المساعد الشخصي الرقمي

مشاهدة النسخة كاملة : مراجعه لأداء مراوح Cooler Master R4-L2R-20CK-GP


الصفحات : [1] 2
vmidov
23-03-2010, 15:56
بسم الله الرحمن الرحيم
السلام عليكم ورحمه الله وبركاته

الموديل: R4-L2R-20CK-GP
السعر: 60 جنيه
مكان الشراء: Maximum Hardware
الكيسه المستخدمه : Dolphin
المعالج : PhenomII X4 945 @3.0GHZ Stock (Clock & Cooler)
0اللوحه الام : MSI 790GX-G65
الباورصبلاى : ASUS 500W P-50/55GA
القرص الصلب : 1T.B / WD1001FALS-Black Caviar

1- معلومات عن المنتج والتصميم الخارجى (https://www.arabhardware.net/forum/showpost.php?p=1313614&postcount=2)
2- الصوت (https://www.arabhardware.net/forum/showpost.php?p=1313615&postcount=3)
3- درجات الحراره (https://www.arabhardware.net/forum/showpost.php?p=1313619&postcount=4)
4- الخاتمه (https://www.arabhardware.net/forum/showpost.php?p=1313620&postcount=5)
vmidov
23-03-2010, 15:56
صوره المروحه

https://img241.imageshack.us/img241/2657/file1208503897232cf7.jpg

الموقع الرسمى
https://www.coolermaster.com/product.php?product_id=4355

المواصفات
المقاس : 12سم*12سم*2.5سم
لون الاضاءه : أزرق
سرعه المروحه : حتى 2000 لفه فى الدقيقه (RPM)
تدفق الهواء : 90 قدم مكعب فى الدقيقه (CFM)
ضغط الهواء = 3.04 mmH2O
حده الضوضاء = 19 ديسيبل
العمر الافتراضى : 50,000 ساعه أى مايعادل 5 سنوات و7 شهور فى حاله تشغيل المروحه 24 ساعه يوميا

https://i269.photobucket.com/albums/jj41/vmidov/th_001.jpg (https://i269.photobucket.com/albums/jj41/vmidov/001.jpg)

المحتويات

https://i269.photobucket.com/albums/jj41/vmidov/th_Fans.jpg (https://i269.photobucket.com/albums/jj41/vmidov/Fans.jpg)

المستخدم مروحتان فقط مروحه أماميه لشفط الهواء البارد ومروحه خلفيه لطرد الهواء الساخن

https://i269.photobucket.com/albums/jj41/vmidov/11111111111111111.jpg

محتويات العبوه (للأسف نسيت تصويرهم )
1- المروحه بكابل 3Pin
2- محول من 3Pin إلى 4 pin Peripheral للتركيب مباشره إلى الباور سبلاى
https://www.corsair.com/_images/products/hx_4-pin_peripheral.jpg
3- كيس بلاستيك به 4 مسامير للتثبيت

أولا : التصميم

https://i269.photobucket.com/albums/jj41/vmidov/th_DSCF0824.jpg (https://i269.photobucket.com/albums/jj41/vmidov/DSCF0824.jpg)

يميناّ مروحه Cooler Master ويساراّ مروحه تجاريه بسعر (15 جنيه)
من الوضح أن الشكل الجمالى يختلف تمام بين الاثنين إضافه إلى ميزه الاضاءه الرائعه لمرواح Cooler Master

https://i269.photobucket.com/albums/jj41/vmidov/th_DSCF0826.jpg (https://i269.photobucket.com/albums/jj41/vmidov/DSCF0826.jpg)
vmidov
23-03-2010, 15:57
ثانيا: الصوت

للأسف لا يتوافر لدى المعدات اللازمه لقياس درجه الصوت بدقه لذلك سأقوم بنقل التجربه على أساس رؤيتى الشخصيه

