الى شباب مصر: هتعمل بطاقة انتخابية ولا لا؟؟

[bika08]

بسم الله الرحمن الرحيم
السلام عليكم و رحمة الله و بركاتة

شباب مصر فى حد عندو بطاقة انتخابية؟؟ طب حد عايز يعمل بطاقة انتخابية؟؟
انتخابات البرلمان على الابواب و الانتخابات الرئاسة فى العام القادم .... فهل ستنتخب؟؟

ملحوظة يا شباب: ارجوا ان لا ياخذ الموضوع ناحية سياسة فالغرض من الموضوع معرفة اذا كنت ستنتخب ام لا؟

-طريقة عمل البطاقة الانتخابية-

-طبعا لازم تكون بلغت ال18 سنة.
-بتروح للقسم اللى مطلع منة البطاقة (مش السجل المدنى).
-بتصور البطاقة الشخصية ( و شهادة الميلاد تصورها احتياطى) و بتطلع للموظف المسؤل.
-هيدور على اسمك فى السجل، و هنا توجد حالتين:
أ-لو اسمك موجود فى السجل مافيش مشكلة ممكن يطلعلك البطاقة و انت واقف.
ب-لو اسمك مش موجود فى السجل بتاخذ استمارة من الموظف و بتملها و تختمها من مامور القسم او النائب و تديها للموظف و هيقولك على معاد استلامها.

[miro the king]

اقسم بالله لولا انى مش هكمل ال18 لكنت عملتها لانى لسة 15 هتفرق معايا سنة ونص :mad:

[spidermohmd1]

مشمعني 18 سنة ؟

هي يامي 16 سنة عشان بطاقه يامي 21 سنة عشان السن القانوني ؟ أمال 18 سنة ليه ؟ عشان الرخصة ؟ :D

[HuLkY]

Sure i will make it :)

[bika08]

اقسم بالله لولا انى مش هكمل ال18 لكنت عملتها لانى لسة 15 هتفرق معايا سنة ونص :mad:المهم ان انت عنك نية انك تعملها.... الانتخابات اللى جاية و عليك خير :D


مشمعني 18 سنة ؟
هي يامي 16 سنة عشان بطاقه يامي 21 سنة عشان السن القانوني ؟ أمال 18 سنة ليه ؟ عشان الرخصة ؟ :Dانت المشكلة عنك فى السن ؟؟ ..... هى الليحة بتقول كدة :D انا مالى؟


Sure i will make it :)
:ah7:

[Black-Edition]

طب انا عندي 17 سنة نص ..... وبصراحة نفسى اعملها جداااااا :D

[thunder_eagle]

21 سنة و مش ناوي , الموضوع ملوش لازمة

[__eRa__]

الحمد لله لدي بطاقة انتخابية وأمارس العملية الانتخابية، سواء أكانت انتخابات برلمانية، أو رئاسية، أو استفتاءات، أو حتى انتخابات مراكز الشباب والرياضة.

[المبرمج المصرى]

بإذن الله هاعملها علشان انتخابات الرئاسة

[ozaro19]

فكرت في عمل هذا الشيء
الا اني تراجعت عن هذه الفكره


لا أحب ان اشغل وقتي بما لا يفيد

[NaAZoOR]

ادلي بصوتي منذ العام 2005 في الإنتخابات و أرى أن إدلائي بصوتي له أهمية من عدة تواح ..

الأولى: ايجابية مني و فعل يدل على الأمل
الثانية: لو مليون واحد عملوا زيي عمرهم ما هايقدروا يزوروا كل العدد ده
الثالثة: مصر بلدي أنا مش بلدهم .. و أنا لازم ادافع عن بلدي حتى لو بصوت انتخابي
الرابعة: اذا الشعب يوماً اراد الحياة فلابد أن يستجيب القدر ..... و لا بد لليل أن ينجلي و لابد لقيد أن ينكسر

[coolhero]

أكيد وانا مع التغيير :ah32:

[Brigadier]

لا . بكل بساطه لان صوتي غير مسموع , وبفرض انه مسموع فالتزوير موجود ... لن انشغل بما لا يفيد فهذا امر عقيم.

[tokato_213]

سوال لو سمحت

انا دلوقتى عندى 18 سنة و 10 شهور

فهل اقدر اطلع البطاقة الانتخابية ولا لا

و سوال كمان هل فى مواعيد محددة الواحد يروح يعملها فيها و لا فى اى وقت

فى انتظار اجابة حضرتك

[Don Khozzam]

لا مش هعمل .. مفيش فايده .. اللى هما عاوزينه يكون رئيس (جيمى) هيكون رئيس حتى لو ال80 مليون صوتو بلا ..

[The Mysterious]

انا دلوقتى عندى 18 سنة و 10 شهور فهل اقدر اطلع البطاقة الانتخابية ولا لا
الأخ صاحب الموضوع لم يتحرّ الدقّة في تحديد العمر، فلو كان المطلوب هو بلوغ سن الثامنة عشر عندها تستطيع الحصول على بطاقة انتخابيّة والانتخاب، أمّا لو كان المطلوب هو اتمام سن الثامنة عشر (كما هو الحال عندنا في سوريا) عندها لن يكون لك ذلك.
أحيي في هذه المناسبة البشمهندس عمر NaAZoOR على ردّه وأتمنى من الجميع السير على خطاه والانتخاب :).

[SNAKE180592]

ح أشارك في العملية الإنتخابية -بإذن الله- ابتداءً من السنة الجاية (لمّا أتم 18 سنة).



