ساعدوني

[Dr.Hala]

سلام عليكم جميعا
يا جماعه محتاجه سوفت وير لموديل الهارد ده ضروري والا فقدت كل داتا الشغل و حاجات ناس كتير عليه
WD6400AACS-00D6B1
اللي عنده نسخه او يعرف يجيبلي السوفت وير او يعرف اجيبه منين يقوللي الله يكرمكم فاسرع وقت
مع العلم اني ملقيتهوش على الويب سايت بتاع ويسترن ديجيتال
و جزاكم الله خيرا

[Orphan Naremo]

سوفت وير ازى يا دكتوره
ويندوز مثلاً

[TEch Zone]

هى المشكلة اية بالضبط عشان الهارد ملهوش سوفت وير لية نسخة ويندوز بيسطب علية وهوا اللى بيشغله

[Dr.Hala]

اولا شكرا عالرد يا شباب
مش سوفت وير للويندوز و ليه سوفت وير خاص بيه اه بالهارد نفسه كل هارد له موديل خاص بيه و له السوفت ويير اللي بيقومه بحيث اما تحطه فالجهاز قبل اي شئ يتقري عالماذربورد و تبتدي تقسم و تشوف عليه ايه
اللي حصل باختصار انه لسه جديد فالضمان و حصل انه شبايه فالبورده بتاعته هو اتحرقت على كلام بتوع الصيانه فبالكاد لقينا بورده مماثله ليه بس ناقص السوفت وير للموديل اللي كتبته عشان يشتغل
و شكرا لاهتمامكم مره تانيه

[Orphan Naremo]

يا دكتوره مفيش حاجه اسمها سوفت وير للبورده بتاعه الهارد كل الحكايه ان حضرتك بتشترى بورده للهارد بنفس الرقم التسلسلى للبورده القديمه وممكن تلاقى بورده شبه اللى فى الهارد وماتشتغلش لسبب اختلافها فى الارقام فإذا البروده مشتغلتش تروحى الضمان وتخدى منهم البورده القديمه وتروحى للى اشتريتى منه البورده وهو هايعرف الرقم بتعها وهايحاول يجيبلك وحده زيها وانشاء الله الهارد هايشتغل منغير اى مشاكل

[Dr.Hala]

يا اخي الفاضل فيه سوفت ويير للهارد نفسه انا مقلتش لبوردته و اكيد يعني بتوع الضمان للتسهيل قالوا مينفعش عيب سوفت وير و الصيانه اللي حلولي نص المشكله و جابوا بورده متوافقه قالولي الكلام ده
وحضرتك ادخل على اللينك ده حتلاقي ان فيه سوفت وير للموديلات بس موديلي المطلوب مش موجود
فالحكايه من فضلك مش محتاجه تهكمات فالكلام و تحبيط
الهارد بيبقي له موديل و سيريال و ارقام كتير و كذلك رقم للبورده اللي بسأل عليه ومحتاجاه السوفت للهارد بالموديل اللي ذكرته
و ده اللينك عشان بس تعرف ان فيه سوفت وير للهاردات للافاده
https://support.wdc.com/product/download.asp?level1=6&lang=en

[Orphan Naremo]

الصراحه يا دكتوره انا كان عندى هارد 160 ومتمش 3شهور والبورده اتحرقت وديته الضمان وادونى البورده المحروقه واشتريت وحده مطابقه لها وبنفس الارقام واشتغل معايا لحد ما بعته من شهرين ومعملش اى مشاكل نع اللى اشتراه لحد دلةقتى بقاله اكتر من 5 سنين

[Coolman4now]

- أذا كانت الدكتورة تقصد الفيرموير الخاص بتشغيل بوردة الهارد ، فلن تجديه أبدا ، هذا أصعب شئ فى الهاردات.

- الشركة لاتنشر الفيرموير الأ أذا كان معيوبا ، وطالما لم ينزل بعيوب - مثل هاردك - فلن تجدى له فيرموير فى أى مكان.

[Orphan Naremo]

بس كدا يا فادى الهرد ال 500 و ال 1000 ليهم فريم وير هل دا معناه انهم بهم مشاكل

[Dr.Hala]

متشكره جداا لكل اللي رد
و يا جماعه اما وديته الضمان زي مقلت سابق قالي مينفعش و طبعا معندوش لا بورد من الموديل ده ولا اي حاجه حى كان فيه عنده هارد نفس الموديل راجعله باد سيكتور لعميل اخر بس معندوش الجهاز اللي بيسحب بيه السوفت وير مباشره من الهارد بالتالي لازم يوصل لراجل الصيانه اللي رحتله نسخه من سوفت وير نفس الموديل يا ريت الموضوع يكون وضح
و الله يكرمكم يا شباب برضوا تاني بقول مش محتاجه تحبيط الحكايه فارجو اللي مش عارف سوري يعني مع كل احترامي الشديد ميفتيش و يقول مفيش و فيه و كده
فعلا الموضوع حساس جدااا و محتاجه فيه مساعده مش تحبيط و تكسير مجاديف
ربنا يكرمنا جميعا:(

