المساعد الشخصي الرقمي

مشاهدة النسخة كاملة : 3D powerstick proplem with my new PC :D



hany31
04-02-2010, 19:53
انا عندي Joystick بس قديم شويه وكان شغال على جهازي القديم الى هوا بانتيوم 3 وانا كنت راكنه من زمان اخويا الصغير طلعوا من العلبه وقالى اشغله وجيت اركبه مش عارف عشان مش لاقي السوكت 15 pin الى بيتوصل بيه والى كان في كرت الصوت الكريتف الى عندي وانا طبعا مش حركبه على الجهاز الجديد فا انا عاوز حل للمشكله انا دورت على النت لغايه ما لقيت الحل الجميل دا
Rockfire USB Gameport Adapter بس للاسف مش لاقيه هنا في الاسكندريه كل ما اكلم حد عنه يعمل
نفسه عبيط وينفضلى مش عارف ليه :mad::mad::mad:
https://www4.0zz0.com/2010/02/04/17/990683016.png
هيا دي الوصله الى انا عاوزها :p

HuLkY
04-02-2010, 20:03
ممكن تشوفه فى اسكندرية فى سموحة بس نادر جدا + مش حيدعم الجيمز الجديدة , مش حتقرأه لو تم حتكون الزارير مش صح وبهدلة

هات لك جوى ستيك ب 20 جنيه فل حيظبطك :)

Coolman4now
04-02-2010, 20:15
- هههههههه هالكى سبقنى ، ريح بالك وأشترى جويستك ماركة بمب أند مراجيح بأقل من عشرين جنية :D

hany31
04-02-2010, 20:15
الف شكر يا Hulk على سرعه الرد عليا
انا عندي جوي ستيكمن ابو 20 جنيه , بس الصراحه لما اخويا طلعه من الكرتونه افتكرت انه كان كويس جدا جدا في جمز كتير جدا خصوصا في اللعبه الى فيها محاكاه للطيران وكمان فيه اربع انطمه عشان يتوافق مع اي لعبه و فيه اتيارات حسب العبه الى انتا عاوزها لو race or FS حسب الطلب دا غير انه فيه 2 جوي ستيك تانين على نفس الادراع مع امانيه استخدامهم مكان الماوس :)
ثوانى ححاول اصوره ارفع الصور

Coolman4now
04-02-2010, 20:27
- المشكلة أن أحنا فى سوق محدود كجمهورية مصر العربية وسوق أكثر محدودية كالأسكندرية.

- فلما تلاقى حاجة عايزها مختلفة وغير معروفة ، مش هتلاقى أى حد يجيبهالك لأنه فى الأغلب عمره ماسمع عنها اصلا :rolleyes: والأمثلة كتير جدا جدا.

- بالأضافة إلى الجهل المنتشر بين أوساط البائعين ، وعلى دى مثال مضحك ( شر البلية مايضحك)

- رحت أول مانزلت الهاردات ال SATA فى السوق بقوله عايز هارد ( سيريال أى تى إيه ) قاللى هاه ؟؟؟!! معنديش والله ، دخلت على اللى بعده قلتله ، عايز هارد ( ساتا ) قاللى والله أنا معنديش بس فيه هاردات نازلة جديد كدة بيسموها ( أمو كابل رفيع !!! ) قلتله عايزها ، قاللى لأ والله صعب تلاقيها بس دور !!! :(

- المهم رحت داخل محل غيره مشهور نوعا ما ، بقوله عايز هارد ساتا ، قاللى ماتاخد الهارد ( أبو كابل رفيع ) الجديد ، أحسن وأسرع!! قلتله أبوس أيدك هاته وأرحمنى من أساميكم الرائعة!!!

- متهيألى كان هارد ويسترن 80 أسود ( من أبو كابل رفيع :D )

hany31
04-02-2010, 20:50
شكرا يا كول مان على مشاركتك اللطيفه دي والله انا حصل معايا اكتر من كدا دا الواحد بيتبهدل عقبال ما يلاقي الى عاوزه وكانه بيحارب والله انا قعت مره اقنع واحد بياع ان انتل دي شركه و اي ام دي شركه تانيه وهوا مش راضي يتقنع لغايه ما سبته ومشيت من كتر الملل الى انا حسيته حسيت انى في كوكب تانى الكلام الى احنا بنشوفه على النت دا مش موجود في الحقيقه دا في بلاوي في محلات الكمبيوتر
بالنسبه للصور بتاعت الجوي ستيك بتاعى اهيت :)




https://img9.imageshack.us/img9/3252/dsc00176nus.jpg



https://img641.imageshack.us/img641/6569/dsc00181x.jpg

https://img709.imageshack.us/img709/5150/dsc00177tb.jpg