جهاز باقل مواصفات واقل سعر ويتحمل العمل ل 20 ساعة متواصلة

[AHMEDOTAKA]

انا عايز جهاز يكون باقل مواصفات ممكنة واقل سعر ممكن بس فى نفس الوقت يتحمل العمل المتواصل لمدة 20 ساعة
لانى مش هشغل عليه غير برنامجين الميديا بلاير والانتى فيرس فقط
لانه هيكون عبارة عن ديفيدى بلاير فى وصلة دش
اتمنى الاقى الاجابة عندكم
الجهاز بدون شاشة مش مهم انتل ولا amd المهم يتحمل العمل المتواصل والهارد يكون 120 مش اكتر ولا اقل + كارت tv

[AHMEDOTAKA]

12 واحد شاف الموضوع ولا رد واحد هو الطلب صعب اوى كده

[masklove]

لابد من ذكر الميزانية عشان نقدر نساعدك في التجميعة ؟

[AHMEDOTAKA]

لابد من ذكر الميزانية عشان نقدر نساعدك في التجميعة ؟

بص ان هجيب 3 اجهزة من التجميعة دى يعنى اللى يهمنى تكون باقل سعر يعنى اقل من الف جنيه ده طبعا من غير الشاشة وبالمواصفات اللى كاتبها فوق لانى هجيب تلاتة اجهزة من نفس التجميعة

[I-IEMA]

اقتراح : ممكن تجيب اوريجينال استعمال خارج .

[AHMEDOTAKA]

اقتراح : ممكن تجيب اوريجينال استعمال خارج .

تفتكر يتحمل العمل المتواصل 20 ساعة على برنامج الميديا بلاير فقط وبدون ضغط على الجهاز والاجهزة دى بتبقى فى حدود كام انت تقصد اجهزة البنتيم ثرى

[RIKA]

إنتا ممكن تجيب بانتيوم فور احسن لك وهايكون سعرة رخيص وهايشغل كل حاجة بس فى الحقيقة مش عارف متوفر فى الأسواق جديد ولا لا

[I-IEMA]

تفتكر يتحمل العمل المتواصل 20 ساعة على برنامج الميديا بلاير فقط وبدون ضغط على الجهاز والاجهزة دى بتبقى فى حدود كام انت تقصد اجهزة البنتيم ثرى


اعتقد هايتحمل بدون مشاكل

لإن ميزة الاجهزة الاوريجينال ان سخونيتها خفيفة ,, و تبريدها يعتمد عليه
و ايضا الباور صبلاى بتاعها محترم , لكن مشكلته فى موديلات كتيرة ان لو الباور ضرب صعب شوية تلاقى زيه

انا كان قصدى على الاجهزة الـ AMD اللى نازلة اليومين دول الاوريجينال
تقريبا البروسيسور بتاعها 3GHz و رام 512 و هارد 80 ساتا ( ممكن تستبدله لو عاوز اكبر )

و لو لقيت اجهزة كمان بمواصفات اقل من كدا مفيش مشكلة , هايشغل اللى انت عاوزه إن شاء الله

بمناسبة ان انت ذكرت "اجهزة البنتيم ثرى"
لو على تشغيل فيديوهات فقــط + انتى فيرس خفيف ,, + نسخة اكس بى lite
الاجهزة الـ P3 هاتفى بالغرض ,, لكن عيبها ان انت هاتكون شغال على هاردات IDE
((( لذلك بلاش من الاجهزة اللى مافيهاش ساتا ,, بلاش P3 :D )))

[AHMEDOTAKA]

اعتقد هايتحمل بدون مشاكل

لإن ميزة الاجهزة الاوريجينال ان سخونيتها خفيفة ,, و تبريدها يعتمد عليه
و ايضا الباور صبلاى بتاعها محترم , لكن مشكلته فى موديلات كتيرة ان لو الباور ضرب صعب شوية تلاقى زيه

انا كان قصدى على الاجهزة الـ AMD اللى نازلة اليومين دول الاوريجينال
تقريبا البروسيسور بتاعها 3GHz و رام 512 و هارد 80 ساتا ( ممكن تستبدله لو عاوز اكبر )

