DDR2 Kingstone HyperX 1066 CL5

[totamada]

السلام عليكم

اسم السلعة / DDR2 Memory
الماركة أو الموديل / DDR2 Kingstone HyperX 1066 CL5
المواصفات / مستعمله بضمان الهندسيه عليها الاستكر و لكن ليس معها الفاتوره تم شرائها من أحد الاعضاء على المنتدى و اخبرنى انه اشتراها فى شهر ابريل2010 فى بدايته .
المتعلقات / العلبه .
الضمان / ضمان الهندسيه 5 سنوات .
المكان / ميدان المطريه القاهره - محطه مترو حدائق القبه.
السعر / 230 جنيه أن شاء الله أو البدل بكارت 8800GT أو 8800GTSأو 8800GTX ودفع الفرق .
الاتصال / 0121087034

[TIMO1]

ملحوظه اخى الفاضل انا كمان معايا نفس الرمات الى معاك دى بس فى حاجه فاينه عليك اولا مفيش ضمان وكيل من غير فاتوره شراء وثانيا ان الهندسيه انا كلمتهم علشان اتاكد من موضوع الضمان قالولى انهم ضمان خمس سنين على الفلاشات والرامات اى كانت هايبر اكس او عاديه ضمان سنه واحده منهم بس الى هما ال11 شهر الاولانيين بتاع المول هما دول فتره ضمانها منهم وحضرتك ممكن تتاكد وتتصل بيهم علشان الاستفسار وبالنسبه للسعر كان هايبقى كويس لو مفيش حد عارضهم غيرك علشان فى اخ عارض الرامتين على 410 والواحده على 215 الى هو bondok

[totamada]

السلام عليكم

مبدئيا أنا بشكر الاخ TIMO1 (https://www.arabhardware.net/forum/member.php?u=104472) على الملحوظه الغاليه.
أولا : الضمان مفيش أى مشكل بتاتا بدون الفاتوره طالما عليها أستكر الوكيل والا ما هو فائدته ألا وهو شعورك بالثقه فى ان هذا النتج له وكيل يضمنه و هو فلان فتشتريه مرتاح البال .
ثانيا : أنا سوف أتصل بالوكيل و اتاكد من ضمان الرامات ولكن ان معلوماتى أنها ضمان مدى الحياه مش 5 سنوات وده من فم المهندس/ محمد توفيق المسئول عن رامات :KingStone بالهندسيه عند شرائى راماتى الموجوده بالتوقيع .
ثالثا : أيه الغرض من الرد ده أنا أظن أنك مش عايز تشترى طب أنت بتعمل أعلان للأخ bondok ولا ايه .
رابعا : ده منتدى بيع و شراء مش نقاش يعنى انت لو رحت تشترى حاجه من محل مثلا و لقتها ب 100 و باقى المحلات ب 105 أو 110 هاتعدى عليهم و تقولهم كلهم لا ده عند فلا ب 100 أنتو سعركو غالى عيب كده حرام عليكو ده كده عيب عليكو ولا بتشترى من الارخص ده لو أنت أساسا عندك نيه للشراء أصلا.
خامسا : أعتقد أنك بردك ده هاتحاول تكلمنى بكره و تعرض على سعر قليل لانك مسبقا أهلتبى نفسيا و شعرت بالخوف أن ياه ده كده أنا مش هاعرف أبيع الرامه ياربى طب أعمل أيه فاوافق على السعر اللى انت هاتقوله أو أى حد من طرفك يتصل.
خامسا : ياتشترى يا متشتريش بس بلاش ردود مستفزه

شكر و أسف للاطاله

[TIMO1]

