هل يركب 5670 علي بور 350وات

[mohamed790gx]

السلام عليكم ورحمه الله وبركاته

اخوتي الكرام جهازي الي فوق ده مع بور 350هيك قادرين علي تشغيل 5670مع كسر السرعه الحالي
ولا لا

وبصراحه انا دوخت حبه مواقع تقول 5670 افضل من 4770 ومواقع تانيه العكس ياريت اي حد جرب الكرتين يقولي رأيه

عشان خلاص بقي بأذن الله ناوي استغني عن المدمج واستعمل خارجي

[S@M]

نعم يا عزيزى ...تستطيع تشغيل الكرت على بور سبلاى 350 وات :)

[warshal]

أولا الفرق الواضح اللى مايختلفش عليه اتنين هوا ال Directx 11 لصالح ال 5670 واستهلاكه اقل للباور (56.1 مقابل 68.9 Watt لل4770 ) + Pixle Shader 5.0 مقابل 4.1 لل 4770 وانت محتاج على الأقل 450 Watt عشان الكارت ! (اى واحد منهم )
من AMD نفسها
https://www.amd.com/us/products/desktop/graphics/ati-radeon-hd-5000/ati-radeon-hd-5670-overview/Pages/ati-radeon-hd-5670-system-requirements.aspx

https://ati.amd.com/products/certified/powersupplies.html#pstop

الكارت (5670) محتاج 400 watt Recommended و 450 عشان يكسر و يتبسط :D

[mohamed790gx]

نعم يا عزيزى ...تستطيع تشغيل الكرت على بور سبلاى 350 وات

شكرا لمرورك سام ولكن متأكد مع الكسر الحالي والفولتات العاليه الحاليه


أولا الفرق الواضح اللى مايختلفش عليه اتنين هوا ال Directx 11 لصالح ال 5670 واستهلاكه اقل للباور (56.1 مقابل 68.9 Watt لل4770 ) + Pixle Shader 5.0 مقابل 4.1 لل 4770 وانت محتاج على الأقل 450 Watt عشان الكارت ! (اى واحد منهم )
من AMD نفسها
https://www.amd.com/us/products/deskt...uirements.aspx

https://ati.amd.com/products/certifie...ies.html#pstop

الكارت (5670) محتاج 400 watt Recommended و 450 عشان يكسر و يتبسط

يعني حضرتك شايف ان التقنيات تبرر الاداء طب انا مستعد اجيبه لو هيشتغل علي 350 في حين 4770 ميشتغلش
لكن كلامك ده معناه لاد ولا ده يبقي كده لازم اغير الباو وده شئ غير محبذ مبقالوش شهرين وهبقي خسرت فيه اوي لو بيعته

[warshal]

انا عارف ان الفرق فى الأداء واضح لصالح ال4770 بس ممكن مع كسر ال 5670 يقرب من ال 4770 و تبقى استفدت من التقنيات (ال Pixel Shader مهم جدا ) بالنسبة للباور ده مش كلامى ده من AMD
https://www.amd.com/us/products/desktop/graphics/ati-radeon-hd-5000/ati-radeon-hd-5670-overview/Pages/ati-radeon-hd-5670-system-requirements.aspx

[MHG_1]

نعم حيشتغل5670 تمام على الباور 350

[nayef108]

هيشتغل عادي بإذن الله

[DoN OcTaViO]

4770 يشتغل على 350 ويتكسر ويتفشفش كمان

وهو احسن من ال 5670 اداءا وسعر وdx11 فى 5670 زى قلته لانك لو فعلته فى اى لعبه مش هتعرف تلعب اصلا

[MF88]

الاتنين اخى الكريم يشتغلو تمام على باور 350

اذا كان الكارت اللى اعلى منه " 5750 " بيشتغل على 350 واط مستريح

و بالنسبه لـ 4770 او 5670 فده قرار راجع ليك من الاساس

1- اداء اعلى لكن بدون تقنيات الـ DX11 = الـ 4770

2- اداء اقل مع قابليه كسر عااااااااااليه و تقنيات الـ DX11 و استهلاك طاقه اقل و حراره اقل = 5670

الخيار لك

[mohamed790gx]

متشكر جدا جدا لأرائكم اخواني الكرام بس خايف اصرف الي معايا علي كرت والكسر يضيع لي الجهاز كله


