فكره جديده لتركيب مراوح إضافه فى الباب الجانبى لصندوق Gigabyte Setto 1000 و ما شابهه

[محمد الجوهري]

السلام عليكم و رحمه الله و بركاته




بمناسبه دخول موسم الربيع و التزايد المستمر فى درجات الحراره


قررت أن أقوم بإضافه مراوح جديده فى الصندوق الخاص بى .


و بُناءاَ على طلب الإخوه , أضع تجربتى بين يديكم آملا أن تجنو منها عظيم الفائده
فى البدايه أنوه أنه لا يخفى على كثير منكم أن معظم الصناديق الإقتصاديه متوسطه الجوده شأن منتجات غيغابايت من فئه Setto , او سلسله كولر ماستر الشهيره Elite تأتى مزوده بمراوح أماميه و خلفيه فقط , المروحه الاماميه ( و التى غالباَ ما تكون بمقاس 12 سم ) وظيفتها شفط الهواء
البارد من الجزء الامامى من الكيس , و هو ما يمر بدوره عبر الأقراص الصلبه لتبريدها , ثم يكمل طريقه متجهاً الى بطاقه الرسوميات ( إن وُجدت ) , و من خلال تجربتى مع الأقراص الصلبه التى أملكها وجدت أن المروحه الأماميه تستطيع وحدها أن تخفض من درجه حراره الأقراص بمقدار سبع درجات و هو رقم ليس بهيّن
أما المروحه الخلفيه فوظيفتها تكمن فى إخراج الهواء الساخن ( الذى يصعد لأعلى الصندوق ) من الخلف , فهى تسحب حراره مشتت المعالج , و الحراره الناجمه عن بطاقه الرسوميات و مشتت الجسر الشمالى أيضاً .





على الرغم من إنتشار الصناديق المزوّده بمروحتين من الأمام و الخلف , إلا أنى لم أجد منهم من تأتى مزوّده بمراوح جانبيه فى غطاء الصندوق الجانبى , و لكن الشركات لم تغفل هذه النقطه , كما أنها لم تغفل دور المراوح الجانبيه التى لها عظيم الأثر فى تبريد الصندوق عن طريق توفير تيار هوائى بارد يأتى من الخارج لينصب مباشره فوق المكونات الأشد سخونه ( المعالج و كارت الجرافيك و اللوحه الأم ) فالمسافه بين جانب الصندوق و بين تلك القطع العتاديه ليست بكبيره .





و عليه , فالشركات المُصنعه للصناديه تترك ( غالباً ) الباب الجانبى مزودا بفتحتين لتركيب مراوح جانبيه
و تجدر الإشاره هنا إلى أن الباب الجانبى قد يكون مزودا بأنوبه هوائيه Air Duct لتوفير تيار هوائى خاص للمعالج
الكثير منا يقومون بدون تفكير بإزاله هذه الماسوره من جانب الغطاء و تركيب مروحه بمقاس 80 مم عوضاً عنها



الجديد هنا أننى قلت : و لم أتخلى عن تلك القطعه الهامه ؟ و هى التى عن طريقها أستطيع تكثيف التيار الهوائى القادم من المراوح و أجعله ينصب مباشره و بقوه على مشتت المعالج .. ألا أستطيع الإستفاده منها ؟




بإختصار ....




قمت بتركيب المروحه مكان الماسوره الهوائيه , لكننى كنت قد شبكت المروحه بالماسوره الهوائيه عن طريق المسامير أولا , و لا تنسو التأكد من جعل المروحه تعمل على إدخال الهواء من الخارج عبر الماسوره .
من لم يجد المسامير الملائمه , يمكنكم الإستعانه بشرائط الربط Zip Ties , أو ربما تغنى بعض الأسلاك النحاسيه !!




أدعكم مع الصور , فالصوره تغنى عن ألف كلمه , و إن شاء الله سأكون جاهز لأى إستفسار



بالطبع لن أضع صورات لدرجات الحراره قبل و بعد العمليه , لأنه لو توفر تيار هوائى جيد فالحراره ستقل بشكل حتمى




و لكننى بإنتظار تجربتكم للعمليه و تجاربكم مع الحراره




https://i42.tinypic.com/2vl5t92.jpg


https://i43.tinypic.com/30aasmt.jpg


https://i41.tinypic.com/or5og0.jpg


https://i42.tinypic.com/2uzdumv.jpg


https://i43.tinypic.com/iqdlwz.jpg


https://i43.tinypic.com/2ly4j7l.jpg

[Mr.pOPo]

موضوع رائع - وفكرة عبقرية فعالة.

