ايهما افضل للمستقبل q8300 ام e8400

[almsre]

ايهما افضل للمستقبل q8300 ام e8400

Intel Core2Duo E8400 3.0GHz / 6MB cache / 1333 bus

ام


Intel Core2Quad Q8300 2.5GHz / 4MB cache / 1333 bus

[TEch Zone]

ما نصحكش بالاتنين لان سعرهم مبالغ فية ....... فى الفئة السعرية دية AMD احسن

[almsre]

المشكلة اني مش عايز اشتري مازر بورد جديدة و المازر بورد بتاعت الاي ام دي ب 500 جنية اقل شي جيجا بايت 785 و هضطر ابيع اللي عندي يعني هتخسرني كتير ده غير اني هضطر اغير الرامات الي ddr3 يعني يعتبر ببيع كل الكيسة بتاعتي مقابل كيسة جديدة و لو كدة فما رايكم بهذا المعالج مقارنة بيهم Phenom II X2 550 3.1GHz, 7MB Total Cache, 4000MT/s Bus ؟ و هل يستطيع الشغل مع الالعاب في المستقبل ام انه سيستوجب التغيير قريبا ؟

[TEch Zone]

Phenom II X2 550 ممتاز فى الالعاب وممكن تقتح نواتين فية
و لو مش ينفع تغير ل AMD دلوتى ممكن تجيب E8400 او E7400

[almsre]

شكرا ليك يا اخي علي الافادة بس كثير حذروني من موضوع محاولة كسر سرعة المعالج اذا كنت لا اعرف فية جيدا لذالك افكر في ان ااتي بمعالج لا يحتاج لكسر السرعة ليثبت كفائتة فانا احتاج معالك يعمل كما هو و بكفائة عالية بدون تغيير فيه
بس كنت عايز اسال هل كارت الشاشة المدمج مع المازر بورد جيجا بايت 785 جيد للعمل حتي فترة سنة و سيتم شراء كارت بعدها ان انه لا يصلح للالعاب الموجوده حاليا و هو كارت من فئة ati 4200 ما هو رايكم به ؟

[TEch Zone]

اول حاجة كسر السرعة غير فتح النواتين ..... كسر السرعة انك تزود سرعة المعالج عن طريق زيادة core speed
بالنسبة للكارت المدمج ممكن يشغلك الالعاب على ال Medium او Low على حسب اللعبة

[almsre]

مش مشكلة المهم انه هيشغل الالعاب جودة متوسطة علي شاشة 19 بصفة مؤقتة لحد لما اجيب كارت ان شاء الله و بالنسبة للبروسيسور تنصحني اجيب فنيوم x2 ولا x4 ؟ و هل البوردة اللي انا ذكرتها فوق ديه كويسه و هتعيش معايا ولا ممكن بردة بعد سنة مش تنفع مع الجديد ؟

[TEch Zone]

انتا ميزانيتك اد اية للبوردة والمعالج ؟

[almsre]

1200 جنية

[TEch Zone]

ممكن تجيب البوردة دية ASUS -M4A785TDV EVO - AMD785 +128MB DDR3 SidePort Memory السعر 600 جنيه
والبروسيسور دة Phenom II X2 550 3.1GHz, 7MB Total Cache, 4000MT/s Bus السعر 550 جنيه
واعمل موضوع فى قسم تجميع الاجهزة و شوف الشباب هتنصحك باية

[almsre]

شكرا ليك انا بحثت عن البوردة بس عرفت ان كارت الصوت فيها ضعيف عن كروت البورة جيجا بايت
بس انا كنت عايز اعرف ليه حضرتك قولتلي علي اسوس بدل جيجا بايت 785 نفس الاصدار بتاع الاسس +128MB DDR3 SidePort Memory و سعرها 550

[TEch Zone]

البوردة الاسوس احسن عشان بتشغل البروسيسور Phenom II X4 965 125w اما الجيجابايت مش بتشغلة
وكارت الصوت مش ضعيف فى البوردة الاسوس والبوردة ممتازة والكل بينصح بيها :)

[Extreme2]

Q8300 أفضل كونه رياعي الأنوية ويتفوق في التطبيقات والالعاب الحالية والقادمة التي تستفيد من نعدد الأنوية , وبكسر سرعة بسيط يمكنك أن تصل به للتردد 3.0G بسهولة .

[noveyman_2010]

Q8300 أفضل كونه رياعي الأنوية ويتفوق في التطبيقات والالعاب الحالية والقادمة التي تستفيد من نعدد الأنوية , وبكسر سرعة بسيط يمكنك أن تصل به للتردد 3.0G بسهولة .


+1
والمعالج عندي وماشاء الله عليه زي الفل في تطبيقات تحويل الفيديو والالعاب

[almsre]

انا كنت عايز اعرف هو كلمة كاش 4 يبقي الكاش بتاع البروسيسور كله 4 ولا النوة الواحدة 4 يعني 4 في 4 للبروسيسور انتل q8300 ???? ولا زي amd التوتل كلة 4 ؟

[S@M]

Q8300

الآفضل مستقبلا لآننا نعيش عصر تعدد الآنوية

[Stokon]

Q8300 أكيد الأفضل

[almsre]

انا كنت عايز اعرف هو كلمة كاش 4 يبقي الكاش بتاع البروسيسور كله 4 ولا النوة الواحدة 4 يعني 4 في 4 للبروسيسور انتل q8300 ???? ولا زي amd التوتل كلة 4 ؟

[Brigadier]

Q8300

الآفضل

[Brigadier]

نا كنت عايز اعرف هو كلمة كاش 4 يبقي الكاش بتاع البروسيسور كله 4 ولا النوة الواحدة 4 يعني 4 في 4 للبروسيسور انتل q8300 ???? ولا زي amd التوتل كلة 4 ؟

الكاش الاجمالي للاربع انويه = 4 ميجابايت فقط.

[almsre]

الكاش الاجمالي للاربع انويه = 4 ميجابايت فقط.
شكرا ليك يا باشا و بعد الكلمة ديه يبقي انا هشتري amd و ليس انتل

[moatez]

اكيد Intel Core2Quad Q8300 2.5GHz / 4MB cache / 1333 bus افضل ...

[ashraf_shivo]

طب ياجماعة حد يقولي سعر البرسيسسور ده كام
واكيد ده يشتغل عندي صح ولا ايه
انا البوردة بتاعتي g41m-es2l