فى حاله توصيل المراوح بإستخدام الكابل ال3Pin إلى اللوحه الرئيسيه مباشره يكون لدى إمكانيه قرأه والتحكم فى سرعه المراوح وذلك بإستخدام برنامج Speed Fan والذى يتيح لك تحكم مطلق فى سرعه أى مروحه موصله باللوحه الام (يجب أن تدعم المروحه والمدخل خاصيه التحكم) بدء من إغلاق مروحه نهائيا أو زياده سرعتها تدريجيا بزياده النسبه المئويه
تستطيع تحميله
من هنا (https://fs2.filehippo.com/9882/08cfe46b720447d895fe2d803a76eb0d/installspeedfan440.exe)
اما فى حاله توصيله بالباور صبلاى مباشره ستعمل على أقصى سرعه لها بدون التحكم فيها أو قرأه السرعه التى تعمل بها

1- عند تشغيل المروحتان بنسبه 55% (أى بحوالى 1250 لفه فى الدقيقه) فما أقل فلا تسمع لهم صوت نهائيا غير صوت تدفق الهواء نفسه وهو الوضع الانسب للتشغيل ليل

2- عند التشغيل بنسبه 60-75% (أى بحوالى 1450-1700 لفه فى الدقيقه) الصوت يكون ضعيف ومقبول جدا وإذا كان صباحا بالكاد سوف تسمع صوتهم

3- عند التشغيل بنسبه 90-100% (أى بحوالى 1850-1950 لفه فى الدقيقه) ترتفع درجه الازعاج ويكون الصوت مسموعا ولكنه أقل حده وإزعاجا من المرواح التجاريه
vmidov
23-03-2010, 15:58
ثالثا : درجات الحراره

لتنفيذ هذا الاختبار قمت بالضغط على جميع مكونات الجهاز بما فيهم القرص الصلب بإستخدام برناج Everest

1- قبل التركيب

قمت هنا بالضغط لمده 23 دقيقه والنتائج كانت كالتالى

https://i269.photobucket.com/albums/jj41/vmidov/Before.png

2- بعد التركيب

أ- قمت هنا بإستخدام نفس البرنامج بالضغط لمده 25 دقيقه وتشغيل المرواح على أقصى سرعه لهم 100% وكانت النتائج كالتالى

https://i269.photobucket.com/albums/jj41/vmidov/After2.png

نلاحظ إنخفاض درجتين لكل من اللوحه الرئيسيه والقرص الصلب
ولكن إرتفاع درجتان فى حراره المعالج قد يرجع ذلك إلى إستنفاذ المرواح للطاقه على حساب المعالج والله أعلم

ب - قمت هنا بإستخدام نفس البرنامج بالضغط لمده 30 دقيقه وتشغيل المرواح على ثلثى سرعتها 70% وكانت النتائج كالتالى

https://i269.photobucket.com/albums/jj41/vmidov/Load70Fan.png

نلاحظ ثبات درجه كل من اللوحه الام والقرص الصلب ولكن إنخفاض ملحوظ فى درجات الحراره بمقدار 3 درجات عن المراوح التجاريه و 5 درجات عن تشغيل المرواح على أقصى قدره لها

ج - قمت هنا بإستخدام نفس البرنامج بالضغط لمده 25 دقيقه وتشغيل المرواح على نصف سرعتها 50% وكانت النتائج كالتالى

https://i269.photobucket.com/albums/jj41/vmidov/After.png

نلاحظ إرتفاع درجه الحراره لكن من اللوحه الرئيسيه والقرص الصلب بمقدار درجه واحده
وإنخفاض حراره المعالج بمقدار 4 درجات عن المرواح التجاريه و 6 درجات كامله عن تشغيل المرواح على أقصى سرعه لها

الدرجات فى حاله الخمول

https://i269.photobucket.com/albums/jj41/vmidov/Die2.png

درجات الخمول عند فتح الجهاز بدايه اليوم

https://i269.photobucket.com/albums/jj41/vmidov/DieTemp.png

قد تكون غير مهمه ولكن كان على وضعها لأن بعض تلك الارقام لم أراها نهائيا على الجهاز منها حراره القرص الصلب الذى وصل إلى22 درجهواللوحه الام التى وصلت إلى 24 درجه
vmidov
23-03-2010, 15:58
الخاتمه



كما رأينا جميعا النتائج غريبه إلى حد ما و قد يرجع ذلك لعده أسباب منها
تصميم الكيسه نفسه لدى قد يكون غير مناسب لتوزيع الهواء بطريقه جيده أو أن تكون خامتها الضعيفه نسبيا بالنسبه لغيرها هو سبب إرتفاع الصوت لدرجه ملحوظه

