مراجعه لمراوح كولر ماستر الجديده مع الكيسه HAF 922

[Doctor Medo]

بسم الله الرحم الرحيم


طبعا كلنا شفنا مراجعة الاخ ميدو للمراوح و شفنا النتائج بتاعتها الفرق النهارده ان المراوح متركبه في كيسه احترافيه فهل عملت فرق فعلا و هل تستحق تمنها البالغ 60 جنيه للمروحه الواحده


اولا دي صوره للخمس مراوح مع بعض و انا طلبتهم باللون الاحمر عشان يبقي ماشي مع ثيم الكيسه الهاف 922


https://img188.imageshack.us/img188/2892/image100resize.jpg (https://img188.imageshack.us/i/image100resize.jpg/)


و في الصوره دي ببين طول السلك بتاع المروحه اللي انا شايف انه مناسب جدا لكن ميدو كان شايف انه قصير


https://img197.imageshack.us/img197/9805/image101resize.jpg (https://img197.imageshack.us/i/image101resize.jpg/)


نيجي بقي للمهم و هو درجات الحراره و هل فرقت فعلا ؟؟!


دي صوره بالمراوح القديمه بتاعتي معظمها 1300 لفه في الدقيقه و هما عباره عن مروحتين فوق و اتنين في الجنب و واحده ورا


https://img94.imageshack.us/img94/4733/idleold.jpg (https://img94.imageshack.us/i/idleold.jpg/)


و دي صوره لدرجات الحراره بعد تركيب الخمس مراوح الجديده في نفس الاماكن


https://img687.imageshack.us/img687/7925/idlenew.jpg (https://img687.imageshack.us/i/idlenew.jpg/)


زي ما احنا شايفين درجة حراره البروسيسور و البورده نزلت درجه واحده و النورث بريدج نزل 5 درجات كامله و كرت الشاشه درجتين و الهاردين كل واحد نزل درجتين برضه ,لكن كل ده قصاد صوت رهيب مقدرتش استحمله اكتر من 24 ساعه و هو بسبب المروحتين اللي في الجنب فقط مع ان صوت كل مروحه لوحدها هادي جدا عن المراوح العاديه لكن يبدو ان ده عيب من الهاف 922 لانها بتعمل كده مع اي مراوح سريعه


دي بقي صوره لدرجات الحراره بعد 10 دقائق ضغط ببرنامج ايفرست و المراوح القديمه متركبه


https://img401.imageshack.us/img401/927/loadold.jpg (https://img401.imageshack.us/i/loadold.jpg/)


و دي بعد تركيب المراوح الجديده


https://img710.imageshack.us/img710/247/loadnew.jpg (https://img710.imageshack.us/i/loadnew.jpg/)


نفس فرق درجات الحراره اللي كان في الوضع الايدل و هو درجه 1 للبورده و البروسيسور و 5 درجات للنورث بريدج و درجتين لكل هارد لكن برضه في مقابل صوت مزعج جدا مقدرتش استحمله و فكيت المروحتين اللي في الجنب و بعدين جاتلي الفكره فركبت مروحه منهم علي مشتت البروسيسور و قلت اشوف الفرق و دي صوره ليها متركبه بعد ما طلعت عيني عشان افك المروحه القديمه و هي هاديه جدا علي فكره و الفضل لتقنيه التثبيت الممتازه من OCZ


https://img208.imageshack.us/img208/67/image111resize.jpg (https://img208.imageshack.us/i/image111resize.jpg/)


دي بقي صوره لدرجات الحراره في الوضعيه دي و الحاجه ايدل


https://img12.imageshack.us/img12/2527/idlecm.jpg (https://img12.imageshack.us/i/idlecm.jpg/)


طبعا زي ما انتم شايفين فرق جامد جدا عن المراوح العاديه درجتين للبورده و درجه للبروسيسور و 8 درجات كامله للنورث بريدج كرت الشاشه مفرقش و الهارد الماكستور نزل 5 درجات كامله و السامسونج 3 درجات مع العلم ان الصوره دي اتاخدت في جو احر 4 درجات عن اول صوره لدرجات الحراره طبعا فرق جميل جدا خاصة انه مفيش صوت يذكر !!


