التغيير فى شكل الجهاز (السوفت وير الجديد 4 يدعم تغيير الخلقية فى ال HOME و لكن ليس الأيقونات أو غيرها مما تتيحه البرنامج الغير رسمي المسمى Winter Board وينتر بورد) .
4- عدم دعم التحميل من الإنترنت .
5 - عدم دعم القص و اللصق .
6 - عدم دعم اللغة العربية (السوفت وير الجديد يدعم العربية) .
7- لابد من كسر الحماية للتمتع ببعض المزايا و بدونها لا يمكن ذلك , كما أن بعض إصدارات الجهاز تحتاج مقفلة على شبكات معينة و تحتاك فك شبكة .


أغلب هذه المشاكل تم حلها



و من المشاكل التى لم تحل :

1- عدم وجود Customization كامل للجهاز .


2- النغمة لا بد ألا تزيد عن 30 ثانية كما أنها لابد أن تكون بصيغة معينة (هناك برنامج يحل هذه المشكلة جزئيا و لكنى لا أحبذه)

3- ضعف الصوت نسبيا .
4- عدم دعم الكثير من صيغ الصوت و الفيديو و الريل بلاير (هناك برامج تشغل هذه الصيغ و لكنها ضعيفة للفيديوهات الكبيرة)
5- عدم وجود مدخل لبطاقة ذاكرة خارجية .
6- الجهاز لا يمكن إزالة غطاؤه الخلفى و بالتالي يتم تركيب الشريحة عن طريق مدخل خارجى خاص بها و عند انتهاء عمر البطارية يجب تغييرها فى توكيل أبل نفسه .



هذه هى أهم المميزات و العيوب التى أتذكرها .



أنواع الجهاز من حيث الشبكة :


1- مفتوح رسمى من الشركة و يعمل على جميع الشبكات و لا يحتاج فك شبكة و سعره أغلى .
2- مقفل على شبكة معينة و يحتاج كسر حماية و فك شبكة و سعره أقل و فى الغالب يكون مرتبط بعقد مع شركة الاتصالات .
و لكل منهما سيريال معين يتم من خلاله التفريق بينهما و سأقوم بإذن الله بطرحه فى موضوع مستقل .



مصطلحات هامة :


1- OS و هو نظام التشغيل = الروم فى الويندوز موبايل (و تقوم أبل بتنزيل تحديث جديد كل فترة لتحسين النظام).


2 - Baseband و هو نظام تشغيل المودم و كل شئ له علاقة بالسيم كارد SIM (= الراديو فى الويندوز موبايل) .


3- Activation: و هو لتفعيل الجهاز و التأكد انك تملك عقدا مع شركة الخليوي المشغله و هو طبعا يجب تجاوزه عند استخدام جهاز مقفل .


4- جيل بريك JailBreak كسر حماية الجهاز و تحرير ملفات النظام . (غير رسمي)


5- Unlock فك شفرة الشبكة للموديلات المقفلة حتى يمكن استخدام الجهاز على جميع الشبكات . (غير رسمي)


6- بوت روم : هو نظام جديد تطبقه أبل للحد من عملية الجيل بريك و هو موجود فى الموديلات الجديدة و بوجوده تجتاج لعمل جيل بريك فى كل مرة تقوم بعمل ريستارت للجهاز بدلا من مرة واحدة كما فى السابق .



7- ريستور



RESTORE الفورمات و استعادة النظام نظيفا من جديد .


8- بيك أب BACK UP أخذ نسخة احتياطية من ملفاتك و برمجك .



محتويات العلبة :

https://buzbaz.com/images/boxContents.jpg

https://images.anandtech.com/reviews/gadgets/iPhone3G/whitebox.jpg
https://www.appleiphonereview.com/images/iphone-box-contents-s.jpg
https://farm2.static.flickr.com/1275/675004021_65da851f0f.jpg


الآى فون 4


https://upload.wikimedia.org/wikipedia/commons/b/b3/IPhone_4_box.JPG



https://images.onset.freedom.com/ocregister/gallery/l4vrzv-b78658646z.120100701062437000gvtp6us2.2.jpg




هذه أهم النقاط المبدئية التى قد تهم مشترى الآى فون و إن شاء الله سأقوم بإعداد عدة مواضيع بخصوص كسر الحماية و فك الشبكة و غيرها بإذن الله .