بالنسبه لدرجات اللوحه الرئيسيه لاحظت أن المروحه الخلفيه هى صاحبه التأثير الكبير على درجاتها نظرا لقربها من الجسر الشمالى
بالنسبه للمعالج فكام ذكرت أعتقد أن السبب فى إرتفاع الحراره إلى حد ما قد يرجع إلى مشاركه المعالج مع المراوح فى مصدر واحد للطاقه (اللوحه الام)
بالنسبه للقرص الصلب لاحظت تقريبا عدم وجود تأثير فى درجات الحراره مع أنه أول ما يواجه مروحه الشفط وقد يكون ذلك بسبب أن الفتحه الامايه للكيسه الدولفين تقريبا مغلقه إلا من بعض الفتحات الضيقه التى بالتأكيد تعيق أو تقلل من قدره المروحه على شفط الهواء


المزايا
1- التصميم فريد وجميل وإضاءه جيده ولكنها ليست ساطعه
2- هدوء نسبى على حسب سرعه المروحه
3- ميزه التحكم فى سرعه المرواح عن طريق برنامج وإن لم يكن مخصص لها من داخل نظام التشغيل OS دون الرجوع إلى Bios لتغيير السرعه
4- سعرها الجيد بالنسبه لسعرها فى الاسواق العالميه
5- العمر الإفتراضى الكبير


العيوب
1- الاضاءه هادئه وليست ساطعه وهى رأى يختلف بإختلاف الازواق طبعا ولكن بالنسبه لى أفضل إضاءه ساطعه
2- الصوت أعلى من المتوقع على أقصى سرعه وأعتقد أن 19dB-A هو أقل رقم تم تسجيله وليس الاكبر
3- وصله ال3Pin قصيره جدا قد لا تصلح فى حاله الكيسات الكبيره الحجم أصلا بالتالى ستكون مضطرا لتشغيلها على الباور مباشره ( مما يفقد أحد مميزاتها وهى التحكم فى السرعه) أو البحث عن وصله للتطويل
4- ادائها مرضى ولكن لم تصل للاداء المتوقع بالنسبه لمنتج من شركه متميزه جدا فى عالم التبريد


لذلك أرى أنها تستحق تقييم 4 درجات من أصل 5
BionicMan
23-03-2010, 16:26
شكرا يا ميدو علي المراجعة الشاملة الكاملة ديه والمفيدة جدا

خصوصا وان انا كنت ناوي اجيب 5 منها بس هفكر تاني بعد المراجعة

لاني بحب النور بتاع المروحة يبقي عالي في الكيسة :D

تقييم يا مان :ah7:
MF88
23-03-2010, 16:43
الف شكر على المراجعه و ان كنت ارى ان النور الساطع عيب و ليس ميزه

خصوصا لو حبيت تشغل فيلم عالى الجوده و طفيت النور . هتكون دى عائق كبير امامك للاستمتاع

اللا لو الكيسه مش جنب الشاشه و حاططتها تحت . ساعتها يبقى عندك حق :)
محمد الجوهري
23-03-2010, 17:02
ما شاء الله ... تقرير ممتاز يا ميدو
ألف مبروك المراوح يا أستاذ
و لكن أبعاد المروحه :


المقاس : 12سم*12سم*2.5سم

الخطوه الجايه تغيير الكيس بآخر إحترافى إن شاء الله

أحلى تقييم
H.E.R.O
23-03-2010, 17:18
اظن هتكون النتائج افضل لو تمت المراجعة على كيس احترافى افضل

مراجعة رائع و تم التقييم
HuLkY
23-03-2010, 17:25
الله ينور :) , تقييم من نار لك يا معلم
mohamed790gx
23-03-2010, 17:46
مراجعه رائعه يا ميدو

وليك تقييم :)
Doctor Medo
23-03-2010, 17:58
سبقتني يا ميدو لكن برضه حلبي طلب الشباب باذن الله و اعمل مراجعه للمراوح علي كيس احترافي الهاف 922 و باللون الاحمر باذن الله مع وحوش الحراره الكور 7 و ال 5870 اثناء الضغط و الشريحه 58 من انتل