و لو لقيت اجهزة كمان بمواصفات اقل من كدا مفيش مشكلة , هايشغل اللى انت عاوزه إن شاء الله

بمناسبة ان انت ذكرت "اجهزة البنتيم ثرى"
لو على تشغيل فيديوهات فقــط + انتى فيرس خفيف ,, + نسخة اكس بى lite
الاجهزة الـ P3 هاتفى بالغرض ,, لكن عيبها ان انت هاتكون شغال على هاردات IDE
((( لذلك بلاش من الاجهزة اللى مافيهاش ساتا ,, بلاش P3 :D )))


انا مش هشغل اكتر من الافلالام بالميديا بلاير والاتى فيرس وبس وموضوع ل amd الاوريجينالى دى لاقيها فين وايه اخبار اسعارها

[I-IEMA]

انا مش هشغل اكتر من الافلالام بالميديا بلاير والاتى فيرس وبس وموضوع ل amd الاوريجينالى دى لاقيها فين وايه اخبار اسعارها


الاجهزة دى المفروض تلاقيها عند محلات الهاردوير اللى تلاقى فيها مستعمل ( زى الشاشات المستعملة و الحاجات دى )

و دى اعتقد سعرها دلوقتى يعمل 450 جنيه ,, يمكن اقل
بس اسأل فى منقطتك و شوف و قولنا لقيت انواع ايه مواصفاتها و اسعارها

[AHMEDOTAKA]

شكرا للجميع ـــــــــــــــــــــــــــــــمشكلة الجهاز واتحلت وعرفت احسن حاجة ال amd الاوريجينال

فيه مشكلة السوفتوير كنت محتاج برنامج بدل الميديا بلاير اقدر اتحكم فيه بالقناة اللى هتتعمل زى القنوات الفضائية اقدر احط لوجو خاص بالقناة مباشر على الفيديو بدون رندر يا ترى فيه

[masklove]

Athlon II X2 240 = 325 EGP
BIOSTAR 76 HD3000 V+S+L= 270 EGP
Elixir 2GB/800 DDR2 = 255 EGP
Western Digital 320GB 8M BLUE SATA = 230 EGP
MULTIMEDIA PRO 350W = 160 EGP
____________________________________________
1240 جنيه مصري
ال cd rom مستعمل بــ 25 جنيه

[AHMEDOTAKA]

Athlon II X2 240 = 325 EGP
BIOSTAR 76 HD3000 V+S+L= 270 EGP
Elixir 2GB/800 DDR2 = 255 EGP
Western Digital 320GB 8M BLUE SATA = 230 EGP
MULTIMEDIA PRO 350W = 160 EGP
____________________________________________
1240 جنيه مصري
ال cd rom مستعمل بــ 25 جنيه






شكرا على التجميع بس الواضح انك مقريتش الموضوع من اساسه وبترد وخلاص
يعنى ايه لازمة ال hd ايه لازمة الرامات 2 جيجا وكمان الهارد ال 320

ياريت تقرا الموضوع كويس قبل ما ترد

[masklove]

شكرا على التجميع بس الواضح انك مقريتش الموضوع من اساسه وبترد وخلاص
يعنى ايه لازمة ال hd ايه لازمة الرامات 2 جيجا وكمان الهارد ال 320
علي العكس يا اخي الكريم انا قرأت الموضوع جيدا جدا ودي اقل حاجة ممكنه

يعنى ايه لازمة ال hdدي الماذربورد وبها كارت شاشة مدمج وهو HD 3000 ولابد ان تكون الماذربورد تحتوي علي كارت شاشة جيد لتشغيل اي نوع من انواع الميديا

يه لازمة الرامات 2 جيجاانت قلت كارت tv واللي انا فهمته هو كارت ستاليت واي كارت ستاليت علي فكرة بيستهلك من رامات الجهاز ومن البروسيسور بتاعه ولابد من توافر بروسيسور كويس + رامات كويسه عشان لا تشعر ان اداء الجهاز ميت
انتي فيروس + البرنامج المشغل لكارت الستاليت علي رامات 1 جيجا هيبقي قليل جدا