الاتنين اخى الكريم يشتغلو تمام على باور 350

اذا كان الكارت اللى اعلى منه " 5750 " بيشتغل على 350 واط مستريح

و بالنسبه لـ 4770 او 5670 فده قرار راجع ليك من الاساس

1- اداء اعلى لكن بدون تقنيات الـ DX11 = الـ 4770

2- اداء اقل مع قابليه كسر عااااااااااليه و تقنيات الـ DX11 و استهلاك طاقه اقل و حراره اقل = 5670

الخيار لك

كده بعد كلامك والاخوه الاتنين 350وات يشغلوهم كويس بس بالنسبه للكارتين

بصراحه كلامك لخبطني اكتر واكتر بس لو بصينا لبعيد 5670ممكن يقرب من4770 بالكسر و4770 ممكن اداؤه يزيد بالكسر
أذا الفرق واضح لصالح 4770

طب والبيكسل شيدر الجديد مش مهم اوي وكذلك dx 11 اي نعم هو مستقبل الالعاب بس مش فارق اوي ويكفيني اني اشغل dx10

وكل اعداداتي هاي


ياريتكل الاعضاء يقولولي رأيهم في الكلام ده

[Don Khozzam]

خليك مع ال4770 .. و هيشتغل زى الفل ان شاء الله على ال 350 وات ...

لا فائده فى موضوع الدايركت اكس 11 مع كارت مثل 5670 لانه لن يستطيع تحمل العاب الدايركت اكس 11 من الاساس ..

عندما تريد دخول عالم الدايركت اكس 11 بجديه لابد من كارت من فئة 5800 سواء كان 5830 او ما اعلى منه ..

[Ҝ ђ Λ Ł Є δ]

اتوكل علي الله وهاته , هيشتغل تمام ان شاء الله :)

ما تنسانيش بقي :p

[dr.ahmed shahin]

زى ما قالك الاخوة ان عشان تلعب العاب direct x 11 مش كفاية بس ان الكارت يكون بيدعمها وحتى كمان فيه مشاركة هنا فى المنتدى لاخ عنده 5770 ومش قادر يلعب لعبة metro2033 على دايركت اكس 11 يعنى من الاخر ال 4770 افضل من وجهة نظرى وعلى فكرة الكارت عندى وشغال ميه ميه على باور 350 وات بالرغم من ان البروسيسور عالى حبتين
وبردو قبل ما اشتريه فكرت فى ال 5750 ولقيت ناس بتقولى هيقطع فى العاب الديركت اكس 11 يعنى ريح دماغك وهات ال 4770
4770<4850<5750 <4870

[Extreme2]

جميع الألعاب الحديثة تتطلب بيكسل شيدر 3 و ال 4770 يدعم 4.1 بكسل شيدر , فلا قلق من هذة الناحية أخي .

[شلاع العتر]

المزود يُشغل البطاقتين والافضل التوجه نحو 4770 فه أفضل من 5670 ب 25% ...

إن كان هناك مجال في الميزانية فتوجه نحو ال 5750 وعلى نفس المزود 350 واط.

[mohamed790gx]

|انا شاكر جدا لأراء الاخوه الوافيه والكافيه وشكرا


اتوكل علي الله وهاته , هيشتغل تمام ان شاء الله

ما تنسانيش بقي

عيب عليك ;)


زى ما قالك الاخوة ان عشان تلعب العاب direct x 11 مش كفاية بس ان الكارت يكون بيدعمها وحتى كمان فيه مشاركة هنا فى المنتدى لاخ عنده 5770 ومش قادر يلعب لعبة metro2033 على دايركت اكس 11 يعنى من الاخر ال 4770 افضل من وجهة نظرى وعلى فكرة الكارت عندى وشغال ميه ميه على باور 350 وات بالرغم من ان البروسيسور عالى حبتين
وبردو قبل ما اشتريه فكرت فى ال 5750 ولقيت ناس بتقولى هيقطع فى العاب الديركت اكس 11 يعنى ريح دماغك وهات ال 4770 ولو تقدر تزود شوية وتجيب ال 5750 يبقى افضل ومش عشان الدايركت اكس 11 لا عشان انه اقوى فى الاداء من ال 4770 وكمان من ال 4850

والله انا لحد دلوقتي معايا 4/3 المبلغ فصعب اعلي لاي حاجه 5000

وشكرا لك اخي علي عرض تجربتك ايه اخبار حراره الكارت عندك وجبته من انهي نوع ؟


جميع الألعاب الحديثة تتطلب بيكسل شيدر 3 و ال 4770 يدعم 4.1 بكسل شيدر , فلا قلق من هذة الناحية أخي .