و لا تنسونا من صالح الدعاء

hetta2010
15-02-2010, 22:01
ربنا يكرمك إن شاءالله
موضوع مميز جدا
انا كنت بافكر اشترى ايفون
تنصحنى اشترى آيفون ولاموبايل حديث

samwar
15-02-2010, 22:23
موضوع جميل اخي الكريم ، حبيت اعقب على بعض النقاط

اولهم ان الايفون يدعم اللغه العربيه بشكل كامل ، اذا كان قوائم او قراءة اسماء الملفات

ثانيهم انت تقول يجب فك الحمايه للتمتع بمميزات معينه
الايفون كما ذكرت حضرتك في منه نوعين ...
النوع الاول :هو المفتوح رسميا من شركة apple و دا بيكون مفتوح على كل الشبكات من غير فك شفره او غيره ، و لكنه لا يسمح بتحميل التطبيقات من خارج متجر apple ، بمعنى اصح تقدر تنزل free applications فقط و دي انا شايفها كافيه . جهازي فيه 7 صفحات free applications فيها كل الانواع و الالعاب اما بالنسبه للبرامج الاخرى فلابد من شرائها

النوع الثاني : بيكون مغلق على شبكه معينه زي فوادفون او موبينيل و مش بيشتغل على اي شبكه تانيه الا لما يتعملو jailbreak ، و فايدة ال jailbreak هي انك تقدر تشغله على اكتر من شبكه و في نفس الوقت تقدر تحمل البرامج من اي مكان ، بمعنى اصح البرامج و الالعاب المكركه تقدر تنزلها و تشغلها على جهازك ، و لكن في هذه الحاله بتواجه مشكله و هي عدم القدره على تحديث الـ firmware الخاص بجهازك الا لما ينزلو jailbreak
ثالثهم : انت بتقول ان عدم وجود مكان لبطاقه خارجيه دي مشكله ، انا مش متفق معاك ، لأن apple منزله اصدارين 16 جيجا و 32 جيجا معتقدش حد هيحتاج اكتر من كده ، علما بأن البطاقات اخرها و الله اعلم 8 جيجا !!!!!

رابعهم : انت بتقول ان عدم امكانية ازاله الغطاء الخلفي دا عيب ، برضه انا مش متفق معاك ، انا شايفها ميزه / علشان الناس اللى بتحب تلعب في الحاجه و تبوظها !!!!! :):)

خامسهم : العيب الحقيقي اللى انا شايفه فعلا ، هو انك مش بتقدر تتعامل مع الايفون في اضافة ملفات او غيره الا من خلال الـ iTunes و جهاز الكمبيوتر ، ايضا لا يمكنك اضافة صوره كده و السلام ، لااااااا انت لازم تركب الجهاز و تعمل Synch و موال طويل
دا العيب اللى انا شايفه فعلا !!!!!


اخيرا و ليس باخر : تقبل مروري و اعتذاري عن الاطاله ، و اوعدك بزياره اخرى ان كان لا يضايقك !!!!

samwar
15-02-2010, 22:25
ربنا يكرمك ان شاءالله
موضوع مميز جدا
انا كنت بافكر اشترى ايفون
تنصحنى اشترى آيفون ولاموبايل حديث



بعد اذن صاحب الموضوع ،،،
انصحك بأنك تجربه مع حد من اصدقائك الاول
لأن في كتير من الناس بتشتريه و بيضطرو يبيعوه علشان ما عرفوش يتعاملو معاه
رأيي الشخصي هو جهاز ممتع جدا و ممتاز !!!!
و لكن دا بيختلف على حسب شخصيتك و طريقة استخدامك للجهاز نفسه
،،،

VancouverEG
15-02-2010, 22:34
جزاك الله خيرا .
لكن التعريب لم يَعُد مشكلة ، فقد استطاعت ذلك بعض الشركات المصرية ، من خلال تعريب كامل للقوائم.
لكن سبحان الله عيوبه رخمه جدا !!