بس لما ترضي عني شركات الشحن و تجيبلي المراوح باذن الله لان انا تقريبا اول واحد حجزهم في مصر و اخر واحد حيصلوله تقريبا ,انا بفكر انقل حياتي للقاهره عشان مولات الكومبيوتر :D

و سامحني في التقييم لان سمعات مش راضيه
Cobra007
23-03-2010, 18:09
موضوع ممتاز
تم التقييم
RRM
23-03-2010, 18:52
الف مبروك محمد بك على المراوح
بالنسبة للتقرير غاية فى الروعة والتنظيم :ah7:
بس للاسف الاداء مخيب للامال
ليك احلى تقييم لموضوعك و لشخصك بس بعد عم سمعه ما يصحى
TEch Zone
23-03-2010, 18:58
شكرا على المراجعة
تم التقييم
V for Vendetta
23-03-2010, 19:39
جزاك الله خيرا علي مجهودك:)
sikimiky
23-03-2010, 19:47
موضوع مفيد و جميل , بس ممكن اعرف الكيسة الدولفين العندك هي العادية ولا البرو (الي فيها مروحة كبيرة من الجنب) ,

علشان انا عندي نفس الكيسة الدولفين ( بس العادية) و مركب مراوح 80 زي ما انت عامل تماما بس انا كمان مزود مروحة في الباب علشان تجيب هواء للبروسيسور ( مجموع كلي 3 مراوح) .

شكرا و لك تقيم علي الموضوع الجميل :)
heshamxoxo
23-03-2010, 20:58
الحمد لله اشتريت مروحة انهرده وهى بصراحة روعه
بس الى عاوز يشترى يلحق عشان اللون الازرق تقريبا قرب يخلص او خلص :D
هركبها ان شاء الله فى جنب الكيسة cooler master 335 وهى اصلا جاى معاها 2 بس مش بالنور
وهشوف هتفرق ولا لا
وهعملها برضه فلتر عشان التراب هعمله سفنج زى الى بيجى مع الكيسة وهبقى اصوره وهحطها هنا ان شاء الله
vmidov
23-03-2010, 22:25
@BionicMan
شكرا يامان على التقييم ومتنساش الموضوع أزواق فى نقطه الاضاءه ممكن الاضاءه الهاديه بالنسبه لى تكون كويسه بالنسبه لك شوف الصوره أحسن وأحكم بنفسك ومبروك على الكيسه ;)

@MF88

اللا لو الكيسه مش جنب الشاشه و حاططتها تحت
بالضبط كده هى الكيسه من تحت وكمان منطقه مظلمه جدا فالاضاءه هتعمل شغل كويس جدا

@محمد الجوهرى
الله يبارك فيك يا جوهرى عقبالك يامان
ماشى ياعم المركز :ah46: هغير الابعاد

الخطوه الجايه تغيير الكيس بآخر إحترافى إن شاء الله
يااااااااااااااااارب

@H.E.R.O
كلام حضرتك سليم 90% إن لم يكن 100% بس انا حاوالت بس أنقل صوره بسيطه عن الاداء وأتمنى تكون وصلت سليمه وكامله وشكرا على التقييم أخى

@The.Hulk
الوحش الاخضر منور يا مان (:D Green LED) وشكرا على التقييم

@mohamed790gx
أبو حميد شكرا ليك يا باشا على التقييم أتمنى أنى قدرت أفيدك

@Plutonium
ياباشا لا سبقتك ولا حاجه وانا بضم صوتى لكل الشباب وبطلب منك مراجعه ليهم مع الوحش ربنا يباركلك فيها HAF 922
أى نعم هى متختلفش كتير عن الوحش Dolphin :D الكارت بتاعك ميختلفش عن كارتى المدمر 3300 :cool: إلا إن أكيد الدرجات هتفرق ولا أيه؟

لان انا تقريبا اول واحد حجزهم في مصر و اخر واحد حيصلوله تقريبا
ياباشا معندكش فكره عن كم المعارك والفتوحات اللى حصلت عشان نحصل على الغنيمه دى :D ولما وصلت العربيه النقل الجامبو تقريبا محمله على أخرها وكأنها أثاث شقه وإنتظار الشباب نزول المنتجات من العربيه عموما كان يوم تحفه فعلا

انا بفكر انقل حياتي للقاهره عشان مولات الكومبيوتر :D
تنور القاهره يا كبير بس بلاش عشان تحافظ على فلوسك ;)

