المساعد الشخصي الرقمي

مشاهدة النسخة كاملة : استفسار عن النت USP في مصر ضروري جدا


the-storm
18-02-2010, 01:40
السلام عليكم ورحمة الله وبركاتة
ممكن استفسار بسيط ارجوكم
لان النت عندي هيموتني والله
معتش قادر أستحمل
مشترك 1 ميجا وما فيش خالص التحميل 30 كيلوا بايت والبنج 1000 على طول وخط رديئ جدا
والمشكلة طبعا من السنترال الغبي ده والله انا كل اما افتكر النت اتعصب
المهم فانا دورت على حاجة تنجدني من السنترال ده والنت الفظيع ده
وما التقتش حاجة غير النت USp لانه تقريبا ما بيتعمدش على السنترال
فارجوكم اي تفاصيل عنه او اي شئ
اسعاره والسرعة فيه اخبارها ايه و تقييكم ليه
يعني هو حلو وما بيقطعش والبنج فيه حلو ولا اي كلام برده !
مع العلم اني ساكن في الدقهلية
وشكرا جزيلا لكم
والسلام عليكم ورحمة الله وبركاتة
miro the king
18-02-2010, 03:32
انت مشترك فشرركة اية
VancouverEG
18-02-2010, 06:19
إن فعلتَ ذلك ؛ فأنت كالمُستجير من النار بالرمضاء ( أنيل من سبدي لا ستي )
اليو اس بي ( موبينيل ، فودافون ، اتصالات) بطيئة جدا جدا ، هما بيشتغلوك ويقولوك سرعتة النت up to 7 ميجا وكل ورب الكعبة كذب .
مرة اتصت وسألتهم انتوا سرعتكوا كام ؟ انا أصلا كنت اشتريته بس كنت عايز اظبطهم وأهزأهم شوية .
فقالت لي يا فندم 7 ميجا .
قولتلها لأ الكلام ده كذب ونصب ، ومش صحيح !!
قالتلي يا فندم هو up to 7 ميجا !!!
علشان تبقى سرعتك فعلا 7 ميجا لابد من شروط ( اسمع بقى يا عم الشروط ) :
لازم تكون جنب برج !!
ومحدش بيستعمل البرج ده غيرك . ( يعني من الآخر كل واحد شيل برج على راسه ، هو ده بقى مشروع برج لكل مواطن ):D
انت اتصل على شركة الانترنت وقولهم النت عندي بطي .
انت مشترك مع موزع ، ولا الشركة الرئيسية ؟
علشان الشركات بعضها نصاب ، مش بيديك السرعة اللي انت متعاقد عليها ، وممكن يكون المشكلة من عندك ، وخط التليفون عليه (عزل )لازم بقى حد من السنترال يعملهولك .
The King2
18-02-2010, 14:23
انا مشترك مع تى داتا الفرع الرئيسى وسرعتى مسروقه برده حتى الفجر اللى هو وقت هيام النت وقوته السرعه تصل إلى 450 فقط مع إن المفروض السرعه تصل إلى 512 .... إتصلت بالشركه طلع واحد أهطل بيقولى إنت فاهم المسأله غلط ( المسأله هيا 4096 / 8 = 512 كيلو بايت ) ( 2048 / 8 = 256 كيلو بايت ) بس إحنا فى بلد جدول الضرب بتاعها إتغير
فيه صديق ليا فى السعوديه شغاال على خط 4 ميجا برده وسرعته لما مايكونشى معاه حد على الخط بتاعه بس بتصل إلى 530 بالدون لود مانجر
وبالنسبه لموضوع اليو إس بى نت فهو مشروع فاشل لهواة التحميل من الإنترنت
Dr Mohammad
18-02-2010, 19:03
أحسن حاجة اخى الكريم إنك تكلم الدعم الفنى بتاعهم
و يستحسن تكون مشترك مع tedata نفسها مش مع وكيل ليها
و على فكرة سرعة الداونلود هنا فى مصر = 1 على 8 من السرعة الأصلية يعنى ثمن السرعة