تم التقيم. :)

[Cobra007]

طريقة جميلة جدا و انشاء الله اجربها في ال nvidea edition اللي عندي و ارفع الصور

[cmas]

فكرة جامدة طحن
وانا عندى الكيسا الجاما وهجربها ان شاء الله
جزاك الله خيرا

[vmidov]

طيب وبالنسبه للى معندوش الكوز ده يعمل ايه ؟:D
فكره ممتازه بس على فكره كان هتبقى جامده لو حطيت صور للحراره قبل وبعد
عارف أنها فاتتك بس فكرتك بيها ومش عايز تقييم طب خلاص أن مكنتش تحلف :D
تم التقيبيم يا كبير

[EL-MARIACHY]

يا مشرفنا العزيز أنا عندى سؤال :

مش المشتت بتاع البروسيسر بيطرد الهواء للخارج و حضرتك بتقول اننا نخلى المروحه تتدخل هواء للداخل؟؟ مش كده الحراره اللى طالعه من البروسيسر حاترجعله تانى و كده احنا بنضر بالبروسيسر ولا أنا فاهم غلط و أرجو التوضيح علشان أنا فهمى بطئ شويه اعذرنى
الكومبيوتر لحس دماغى:ah14: :ah29:

[shaker3]

شكرا لك على التجربة المفيدة
لك التقييم

[HuLkY]

الله ينور جوهرى! بس لو المشتت بتاعى احترافى اكيد مش حينفع :( , بس شغل على نضافة! العم سمعة الله يسامحه بقى :(

[MSAB]

فكرة عبقرية و عمل عظيم

[nero&dante]

شكرا جزيلا عى التجربة المفيدة وانا واحد من اللي ازالوا هذه القطعة للاسف بس ان شتء الله ارجعها مرة اخرى


مش المشتت بتاع البروسيسر بيطرد الهواء للخارج و حضرتك بتقول اننا نخلى المروحه تتدخل هواء للداخل؟؟ مش كده الحراره اللى طالعه من البروسيسر حاترجعله تانى و كده احنا بنضر بالبروسيسر

لا يا احي مروحة المعالج تقوم بدفع الهواء البارد الى المشتت وليس العكس

[Coolman4now]

- طيب واللى معندهوش Air Duct أصلا يعمل أيه ؟؟؟ :p

- شغل على مياة بيضاء يا جوهرى ، الله ينور. :ah7:

[hack4love]

تم التقيم رائع

المروحتين انته مشغلهم سحب هواء بارد الي داخل الكيسه صح

[mohamed790gx]

فكره رائعه يا استاذ جوهري :D

بس انا اعمل ايه مفيش عندنا اي مراوح 80 سم خالص ولا كوز من ده علي راي ميدو

[mohmet]

يا جوهري يا جامد
انا هاتجنن و اعمل الفكره ديه من زمان
بس تقدر تقول الكسل و كمان مكنتش مقتنع اني ممكن اركب مروحه علي ال air duct
انت جمدت قلبي;)

[hatemfox]

طول عمرك عبقري يامحمد يا جوهري
الصراحه انت خليت الكسيه setto 1000 زي الكيس الي 700 و800 جنيه.

[-M7mD]

فكرة رائعة ;)
شكراً أخي الجوهري
تم التقييم

[فصولي]

مثل كيستي بس انا ثرمال وان شاء الله بسوي مثلك

بالنسبه للي تحت هي تدخل ولا تشفط

انا فيه وحده بس تشفط من ورا

[BionicMan]

الله يكرمك يا جوجو علي الشغل الجبار ده

وليك تقييم يا كبير ;)

[tarekforall]

شكرا محمد على مشاركتنا هذه التجربة الممتازة

[محمد الجوهري]

Mr.pOPo
shaker3
The.Hulk
MSAB
0hasan0
M7mD-
Tarekforall

إخوانى و أحبائى الأعزاء
جزاكم الله خيرا
و مشكورين على المرور و الردود المشجّعه
و تقييماتكم شرف كبير لى


طريقة جميلة جدا و انشاء الله اجربها في ال nvidea edition اللي عندي و ارفع الصور


فكرة جامدة طحن
وانا عندى الكيسا الجاما وهجربها ان شاء الله

فى إنتظار تجاربكم مع الحراره إن شاء الله
لعل الطريقه تكون مفيده معكم


طيب وبالنسبه للى معندوش الكوز ده يعمل ايه

كــــــــــــــــوز ؟؟
What is the meaning of KoooZ ?
:D:D:D

بص يا برنز أحمد
ممكن ساعتها يركب مروحه بس


عارف أنها فاتتك بس فكرتك بيها ومش عايز تقييم طب خلاص أن مكنتش تحلف

تلميذك يا أستـــــــــــاذ
و شكرا على التقييم


مش المشتت بتاع البروسيسر بيطرد الهواء للخارج

لا طبعا
حط إيدك على المشتت كده من فوق
و شوفه بيطلع هوا ولا بيسحب

أقول لك : بلاش

إعمل زى مانا بعمل
قرب منديل ورق من المشتت و شوفه هيسحبه ولا هيطرده
بس على مسئوليتك :D:D