و سامحني في التقييم لان سمعات مش راضيه
ولا يهمك أبدا كفايه مرورك الغالى

@Cobra007
شكرا لك عزيزى على المرور والتقييم

@RRM
حاج رفعت أيه الاخبار

بس للاسف الاداء مخيب للامال
ليه لغه التشاؤم دى يا مان ده انا حتى مجربهم على كيسه Dolphin يعنى برضه لازم تعزرهم كفايه أنهم تكرموا وأشتغلوا أصلا :D أنتظر مراجعه د/أحمد بلوتنيوم وهتشعر بالفرق أكيد

ليك احلى تقييم لموضوعك و لشخصك بس بعد عم سمعه ما يصحى
ربنا يكرمك يا كبير وحتى لو مفيش تقييم كفايه أن واحد بس يستفيد ويدعى لى دعوه حلوه بالدنيا وما فيها

@TEch Zone
شكرا أستاذنا على التقييم

@V for Vendetta
شكرا لك عزيزى بارك الله فيك أتمنى أكون أفدتك وشكرا لتقييمك

@sikimiky
الكيسه عندى هى العاديه مش Pro
بالنسبه لى مركب مروحتين 12سم اما المروحه الجانبيه 8سم للأسف مش مشغلها مع أنها هتفرق فى درجات الحراره إلا أنها مزعجه جدا صراحه مقارنه بالاتنين معا حتى مع تشغيلهم على أقصى سرعه وهى تجاريه بالمناسبه

@heshamxoxo
مبروك يا وحش وفعلا كنت عارف أن الازرق هيكون عليه أكبر إقبال عشان كده حجزت من الاول

وهشوف هتفرق ولا لا
بإذن الله هتفرق بس جربها على الناحتين شفط وطرد وشوف أيهم بيدى تأثير أكبر فى الحراره


وهعملها برضه فلتر عشان التراب هعمله سفنج زى الى بيجى مع الكيسة وهبقى اصوره وهحطها هنا ان شاء الله

ياريت الطريقه لأنى عايز أعمل فلتر بس المفروض يكون معدن زى خام الكيسه وعموما ياريت طريقه عمله ولو تعرف مكان أجيب منه فلتر معدن زى الموجود فى الكيسات أكون شاكر ليك جدا
tarekforall
24-03-2010, 00:36
شكرا استاذ محمد على المراجعة وأنا ناوي اشتري 2 ولك تقييم
درجات الحرارة للمعالج في الصورة الثانية بعد تشغيل المراوح 100% أعلى !! حضرتك محتاج كيسة احترافية :D
alayoubi
24-03-2010, 01:28
شكرا عزيزي عالتقرير وألف مبرووك المراوح الجديدة ..


فى حاله توصيل المراوح بإستخدام الكابل ال3Pin إلى اللوحه الرئيسيه مباشره يكون لدى إمكانيه قرأه والتحكم فى سرعه المراوح وذلك بإستخدام برنامج Speed Fan والذى تيتح لك تحكم مطلق فى سرعه أى مروحه موصله باللوحه الام (يجب أن تدعم المروحه خاصيه التحكم) بدء من إغلاق مروحه نهائيا أو زياده سرعتها تدريجيا بزياده النسبه المئويه


- ميزه التحكم فى سرعه المرواح عن طريق برنامج وإن لم يكن مخصص لها عن طريق نظام التشغيل OS دون الرجوع إلى Bios لتغيير السرعه

1- انت متأكد ان اي مروحة بـ 3 بن وموصولة عالبورد مباشرة ممكن التحكم بسرعتها من برنامج سبيد فان !!؟ مع العلم أنه ليست جميع منافذ المراوح عالبورد يمكن التحكم بها من البيوس ذات نفسه فكيف سنتحكم بها باستخدام برنامج من داخل النظام !؟

2- ازاي يعني عن طريق نظام التشغيل ممكن نتحكم بسرعة المروحة ؟

3- على فرض ان انت مثبت سرعة مروحة من داخل البيوس على 50% وجيت باستخدام برنامج سيد فان ثبت سرعة نفس المروحة على 70% مثلا , ماذا سيحدث بهذه الحالة ؟؟

