ماذا تنصحونني بعد ان حصلت على AMD 64 ؟

[DDesigns]

السلام عليكم

شباب شريت معالج AMD 64 3200+ مستعمل وايضا موذيربورد MSI K8T NEO ..

الان المشكله هي اني املك 3 هارد ديسكات كلهم ATA وامتلك 4 سواقات ..

ابي اشغلهم كلهم في السابق كنت اشغلهم على RAID ..

لا اريد ان اشتري لوحه بي سي اي علشان تعطيني IDE ..

فا ايش تنصحوني ؟

1- ارجع الموذيربورد واشتري وحده جديده يكون فيها IDE RAID و SATA و RAID SATA ؟

2- ابيع الهاردات واشتري هاردات SATA . علما بان البورد اللي عندي ما فيها الا فتحتين ساتا فقط .

مشكلتي ما ابي اشتري انتظر لوحات nForce 4 ..

واللها ما ادري ايش اسوي والرامات اللي عندي هي كينج ستون هايبر اكس 400 حبتين 512 والبورد عندي ما تدعم دول تشانيل ..

يعني متلخبط والله .

تحياتي ......

[hamad]

سلام.
الاوفر لك اخي DDesigns بان تشتري pci ide ..
رخيص و اداءه ممتاز.
و بعدبن تري المذربورد اللي عندك اتشغل اكثر من قطعتين رامات.يعني مافي مشكله من الرامات اللي عتدك ..
و اذا ناوي تنتظر nforce4 معناته راح تشتري كرت شاشه جديد و معالج جديد
لحد الان ماشفت ولا شركه طرحت فكره مذربورد nforce4 تدعم مقبس 754 او AGP vga..علي الاقل بالوقت الحالي.


و مبروك علي الجهاز الجديد :)

[عاشق ال AMD]

سلام
ارجو ان يكون الاخ حماد قد افادك .

و اذا ناوي تنتظر nforce4 معناته راح تشتري كرت شاشه جديد و معالج جديد ؟؟ ليش ما فهمت من ناحية المقبس يعني ؟ وهل كرت الشاشة pci-e افضل من agb 8 يعني يستاهل ادور مذر بورد تدعم pci-e

ما رأيك بطقم رقاقات ati ؟ وشكرا

[DDesigns]

مرحبا حمد ..

لا يا شيخ !!!!!!

انا عارف ان الفورس 4 فيها تقنيات جديده ولكن توقعت انها راح تخلي الحريه للمستخدم القديم ان يستعمل كرت شاشه على الاقل ..

والله مشكله حتى المعالج يختلف بعد .

همممم عيل ما في الا اشتري بورد ان فورس 3 يكون فيها اي دي اي RAID ولا ابيع هارداسكاتي واخذ لي ساتا لان الكارد ما ادري شلون احس راح يسبب لي مشاكل خصوصا اتوقع اني ما راح احصل كروت زينه وانا من النوع اللي حساس في شغلات نسخ السواقات ما ابي بفر ينزل ولا هارد يصير بطيء .

طيب شباب ايش احسن موذيربورد ان فورس 3 يركب عليها 754 اللي عندي .. يكون فيها RAID حق ATA و SATA يعني نبيها كامله . و فيها دول تشانيل ..

صراحه انا من عشاق ASUS ما ادري هل هي كامله ؟

تحياتي ......

[data]

السلام عليكم

بما انك تفضل لوحات اسوس .....فهذه اللوحة تفيدك K8N-E Deluxe
https://www.asus.com/products/mb/socket754/k8n-e_d/overview.htm

[hamad]

سلام.

اخي عاشق ال amd ..انا قصدي المقبس هو ال socket ..
amd 64 نزل علي 3 انواع.
754 pin و هو اول نوع و لا يدعم dual memory channel.
و نزلت عقبه ال 939pin و هو يدعم ال dual memory channel
و في حق السريرفر 940 pin.
و بالنسبه pci-e VS agp 8x بالوقت الحالي اثنينهم نفس الاداء..
لكن طبعا المستقبل لي pci-e مع الالعاب الجديده و هذا ماراح يصير الا اوخر 2005 او 2006.
اذا كنت تملك كرت شاشه قوي الان مثل 9800 و ما فوق, فلا داعي لاستبداله الان فهو يكفي و يوفي لسنتين من الان علي الاقل.
اما اذا تملك كرت شاشه ضعيف و ناوي الي الترقيه فاذهب الي pci-e .
اما عن اطقم ati شكلها منافسه قويه ل nvidia nforce لاكن علينا الانتظار لنري حقيقه اداءها عندما تنزل السوق.