اولا حضرتك معاك حق فى موضوع السعرده عرض وطلب بس المهم بقى انت حضرتك متديش ضمان من بنات افكارك الا لما تكون متاكد منه علشان الهايبر اكس او غيره من الهندسيه انا سال عليهم وقالولى هما ضمان 11 شهر علشان كلمه 5 سنين الى كاتبهم حضرتك دول كتير الا لو كانوا توكيل المتحده لنظم الحاسبات دول الى بيدوا ضمان مدى الحياه الى الكينج ستون وقالولى هناك تجيب الفاتوره والرامات علشان مبيقبلوش اى رامه من غير تاريخ شراء ucs وحضرتك ممكن تروحلهم فى مول السخاوى 1 وتسالهم انما الهندسيه بعضمه لسنه فى التليفون قالى 5 سنين على الفلاشات الرامت بانوعها هايبر او عاديه ضمان سنه وانا مبعملشى دعايه لحد بس هو راماته هايبر وانت راماتك هايبر وانتوا الاتنين موجودين بمواضيع قريبه من بعض اوى وحضرتك عيب لما تقول انت بتعمله دعايه انا مش شغال منتدوب اعلانات وانا معايا زى رماتك دول 4جيجا لسه بضمانهم يعنى مش فارقه معايه العرض بس يبقى فى اسلوب عرض صادق مش بترمى ضمان كده والاهم بقى انت بتقلى لو روحت المول وقالك 105 وانا شايفه ب100 اه طبعا هاقله فى المحل كذا بيتباع بكذا امال هاشترى على كلامه ولا هاتكسف منه انا مش خرونج لالا انا كينج كونج اقل حاجه ممكن اقلهالك وعامه انت كنت ممكن تعرضهم زى ما هما كده وتقول من غير ضمان هما اصلان الرامات دى محترمه وتجيب السعر الى انت عايزه واكتر بس السوق عرض وطلب ومشكور اخى الكريم

[niceman2007]

السلام عليكم
انا ليا رأي صغير بعد اذنكم
طبعا انا مؤيد كلام الأخ tim‏ تماما لأن نفس الموضوع بيتكرر كتير فالمنتدي
ال انا بستغربله ان حد يبأة عارض نفس المنتج ف نفس المكان وبسعر اغلي والأغرب وبصراحة دي اول مرة اسمع فيها حد يرد ويقول
انك لورحت محل ولقيت حاجةب100 وفمحل تاني ب105 او ب110 هتقوله حرام عليك??دا عند فلان ب100 بس!
هههههههههه دا ايه دا
بصراحة عذر أقبح من ذنب
معني كدة ياأخ انك بتشبه نفسك بالمحل الأغلي وان حاجتك اغلي من السوق
طيب السؤال بأة هنا
انت ليه حاجتك أغلي من السوق?
غيرك عارض نفس السلعة بسعر ارخص لو انت شايف سلعتك اجود او افضل ياريت تبين دا عشان الناس تهضم فرق السعر
وبعدين الراجل بينبهك لأن فيه نفس السلعة بسعر ارخص نزلت فيه تريقة هو مش من حقه كمشتري انه يناقش السعر بما انه شاف سعر أقل?
وهو انت لما تبأة زي غيرك تزعل ليه?
ياريت ياأخي الكريم تحافظ ع هدوءك وتتعامل معانا كزباين بطريقة اشيك من دي
وزي انت مقلت لو محل أغلي هات من الأرخص ودا ال كل الناس بتعمله بس متنساش انك هنا عشان تبيع مش عشان تزعل الناس منك
أخر حاجة هقولها ان الراجل دا مش هو ال بيعمل ترويج لبضاعة الأخ بندق دا انت كدة ال بتعمل ترويج لأن الناس لماتقارن سعرك ب سعر غيرك مش هيشتروامنك وهيروحوا لغيرك
فالراجل كان قصده النصيحة فالاول وألأخر
بيع موفق
وتقبل مروري

[نوفل 2010]

يا باشا انا بتصل بيك تليفونك مقفول0118389191رن عليا

[mohamed tarek c]

ايه يا جماعه دي مش خناقه ده موضوع عرض و طلب و بيع و شرا باش فعلا ردود مستفزه و لو في اي غلطه نزضحها بعض من غير ما نبوظ الموضوع و لو معاك رامه تانيه و ينفع البدل ب 4 جيجا رامات كينج ستون برده بس باص 800 انا مستعد

[totamada]

تم البيع و الحمد لله