لا أعتقد أن البرنامج سبيد فان داعم لجميع اللبوردات لأن انا عندي بس بيدي قراءات للمراوح الي ممكن التحكم فيها من البيوس لكن المراوح التانية الموصولة عالبورد مش باينلها قراءة لأنها مش موجودة بالبيوس أساسا .
Hassan.Ali
24-03-2010, 09:08
@BionicMan

ياريت الطريقه لأنى عايز أعمل فلتر بس المفروض يكون معدن زى خام الكيسه وعموما ياريت طريقه عمله ولو تعرف مكان أجيب منه فلتر معدن زى الموجود فى الكيسات أكون شاكر ليك جدا





الفلتر المعدن موجود فى باب اللوق عند بتوع الادوات الكهربائيه تمنه

تقريبا من 3 الى 5 جنيه مصرى اللى مش معدن بقه يتعمل ازاى:rolleyes:

واحلى تقييم
vmidov
24-03-2010, 12:19
@tarekforall
العفو أستاذ طارق وهم فعلا أختيار مناسب ومبروك مقدما على المروحتين

محتاج كيسة احترافية :D
بإذن الله بس العجله تمشى شويه :)

@alayoubi
الله يبارك فيك أستاذ أيوبى

بالنسبه لأسئله حضرتك
1- عندى على البورده 3 مداخل 3Pin أتنين منهم فى إمكانيه التحكم بهم سواء من البيوس أو من البرنامج ده الاخير لايوجد به الامكانيه دى لكن أقدر أعرف سرعه دوران أى مروحه موصله به لكن من داخل الOS فقط حيث أنه لا وجود له فى البيوس


https://i269.photobucket.com/albums/jj41/vmidov/prod_bbdd51501976f5804022a3d7692-1.jpg


2- أسف جدا واضح أن حضرتك فهمتنى غلط أو أن كلامى كان له معنى تانى انا أقصد من خلال نظام التشغيل بإستخدام البرنامج وليس عن طريقه بإستخدام الويندوز فقط

3- فى الحاله دى هترتفع سرعه المروح إلى 70% ملغيه لأمر البيوس فهى تسير على حسب الامر الاحدث المراوح التى لا أتحكم بها هما مروحه المعالح والمروحه الموصله بالمدخل الثالث


لا أعتقد أن البرنامج سبيد فان داعم لجميع اللبوردات لأن انا عندي بس بيدي قراءات للمراوح الي ممكن التحكم فيها من البيوس لكن المراوح التانية الموصولة عالبورد مش باينلها قراءة لأنها مش موجودة بالبيوس أساسا .

الله أعلم كلام حضرتك بنسبه كبيره سليم لكن بالنسبه لى فالبورده بتدعم الخاصيه

https://i269.photobucket.com/albums/jj41/vmidov/FanSpeed2.png

https://i269.photobucket.com/albums/jj41/vmidov/FanSpeed.png

@bravoeg
حضرتك تقصد الفلتر ده

https://i269.photobucket.com/albums/jj41/vmidov/97d50874.png

ولا اللى كان طالبه ريمون فى الموضوع لأن اللى فوق هو اللى انا محتاجه
وشكرا لأهتمامك والتقييم يا أستاذنا
alayoubi
24-03-2010, 14:29
معنى كده ان كلامي صحيح مش كل مروحة 3 بن موصولة عالبورد مباشرة ممكن التحكم فيها , ولحل هذه المشكلة اضطريت اشتري فان كونترولر .

أنا عندي البورد من نفس الشركة تقسيمها نفس تقسيم بوردتك لكن شيب انتل :) وتوزيع منافذ المراوح البورد تقريبا متشابه ومثل ما انت قلت المراوح الي ممكن أتحكم فيها هما الاتنين الموجودين بالدايرة البيضاء + مروحة المعالج بس + 3 منافذ لا أستطيع التحكم بها أعتقد وحدة بس ممكن تقرأ سرعتها .

البورسبلاي عندك مدي قراءة فهل فيه خطأ ولا كيبل مروحة البور 3 بن أيضا لأن أنا عندي جيجابايت ومش مديني أي قراءة للمروحة .