شكرا لك اخ نواف الف مبروك مقدما علي المود الجديد شكله جاااامد ومستني موضوعك بفارغ الصبر :)

معلش يا جماعه بس ليا سؤال اخير
هل الفرق بين 8x و 16x في تشغيل الكارت كبير ولا ضئيل عشان هضطر اشغله عندي علي 8 وهل يمثل الفرق مثل الارقام الضعف ام لا؟

[dr.ahmed shahin]

كارتى من شركة xfx ودرجة حرارته حوالى من 40-47 بدون اى العاب

ولما بكون مشغل العاب بتوصل من 57-65

بس درجة الحرارة بتتوقف على درجة حرارة الغرفة بشكل كبير وانك سايب الكيسة مفتوحة ولا لا وكده يعنى

يعنى ساعات بلاقى درجة حرارة الكارت 38 من غير العاب

وبالنسبة لمروحة الكارت صوتها كويس انت بتظبطها على مستوى معين بحيث ان الكارت مش يسخن تكون هادية بسيبها على طول على

38% ومش بيبقى لها اى صوت خالص

وبالنسبة لافضل برنامج يعمل اوفر كلوك لكارتك هو ال rivatuner وده رابط لموقع اجنبي شرح الموضوع بالتفصيل https://www.bit-tech.net/blog/2009/04/29/overclocking-the-ati-radeon-hd-4770/وانا مش عملت اوفر كلوك لانى غاوي الحكاية دى لا عشان فيه العاب بتبقى طالبة كارت 4850 عشان تشتغل على الماكسيمم

[شلاع العتر]

لا يوجد فرق ملحوظ بين 8x و 16x بل وأقول أنه مع بطاقة من المستوى الذي نتكلم عنه لا لوجد أي فارق .

[warshal]

انا لسه عند رأيي والخيار و الفاقوس كمان ليك !:D
5670: انت بتقول مش هتغير لفترة طويلة ساى سنة هتكون الدنيا اتشقلبت Directx 11 و ألعاب P.S 5 وتستفيد من الكارت + مع كسر سرعته + التعريفات الجديدة مش هيكون الفارق بينهم ملحوظ
لو هتغير الكارت بعد فتره اقل (6 شهور مثلا ) يبقى ال4770 هوا الأختيار ألافضل ليك! Its up to you

بالنسبة للبور اكيد الناس اللى قالتلك مجربين لكن AMD قال : Recommended 400Watt وتقدر تحسبها بنفسك :D

[DoN OcTaViO]

مش هيكون الفرق ملحوظ؟؟؟؟؟؟؟؟؟
ده فرق 25 فى المية وقدره 4770 على الكسر رهيبه يعنى هتكسر ال 5670 ال 4770 مش هيسكت

و العاب dx11 زى عينه مترو كده كل الكروت الشاشه بتقف قدامها هيعمل ايه معاها ال 5670 الغلبان

انا رايى مافيش جدوى من dx11 للميزانيه دى اصلا

[mohamed790gx]

لا يوجد فرق ملحوظ بين 8x و 16x بل وأقول أنه مع بطاقة من المستوى الذي نتكلم عنه لا لوجد أي فارق .

شكرا جدا لك اخي شلاع العتر ريحتني نفسيا


انا لسه عند رأيي والخيار و الفاقوس كمان ليك !
5670: انت بتقول مش هتغير لفترة طويلة ساى سنة هتكون الدنيا اتشقلبت Directx 11 و ألعاب P.S 5 وتستفيد من الكارت + مع كسر سرعته + التعريفات الجديدة مش هيكون الفارق بينهم ملحوظ
لو هتغير الكارت بعد فتره اقل (6 شهور مثلا ) يبقى ال4770 هوا الأختيار ألافضل ليك! Its up to you

بالنسبة للبور اكيد الناس اللى قالتلك مجربين لكن AMD قال : Recommended 400Watt وتقدر تحسبها بنفسك

يا باشا انت معقدني كده ليه :D
كل ما اقول خلاص تخليني ارجع افكر تاني وشكلك هتقنعني :D
بس بص مش مهم في رأيي التقنيات الي جابو كروت 285 و275 وحتي 260 من انفيديا استفادو من ادائها وشكروا فيها رغم تأخر تقنياتها
وبعدين قولتلك لو افترضنا ان 5670 بالكسر يبقي بالضبط زي 4770 طب ما 4770 بالكسر هيبقي احسن واحسن فاهم وجهه نظري
عالعموم خلاص انا هشوف وربنا يوفقني والاقيه واشحنه

مش هيكون الفرق ملحوظ؟؟؟؟؟؟؟؟؟
ده فرق 25 فى المية وقدره 4770 على الكسر رهيبه يعنى هتكسر ال 5670 ال 4770 مش هيسكت