مروحه المشتت بتسحب هواء بارد لدفعه على الجزء المعدنى فيه
و بالتالى فانت بتوفر لها بالمروحه الزياده تيار هوائى أشد كثافه
و أكيد هيبقى أفضل


الكومبيوتر لحس دماغى

مش لوحدك :D


الله ينور جوهرى! بس لو المشتت بتاعى احترافى اكيد مش حينفع

الله ينور عليك يا صاحبى
إيه القَصَه الجامده دى .... الظاهر انك حنيت للجيش تانى :p

لو المشتت إحترافى أعتقد انك مش هتحتاج لهواء بارد من بره
و لو احتجت هيبقى فى الباب من تحت ... عند كارت الشاشه


العم سمعة الله يسامحه بقى

ردك يغنى عن ألفين تقييم ... مش مجامله على فكره :)


- طيب واللى معندهوش Air Duct أصلا يعمل أيه ؟؟؟

- شغل على مياة بيضاء يا جوهرى ، الله ينور

فادى بك
شغل على ميه بيضا إيه بس يا عم ؟؟
الشغل ده يا عزيزى جزء من اللى انا اتعملته منكم
يا راجل د انا عندى ملف من سنتين كل اما أحب أتفرج على شغل نضيف أفتح و أشوفه
فاكر الملف ده ؟

https://i41.tinypic.com/a14z6b.jpg


المروحتين انته مشغلهم سحب هواء بارد الي داخل الكيسه صح

نعم , هم بالفعل كذلك
لان فيه مروحتين للطرد
المروحه الخلفيه + مروحه الباور صبلاى :cool:


بس انا اعمل ايه مفيش عندنا اي مراوح 80 سم خالص ولا كوز من ده علي راي ميدو

الراجل اللى لا بيسأل ولا بيفتح الميل علشان نسأل عليه
يا محمد هتلاقى المرواح ال 80 دى فى كل مكان , د فى زحل ممكن تكون موجوده
و تمنها 5 جنيه بس


يا جوهري يا جامد
انا هاتجنن و اعمل الفكره ديه من زمان
بس تقدر تقول الكسل و كمان مكنتش مقتنع اني ممكن اركب مروحه علي ال air duct
انت جمدت قلبي

تشكرات أفندم
اعمل الفكره و جمد قلبك و ورينا النتيجه يا وحش ( بفتح الواو و تسكين الحاء :D)
و لو عاوز تجمد قلبك أكثر , إشرب ماونتين ديو ... ( ده نوع كاكولا , مش بروسيسور كور تو ديو :p )



طول عمرك عبقري يامحمد يا جوهري
الصراحه انت خليت الكسيه setto 1000 زي الكيس الي 700 و800 جنيه.

تسلم يا مستر حاتم
أمال لو شفت بقى لما رشتها إسود فى إسود ؟؟
كلفتنى 6 جنيه بحالهم ...... تخيل :mad:



مثل كيستي بس انا ثرمال وان شاء الله بسوي مثلك

بالنسبه للي تحت هي تدخل ولا تشفط

انا فيه وحده بس تشفط من ورا

أخى فصولى
الإثنين لادخال الهواء البارد
لانه مثلما تفضلت و ذكرت هناك مروحه فى الخلف للشفط للخارج


ملحوظه :

الموضوع و التصوير ليسو بالمستوى الذى يليق بكم و بالمنتدى
و كنت أنوى عمله على هيئه مشاركه واحده فى موضوع الأسعار فى السوق المصريه
و لكننى آثرت عمله فى موضوع جديد حتى تعم الفائده

[محمد الجوهري]

الله يكرمك يا جوجو علي الشغل الجبار ده

وليك تقييم يا كبير

إين عمـــــــى

نورت الموضوع

تقييم ؟ ..... أى تقييم ؟ .... هو فين التقييم ده ؟ ... كده يا إين عمى ؟:(

[H.E.R.O]

الله ينور يا جوهرى

انا لما عملت رفع ميدانى للابعاد و الاطوال :D لقيت ان عندى الكيسة ممكن يركب فيها مروحة 10
هل فيه مراوح 10 ولا اللى موجود 8 و 12 بس ؟!؟

[Extreme2]

تسلم اخي محمد , شغل 100\100 :)
تم القبض على عمك سمعه لحين تهريب التقييم و اطلاق سراحه بعد ذلك :D

[yazan soft]

