أبحث عن موديلات الراوتر اللاسلكي المتوفر في السوق المصــــــري اليوم

[geekgirl]

بسم الله الرحمن الرحيم

بحثت كثيراً و تعبت.. و ما وجدته للأسف كان إما معلومات قديمة، أو ناقصة، أو غير دقيقة و مبعثرة :confused:

ببساطة شديدة، كل ما أريده من معلومات هو:

1. موديلات الراوترات اللاسلكية (Wireless Routers) المتوفرة اليوم في السوق المصري، و مش ضروري يكون فيها خاصية DSL-MODEM أو لا، المهم يكون راوتر لاسلكي + 1 أو 4 مدخل إيثرنت (Either 1 or 4 port ethernet)

مثلاً:

D-Link DIR-330 Rev1
أو:
Linksys WRT54G Rev2

2. أسعارها إن أمكن، و لكن ليس ضروري إن لم تعرف السعر تحديداً أو تم شراؤه منذ فترة طويلة (يكفي التنويه بمعدل السعر المتوقّع)، و يا حبذا لو في حدود 250-350 جنيه مصري.


تنويه:
أغلب ما وجدته للأسف كله عن Netgear و على ما يبدو أسعار قديمة و ينقصها بعض المعلومات المهمة بالنسبة لي، حيث أرغب في البحث حول الراوتر اللاسلكي قبل شرائه لأتأكد أنني أستطيع تركيب عليه نظام OpenWRT أو DDWRT بدون عناء كبير (بدون فتحه و عمل وصلة لحام MAX3232 على ال Serial Port في البوردة و كذا)
OpenWRT Support Hardware List (https://nuwiki.openwrt.org/oldwiki/tableofhardware#device.manufacturers)
OpenWRT Supported Platforms on Kamikaze (https://dev.openwrt.org/wiki/platforms)

DDWRT Supported Devices (https://www.dd-wrt.com/wiki/index.php/Supported_Devices)

و شكراً جزيلاً مقدماً :)

سلام عليكم

[samwar]

الـ Linksys كويس جدا و انا مجربه

بس في عيب خطير جدا ، انه حساس جدا للكهربا

يعني لو المكان اللى هيتركب فيه الكهربا فيه مش منتظمه يبقى هيقطه و هيفصل كتير .....

الـ linksys اللى عندي الـ IC بتاعت الويرلس باظط ، نزلت اشتريت d-link ،

ممتاز و مش بيقطع مع الكهربا الغير منتظمه

مشكلته هي انه بطئ في انه يسحب ip ، غير كده بيشتغل بالاسبوع متواصل مش بيقول لأ ،

و ال Linksys كان كده برضه ، بس يللا الحمد لله !!

بالنسبه للسعر الـ Linksys علشان تجيبي حاجه كويسه هتعدي الـ 500

لكن الـ d-link ما شاء الله عليه في متناول الايدي ، تقريبا في نفس ال range اللى انتي كاتباه !!!!

----

الخاصيه اللى بتسألي عليها دي ، هشوفهالك و ارد عليكي !!!

[geekgirl]

Samwar


1. موديلات الراوترات اللاسلكية (Wireless Routers) المتوفرة اليوم في السوق المصري، و مش ضروري يكون فيها خاصية DSL-MODEM أو لا، المهم يكون راوتر لاسلكي + 1 أو 4 مدخل إيثرنت (Either 1 or 4 port ethernet)

مثلاً:

D-Link DIR-330 Rev1
أو:
Linksys WRT54G Rev2


يا ريت تديني ال model numbers بالضبط للي تعرفه أو اللي جبته و عندك

انا عارفة عن بعض اللي موجود حالياً
مثل:
D-Link DSL-2640U/BRU/C
و
Linksys WRT54G2 EU

لأن الحديث عنهم كتير في المنتدى (رغم أحياناً بدون ال specific model number)، و قدرت أتأكد عن ال model numbers من موقع compume و لكنه للأسف محدود جداً في الخيارات

https://www.compume.com/index.php?target=categories&category_id=215

و ال SMC للأسف شكله زباله... :(

[geekgirl]

آه نسيت حاجة تانية مهمة!!

يا ريت لو حد عنده الراوتر D-Link DSL-2640U/BRU/C يقولي شكل ضهر المودم زي الصورة الأولى أم التانية؟ بليز بليز ضروري جداً أعرف. جزاكم الله خير

https://www.dlink-me.com/gallery/DSL-2640U%28RU%29_C1_Image_Back_L.jpg

https://www.corpit.ru/mjt/dsl-2640U-back.png

[samwar]

سيبك من المواقع ، انزلي ارض الواقع و دوري على الموديل اللى عايزاه
عندك كذا مكان (مول البستان وسط البلد [في واحد في الدور التاني جوه مدخل طويل هتلاقي مكتوب على المدخل من بره كلام كبير كده عن الشبكات و الروترات و احنا الافضل و الكلام دا كله ، انا مش فاكر اسم الراجل بس هو دا تقريبا اكتر واحد لقيته بيفهم في الحوار في المول دا]- مول السخاوي في روكسي - مول الكمبيوتر اللى في المهندسين)

الموديل اللى كان عندي في Linksys هو Linksys WAG200G
و بالنسبه للروتر التاني انا كنت اقصد TP-link مش D-link معلش خطأ مطبعي !!!!!!!
و الموديل اللى عندي هو TP-link TD-W8901G

و بالنسبه لموضوع كابل الـ Consol اللى انتي عايزاه في الروتر معتقدش هتلاقيه موجود !!!!
اقصد الروتر يعني ، بس دا ميمنعش انك تدوري !!!

