تعالي قول رايك تشتري كمبيوتر غالي ولا تشتري كمبيوتر متوسط

[memoreturn]

مسا ء الخير عل كل الشباب

انا عامل موضوع كده عايز اشوف من خلاله ارائكم فيه

الموضوع ببساطة تشتري كمبيوتر غالي وبامكانيات عالية ولما تيجي تبيعه تلاقيك خسران نص تمنه في خلال سنة بالكتير وفي نفس الوقت مبقاش التوب في الامكانيات اللي في السوق


ولا تشتري كمبيوتر سعره متوسط وفي نفس الوقت امكانياته متوسطة او فوق المتوسطة ولما تيجي تبيعه برضه هتخسر نص تمنه علي الاقل في خلال سنة بس مش هيبقي نفس المبلغ اللي خسرته لو كنت جبت واحد عالي


وايه مفهوم الكمبيوتر الغالي والكمبيوتر المتوسط بالنسبة ليكم يعني تقريبا اسعار تقريبية للكمبيوتر الغالي في مصر طبعا مش بره والمتوسط برضه من كام لكام

منتظر ارائكم اصلي انا فكرت في الموضوع ده كتير لاني دايما اشتري كمبيوتر يكلفني كتير بالنسبة ليا ومفيش 6 شهور والاقي انه بقي قديم فحت ونزل اللي احسن منه ولما اجي ابيعه الاقيني خسران فيه مش اقل من 70 في المية من تمنه لما اشتريته

وانا اخويا طلب مني اشتري ليه كمبيوتر فقولت ليه يصبر علي شهر 12 لما يرجع من بره علي الاقل يبقي في حاجات جديدة نزلت والاسعار نزلت علشان ميحسش انه بقي قديم

منتظر ارائكم يارجالة

[alayoubi]

مساء النور أخي الكريم

للأسف هذه ضريبة تكنولوجيا المعلومات والهاردوير , شيء جميل أن يصدر الجديد دائما لكن هل نحن بحاجة له أو لا وهل سنستفيد منه أو لا ؟

أتمنى أن تصدر محموعة من التقنيات والمعالجات فقط كل كام سنة حتى تأخذ التقنية حقها , ولكن ما باليد حيلة في عصر السرعة هذا الذي جاء تأثيره عكسي على جيوبنا اذا أردنا اللحاق به .

بالنسبة لسؤالك ,

طبعا ممكن تشتري جهاز بتكلفة متوسطة وتحصل على أداء جهاز بتكلفة عالية لأن القطع الغالية مش معناه دايما ان أدائها أفضل وانما تعيش مدة أطول تفوق حاجتك , وفي النهاية في ناس بتشتري مكونات الجهاز مرة واحدة كل 4 أو 5 سنين و بعد هذه المدة يا اما ترمي الجهاز يا اما تتبرع فيه أو تبيعه بأي سعر كان وتجيب غيره .