وكمان الهارد ال 320 لا يوجد في السوق حاليا اي هارد جديد اقل من 320 جيجا
لو لقيت ال 160 هيكون شحنة قديمة جدا جدا وهيبقي ثمنه 200 جنيه
فرق 30 جنيه في مقابل ضعف المساحة
وكمان هتحتاج مساحة لو هتحب تسجل من الدش
وعلي فكرة انا ارتكبت غلطة قاتلة اثناء كتابة التجميعة
لابد من بورسبلاي اصلي 300 وات علي الاقل في التجميعة لأن كارت الستاليت ممكن من كثرة العمل يسبب مشكلة مع البور غير الاصلي
شفت ازاي انا قرأت الموضوع جيد

[I-IEMA]

انا ما اخدتش بالى ان انت هاتركب عليها كارت دش/tv ؟؟

اشرحلى الفكرة اللى محتاج فيها الجهاز اكتر , علشان نعرف نفيدك .

لإن ممكن تكون فعلا محتاج تجميعة زى تجميعة ماسك لوف

أو يكون استخدامك اقل فتجيب الجهاز الاوريجينال و تزود عليه رامة مثلا لزيادة الاداء

---------------
لسه فيه جزئية تانية مهمة وهى كارت الشاشة

انا صراحة ماعرفش كارت الشاشة اللى فى الجهاز الاوريجينال دا نوعه ايه
ممكن يكون موديل ينفع ,, و ممكن يطلع ماينفعش

لذلك عاوز اعرف استخدامك ,, و هاحاول اسألك على مواصفات الجهاز إن امكن

[جعان]

شكرا على التجميع بس الواضح انك مقريتش الموضوع من اساسه وبترد وخلاص
يعنى ايه لازمة ال hd ايه لازمة الرامات 2 جيجا وكمان الهارد ال 320

ياريت تقرا الموضوع كويس قبل ما ترد


الراجل كان عايز يسعدك لية كل الشكر وياريت الاسلوب يكون أفضل من كدة

[AHMEDOTAKA]

اولا متزعلش لانك برضه مش فاهمنى وبتبالغ كتير أوى

انا فاهم ان ال hd مقصود بيها الماذر بورد وانها بتدعم الهايديفنيشن بس انا مش محتاجه انا هشغل افلام عادية جدا avi او wmv من اللى بتشتغل على اجهزتنا من زمان أوى

تانى حاجة انا مقلتش كارت ستالايت انا قلت كارت تيفى تيونر عشان اطلع الصورة من الجهاز لمكبر اشارة uhf

تالت حاجة الرامات انت بتقول مينفعش اقل من واحد جيجا متقدرش تشغل اكتر من الانتى فيرس والميديا بلاير طاب ايه رايك كنت بشتغل فوتوشوب على راما 512 ميجا تيجى انت تقولى رامات ا جيجا قليل

موضوع بقى الهارد انا معاك فيه ــــــــــــــــــــ

وبالنسبة للاخ ــــI-IEMA ـــــــ انا كل الحكاية عايز جهاز يبقى ديفيدى بلاير فقط لا غير وبدون شاشة

وبالنسبة للاخ ــــ جعان ـــــــ انا مغلطش فى حد عشان تعلق على اسلوبى

وشكرا للجميع وياريت اللى عنده حاجة مفيدة يعلق غير كده مينفعش



شكرا للجميع I-IEMA masklove جعان

[احمد دهمه]

