سؤال هام عن لاب توب وجزاكم الله خير

[dr mohammed wag]

السلام عليكم ورحمة الله
انا اريد شراء لاب توب في حدود 3 الى 4 الاف جنيه مصري
ونصحني احد الاصدقاء ب dell vostro1015 ولكني اعجبت ب
dell inspirion 1564 فما رايكم وهل هناك جهاز افضل في نفس الفئه السعريه او اكتر قليلا مع العلم اني طبيب واحتياجي له للاستخدام العادي ولعب الكره pes2010 وسؤال اخير هل المعالجات الجديده i3 افضل وكيف اعرف جودة الفيجا
يا ريت يا اخوتي تجاوبوني بسرعه وجزاكم الله خير في ضوء استخداماتي بترشيح جهاز جيد وشكـــــــــــــــــــــــــــــــــرا

[VancouverEG]

الأتنين بصراحة وعن تجربة أزبل من بعض !

[dr mohammed wag]

طيب يا اخي يا ريت نصيحه لو تعرف حاجه افضل
يعني انا استفدت ايه دلوقتي

[VancouverEG]

اصل انت ممكن بتكون بتطلب المستحيل !
عايز جهاز في حدود 4 آلاف جنيه ، وفي نفس الوقت عايز كارت الشاشة بتاعه حلو علشان الجميز .

[dr mohammed wag]

يا اخي الكريم انا مش عاوز الالعاب روعه يعني انا عاوزها معقوله ده في لاب توب واحد صاحبي ب 3000 وبيشغلها
يعني انا عاوز حاجه متينه وحلوه وبتشغل الالعاب بطريقه عاديه

[VancouverEG]

خلاص يبقى ممكن تخليك في الديل لاتديود e550
Core 2 Duo T7250
2 كاش 2
رامات 2 جيجا
هارد 250
شاشة 15.4
كارت الفيجا Intel GMA 4500MHD
up to 1340MB
ده في حدود 3900
لسه شاريه لواحد صحبي من المنتدى

يعني مجرد وجه نظر

[Dr Mohammad]

ال dell inspiron 1564 كويس على فكرة و المعالج بتاعه كويس
و فى منه موديل بكارت شاشة ATI 4300 512 MB تقريبا و سعره فى حدود 4200 جنيه
و فى أحد الإخوة هنا اشتراه قريب و إن شاء الله هيعمل تقرير عنه فممكن حضرتك تنتظره
و كمان ممكن تراجع موضوعه و تطلب منه يجرب لك اللعبة اللى حضرتك عايزها

رابط الموضوع
https://www.arabhardware.net/forum/showthread.php?t=158496

و أعتقد الجهاز مناسب لشغل حضرتك

و ماتنساش صلاة الاستخارة قبل ما تشتري

[dr mohammed wag]

شكرا يا دكتور محمد بس معلش عشان اسال عن النوع ده اقول موديله ايه عشان افرقه عن ابو 3400
وكمان ايه رايك استنى ابو معالج i5 ولاده مناسب
معلش تقلت عليكم

[VancouverEG]

المشكلة مش في الشكل ولا في التقريرات ، ولا في البروسيسور !
المشكلة إن جودة المنتج سيئة جدا ، وهنا يرجع للعاميلن في شركات الصيانة و الوكلاء ،ونسألهم عن مدى جودة هذا المنتج ، و عن مدى نسبة مرتجعات هذا اللاب .
فمعلوم أن الشركات تنتج بعض لابات من خامات ضعفية ، وفي ذات الوقت يكون مواصفاته عالية ، وسعرها رخيص !!
وهي ما تعرف بالـ economic ، وهذه الفئات تكون - رغم رخصها ، وامكانياتها العالية - سيئة جدا جدا .
فهل يعقل أن يكون لاب حديث بروسيسور i3 بـ3400 ، ولاب موديل قديم - لكنه جديد - بروسيسور C2D بسعر أغلى أو مقارب ، بـ 4000 مثلا ؟!!!
فمينفعش نرجع للـ اشترى ، علشان أي واحد عنده لاب توب موفرله كل احتيجاته ؛ هيقول عليه ده أعظم لاب في الدنيا .
باختصار ....