هلا اخي DDesigns
اي والله ادري مو خوش سالفه :(
انا نفسك كنت علي امل في اني اخذ nforce4 بس لما اعلنت رسميا بانها لن تدعم agp cards ..
ضاق خلقي انا توني شاري الكرت مصارله 5 اشهر و الحين يعني هم اغيره حرام.

فقلت ماكو الا nforce3 مع 939 cpu اطقطق فيه لين السنه القادمه و بعدين يصير خير.

و بالنسبه الي مذربورد تدعم ata & sata raid
وجدت فقط gigabyte هي اللتي تدعم ذلك عند newegg:

https://www.newegg.com/app/ViewProductDesc.asp?description=13-128-241&depa=0

و

https://www.newegg.com/app/ViewProductDesc.asp?description=13-128-245&depa=0

[DDesigns]

همممممممممممم تدري شلون يبا ..

برجعهم ما ابي لا معالج ولا بورد خليني انطر شوي وخلاص عندي 2600 حلوين هههههههه .

[al_nazzawi]

اخوي DDesigns
انا عندي المذربورد الي قال عليها الاخ Data
وممتازه الى ابعد الحدود
ولكن ليش عندك 4 درايفات ؟ ما تقدر تختصرها في DVD-WR ودرايف ثاني Combo ?
والهاردسكات الافضل انك تغيرها الى ساتا ...
كذا ممكن تنحل المشكله عندك بالمذربورد المستخدمه

بالنسبه لل nForce4 والله ان شكلك بتغير كل شيء في جهازك
الله يعين .. فقرتنا الكمبيوترات

[DDesigns]

والله شوف توقيعي انا عندي اكثر من 4 حاجات لو بيدي حطيتهم كلهم ههههههه ..

باختصار الاكثر استعمالا واحد قاريء دي في دي واحد ناسخ دي في دي واحد ناسخ اقراص عاديه .. مستحيل اخلي احد ياخذ شغل الثاني لاسباب معينه .

شوفوا انا اقول انتظر علشان تنزل اسعار الان فورس مره وحده لووووول .

[عاشق ال AMD]

سلام كيف الحال شباب

الاخ حمد :)
مشكور على المعلومة كان قصدي هو هل مذربورد برقاقات nforce4 ماراح يركب عليها fx-55 939 ولا شلون ؟

الانتظار هو افضل حل وخصوصا حنا في اخر السنه ، مشكلة اذا نويت على مذربورد يطلعي الي احسن منه ... nforce4 شكلها بتغير حساباتي شكرا

[hamad]

سلام.
اخي عاشق ال amd

طبعا راح يركب ال fx-55 939..
nforce4 تدعم 939 و 754 لكن سوف يتم تاخر انتاج 754 لان السوق محتاج مذربورد تدعم 939 pin في الوقت الحالي .فهي قليله جدا الان .
و لا اعلم اذا سوف ينتجون مذربورد ل 754 تدعم SLI ام لا...

و بصراحه nforce4 بها ميزلت جميله كثيرا مثل sata2 300 و hardware firewall و SLI .

[عاشق ال AMD]

مشكور اخوي حمد على التوضيح و اسف على تاخير الرد بس حغلبك معاي مثل ما يقولو اخوانا المصريين كيف يعني hardware firewall ممكن توضحلي شوي جزاك الله خير ...

[hamad]

سلام..
العفو اخي.
قصدي ب hardware firewall هو جدار ناري يكون مثبت بالمذربورد و هذا النوع اداءه افضل من الجدران الناريه اللي انركبها(software) .

[عاشق ال AMD]

شي جميل ومعلومه طيبة جزاك الله ... شكرا