المساعد الشخصي الرقمي

مشاهدة النسخة كاملة : رايكم في samsung omnia i900


dr_hak2007
13-02-2010, 01:55
ماهي اهم مميزات وعيوب موبايل samsung omnia i900
وهل الموبايل يستحق الفلوس اللي هتتدفع فيه ؟ مع العلم انا مليش في دخول النت من ع الموبايل والحوارت دي

وايه المميزات اللي فيه تزوده عن موبايل samaung star S5230
لاني بفكر في سامسونج ستار برده لاني شايف امكانياته جامده وسعره اجمد ؟
Dr Mohammad
13-02-2010, 18:45
الأومنيا لا يقارن بالستار لأن الستار النظام بتاعه جافا و ده نظام بدائى جدا و متعب فى البرامج و مالوش دعم بس سعره رخيص
إنما الأومنيا نظام تشغيله ويندوز موبايل و ده متطور جدا جدا و يعتبر كمبيوتر مصغر و لو عايز تعرف عنه أكتر راجع الموضوع الخاص بالكمبيوتر الكفى فى توقيعى
حاجة مهمة كمان إنك قبل ماتشتري الأومنيا جربه مع حد من اصحابك مثلا عشان تشوف انت مرتاح لنظام التشغيل و للا لأ لأنه نظام احترافى و عالى
dr_hak2007
14-02-2010, 01:50
الأومنيا لا يقارن بالستار لأن الستار النظام بتاعه جافا و ده نظام بدائى جدا و متعب فى البرامج و مالوش دعم بس سعره رخيص
إنما الأومنيا نظام تشغيله ويندوز موبايل و ده متطور جدا جدا و يعتبر كمبيوتر مصغر و لو عايز تعرف عنه أكتر راجع الموضوع الخاص بالكمبيوتر الكفى فى توقيعى
حاجة مهمة كمان إنك قبل ماتشتري الأومنيا جربه مع حد من اصحابك مثلا عشان تشوف انت مرتاح لنظام التشغيل و للا لأ لأنه نظام احترافى و عالى


الف شكر علي ردك الشافي والكافي واللي خلاني استبعد سامسونج ستار من تفكيري
بس ايه هي عيوب اومنيا لاني اسمع ان الموبايل مشاكله كتير وملئ بالعبوب زي مثلا التهنيج ومشاكل ف التعريب فياريت تقولي ايه اهم عيوبه ؟؟؟
وهل في موبايل افضل منه وبنفس سعره ؟؟؟؟؟
وهل اومنيا 16 جيجا بيكون اتقل من 8 جيجا ؟؟؟؟
Dr Mohammad
14-02-2010, 07:38
عيوب الأومنيا بوجه عام هى أغلب العيوب اللى بتبقى موجودة فى أى ويندوز موبايل تانى و أغلبها بتبقى حاجات مقدور عليها بإذن الله زى مثلا التعريب بس ده أمره سهل جدا جدا لأن فى 500 تعريب للجهاز :D و أغلبها ممتاز
أما التهنيج فده عادى (عمرك شفت كمبيوتر مابيهنجش؟؟) بس الأومنيا يعتبر من الأجهزة القوية و التهنيج فيه ما شاء الله قليل و طبعا تغيير الرومات (يعنى تغيير الويندوز) بيظبط الدنيا جدا لأنه بيزود سرعة الجهاز و يشيل البرامج اللى مالهاش لازمة و على فكرة تغيير الرومات ممتع جدا لأنك بتحس إنك كل شوية جبت جهاز جديد لأن كل روم ليها ستايلها الخاص فعمرك ما تزهق من الجهاز بإذن الله
يعنى باختصار المشاكل العامة بسيطة إنما الأومنيا بحد ذاته له مشكلة رئيسية واحدة و هى إن بعض الإصدارات (مش كلها بعضها فقط) التاتش بتاعه مش حلو شوية و لكن باقى الاصدارات التاتش بتاعها كويس و فى جميع الأحوال أكيد أحسن من الستار و بوجه عام زى ما قلتلك أحسن حاجة إنك تجرب الجهاز و التاتش بتاعه الاول فى محل أو مع صاحبك قبل ما تشتريه
و فى إصدار جديد من الجهاز تلاقى إن كلمة
16g
مكتوبة فوق جنب الشاشة و ده بيتهيألى مافهوش ضعف فى التاتش و لا حاجة بإذن الله

و ماتنساش صلاة الاستخارة
dr_hak2007
14-02-2010, 15:31
الف شكر يادكتور محمد وجزاك الله خيرا
وعلي فكره انا ف خامسه طب واكون سعيد باني اتعرف علي شخص محترم زيك
Dr Mohammad
14-02-2010, 16:39
العفو يا دكتورنا
انا سعيد جدا جدا و الله بردك الجميل ده
و انا فى سنة رابعة و اتشرفت جدا بمعرفتك
dr_hak2007
15-02-2010, 01:31
اتشرفت بمعرفتك يادكتره
وده ايميلي dr_s_y_z@yahoo.com
coolhero
15-02-2010, 03:04
الجهاز بيهنج كثيرا وبطىء فى الاستجابة لبعض الاوامر وكلامى عن تجربة
Dr Mohammad
15-02-2010, 13:36
هل جربت تغيير الروم ؟
هل كنت تستخدم التعريب القديم أم تعريب آخر ؟