[The Mysterious]

الدكتورة فعلاً تقصد الـFirmware وهو برنامج التشغيل الأساسي الخاص بالقرص الصلب والمخزّن في شريحة المتحكم كذاكرة EEPROM والذي من الممكن تشبيهه بالبايوس الخاص باللوحة الأم، أختي بالنسبة الرابط الذي قمتي بإدراجه لا علاقة له بمشكلتك إطلاقاً بل هي مجموعة أدوات وبرامج خاصّة بعمل التهيئة والحماية و تحليل المشاكل الخ... الشركات المصنّعة للأقراص الصلبة بالعادة لا تقوم بإدراج الـFirmware الخاص بعتادها على مواقع الانترنت، إلا في حال وجود خطأ مصنعي فيها اكتشف بعد البيع..
https://files.hddguru.com/download/Firmware%20updates/
لذا أعتقد أنّ الذي أرشدك إلى السؤال عنه... إما هو إنسان محتار ومش عارف الحل، أو لا يمتلك الدراية بتصليح العطل أو حتى سبب مشكلة القرص أساساً، على كلّ حال ماتبحثين عنه موجود في هذا الموضوع...
https://www.arabhardware.net/forum/showthread.php?t=119651
حيث يتم كتابة الـFirmware بواسطة كرت خاص يسمّى PC3000 وهو متوافر عند مختصي صيانة الأقراص الصلبة (إلي فهمانين المصلحة بجد :))، على كلّ حال مشكلتك إن كانت فعلاً بالـFirmware فإنّها تحل بتبديل الـLogic board (اللوحة الالكترونيّة الخضراء المثبّتة أسفل القرص)، لكن يشترط أن تكون هذه اللوحة لقرصٍ لا يختلف بشيٍ نهائياً عن قرصك الصلب (نفس الموديل والإصدار).
"هذه المشاركة بواسطة الهاتف الجوال"

[The Mysterious]

على فكرة بحثتُ لكي جيّداً عنه على موقع hddguru، أملاً بأن يكون أحد المختصيّن قد قام برفعه إلا أنّي للأسف لم أجده.
"هذه المشاركة بواسطة الهاتف الجوال"

[Dr.Hala]

اخي الكريم bigmaster جزاك الله خيرا بجد
و شكرا عالمجهود الاكثر من رائع فعلا استفدت كتير و فهمت اكتر فالموضوع بجد ياريت الناس تقتضي بيك
و بجد يكفي ردودك اديتني تفاؤل انه ان شاء الله تتحل
و املى فالله اكيد كبير
برجاء تدعيلي ربنا يكرم و المشكله تتحل فاقرب فرصه

[2shmaye]

بصى يادكتورة لو عوزة تصلحى الهارد فدة زى مقللك الاستاذ بيج ماستر وقداامك حل من كذة حاجه


1 - تروحى مول البستان فى باب اللوق الدور الرابع فيه هناك صاينه للهارد ديسك وباذن الله تلاقى الفرام وير
2 - فيهمركز اسمو سما فى نفس المنطقه انا كنت بتعامل معاة ودة ماشاء الله عليهم يعنى ودة فى العمارة اللى جنب كشرى التحرير فى باب اللوق الدور الرابع ممكن تسالى اى حد من هناك الف مين يدلكك
3-ممكن تروحى لمركز بتاع الباشمهندس احمد محمود فى فيصل الراجل دة ماشاء الله عليه ود عنوانه شركة المصري | الدور الثاني | برج ابو العز | شارع التيسر | نهاية فيصل | منطقة الهرم
ودة عنوان الموقع بتاعو ممكن تساللى على ملف الفرام وير للهارد بتاعك
https://www.egychip.com/
ودة بصراحه الاماكن اللى بثق فيهم
وربنا يوفقك

[The Mysterious]

العفو دكتورة، أهلاً وسهلاً بكي بيننا، وإن شاء الله خير ويارب تنحل في أقرب وقت وبأبسط السبل، أخونا 2shmaye جزاه الله خيراً بردّه، اعتقد أنّه أعطاكي رأس الخيط :).
"هذه المشاركة بواسطة الهاتف الجوال"

[Dr.Hala]

سلام عليكم
و الله انا مش عارفه اشكركم ازاي بجد يكفي ردكم عليا طمني
و انا ححاول اروح زي ما الاخ 2shmaye قالي فعلا و ربنا يكرم ان شاء الله
دعواتكم جميعا