علي العكس يا اخي الكريم انا قرأت الموضوع جيدا جدا ودي اقل حاجة ممكنه
دي الماذربورد وبها كارت شاشة مدمج وهو HD 3000 ولابد ان تكون الماذربورد تحتوي علي كارت شاشة جيد لتشغيل اي نوع من انواع الميديا
انت قلت كارت tv واللي انا فهمته هو كارت ستاليت واي كارت ستاليت علي فكرة بيستهلك من رامات الجهاز ومن البروسيسور بتاعه ولابد من توافر بروسيسور كويس + رامات كويسه عشان لا تشعر ان اداء الجهاز ميت
انتي فيروس + البرنامج المشغل لكارت الستاليت علي رامات 1 جيجا هيبقي قليل جدا
لا يوجد في السوق حاليا اي هارد جديد اقل من 320 جيجا
لو لقيت ال 160 هيكون شحنة قديمة جدا جدا وهيبقي ثمنه 200 جنيه
فرق 30 جنيه في مقابل ضعف المساحة
وكمان هتحتاج مساحة لو هتحب تسجل من الدش
وعلي فكرة انا ارتكبت غلطة قاتلة اثناء كتابة التجميعة
لابد من بورسبلاي اصلي 300 وات علي الاقل في التجميعة لأن كارت الستاليت ممكن من كثرة العمل يسبب مشكلة مع البور غير الاصلي
شفت ازاي انا قرأت الموضوع جيد


والله ماقصرت ردك في محله
طول عمرك مايسترو ياماسك لف( قناع الحب) +1

[AHMEDOTAKA]

والله ماقصرت ردك في محله
طول عمرك مايسترو ياماسك لف( قناع الحب) +1



واضح انه الجميع هنا احزاب ومفيش حيادية والكل داخل يجامل

[Coolman4now]

- أسلوبك سئ جدا ، يا أستاذ أحمد.

- الحمدلله هنا على العكس من جميع المتديات ، لايوجد لدينا أسلوب المحاباة والأفضلية.

- الأستاذ MaskLove تفضل مشكورا ( وهو غير مجبر من الأصل ) بالرد عليك ، كان الطبيعى أنك ترد وتستفر بدلا من الهجوم عليه ماشرة ، وعلى الرغم من هججومك الأ أن الرجل تقبل كلامك بصدر رحب وأيضا قام بتوضيح أستفساراتك بمنتهى الهدوء ، فأذا بك تهجم على الأعضاء مرة أخرى.

- تحسين أسلوبك يجعل الأعضاء يسرعون للرد عليك ، ومحاولة مساعدتك بكل طاقتهم.

- أسلوبك يدل عليك ، فالأناء ينضح بما فيه.

- قم بوضع أستفسارك بدون الخروج عن الأداب العامة وستجد أكثر من شخص يساعدك.

[vmidov]

- أسلوبك سئ جدا ، يا أستاذ أحمد.
- الحمدلله هنا على العكس من جميع المتديات ، لايوجد لدينا أسلوب المحاباة والأفضلية.
- الأستاذ MaskLove تفضل مشكورا ( وهو غير مجبر من الأصل ) بالرد عليك ، كان الطبيعى أنك ترد وتستفر بدلا من الهجوم عليه ماشرة ، وعلى الرغم من هججومك الأ أن الرجل تقبل كلامك بصدر رحب وأيضا قام بتوضيح أستفساراتك بمنتهى الهدوء ، فأذا بك تهجم على الأعضاء مرة أخرى.
- تحسين أسلوبك يجعل الأعضاء يسرعون للرد عليك ، ومحاولة مساعدتك بكل طاقتهم.
- أسلوبك يدل عليك ، فالأناء ينضح بما فيه.
- قم بوضع أستفسارك بدون الخروج عن الأداب العامة وستجد أكثر من شخص يساعدك.


+1

بس الواضح انك مقريتش الموضوع من اساسه وبترد وخلاص
ياريت تقرا الموضوع كويس قبل ما ترد

واضح أن حضرتك لم تقرأ قوانين القسم من الاساس ومن الواضح أيضا انك لا تعلم فى أى منتدى انت فى منتدى عرب هاردويير بمعنى أنك ملزم أن يكون أسلوبك للطلب أفضل من هذا بمراحل فلا تنسى أنه أولا وأخيرا لا أحد مجبر على الرد على طلبك وأنما حب التعاون والمساعده هو ما يجعل أى عضو محترم من الاعضاء المحترمين أمثال الاخ Masklove أن يساعدك لذلك يجب أن يختلف أسلوب الرد تماما عن تلك الطريقه
وخصوصا أنه فعلا أعطاك أفضل ما تحتاجه فى ميزانيه قليله لم تحددها بالاساس
وبدل من شكره تتكلم معه بهذا الاسلوب . ما فائده جمله