مشكور اخي محمد على طرح تجربتك, انا مشكلتي الغبار والاتربه مع المراوح فهي تزيد الطين بله ومع المشتتات الكبيره نوعا ما الوضع يصبح اسواء واسواء "الكيسه Aurora 570 وكنت انوي عمل نفس مشروع فادي من زمان بس ذكرت السبب الي وقفني من تنفيذه" :mad:

[Hassan.Ali]

الله عليك يا ريس انا عملت بالضبط زى ما انت قولت بجد بجد ......استااااااااااااااااااااااااااااااز......:ah7 :

درجه الحراره فرقت 9 درجات بالضبط...طبعا روعه جداا...واخيرا...عرفت فايده المدعو (( كوز )) اعتقد بضم الكاف :rolleyes:

:)

تسلم ياغالى واحلى تقييم

[Stokon]

فعلا فكرة جامدة جدا
تم التقييم

[Black-Edition]

مش فااااااااااهم اي حاجة :ah50:

مووووووضوع كفاءة والله وجاي فى وقته ..... تسلم يا جوجججو :D

[ahmad_mostafa]

فكره روعه يا استاذ محمد... نفس الكيسه عندى بس انا مركب مشتت فانديتا فمش هينفع اعملها ... و ليك احلى تقييم على الافكار المتجدده

[محمد الجوهري]

الله ينور يا جوهرى

إزيك يا هندسه ؟ عامل ايه ؟
نورت الموضوع


هل فيه مراوح 10 ولا اللى موجود 8 و 12 بس ؟!؟

بصراحه ما حصلليش الشرف برؤيتها قبل كده ولا سمعت عنها
عادى , غير الكيسه خالص :D


تم القبض على عمك سمعه لحين تهريب التقييم و اطلاق سراحه بعد ذلك
:D:D
كفايه نورك أخى نواف
شرفت الموضوع و شرفتنى


انا مشكلتي الغبار والاتربه مع المراوح فهي تزيد الطين بله ومع المشتتات الكبيره نوعا ما الوضع يصبح اسواء واسواء "الكيسه Aurora 570 وكنت انوي عمل نفس مشروع فادي من زمان بس ذكرت السبب الي وقفني من تنفيذه"

بارك الله فيك أخى العزيز يَزَنْ
التراب أمره محير فعلا
لن تتخيل اننى أضع قطغتين من القماش الناعم فى قفص الأقراص الصلبه
و من الممكن أن أقوم بمسح الكيس مرتين يوميا !!!
لأنى فاتح الغطاء طول الوقت ولا أتحمل رؤيه الكيس و عليها أتربه من الداخل
فأقوم بمسح أرضيه الكيس بالقماشه

طبعا ستتسائل : كيف تزيل الغطاء بعد وضع المراوح ؟
أقول لك : المراوح عملت لمده 10 دقائق فقط و بعدها لم أتحمل الصوت
فقمت بنزع الغطاء الجانبى تماما

فكرت أن اقوم بعمل مفتاح لعمل المراوح خارج الكيس و لكننى خشيت من حدوث " قَفله " تودى بحياه الجهاز


الله عليك يا ريس انا عملت بالضبط زى ما انت قولت بجد بجد

طيب و قسماً بالله انا ما عملت الموضوع ده إلا لما شفت ردك فى موضوع الأسعار
و قلت أنا مش هأرد هناك , أعمل موضوع منفصل أحسن
و علشان كده ياريت تعتبر الموضوع ده إهداء خاص ليك


(( كوز )) اعتقد بضم الكاف
:D

Stokon .. مشكور على المرور أخى الكريم

جوليانو ... مش بتذاكر ليه يا إبنى ؟ :p
يا إبنى ذاكر .. باقى 95 يوم بس على الإمتحانات ....
يا إبنى دى فرصه العمر و مش هتتكرر تانى ...
أقول ايه بس ... تعبت :mad:
يا إبنى ......... ربنا يوفقك




نفس الكيسه عندى بس انا مركب مشتت فانديتا فمش هينفع اعملها ... و ليك احلى تقييم على الافكار المتجدده

بارك الله فيك يا أستاذ أحمد
كلمه الأفكار المتجدده فكرتنى ببرنامج زمان كان بييجى على القناه السادسه ( أيام العز بقى )
إسمه ... أفكار ذكيه ...... حد سمع عنه ؟

بخصوص الفنيديتا .. عندى لك حل ممتاز
هات المشتت و هأديلك الغطاء بتاعى و مش هآخد أى فرق :D

[Hassan.Ali]

طيب و قسماً بالله انا ما عملت الموضوع ده إلا لما شفت ردك فى موضوع الأسعار
و قلت أنا مش هأرد هناك , أعمل موضوع منفصل أحسن
و علشان كده ياريت تعتبر الموضوع ده إهداء خاص ليك



الله عليك ...والله على زرقك...والله على مصر وولادمصر....:ah7:

اخوك حسن على