و العاب dx11 زى عينه مترو كده كل الكروت الشاشه بتقف قدامها هيعمل ايه معاها ال 5670 الغلبان

انا رايى مافيش جدوى من dx11 للميزانيه دى اصلا

شكرا لرأيك اخي

[mohamed790gx]

كارتى من شركة xfx ودرجة حرارته حوالى من 40-47 بدون اى العاب

ولما بكون مشغل العاب بتوصل من 57-65

بس درجة الحرارة بتتوقف على درجة حرارة الغرفة بشكل كبير وانك سايب الكيسة مفتوحة ولا لا وكده يعنى

يعنى ساعات بلاقى درجة حرارة الكارت 38 من غير العاب

وبالنسبة لمروحة الكارت صوتها كويس انت بتظبطها على مستوى معين بحيث ان الكارت مش يسخن تكون هادية بسيبها على طول على

38% ومش بيبقى لها اى صوت خالص

وبالنسبة لافضل برنامج يعمل اوفر كلوك لكارتك هو ال rivatuner وده رابط لموقع اجنبي شرح الموضوع بالتفصيل https://www.bit-tech.net/blog/2009/04...adeon-hd-4770/وانا مش عملت اوفر كلوك لانى غاوي الحكاية دى لا عشان فيه العاب بتبقى طالبة كارت 4850 عشان تشتغل على الماكسيمم


شكرا لك كلامك كله بيشكر في الكارت انا خلاص بأذن الله نويت عليه
واضح ان اداؤه عاجبك بس ربنا يسهل واجيبه
بس محدش هنا يعرف اعلي كسر للكارت كام

[warshal]

مش هيكون الفرق ملحوظ؟؟؟؟؟؟؟؟؟
ده فرق 25 فى المية وقدره 4770 على الكسر رهيبه يعنى هتكسر ال 5670 ال 4770 مش هيسكت

و العاب dx11 زى عينه مترو كده كل الكروت الشاشه بتقف قدامها هيعمل ايه معاها ال 5670 الغلبان

انا رايى مافيش جدوى من dx11 للميزانيه دى اصلا

يا معلم الراجل لو مش هيغير لمدة طويلة يبقى ال5670 للأسباب اللى قلتها + الألعاب الDirectx 11 هتكون غرقت الدنيا (الألعاب الطبيعية مش مترو المريضة ده مستر مينا قال امه اضطر يقلل الأعدادات عشان يلعبها Directx 11 ده يا راجل ال 480 صورته وحشة فيها) وبعدين فرق ال 25% مش موجود بعد الكسر والتعريف الجديد وتقريبا 7% - 10% + PS 5.0 فى المستقبل .

[DoCToR.TaHeR]

بص يا باشا انا هقولك رايي واجري علي الله
انا عندي ال 4770 وكاسر سرعته زي مانتا شايف في بياناتي وبجد ماشاء الله الكارت عدي اداؤه ال 4850 وال 5750 زال 9800 GT وبينافس ال 250 GTS بقوه (كل ده علي الستوك طبعا)
وانا عامل شويه مراجعات في الالعاب هنا في المنتدي زي DIRT 2 و Just Cause 2 و Bionic Commando وفي العاب اخري جاري عمل نتايجها وكل حاجه من الالعاب دي علي اعلي اعدادات وطبعا بسلاسه تامه مش اعلي اعدادات وخلاص
وعلي فكره انا بلعب باتلفيلد باد كومباني 2 علي اعلي اعدادات وAA 4X وعلي رزليوشن 1600X900 وجايبه اقل حاجه 30 فريم معايا وهحط النتايج قريبا ان شاء الله
ده كل ده ومعالجي متواضع انما لو عندي معالج رباعي قوي او ثنائي اقوي النتايج هتزيد كمان
خلاصه الكلام اوعي تجيب حاجه زي ال 5670 لو عاوز اداء كويس في الالعاب ولا هينفعك DX11 في كارت زي ده انما حاول تشوف ال 5750 مع الكسر هيبقي قوي وهيكفيك او علي الاقل شوف ال 4770 وحش بمعني الكلمه واللي احسن منهم الاتنين طبعا لو معاك ميزانيه 5770 زي الفل

[dr.ahmed shahin]

بص عشان ميبقاش الكلام كتير لو هتشترى دلوقتى هات ال 4770 هتستنى شوية يبقى هات ال 5750 عشان متعملش اوفر كلوك ولا حاجة للكارت ولا تشغل دماغك بالحوارات دى