شكرا على التجميع
فى أول الرد مادامت يتبعها باقى الرد ولم تكتفى بهذا بل يمتد الامر إلى إتهام أعضاء المنتدى المحترمين بالحزبيه والمجامله قبل أن تجرؤ على إتهام كهذا حرى بك أن تقراء بعض من المواضيع الموجوده فى نفس القسم

إن كنت لا تحتمل الحقيقه إذا أنصحك بالتوجه لمالكى محلات يطلقون عليها هاردويير ويطلق على نفسه تاجر هاردويير وهو لا يفقه فيه شئ هو ينصحك بأقل وأضعف ما تستطيع الحصول عليه فى مقابل أعلى سعر واكبر ربح يستطيع أستغلالك وأخذه منك
إما إذا أردت النصيحه من هنا فعليك بإلتزام القوانين وأداب الحوار

[AHMEDOTAKA]

يا جماعة ممكن شوية صبر منكم لانى بجد مغلطش فى اى حد ولا غلط فى الاستاذ قناع الحب

وبعدين انتم بتقولو متعرفش يعنى ايه عرب هاردوير ..........انه لو معرفش قيمة هذا الموقع الجميل مكنتش دخلته اساسا لكن عشان هو اكبر موقع عربى فى مجاله دخلت فيه وسئلت وفيه اللى جاوبنى

لكن مفيش اى حد منكم دقق فى طلبى خالص وانتم بتقولو انى محددش ميزانية مع انى كاتب فوق [QUOTE]بص ان هجيب 3 اجهزة من التجميعة دى يعنى اللى يهمنى تكون باقل سعر يعنى اقل من الف جنيه ده طبعا من غير الشاشة وبالمواصفات اللى كاتبها فوق لانى هجيب تلاتة اجهزة من نفس التجميعة/QUOTE]

وانا لما قلت للاستاذ ايه لازمة التجميعة اللى هو كاتبها لانه لمم يراعى طلبى فى الاول وهو جهاز باقل مواصفات واقل سعر واللى قدر يفهمنى وبشكره على فكرته الاخ I-IEMA لانه اقترح عليا فكرة الجهاز الاوريجينال استعمال الخارج

شكرا ليكم مرة تانية لكن بجد اقروا كل كلمة قولتها وهتعرفوا انى مغلطش فى اى حد خالص..........

كل الموضوع ان الاستاذ قناع الحب لم يدقق فى طلبى لكن شكرا على تعاونه معايا
وياريت يكون عند الاعضاء اللى هاجمونى ان يشوفوا كل حرف كتبته ولو غلطان انا بطلب من الادارة انها تلغى الاكونت بتاعى

[Maged-Z]

- أسلوبك سئ جدا ، يا أستاذ أحمد.

- الحمدلله هنا على العكس من جميع المتديات ، لايوجد لدينا أسلوب المحاباة والأفضلية.

- الأستاذ MaskLove تفضل مشكورا ( وهو غير مجبر من الأصل ) بالرد عليك ، كان الطبيعى أنك ترد وتستفر بدلا من الهجوم عليه ماشرة ، وعلى الرغم من هججومك الأ أن الرجل تقبل كلامك بصدر رحب وأيضا قام بتوضيح أستفساراتك بمنتهى الهدوء ، فأذا بك تهجم على الأعضاء مرة أخرى.

- تحسين أسلوبك يجعل الأعضاء يسرعون للرد عليك ، ومحاولة مساعدتك بكل طاقتهم.

- أسلوبك يدل عليك ، فالأناء ينضح بما فيه.

- قم بوضع أستفسارك بدون الخروج عن الأداب العامة وستجد أكثر من شخص يساعدك.



أويد كل حرف مما قلت.

[AHMEDOTAKA]

يا جماعة انا مغلطش فى اى حد وبطلب من الادارة تراجع كل حرف كتبته ولو شايفه فيه أى أساءة لاى حد انا بطلب منها الغاء الموضوع .............. أو حتى ألغاء الاكونت كله .........لانى مظلوم ومغلطش فى اى حد