الجهاز لا يقوم تماما................ليه بقه

[Hassan.Ali]

الجهاز لا يقوم تماما..............ليه بقه مع العلم انه اتجرب ثلاث بورات لانه فعلا كما لو كان مفيش بور

الجهاز ده كان مركون بقاله فتره يمكن سنه و نصف................يا ريت يكون حد عنده فكره..شكرااااا

[Don Khozzam]

سنه و نص بحالهم؟ تلاقيه زعل عشان مفيش حد سائل فيه

عموما بدايتا كدا .. افصل الباور تماما و طلع سلك الباور من الباور سبلاى و بعدين روح عند الرامات و فكها و ركب وحده و رجع سلك الباور و شغل .. مجبش نتيجه فك سلك الباور تانى و جرب الرامه على مدخل رامات تانى و هكذا .. (اهم حاجه انك كل ما تيجى تركب/تشيل الرامه انك تفصل سلك الباور تماما)

و لو برضو مقامش ياريت تذكر موديل الماذر بورد

[Hassan.Ali]

شكراا جدااا لسرعه الرد

عملت اللى حضرتك قولته بالظبط................ولا الهوى

موديل البورده :- msi 865pe neo2 p

[Don Khozzam]

معلش مقدرتش ارد عليك عشان الكهربا كانت مقطوعه

طيب انت جربت تغير كابل الباور نفسه؟ ممكن يكون هو اللى عامل المشكله

عموما الخطوه التاليه هو انك تفصل سلك الباور ..المس اى حافه من الكيسه (عشان لو ايدك فيها كهربا تروح) بص على الماذر بورد هتلاقى بطاريه مدوره (زى بتاعت الساعات لكن على اكبر) احفظ هى متركبه ازاى و فكها بحنيه و بعدين اضغط على زرار الباور و خليك ضاغط عليه شويه (منغير ما تركب سلك الباور) و بعدين سيبه و استنى 3 دقايق و ركب البطاريه تانى زى ما كانت بالظبط و وصل كابل الباور و شغل ..

لو برضو الجهاز مقامش ممكن يكون البطاريه فاضيه .. ساعتها لازم تروح لحد بتاع صيانه و هو يشحنها او يجيبلك واحده زيها بالظبط مشحونه و بإذن الله المشكله تتحل

[shaker3]

اضافة لما ذكره الاخ حاول تنظف كل الشقوق والمقابس اللي في اللوحة :)

[Hassan.Ali]

عملت كل حاجه وبرده.....ولا الهوى .......هل ممكن يكون البايوس عايز شحن.......او دائره الباور اللى فى البورده...فاصله

[Don Khozzam]

طيب اعمل دى و لو منفعتش يبقى ودى الجهاز لواحد متخصص فى الصيانه لان كدا احنا نعتبر استنفذنا كل الحلول اللى ممكن تقوم بيها بنفسك

افصل السى دى و الهارد و الفانات و كل حاجه و متوصلش غير الماذر بورد و شغل الجهاز .. لو مشتغلش يبقى توكل على الله و وديه للصيانه..