و دي صوره لدرجات الحراره في التحميل ببرنامج ايفرست لمده 15 دقيقه (هو مكتوب 5 لكن انا كنت عامل قبلها 10 دقايق و نسيت اخد صوره :o)


https://img43.imageshack.us/img43/7875/loadcm.jpg (https://img43.imageshack.us/i/loadcm.jpg/)


مفيش حاجه قلت عن المراوح العاديه غير البروسيسور و النورث بريدج بمعدل درجتين لكل منهم و مره تانيه بفكر ان الحراره مرتفعه حوالي 4 درجات عن الصوره القديمه


و دي بقي شويه صور للكيسه بعد تركيب المراوح الجديده


https://img534.imageshack.us/img534/6509/image112resize.jpg (https://img534.imageshack.us/i/image112resize.jpg/)




https://img37.imageshack.us/img37/66/image113resize.jpg (https://img37.imageshack.us/i/image113resize.jpg/)


https://img192.imageshack.us/img192/5784/image114resize.jpg (https://img192.imageshack.us/i/image114resize.jpg/)


https://img243.imageshack.us/img243/4250/image115resize.jpg (https://img243.imageshack.us/i/image115resize.jpg/)


و ده فيديو بسيط بيبين اماكن المراوح و عشان تاخدوا فكره عن الصوت هو حيبان عالي جدا في الفيديو لكن هو فعليا اقل من كده كتير علي فكره


https://www.youtube.com/watch?v=8_Rxs-jby-k (https://www.youtube.com/watch?v=8_Rxs-jby-k)


النتيجه النهائيه و هي رائي الخاص الفارق لا يستحق فارق الثمن ليس لان فرق الاداء بسيط و لكن لان الصوت مزعج جدا جدا


النصيحه هات مراوح عاديه لكل الكيسه لكن لو عندك مشتت احترافي بيركب عليه مروحه او اتنين هاتهم من النوعيه دي لانها فرقت فعلا في درجات الحراره


و اي سوال او استفسار انا تحت امركم

[Kozmos]

شكرا لك على المراجعة.

و جهتني نفس المشكلة عندما قمت بتركيب مروحة الكيسة من الأسفل, أصبح صوت الكيسة لا يطاق فقط عندما و صلت تلك المروحة إلى مزود الطاقة بشكل مباشر, و الموضوع دخل في صداع مزمن:confused:

لكني قمت بوصل المروحة - من طرفها البني - إلى اللوحة الأم, ثم قمت بالدخول على الـ BIOS و قمت بتفعيل خاصية - Chassis Fan Control - و وضعتها على وضع Automatic, و اختفى ذلك الصوت المزعج و أصبحت المروحة تدور بسرعة 1300RPM بصوت هادئ لا يكاد يسمع.

بإمكانك تجربة ذلك, و لكن على مروحة واحدة أو مروحتين بالأكثر.

لك تقييم مني :ah7:

[Doctor Medo]

شكرا للتقييم اخ كوزموس و شكرا للنصيحه و انا جربت كده لكن البيوس عندي لا يسمح الا بالتحكم في سرعة مروحه البروسيسور فقط و شكرا مره اخري للنصيحه

[محمد الجوهري]

ممتاز يا دكتور

هو الصوت الصادر عن المروحه تقدر تقول عليه ضجيج ناتج عن الإهتزاز ؟ , ولا نقول صوت تدفق الهواء ؟
لو كان ناتج عن الإهتزاز عليك بتركيب أسفنج او مطاط بين المروحه و بين المكان اللى هى راكبه عليه
هتقول لى أجيبه منين ؟
أدامك حل من إتنين :
1- لما بتشترى عليه اسطوانات جديده بتلاقى اسفنجه دائريه كده جايه فى أول العلبه علشان تحافظ على الاسطوانات
لونها غالبا أبيض ..... دى ممكن تستخدمها , و من باب الأمانه أنا اتعلمت الفكره دى من فادى كولمان.
2- تدور على شنبر عربيه قديم و تقطع منه اللى انت عاوزه ... و دى كمان فكره فعاله اوى

بخصوص النتائج الغير مرضيه ....
ليه ما حاولتش تركب مروحه تانيه فى ظهر المشتت ؟
و تثبتها بشريط مثلا .....