الأولى: ايجابية مني و فعل يدل على الأمل
الثانية: لو مليون واحد عملوا زيي عمرهم ما هايقدروا يزوروا كل العدد ده
الثالثة: مصر بلدي أنا مش بلدهم .. و أنا لازم ادافع عن بلدي حتى لو بصوت انتخابي
الرابعة: اذا الشعب يوماً اراد الحياة فلابد أن يستجيب القدر ..... و لا بد لليل أن ينجلي و لابد لقيد أن ينكسر

+1 :)

[hack4love]

خلاصه الامر سانتظر لاي حال الانتخبات في مجلس الشعب هذا العام اذاكانت مزوره واكتسح الحزب الوطني :D لن اقوم بعمل اي شي

لانها مسرحيه مصغره من انتخبات رائيس الجمهوريه والعكس صحيح اذا وجت عدل وعدم تزوير بالطبع ساقوم بعملها

[koki4life]

الثانية: لو مليون واحد عملوا زيي عمرهم ما هايقدروا يزوروا كل العدد ده.......:confused::confused::confused::confused:: confused:


المعلومة دغ غلط تماما .......:(:(:(:(

[bika08]

شكرا على المشاركة يا شباب
بس انا ملاحظ ان المعظم بيقول مش هتفرق و تزوير....... طب ما تعمل اللى عليك و روح انتخب و خلى الباقى على ربنا

انا دلوقتى عندى 18 سنة و 10 شهور
تقدر المهم انك تكون بلغت 18 سنة و تقدر تعملها فى اى وقت ملهاش معاد محدد

[Don Khozzam]

الثانية: لو مليون واحد عملوا زيي عمرهم ما هايقدروا يزوروا كل العدد ده.......:confused::confused::confused::confused:: confused:


المعلومة دغ غلط تماما .......:(:(:(:(


+1 ..

هما يعنى بيزورو نتيجة منتخب ولا انتين فعلى اساس كدا المليون اللى انت بتقول عليهم هما اللى هيفرقو؟؟ ماهما بيزورو معظمها اساسا !!

[القاتل المجرم]

انا عمرى ماهعملها لانى مش بثق فى اى حد منهم ابدااااااااااااا
بيتهيالى كلهم موظفين فى قصر الملك اسف قصر المالك
حتى المعارضة كلهم موظفين برضو بس كل واحد ولية دورة والا من اين لهم بالملايين
ووووووووووووووووووووووووووووووووووووعجبى
علشان كدة انا منفض للكل :D
حتى نفسى انا منفض ليها :D
سلام عليكم

[القاتل المجرم]

بوصو على العنوان بتاعى فوق كدة :D:D:D

[GHOSTEID0]

لو الانتخابات هتتوقف على صوتى
برضه مش هدلى بصوتى

لان الموضوع مش فى دماغى اصلا

و فى الاخر يبقى الحال على ما هو عليه و على المتضرر اللجوء للقضاء

[ayahh]

لو الانتخابات هتتوقف على صوتى
برضه مش هدلى بصوتى

لان الموضوع مش فى دماغى اصلا

و فى الاخر يبقى الحال على ما هو عليه و على المتضرر اللجوء للقضاء


يا جماعة بلاش لغة تهبيط الهمة ربنا حيسالكوا علي الي انتم بتقلوه ده
اعتقد ان من اخلقيات المسلم الايجابية والايمان بالله والاقتناع دائما ان الاخذ بالاسباب ثم ترك الامر لله هو اسباب اي نجاح في الدنيا مهما كانت قو تهم فربنا اقوي بس احنا كمان لازم نخد بالاسباب
لا يغير الله ما بقوم حتي يغيروا ما بانفسهم

[SNAKE180592]

سؤال للممتنعين عن الانتخاب (أو اللي مش فارقة معاهم): لماذا كل هذه السلبية؟!

هذا بالضبط ما تريده الحكومة الحالية الجائرة، و هو أن يبتعد الشعب (و الشباب على وجه الخصوص) عن الساحة السياسية؛ لكي يصفى لها الجو بالاستئثار بالحكم و تسيير أمور الدولة كما تشاء بدون أن يحاسبها أحد.

و صدق رسول الله -صلى الله عليه و سلم- حين قال: "من مات و ليس في عنقه بيعة مات ميتة جاهلية".

[bika08]

اعتقد ان من اخلقيات المسلم الايجابية والايمان بالله والاقتناع دائما ان الاخذ بالاسباب ثم ترك الامر لله هو اسباب اي نجاح في الدنيا مهما كانت قو تهم فربنا اقوي بس احنا كمان لازم نخد بالاسبابالله يفتح عليك :ah7:


سؤال للممتنعين عن الانتخاب (أو اللي مش فارقة معاهم): لماذا كل هذه السلبية؟!انا عايز اسئل نفس السؤال

[The Mysterious]

أحيي جميع الأخوة المؤيدين للانتخاب، حياكم الله و بارك فيكم جميعاً :).

[Mubarak]

هذه أمانة، وترك المتردية والنطيحة للاستمرار في الطغيان والظلم بحجة التزوير وأنه لا فائدة من ذلك أراه من النكوص في الشهادة ومن يتركها محاسب على ذلك، إلا إذا رأى أن كافة الخيارات جميعا متساوية في الشر، وأنه لا شر منها أقل شرا، بل كلها شديدة الشر ولن يفرق على الناس ما بين الوضع الحالي والخيارات المطروحة.

[bika08]

هذه أمانة، وترك المتردية والنطيحة للاستمرار في الطغيان والظلم بحجة التزوير وأنه لا فائدة من ذلك أراه من النكوص في الشهادة ومن يتركها محاسب على ذلك، إلا إذا رأى أن كافة الخيارات جميعا متساوية في الشر، وأنه لا شر منها أقل شرا، بل كلها شديدة الشر ولن يفرق على الناس ما بين الوضع الحالي والخيارات المطروحة.

تسلم شيخنا على الراى الواضح و الصريح
اعمل اللى عليك