ما لحظتش حاجة غريبة عندك بالبورد ان مفيش كيبل بور 8 بن لتغذية المعالجات الرباعية وانما بس 4 بن !!
rayzouqash
24-03-2010, 14:44
هاي اللنك بتعطيك قائمة بالبوردات اللي بتقدر تغير سرعة المروحة فيهم باستخدام برنامج Speed Fan
طبعا أكيد إنو مش كل البوردات مدعومة ، أنا جربت البرنامج على البورد اللي عندي (Intel DG43NB) وما قدرت أتحكم بالمراوح اللي مشبوكة عالبورد .
https://www.almico.com/forummotherboards.php
vmidov
24-03-2010, 15:09
@alayoubi

معنى كده ان كلامي صحيح مش كل مروحة 3 بن موصولة عالبورد مباشرة ممكن التحكم فيها , ولحل هذه المشكلة اضطريت اشتري فان كونترولر .

بالضبط داخل الدائره البيضاء ممكن التحكم فيهم والدائره الحمراء الموصل بها يعطى فقط قراءه سرعه المروحه


البورسبلاي عندك مدي قراءة فهل فيه خطأ ولا كيبل مروحة البور 3 بن أيضا لأن أنا عندي جيجابايت ومش مديني أي قراءة للمروحة .

أعتقد حضرتك تقصد بقراءه سرعه المروحه الثانيه دى مش قراءه الباور دى قراءه المروحه التانيه لأنىلا موصل كل واحده فى مدخل وحدها لكن فى برنامج Everest بيقرا المروحه التانيه تحت أسم PSU


ما لحظتش حاجة غريبة عندك بالبورد ان مفيش كيبل بور 8 بن لتغذية المعالجات الرباعية وانما بس 4 بن !!

هى وقتها مكنتش غريبه حاليا أصبحت غريبه بالنسبه لى على الاقل لأنى مكنتش شفت بوردات بكابل باور 8 بن
عموما حتى الان مفيش مشاكل من النقطه دى غير أعاقه فى كسر السرعه قد يكون سببها عدم أن المعالج مغذى بكايل 4 بن فقط
أو قد يكون سببها ضعف الباورسبلاى نفسه أو أنى مش عارف أوصل لها :) الله أعلم

@rayzouqash
شكرا لك عزيزى على الاضافه المفيده ولك تقييم
ŤǾЯŊΛĐф
24-03-2010, 16:26
@ vmidov (https://www.arabhardware.net/forum/member.php?u=11116688) : أنا عندى كيسه Setto 1000 و لقيت إنى لما بستخدم برنامج Fan speed ده بقدر أتحكم فى مراوح الكيسة بس مروحة ال Processor لأ ، مش عارف ليه !!
vmidov
24-03-2010, 16:50
@ vmidov (https://www.arabhardware.net/forum/member.php?u=11116688) : أنا عندى كيسه Setto 1000 و لقيت إنى لما بستخدم برنامج Fan speed ده بقدر أتحكم فى مراوح الكيسة بس مروحة ال Processor لأ ، مش عارف ليه !!

عشان تقدر تتحكم فى مروحه المعالج اللى أكتشتفته عندى على الاقل أنك لازم تقفل أى تحكم من البيوس فى مروحه المعالج يعنى لو عامل Smart Control تقفله وبعدين جرب تزود وتنقص من البرنامج بعد كده الطريقه دى نجحت معايا
alayoubi
24-03-2010, 17:59
هاي اللنك بتعطيك قائمة بالبوردات اللي بتقدر تغير سرعة المروحة فيهم باستخدام برنامج Speed Fan
طبعا أكيد إنو مش كل البوردات مدعومة ، أنا جربت البرنامج على البورد اللي عندي (Intel DG43NB) وما قدرت أتحكم بالمراوح اللي مشبوكة عالبورد .
https://www.almico.com/forummotherboards.php

شكرا أخي ريان عاللينك المفيد جزاك الله خير ..

وبارك الله فيك أخي صاحب الموضوع عالمتابعة .

ياريت الي عنده البرنامج داعم للمذربورد يشوف لنا باقي المنافذ عالبورد ممكن التحكم بها , أقصد التي لا يمكن التحكم بها من البيوس .
Black-Edition
24-03-2010, 21:18
تقرير ماشاء الله ممتاااز جدااا كما عودتناااااا اخى فيمدوف

بارك الله فيك... والف مبروك :)