HuLkY
15-02-2010, 22:41
مقال مميز جدا بغض النظر عن اى شئ بارك الله فيك ولك على المجهود :), لك تقييم والله ده اقل شئ :)

حفيف الشجر
16-02-2010, 01:47
جزاكم الله خيرااااااااا

Kh@LiL
16-02-2010, 02:10
موضوع جميل، ولكن كما ألاحظ أن العيوب هي نفسها في الإصدار الأول من الايفون !

coolhero
16-02-2010, 02:23
مقال جيد

شكرا لك

Dr Mohammad
16-02-2010, 02:49
ربنا يكرمك إن شاءالله
موضوع مميز جدا
انا كنت بافكر اشترى ايفون
تنصحنى اشترى آيفون ولاموبايل حديث


شكرا على ردك الجميل
و أنصحك تجرب الجهاز كويس مع حد من أصحابك و تتاكد إنه مريحك
و لو استخدامك خاص بالملتيميديا و تصفح الانترنت بالدرجة الاولى فالجهاز كويس جدا إن شاء الله

و لا تنس صلاة الاستخارة

Dr Mohammad
16-02-2010, 03:11
موضوع جميل اخي الكريم ، حبيت اعقب على بعض النقاط

اولهم ان الايفون يدعم اللغه العربيه بشكل كامل ، اذا كان قوائم او قراءة اسماء الملفات

ثانيهم انت تقول يجب فك الحمايه للتمتع بمميزات معينه
الايفون كما ذكرت حضرتك في منه نوعين ...
النوع الاول :هو المفتوح رسميا من شركة apple و دا بيكون مفتوح على كل الشبكات من غير فك شفره او غيره ، و لكنه لا يسمح بتحميل التطبيقات من خارج متجر apple ، بمعنى اصح تقدر تنزل free applications فقط و دي انا شايفها كافيه . جهازي فيه 7 صفحات free applications فيها كل الانواع و الالعاب اما بالنسبه للبرامج الاخرى فلابد من شرائها

النوع الثاني : بيكون مغلق على شبكه معينه زي فوادفون او موبينيل و مش بيشتغل على اي شبكه تانيه الا لما يتعملو jailbreak ، و فايدة ال jailbreak هي انك تقدر تشغله على اكتر من شبكه و في نفس الوقت تقدر تحمل البرامج من اي مكان ، بمعنى اصح البرامج و الالعاب المكركه تقدر تنزلها و تشغلها على جهازك ، و لكن في هذه الحاله بتواجه مشكله و هي عدم القدره على تحديث الـ firmware الخاص بجهازك الا لما ينزلو jailbreak
ثالثهم : انت بتقول ان عدم وجود مكان لبطاقه خارجيه دي مشكله ، انا مش متفق معاك ، لأن apple منزله اصدارين 16 جيجا و 32 جيجا معتقدش حد هيحتاج اكتر من كده ، علما بأن البطاقات اخرها و الله اعلم 8 جيجا !!!!!

رابعهم : انت بتقول ان عدم امكانية ازاله الغطاء الخلفي دا عيب ، برضه انا مش متفق معاك ، انا شايفها ميزه / علشان الناس اللى بتحب تلعب في الحاجه و تبوظها !!!!! :):)

خامسهم : العيب الحقيقي اللى انا شايفه فعلا ، هو انك مش بتقدر تتعامل مع الايفون في اضافة ملفات او غيره الا من خلال الـ iTunes و جهاز الكمبيوتر ، ايضا لا يمكنك اضافة صوره كده و السلام ، لااااااا انت لازم تركب الجهاز و تعمل Synch و موال طويل
دا العيب اللى انا شايفه فعلا !!!!!


اخيرا و ليس باخر : تقبل مروري و اعتذاري عن الاطاله ، و اوعدك بزياره اخرى ان كان لا يضايقك !!!!




