سقوط معجون حراري في فتحة المعالح في البوردة [الأرشيف]

مستخد صالح

11-04-2010, 08:26

و انا بركب المشتت الجديد شيلت المعالج و سقط منه معجون كنت لسا حاطه من اسبوعين علي فتحة المعالج في البوردة. جبت بخاخة جافة للألكترونيات اسمها اكاي و نضفت بيها المعالج و الفتحة بتاعته في البوردة.

هل هذا آمن؟ الجهاز شغال و لكن ليس مستقر و شاشة الموت الزرقاء لسا شايفه من شوية بسيطة
ماذا افعل :(

bika08

11-04-2010, 11:48

جبت بخاخة جافة للألكترونيات اسمها اكاي و نضفت بيها المعالج و الفتحة بتاعته في البوردة.
هو دة الحل اللى كنت داخل اقولة
انت ترش على ال Socket كميه كافبة من AIKI و بعد كدة تتركة شوية لحد ماينشف و تركب المعالج عادى
و بالنسبة للشاشة الزقاء اتكد انك مركب المشتت كويس و راقب درجات الحرارة

xman_1020

11-04-2010, 11:52

ممكن تصورلنا السوكت بتاع البروسيسور دلوقتى بعد التنظيف

و كمان زى ما قال الاخ
اتاكد من ان المشتت راكب كويس و ثابت فى مكانه

مستخد صالح

11-04-2010, 12:02

السوكيت نضيف و سعب افك الجهاز تاني الصراحة

xman_1020

11-04-2010, 13:50

انا بس بقول كده عشان نقدر نشوف السوكت
نتاكد انو نضيف جدا و مفيش فيه اى سن متحرك من مكانه

مستخد صالح

11-04-2010, 13:53

لالا مفيش اي سن متحرك من مكانه خالص الحمدلله

S@M

11-04-2010, 18:33

البخاخة مش مشكلة ....لكن اهم حاجة ....انك ماتكونش تنيت البنّات الخاصة بالمعالج يا عزيزى ....:(

وعلى العموم اعتقد ان الشاشة الزرقا ممكن تكون شاشة عرضية ...من الويندوز نفسة ...خاصة لو 7 او فيستا ...:)

مستخد صالح

11-04-2010, 22:09

لا اعتقد اني تنيت السنون ، الجهاز دلوقتي جميل الحمدلله وثابت!!!

ashraf_shivo

11-04-2010, 22:32

لا تقلق يا اخي
وبخصوص ال الشاشة الزرقاء
ليس سبب رئيسي ان يكون في السوكت الخاص بالمعالج
ف للشاشة الزرقاء اسباب كثيرة
ولاتقلق

im fermi

13-04-2010, 09:11

جرب واضغط المعالج بأعتى برامج الضغط

وإن لم تاتيك الشاشة الزرقا :)

فورمات عآجل .

Don Khozzam

13-04-2010, 09:27

لا لا ماهو خلاص المشكله اتحلت .. طلعت كان فيه رامه بايظه مش اكتر ..

مستخد صالح

13-04-2010, 09:45

الحمدلله يا أحمد :) طلع الرامات و الجديدة كمان مضروبة. روحت عملت مشكلة مع الشركة هنا في طنطا و قلتلهم هطلب حماية المستهلك و مش هسكت و رجعولي 500 من 540 جنيه
هشتري رامات نضيفة بقي مش شركة ذات سمعة طيبة. مع أني شاري الرامات من 12 يوم بس رجعتها برده علشان هي مضروبة.

Don Khozzam

13-04-2010, 09:51

بس يا ميكا .. انا عاوز اتاكد من حاجه ..

هل الرامات ضربت قبل ولا بعد ما كسرت سرعة البروسيسور؟؟ يعنى هل كانو شغالين زى الفل قبل ما تكسر البروسيسور ولا لا؟

مستخد صالح

13-04-2010, 09:59

بص يا أحمد الجهاز كان ز الفل ، أول لما بدأت أستخدم برامج الضغط و طبعا بعد كسر المعالج لاقيت ان كل البرامج بتقولي في مشاكل في النواة 0 و بعد دقائق معدودة فقط
حتي لما لاغيت الكسر و رجعت كله للنمط الافتراضي برده نفس المشكلة ، شيلت الرامات و عملت الاختبار و عدي. رجعت الكسر بل و رفعته إلي 3.77 و الحمدلله كله تمام :)

Don Khozzam

13-04-2010, 10:03

طيب هل انت قللت تردد الرامات قبل رفع تردد المعالج ولا لا؟؟ لان المفروض كنت تعمل كدا عشان الرامات متبوظش ..

مستخد صالح

13-04-2010, 10:18

لا معملتش كدا خالص ، هعمل موضوع عنها في كسر السرعة و اشوف الردود
شكرا انك لفت انتباهي يا احمد

Don Khozzam

13-04-2010, 10:28

اوباا .. يبقى احتمال كبير يكون هو دا اللى خلا الرامات تبوظ منك ..

مستخد صالح

13-04-2010, 10:52

لالا يا أحمد اشمعني دول الباظو؟ الرامات ملهاش تاريخ صنع و لا رقم متسلسل خالص و عرفت ده ببرنامج CPU-Z

Don Khozzam

13-04-2010, 11:02

الحكايه حكاية انهم مستحملوش تعلية التردد بتاعهم ..

د/ماجد

13-04-2010, 14:43

معلش الاستاذ اللي رجع الرامات و عمل مشكله و هدد بجهاز حمايه المستهلك....
سؤال جاد جدا عشان انا في نفس المشكله بس مع البورده
حضرتك كنت خاتم الفاتوره عشان كده رجعوها و لا لأ؟؟؟
لاني انا مش خاتم الفاتوره و ادزني بورده بايظه

مستخد صالح

13-04-2010, 16:02