[Doctor Medo]

مش عارف يا جوهري بس غالبا الصوت ناتج عن تدفق الهواء لاني جربت موضوع العوازل ده بكاوتش الانابيب و برضه منفعش

عارف كلمه turbelance حاسس ان دي اكتر كلمه معبره عن اللي حاصل جوه الكيسه لما كنت مركب المروحتين في الجنب

اداء المروحه عاجبني جدا و هي راكبه علي مشتت البروسيسور لكن الي مش عاجبني او بمعني اصح كان عاملي ازعاج لقيته اعلي من اني استحمله مع فرق الاداء البسيط لما كان المراوح راكبه في الجنب

مش ممكن يركب مروحه تاني علي المشتت بسبب شكل ظهره اللي واخد شكل حرف v

و شكرا لمرورك و للتقييم

[bedotop]

اولا مبروك على المراوح :)

بعد تركيبك للمراوح هل تستاهل التمن ده ? 300 جنيه !!!

بصراحه انا شايف إن الآداء ليس مقابل السعر ...

[Black-Edition]

تقرير ممتاز اخى .... ومبررروك عليك :)

[Ĵ Ŏ ƙ Э Ř]

تقرير ممتاز يا بلوتو

ربنا يباركلك فيهم

و ان كنت ارى انها لا تحقق معادلة الاداء مقابل السعر

ان شاء الله ساقوم بعمل مودينج للكيسة و عندى فكرة تبردي جديدة احتمال اجربها لعل و عسى تأتى بنتائج جيدة

[Doctor Medo]

شكرا لكل الاخوه اللي مروا و الله يبارك فيكم و عقبالكم

و فعلا زي ما انا قلت و انتم كمان قلتم يا بيدوتوب انت و الجوكر المراوح لا تحقق معاددله السعر مقابل الاداء للاسف و دي من قرارات الشراء اللي انا ندمت عليها و لو كنت اعرف النتائج كده كنت اكتفيت بمروحه واحده ثبتها علي المشتت الفينديتا 2

[alayoubi]

مبرووك المراوح الجديدة يا دوك :D

بس حركة حلوة من كيس كولرماستر انك تركب مروحة كبيرة فوق 24 سم أو مروحتين 12 سم ..


ثم قمت بالدخول على الـ BIOS و قمت بتفعيل خاصية - Chassis Fan Control - و وضعتها على وضع Automatic

يبدو ان الخاصية دي مش موجودة في كل البوردات أقصد وضع Automatic , لأنها بتوفر تعب وفلوس على فان كنترولر .

[TEch Zone]

شكرا على المراجعة
تم التقييم

[mohamed790gx]

مراجعه رائعه مستر قلبظ تسلم ايدك

[midomail2006]

شكرا لك على المراجعة.


لكني قمت بوصل المروحة - من طرفها البني - إلى اللوحة الأم, ثم قمت بالدخول على الـ BIOS و قمت بتفعيل خاصية - Chassis Fan Control - و وضعتها على وضع Automatic, و اختفى ذلك الصوت المزعج و أصبحت المروحة تدور بسرعة 1300RPM بصوت هادئ لا يكاد يسمع.

بإمكانك تجربة ذلك, و لكن على مروحة واحدة أو مروحتين بالأكثر.

لك تقييم مني :ah7:

ازاى ممكن اركب كل ماروح الكيسة فى البوردة لان ما فيش غير مكانين اتنين بس والثالث لمروحة البروسيسور
هل ممكن اقص الاسلاك بتاعات كل مروحتين واركبهم مع بعض فى مكان واحد؟

[vmidov]

تقرير ممتاز يا د/أحمد :ah7:
والنتائج قد تكون شبه متساويه
لكن متنساش حضرتك بتقارن بين نوعين Cooler Master فى حين أنها تختلف عن المرواح التجاريه
أعتقد انه لا تحقق الموازنه بشكل كامل لكن لو كان سعرها اقل حوالى 10-20 جنيه كانت هتكون ممتازه ده لأن سعر مراوح 2B هو 25 جنيه
ومبروك عليك المراوح الجديده
للأسف برضه التقييم مش شغال

[midomail2006]

أعتقد انه لا تحقق الموازنه بشكل كامل لكن لو كان سعرها اقل حوالى 10-20 جنيه كانت هتكون ممتازه ده لأن سعر مراوح 2B هو 25 جنيه



سعر المراوح ال 2B
12 جنيه واحياننا بتتباع ب 10 جنيه
تصحيحا للمعلومة فقط لو حبيت تقارن

[mustafa811]

عاوزين صورة و النوور مطفي

[vmidov]

سعر المراوح ال 2B
12 جنيه واحياننا بتتباع ب 10 جنيه
تصحيحا للمعلومة فقط لو حبيت تقارن