[dr mohammed wag]

والله شكرا عالنصيحه وياريت الي يعرف عحاجه يقولها

[dr mohammed wag]

وياريت ومعلش لو حد يعرف افضل مكان للشراء من اسكندريه وايه الفرق لو جبته من هنا او السعوديه

[™Nedved]

المشكلة مش في الشكل ولا في التقريرات ، ولا في البروسيسور !
المشكلة إن جودة المنتج سيئة جدا ، وهنا يرجع للعاميلن في شركات الصيانة و الوكلاء ،ونسألهم عن مدى جودة هذا المنتج ، و عن مدى نسبة مرتجعات هذا اللاب .
فمعلوم أن الشركات تنتج بعض لابات من خامات ضعفية ، وفي ذات الوقت يكون مواصفاته عالية ، وسعرها رخيص !!
وهي ما تعرف بالـ economic ، وهذه الفئات تكون - رغم رخصها ، وامكانياتها العالية - سيئة جدا جدا .
فهل يعقل أن يكون لاب حديث بروسيسور i3 بـ3400 ، ولاب موديل قديم - لكنه جديد - بروسيسور C2D بسعر أغلى أو مقارب ، بـ 4000 مثلا ؟!!!
فمينفعش نرجع للـ اشترى ، علشان أي واحد عنده لاب توب موفرله كل احتيجاته ؛ هيقول عليه ده أعظم لاب في الدنيا .
باختصار ....



انتا كده خضيتنى انا لسة جايب الجهاز بكرت ati امبارج بعد ما بدلته بالانتل الى كان وحش بجد
انا عاوز بس افهم ياعنى اية جودة المنتج سيئة جدا جدا ازى ؟ من نحية الخمات ولا التصينع ولا اية
انا شيف حرارة الجهاز معقولة جدا فا يرت تفدنى بأية السىء الى فية

[VancouverEG]

وياريت ومعلش لو حد يعرف افضل مكان للشراء من اسكندريه وايه الفرق لو جبته من هنا او السعوديه

فرق السعر ممكن ميكونش كبير أوي .
وكمان هتخسر الضمان لو جيبته من هناك ؛ إلا لو جيبت إتش بي ؛ علشان ضمانه عالمي ، تقدر تشتريه من أي مكان وتصلحه في أي مكان ببلاش مادام إنه في الضمان .

[VancouverEG]

انتا كده خضيتنى انا لسة جايب الجهاز بكرت ati امبارج بعد ما بدلته بالانتل الى كان وحش بجد
انا عاوز بس افهم ياعنى اية جودة المنتج سيئة جدا جدا ازى ؟ من نحية الخمات ولا التصينع ولا اية
انا شيف حرارة الجهاز معقولة جدا فا يرت تفدنى بأية السىء الى فية
بص في مقولة بتقول : الحاجة اللي معايا تمنها ؛تبقى حلوة .
على قد امكنياتك تقدر تشتري جودة ، وطبعا كلما زودت في الفلوس ؛ كلما كانت الجودة أفضل .
باختصار ...

[Dr Mohammad]

انتا كده خضيتنى انا لسة جايب الجهاز بكرت ati امبارج بعد ما بدلته بالانتل الى كان وحش بجد
انا عاوز بس افهم ياعنى اية جودة المنتج سيئة جدا جدا ازى ؟ من نحية الخمات ولا التصينع ولا اية
انا شيف حرارة الجهاز معقولة جدا فا يرت تفدنى بأية السىء الى فية


جهازك مناسب جدا للفئة السعرية بتاعته ما شاء الله
ربنا يبارك لك فيه
أهم حاجة تحافظ عليه و ده شئ مهم لكل اللاب توبات

[dr mohammed wag]

سوال لو سمحتوا
هو في فرق بين الفيجا intel و ati

[VancouverEG]

ال ATI أحسن طبعا .

[dr mohammed wag]

معلش انا اسف والله بس يعني الفيجا ati احسن ازاي والفرق يبقى ازاي

[VancouverEG]

الرابط ده ممكن يفيدك :
https://www.arabhardware.net/forum/showthread.php?t=159084

[Dr Mohammad]

ال ATI افضل بمراحل

https://www.notebookcheck.net/NVIDIA-GeForce-GTX-285M-SLI.25624.0.html

شوف ترتيب كروت الشاشة على اليمين

[Mezoxin]

[QUOTE=VancouverEG;1264784]

فهل يعقل أن يكون لاب حديث بروسيسور i3 بـ3400 ، ولاب موديل قديم - لكنه جديد - بروسيسور C2D بسعر أغلى أو مقارب ، بـ 4000 مثلا ؟!!!
فمينفعش نرجع للـ اشترى ، علشان أي واحد عنده لاب توب موفرله كل احتيجاته ؛ هيقول عليه ده أعظم لاب في الدنيا .
باختصار ....



يعقل ليه لأ , ال i7 720QM لما نزل نزل بنفس سعر ال P8800 و P9600 اللي هو core2duo مش quad حتي

وطبعا الجهاز لو أنت شاريه للالعاب أداؤه مش حيعجبك لانه بكارت HD4330 وهو كارت من الفئة الابتدائية , أنت لو حطيت الكارت ده في جهاز i7 مش حتعرف تلعب العاب

[VancouverEG]

و دلوقتي سعره كام ؟!!