[VancouverEG]

المبلغ اللي حضرتِك محدداه آخره ( نت جير ) و ( إير لايف ) وكلاهما جيد .
وأقله ( دي لينك ) و ( هواوي ) .
أمّا ( اللينك سيس ) فهو أغلى من المبلغ اللي حضرتِك كتباه .
أنا أتكلم عن المركات المعروفة ، علشان اليومين دول في موجة من انتجات الراوتر ؛ عجيبة !!
كل شركة ملهاش في البطيخ تروح تعمل راوتر !!

[geekgirl]

سيبك من المواقع ، انزلي ارض الواقع و دوري على الموديل اللى عايزاه

compume من أكبر الموزعين في مصر ل D-Link ، حتى انا لقيت ال website بتاعتهم من على موقع D-Link الشرق الأوسط، بالنسبة للموزعين و البائعين في مصر.. و هي الوحيدة اللي كان ليها موقع أصلاً عدل (ناهيك بيشتغل أصلاً)


عندك كذا مكان (مول البستان وسط البلد [في واحد في الدور التاني جوه مدخل طويل هتلاقي مكتوب على المدخل من بره كلام كبير كده عن الشبكات و الروترات و احنا الافضل و الكلام دا كله ، انا مش فاكر اسم الراجل بس هو دا تقريبا اكتر واحد لقيته بيفهم في الحوار في المول دا]- مول السخاوي في روكسي - مول الكمبيوتر اللى في المهندسين)

وسط البلد و المهندسين!! بعيد جداً جداً جداً ... بالمرة أروح دبي أو جدة، حتى ألاقي خيارات أفضل :(

روكسي ممكن.. رغم اني مش فاكرة اذا رحت السخاوي قبل كده.. عادة بروح سوق العصر في خليفة المأمون (و كام مرة رحت مدينة نصر، مش فاكرة اسم المول دلوقتي)..


الموديل اللى كان عندي في Linksys هو Linksys WAG200G
و بالنسبه للروتر التاني انا كنت اقصد TP-link مش D-link معلش خطأ مطبعي !!!!!!!
و الموديل اللى عندي هو TP-link TD-W8901G


شكراً ليك، بس للأسف، ما أثقش في TP-Link و أيضاً للأسف كل الموديلات الموجودة منه في مصر متنفعش للغرض اللي أنا عايزاه..



و بالنسبه لموضوع كابل الـ Consol اللى انتي عايزاه في الروتر معتقدش هتلاقيه موجود !!!!
اقصد الروتر يعني ، بس دا ميمنعش انك تدوري !!!


أصلاً غالباً الراوتر ده مش موجود في مصر أساساً، رغم إن أخوه (الروسي) هو اللي موجود، بس اللي فيه الأوبشنات دي، بيروح للدول اللي فيها ناس كتير بتفهم و بتستخدم الحاجات دي بكثرة - روسيا مثلاً :)
https://pudeev.livejournal.com/26499.html

على كل حال، جزاك الله خير على مجهودك و وقتك، تعبتك معايا :)

[geekgirl]

حسب موقع D-Link بتاع الشرق الأوسط Dlink-ME.com ، يفترض ان فيه في الشرق الأوسط الراوتر (راوتر فقط ، مش راوتر + دي-إس-إل مودم) DIR-330

https://dlink-me.com/?navigation=products&owner=24&product=33&product_details=76


DIR-330 Wireless G VPN Router

DIR - 330


https://dlink-me.com/products/DIR-330_A1.jpg

يا ريت لو حد عنده الراوتر ده (او يعرف اذا كان موجود) في مصر ، يقولي.. أكون شاكرة جداً

و لو مش موجود، و حد عنده واحد عايز يعرضه للبيع (جديد أو مستعمل)، يا ريت يبلغني .. لو بسعر مقبول إن شاء الله هشتريه (و أتكفل بمصاريف الشحن لو مش في القاهرة أو مش في مصر، بإذن الله)

جزاكم الله خير

[TaHeR.NaBiL]

Linksys
الراوتر ده عندنا فى الشغل بس فيه مشكله لما الكهرباء تقطع لفتره تقريبا ازيد من ساعه البيانات بتاعته بتتمسح ولازم نعمله configeration تانى علشان النت يشتغل هل المشكله عندنا بس ولا الراوتر ده دايما كده .
وانا احتاج راوتر عندى فى البيت ( انا عندى روبيتك 4 بورت ) يكون اهم شئ يتحمل رداءة خطوط التليفون ويتحمل ضعف الكهرباء اى كان سعره والشبكه سلكى وليست وايرليس

[ŤǾЯŊΛĐф]

انا عندى Linksys WAG54G2 كنت جاييه شهر 2 اللى فات ب390 جنيه من شركة شرق آسيا ، ضمان سنتين من سيليكون :)