شكرا على ردك اخى الكريم
و رأيك مهم

و تسمحلى أعقب على نقط معينة

1- اللغة العربية أنا ذكرتها ضمن العيوب التى تم حلها و لم أذكرها للتجنى على الجهاز و لكن لأرد على من معلوماته قاصرة و يقول ان الجهاز لا يدعم العربية مثلا و قلت قبلها

"مشاكل تم حلها (بعضها تم حله ببرامج غير رسمية و بعضها تم حله فى آخر إصدارات السوفت وير و بعضها تم حله فى ال

iPhone 3Gs) "




2- لا أخى الحبيب , هناك مميزات لا يمكن التمتع بها بدون jailbreak سواء كان مغلق أو مفتوح رسمى مثل البلوتوث , تصوير الفيديو (هناك برنامج للفيديو على أبل ستور و لكنه للفريرموير 3.1 فما فوق و لكنه جديد و لم أجربه , يعنى طوال فترة الآى فون اللى فاتت دي لازم تعمل جيل بريك عشان تصور فيديو ) , تصفح ملفات الجهاز (و ده هام جدا , تخيل جهاز smart phone من غير file man) , إمكانية تصفح الهاتف من الكمبيوتر و إضافة ملفات من غير ال iTunes (لا يمكن من غير jailbreak) , إضافة برامج لتشغيل ملفات الريال بلاير و ال AVI ,,,, كل هذا مهم و لا يمكن عمله بدون JAILBREAK ,و إلا لما كان الجيلبريك مهم , لدرجة انى اعرف ناس تقول انه بدون جيل بريك لن يمتلك آى فون , و عموما دى آراء شخصية , قد تكون البرامج المجانية كافية ليك و لكنها أكيد قد لا تكفى غيرك و لهذا يجب أن أعرض كل المميزات و العيوب دون تحيز حتى لا ينخدع أحد و يشترى الجهاز ثم ينصدم من شئ بسيط قد لا يكون مهما لى و لكنه مهم له .

3- مكان البطاقة مهم للناس اللى بتحب تحط ملفاتها عن طريق الميمورى مباشرة و أنا منهم و باحس إن نقل الملفات بالبطاقة أسرع بكتير و أريح و على فكرة فى أجهزة زى ال n97 مثلا الذاكرة الداخلية 32 جيجا على ما أعتقد و كذلك يدعم ذاكرة خارجية.

4- طبعا طبعا عدم إمكانية إزالة البطاقة عيب خطييييييير و الدليل إننا عمرنا ما شفنا جهاز موبايل ما بيتشالش الغطاء الخلفى بتاعه و يعنى كل ما أعوز أغير البطارية أضطر أروح للوكيل و أفك الجهاز و أدفع فلو س كتير و فى الآخر يبقى الجهاز اسمه مفتوح , طبعا ده حرام , و موضع الناس اللى بتبوظ الحاجة ده مش مقنع خالص , هو يعنى المستخدمين أطفال و ماحنا طول عمرنا بنستخدم أجهزة بغطاء قابل للإزلة و مابوظناش حاجة :ah2:

5- أتفق معاك مليون المائة فى هذا فعلا شئ عقيم .

و على فكرة أخى أنا أمتلك آى فون و باحبه و لكن زى ماقلتلك لازم نعرض كل حاجة دون تحيز
و شكرا جزيلا

Dr Mohammad
16-02-2010, 03:14
جزاك الله خيرا .
لكن التعريب لم يَعُد مشكلة ، فقد استطاعت ذلك بعض الشركات المصرية ، من خلال تعريب كامل للقوائم.
لكن سبحان الله عيوبه رخمه جدا !!


فعلا كان فى شركة مصرية عربت الجهاز و كان تعريبها جميل و هى آى فون إسلام , بس شركة أبل خلاص حلت مشكلة التعريب من أول نزول الفيرم وير 3.0 و أنا ذكرت ذلك فى الموضوع


"مشاكل تم حلها (بعضها تم حله ببرامج غير رسمية و بعضها تم حله فى آخر إصدارات السوفت وير و بعضها تم حله فى ال

iPhone 3Gs) "

Dr Mohammad
16-02-2010, 03:15
مقال مميز جدا بغض النظر عن اى شئ بارك الله فيك ولك على المجهود :), لك تقييم والله ده اقل شئ :)

جزاك الله خيرا
شرفنى مرورك و ردك الجميل
بارك الله فيك
:)

Dr Mohammad
16-02-2010, 03:16
جزاكم الله خيرااااااااا

و جزاكم مثله
شكرا على الرد
بارك الله فيك

Dr Mohammad
16-02-2010, 03:17
موضوع جميل، ولكن كما ألاحظ أن العيوب هي نفسها في الإصدار الأول من الايفون !