[Mezoxin]

و دلوقتي سعره كام ؟!!


الأسعار في مصر مش مقياس , لإن فيه كميات كبيرة جدا مستوردة من زمان و لسه لم تباع , ده غير إن التجار بيتفقوا علي أسعار معينة عشان ال stock ال قديم عندهم يتباع , يعني ممكن جهاز i5 يكون جاله بتكلفة أقَل من جهاز تاني core2duo لكن يتفقوا إنهم يبيعوه بسعر اغلي عشان ال core2duo يتباع , و مفيش جهاز dell inspiron خاماته سيئة , و اللي بينزل مصر زي اللي بينزل بره .

[VancouverEG]

مفيش جهاز dell inspiron خاماته سيئة
إنما قصدتُ - كما سبق - أنه من مواد اقتصادية ! ، كما في موديلات ال 550 من hp

اللي بينزل مصر زي اللي بينزل بره
أحسبُ أني لم أقل ما يُخالف هذا !
أنا أتكلم عن سعره عموما .

[crazyy]

يعنى الجهاز ده https://egyptlaptop.com/dellinspiron1564buyforsale.html

كويس ولا ولاءه ؟؟

انا هتجنن اخد بكلام مين ؟

كل واحد بيقول راى ؟

ياريت حد يساعدنى هل الجهاز يصلح للاستخدام الشخصى ولعبة برو 10 والفوتوشوب

[VancouverEG]

يا عم اتوكل على الله واشتري .

[crazyy]

طيب ممكن توضحلى ايه اللى تقصده بان الخامات سيئة ؟؟

لانى معنديش خبرة فى المجال ده

وتقيمك للجهاز كام من عشرة وايه عيوبة فى وجهه نظرك ؟

[Mezoxin]

إنما قصدتُ - كما سبق - أنه من مواد اقتصادية ! ، كما في موديلات ال 550 من hp

أحسبُ أني لم أقل ما يُخالف هذا !
أنا أتكلم عن سعره عموما .


لا بالعكس أولا فئة ال hp 550 فئة ابتدائية جدا اقوي جهاز فيها بمعالج c2d 1.8GHz و كلهم بكروت شاشة مدمجة من intel ,لكن ال inspiron يوجد منها أجهزة قوية و مناسبة جدا للالعاب , وعن نفسي لو لقيت نفس الإمكانيات في جهاز HP dv6 أو Inspiron 15xx حختار ال inspiron طبعا

هو صحيح ال inspiron هو فئه اقتصادية , لكن مش معني كده إن خاماته سيئة . و ال standards ل dell غير بتاعت HP

و ما هي المواد الاقتصاديه ؟ الشاشة مثلا ؟ شاشة ال inspiron ال 1545 اللي كان ثمنه 3200 جنيه جميلة جدا و متفرقش أي حاجة عن ال studio 1555 أو ال toshiba A500

ال keyboard و ال touchpad كانوا كويسين جدا

البطارية عمرها معقول جدا

الشاحن تصميمه جيد جدا و حجمه مناسب للتنقل

و أكبر دليل علي إن فئة ال inspiron سمعتها كويسة جدا , حتلاقي إن سعر البيع ليها في المستعمل جيد جدا , ومطلوب من البياعين , أنا من حوالي سنة و نصف بعت جهاز inspiron 6000 و كنت مستعجل في الفلوس عشان كده نزلت بيه المول , و الجهاز ده كان عاني معايا جدا و وقع مني أكتر من مرة , و كان شغال كويس جدا , وبعته وهو ناقص منه زرارين و الشاشة مخلعه وواخدة كدمات :D و المعالج كان pentuim M 1.6 و هارد 60GB و رمات 512 اتباع ب 1500 جنيه , و ده لمحل في المول , يعني هو حيبيعه و حيكسب فيه كمان

[VancouverEG]

لا الديل ال inspiron 6000 ده كان راااائع جدا جدا .

عن نفسي لو لقيت نفس الإمكانيات في جهاز HP dv6 أو Inspiron 15xx حختار ال inspiron طبعا

وجهة نظر احترمها ، لكنها غير صحيحة على الأقل عندي ، لأن من المعروف أن البافليون لا يقارن بالأقل منه ، وهذا كعائلة ؛ وليس كموديل .

[Dr Mohammad]

لا الديل ال inspiron 6000 ده كان راااائع جدا جدا .

وجهة نظر احترمها ، لكنها غير صحيحة على الأقل عندي ، لأن من المعروف أن البافليون لا يقارن بالأقل منه ، وهذا كعائلة ؛ وليس كموديل .



كلام سليم و اؤيده بشدة
صحيح أن الإنسبايرون جهاز ممتاز كمواصفات مقابل السعر
إلا ان البافليون أعلى بكثير و هذا الكلام عن تجربة