المساعد الشخصي الرقمي

مشاهدة النسخة كاملة : يا شباب ايه رايكم فى الاجهزة استعمال الخارج...مطروح للنقاش!!!!



DR SOLOM
23-03-2010, 18:39
السلام عليكم ورحمة الله وبركاته
يا شباب انا حبيت اطرح الموضوع ده للنقاش لان بجد زهقت من المكونات الصينى حتى لو كانت احدث
فعلى سبيل المثال انا اشتريت جهاز حديث بس زى ما انتو عارفين زهقنى فى عيشتى ..دا تانى هارد يضرب عندى
بدون سبب ملحوظ لان الهارمونى مفقود بين الاجزاء...فى حين احد الاخوة عنده جهاز استعمال ما شاء اله منتهى الاستقرار والثبات والسرعة...ايه رايكم فى كلامى ..كل واحد يدخل يقول وجهة نظره..والمميزات والعيوب
من حيث العمر الافتراضى
الترقية بعد ذلك
الثبات والاداء

طبعا انا مش قد وحوش المنتدى هنا..انا بستفيد بس من خبرات حضراتكم ..لانه انا طبيب ومش مجال تخصصى

TEch Zone
23-03-2010, 19:03
لو قصدك على الاجهزة الاورجينال طبعا لا ينصح بيها لان بتبقى امكانيتها و تقينتها قديمة

DR SOLOM
23-03-2010, 20:14
لو قصدك على الاجهزة الاورجينال طبعا لا ينصح بيها لان بتبقى امكانيتها و تقينتها قديمة

بس انا شوفت جهاز PRCESSOR:INTEL COR2DUE 3.6 GHZ

power.7
23-03-2010, 20:27
أخي العزيز
أنا لا انصحك بالأجهزة المستعملة من الخارج لأسباب متعددة من وجهة نظري:
1-إذا كان الجهاز كاملا من صنع شركة معينة فسوف يكون سعره مرتفعا مقارنة
مع الأجهزة التطبيق(قطع من ماركات مختلفة)
2-تعذر امكانية تحديث قطع الجهاز في كثير من الاحيان
3-في حال لاقدرالله وأن أحد القطع قد تعطل فمن أين ستستبدله والأصعب من ذلك
السعر سيكون أيضا مرتفعا وغير متوفر
4-في حال كان الجهاز الذي اشتريته فيه عطل أو مشكلة وكان الجهاز ضمن الكفالة
فإنك سوف تتضر كي تشحنه للبلد الذي اشتريته منه للاستفادة من الكفالة
وبالتالي المزيد منالخسارة سواءا من حيث الوقت والنقود

ومن وجه نظري انصحك بأن تشتري من داخل البلد الذي تعيش فيه وذلك لأسباب:
1-توفير الكثير من الوقت والجهد والمال
2-الاستفادة من الكفالة
3- يكمنك اختيار القطع بشكل منفصل وحسب الرغبة والحاجة
4-سهولة استبدال احد القطع المعطوبة في حال تعطلها

وإن لم يكن لديك الخبرة في اختيار القطع للجهاز فلا تتردد في انشاء موضوع
ضمن المنتدى وسوف ترى الكثير من النصائح التي تخدمك بإذن الله

والله الموفق

TheInfernal
23-03-2010, 20:33
انتل منزلتش بروسيسور Core 2 Duo بالتردد 3.6 ده. ممكن يكون البياع لقاه 1.8 و Dual-Core فقال يضربهم في اتنين. عموما الأجهزة دي نصب × نصب.

alayoubi
23-03-2010, 20:54
وعليكم السلام

شوف لو انت احتياجك للجهاز أو استعمالك له عادي يعني نت وشوية أبليكانشنز عادية وورد على اكسل على بوربوينت , ممكن تشتري من هذه الأجهزة وانت مطمن لكن يكون الجهاز حديث شوية مش أقل من Pentium Dual Core أو حتى Core 2 Duo وأنت طالع أما لو عايز حاجة سبشل نظام ألعاب وجيمز وريندر للجرافيك وهذه الأمور ياما تضيف عليه كرت شاشة محترم لو كانت امكانيات الجهاز تسمح والا فعليك بجهاز تجميع .

hack4love
23-03-2010, 22:18
اخي انته ممكن تجمع جهاز جديد ب 1500 احسن من العك بتاع الاورجنال عن تجربه فاشله فاشله جبت واحد وبعته وخسرت فيه 300 جنيه

صحيح نسيت اقولك مفيش اوريجنال كور 2 ديو

كلها قديممممممم برده الي بايع ليا قالي انته كور2 ديو روحت البيت اتصدمت يقولي ياباشا ده دبل بروسيسر اقوله ايه علاقه ده

بلاش احسن

ahmed8620
23-03-2010, 23:54
انا عندي واحد" اللي شغال عليه دلوقتي " مستقر الحمدلله وكويس وفيه 3 مراوح واحده للبورسيسور وواحده للهارد و الباور بس للأسف بورسيسور بنتيوم 4 :(
بالنسبه للعمر الافتراضي انا عندي واحد ديل pentium pro 180mhz من سنة 95 وشغال مبيقولش لأ :D
بالنسبه لحكاية انك تغير فيه حاجه ففي حاجه مهمه جداااااااااااا شركة ديل واتش بي بتعملها بتحط باور سبلاي على أد المكونات الموجوده في الجهاز عند الشراء يعني لو جبت كارت شاشه او حبيت تحدثه اعمل حسابك في واحد :o
حاجه كمان الباور سبلاي اللي عندي مش زي الباور العادي المكعب هو أطول منه بكتير وواخد 3/4عرض الكيسه.

ahmed8620
24-03-2010, 00:00
هو فيه اجهزه ديل بتيجي جديده بس سعرها بيكون عالي يعني انا جبت جهاز لواحد صاحبي كان مواصفاته :
PRO E7400 CORE 2 DUO
mobo g31
ram 2 giga
بالكيسه بالباور فقط "من غير كارت شاشه" وكان عامل 2700 جنيه جديد