شكرا على مرورك العطر
و فعلا أنا ذكرت ده فى الموضوع



"مشاكل تم حلها (بعضها تم حله ببرامج غير رسمية و بعضها تم حله فى آخر إصدارات السوفت وير و بعضها تم حله فى ال

iPhone 3Gs) "

Dr Mohammad
16-02-2010, 03:18
مقال جيد

شكرا لك


العفو
أسعدنى مرورك العطر

samwar
16-02-2010, 05:59
اسعدني ردك اخي الحبيب و متابعتك ....

كلامك مظبوط ، و لكن تعالى للنقط دي


تصفح ملفات الجهاز (و ده هام جدا , تخيل جهاز smart phone من غير file man) , إمكانية تصفح الهاتف من الكمبيوتر و إضافة ملفات من غير ال iTunes (لا يمكن من غير jailbreak) , إضافة برامج لتشغيل ملفات الريال بلاير و ال AVI ,,,, كل هذا مهم

مكان البطاقة مهم للناس اللى بتحب تحط ملفاتها عن طريق الميمورى مباشرة و أنا منهم و باحس إن نقل الملفات بالبطاقة أسرع بكتير و أريح و على فكرة فى أجهزة زى ال n97 مثلا الذاكرة الداخلية 32 جيجا على ما أعتقد و كذلك يدعم ذاكرة خارجية.

طبعا طبعا عدم إمكانية إزالة البطاقة عيب خطييييييير و الدليل إننا عمرنا ما شفنا جهاز موبايل ما بيتشالش الغطاء الخلفى بتاعه في الـ3 نقط دول ، انا شايف انك بتقارنه بالموبيلات العاديه زي نوكيا و غيره !!!
وبتعتبر الحاجه الموجوده فيهم و مش موجوده في الايفون عيب ، لكن انا شايف ان هو دا الفرق
بين اي smart phone و الـ iPhone

النقطه الاخيره : انت شكلك من الناس اللى بتحب تفتح الحاجه و تبوظ فيها :ah42: (ههههههههههههه) :ah50:

و لكن اخيرا الاختلاف في الرأي لا يفسد للود قضيه ،
و موضوعك ممتاز و منتظر منك المواضيع الاخرى الخاصه بالحمايه و فك الشبكه كما ذكرت !!! :ah2:

شلاع العتر
16-02-2010, 06:58
رائع جدا جدا أخي محمد ... وأشكرك على التوضيح المميز ...

في الحقيقة هكذا مواضيع توضح العيوب أرى انها أهم بكثير من المواضيع التي تتكلم عن مزايا وإيجابيات أحد الاجهزة فلقد يشتري أحدهم جهازا ما مبهورا ببعض ما سمع وقرأ عنه ليتفاجئ ببعض العيوب الغبية والمثيرة للحنق ...

* ملاحظة تم تقييم بعض المشاركات التي تستحق .. .:)

Dr Mohammad
16-02-2010, 08:48
اسعدني ردك اخي الحبيب و متابعتك ....

كلامك مظبوط ، و لكن تعالى للنقط دي

في الـ3 نقط دول ، انا شايف انك بتقارنه بالموبيلات العاديه زي نوكيا و غيره !!!
وبتعتبر الحاجه الموجوده فيهم و مش موجوده في الايفون عيب ، لكن انا شايف ان هو دا الفرق
بين اي smart phone و الـ iPhone

النقطه الاخيره : انت شكلك من الناس اللى بتحب تفتح الحاجه و تبوظ فيها :ah42: (ههههههههههههه) :ah50:

و لكن اخيرا الاختلاف في الرأي لا يفسد للود قضيه ،
و موضوعك ممتاز و منتظر منك المواضيع الاخرى الخاصه بالحمايه و فك الشبكه كما ذكرت !!! :ah2:


أسعدنى ردك أكتر
و همتنك كدة على طول معانا فى المواضيع اللى جاية إن شاء الله
بس على فكرة طبيعى جدا إنى أقارن الآى فون بالهواتف الذكية الموجودة من قبله لأن طبيعى لما ينزل جهاز ثورى زى الآى فون يبقى بيكمل على اللى قبله و ده الطبيعى فى التطور التكنولوجى و العلمى تكمل على اللى قبلك مش تنقص و لو الجهاز ناقص اساسيات يبقى المفروض ما يبقاش سمارت فون , أى نعم لو الجهاز مثلا مافيهوش gps يبقى أقولك ماشى ده شئ كمالى و ليس أساسى و لكن هاتف ذكى بدون بلوتوث و فيديو و customization و file managing
المفروض إن الآى فون كجهاز قوى ما شاء الله جاء فى وجود سيمبيان و جافا و ويندوز موبايل و أتى بعده أندرويد ان يكون أهلا للمنافسة
و عموما اختلاف الرأى لايفسد للود قضية
و على فكرة الكلام ده ماينتقصش من قدر الآى فون كجهاز ثورى و قوى و أنا أمتلكه على فكرة و باحبه جدا و الحمد لله , بس الصراحة باعشق جنبه الويندوز موبايل .

و هدفى بس من الكلام ان احنا نبعد عن طريقة تشجيع الكرة و نخلينا احسن فى الحكم على أساس المميزات و العيوب
و انا بابوظ الحاجة ؟؟؟ ماشى يا عم الحاج :D

بارك الله فيك

Dr Mohammad
16-02-2010, 08:49
رائع جدا جدا أخي محمد ... وأشكرك على التوضيح المميز ...
في الحقيقة هكذا مواضيع توضح العيوب أرى انها أهم بكثير منأحد جهازا ما مبهورا ببعض ما سمع وقرأ عنه ليتفاجئ ببعض العيوب الغبية والمثيرة للحنق ...

* ملاحظة تم تقييم بعض المشاركات التي تستحق .. .:)


اخى الحبيب
أسعدنى جدا جدا مرورك و ردك الجميل
بارك الله فيك و جزاك الله خيرا

تامر المصرى
18-02-2010, 20:17
موضوع جامد جدا
وفعلا انا كنت عايز اعرف معلومات
عن جهاز iPhone
ويكون الشرح باللغه العربيه
على منتدى عربى محترم
والحمدلله تقريبا قدرت أجمع
فكره عامه عن هذه الأجهزه
جزاك الله خيرااااااا

Dr Mohammad
18-02-2010, 21:03
شكرا جدا على ردك الجميل و مرورك العطر
جزاك الله خيرا

gmgmg
01-03-2010, 16:16
مشكور وبارك الله فيك والله يرحم والديك

Dr Mohammad
02-03-2010, 03:16
العفو
نورت الموضوع
و جزاك الله خيرا على الدعاء الجميل

shaker3
02-03-2010, 06:02
موضوع رائع بحق
وفيه من الفائدة الكثير لمن يشتري جهاز لايدري عنه شيئا ليفاجئ بعيوب تسبب الندم كما اشار الاخ شلاع
وتستحق التقييم

Dr Mohammad
02-03-2010, 19:23
جزاك الله خيرا
شكرا على الرد و التقييم

Dr Mohammad
12-04-2010, 03:03
تم نقل الموضوع للقسم الجديد
مبروك افتتاح القسم الجديد

ThE-EviL
08-06-2010, 23:22
هو التليفون لما بيبقي Locked علي شبكه ممكن يتفك بسهوله ولا حوار صعب وهل الايفون 4 الجديد بيدعم الفلاش باصداره الأخير زي Google Nexus one ؟
من رأيك من الأفضل في دعمه للبرامج والألعاب المختلفه والأهم ان معظمها يكون مجاني الأيفون ام جوجل ؟؟

GamGom911
20-07-2010, 21:45
أحسنت
فعلاً الموضوع أكثر من رائع وفيه المعلومات الهامه بطريقة بسيطه وبدون كلام كتير وملل

بارك الله فيك وننتظر مميزات زعيزب الأى فون فور الجيل الجديد

Dr Mohammad
18-08-2010, 21:42
أحسنت
فعلاً الموضوع أكثر من رائع وفيه المعلومات الهامه بطريقة بسيطه وبدون كلام كتير وملل

بارك الله فيك وننتظر مميزات زعيزب الأى فون فور الجيل الجديد

و بارك الله فيك اخى الكريم

تم تحديث الموضوع :)