غلط يا عزيزى انا بتكلم عن مراوح 2B من التوكيل نفسه مش مراوح 2B المقلده

[tarekforall]

شكر يا دكتور على هذه المراجعة وعلى جهدك المميز ولك تقييم مني


غلط يا عزيزى انا بتكلم عن مراوح 2B من التوكيل نفسه مش مراوح 2B المقلده

استاذ محمد المراوح 12 سم 2B هنا بالاسكندرية ثمنها 15 جنيه من BestBuy برشدي

[Doctor Medo]

سعر المراوح ال 2B
12 جنيه واحياننا بتتباع ب 10 جنيه
تصحيحا للمعلومة فقط لو حبيت تقارن

+1

انا فعلا بجيبها من التوكيل الاصليه ب 10 جنيه السودا و 15 جنيه الشفافه اللي فيها لمبات

[Doctor Medo]

عاوزين صورة و النوور مطفي

كل الصور دي و النور مطفي و فلاش النوكيا 95 مطفي كمان !! لكن طلعت كده برضه مش عارف ليه !!

[Doctor Medo]

لكن متنساش حضرتك بتقارن بين نوعين Cooler Master فى حين أنها تختلف عن المرواح التجاريه

الله يبارك فيك يا ميدو و ارجو توضيح الجمله اللي في الاقتباس لان كل المقارنات هنا كانت بين المراوح العاديه و مراوح كولر ماستر في اماكن مختلفه من الكيسه و كفايه مرورك يا باشا احلي تقييم ليا

[Hassan.Ali]

+1

انا فعلا بجيبها من التوكيل الاصليه ب 10 جنيه السودا و 15 جنيه الشفافه اللي فيها لمبات



مراجه مفيده جداا انا استفد كتير بصراحه بس انا مركب ثلاثه فى الارورا ال 570 ... فى صوت بس بسيييييط

مش مزعج....وادائها احسن من اللى كانوا فى الكيسه...كانوا عباره عن نور بس.......احلى تقييم يا ريس:ah7:


فيين توكيل 2B فى القاهره لو سمحت:)

[Doctor Medo]

فيين توكيل 2B فى القاهره لو سمحت:)
مبروك المراوح الجديده و زي ما انا سبق و قلت غالبا الصوت ده عيب من الهاف 922 مش من المراوح و توكيل تو بي عند بست باي في مول سوق العصر بالخليفه المامون بس مش دايما يبقي عنده المراوح انا لقيتهم صدفه مره الاسود و مره الالوان

[vmidov]

الله يبارك فيك يا ميدو و ارجو توضيح الجمله اللي في الاقتباس لان كل المقارنات هنا كانت بين المراوح العاديه و مراوح كولر ماستر في اماكن مختلفه من الكيسه و كفايه مرورك يا باشا احلي تقييم ليا

ربنا يكرمك يا دكتور أقصد أنك بتقارن ما بين مراوح كوولر ماستر اللى أشتريتها ومراوح كوولر ماستر الموجوده فى الكيسه أصلا بمعنى الاتنين حاجه نضيفه غير الموجود فى السوق
ولا المرواح الموجوده فى الكيسه مش CM

@tarekforall
@midomail2006واضح أن الغلط من عندى وإنى رحت لمحل غلط شكرا ياشباب على التصحيح

[Doctor Medo]

ربنا يكرمك يا دكتور أقصد أنك بتقارن ما بين مراوح كوولر ماستر اللى أشتريتها ومراوح كوولر ماستر الموجوده فى الكيسه أصلا بمعنى الاتنين حاجه نضيفه غير الموجود فى السوق
ولا المرواح الموجوده فى الكيسه مش CM

انا كنت مركب 5 مراوح 12 سم في الكيسه منهم واحده بس اللي جت مع الكيسه و هي الكولر ماستر اللي فيهم لكن ادائها كان عادي زي بقية المراوح يمكن اقل احيانا

و بكده يبقي المقارنه بين المراوح ال 2B ام 10 او 15 جنيه و بين المراوح الكولر ماستر ام 60 جنيه لكن بناء علي قدرتك علي التحكم في سرعة المراوح انا اعتقد انه لحد 1700 لفه الحراره اللي طالعه بتقدر تمشي مع الهواء من المروحه اكتر من كده الهواء بيبقي سريع لدرجة انه مش بيقدر ياخد الحراره معاه و الله اعلم ( دي نظريه من عندي انا قبل ما اي حد يفهمني غلط و يقول كلام انا ملقتهوش )