المساعد الشخصي الرقمي

مشاهدة النسخة كاملة : (مصر) New Xbox 360 wired controller for Sale


الصفحات : 1 2 3 [4] 5 6 7
ThE-EviL
16-10-2010, 18:10
أنا بعتذر عن الشراء عشان الفتره كده هتطول قوي و أنا محتاج الذراع بسرعه
تقبل خالص اسفي و تحياتي

لا عادي ولا يهمك.لو احتجت أي حاجه تاني انا تحت امرك.
كده دي اسماء الناس اللي حاجزين

bedotop

M_HaFeZ

2x * amer2020

H.E.R.O
ان شاء الله الأوردر هيتعمل بكره.
ThE-EviL
21-10-2010, 13:34
انا اسف يا جماعه علي التأخير في الرد بس النت كان فاصل عندي والله من 5 ايام ومازال.انا بعتذر للكل علي عدم عمل الأوردر وده بسبب ان في ناس اعتذرت وطبعا كده العدد قل وبالتالي التكلفه هتزيد.انا عارف طبعا ان الناس الجادين في الشراء مالهمش ذنب في اللي حصل ده ولا انا بردو.طبعا سيتم تعديل شروط الطلب بعد كده لضمان جدية الشراء.اسف مره تانيه للجميع.
H.E.R.O
22-10-2010, 17:18
يعنى خلاص كده مش هتجيب ولا ايه ؟؟
انت ممكن تجيب الكمية اللى تناسبك فى السعر و بعدين تعرضها للبيع مش شرط تجيب بالعدد على قد اللى حاجزين بس لان وقتها هتلاقى اشخاص تانين عايزين يشتروا
ThE-EviL
28-10-2010, 18:34
يعنى خلاص كده مش هتجيب ولا ايه ؟؟
انت ممكن تجيب الكمية اللى تناسبك فى السعر و بعدين تعرضها للبيع مش شرط تجيب بالعدد على قد اللى حاجزين بس لان وقتها هتلاقى اشخاص تانين عايزين يشتروا



حاليا اه مش هقدر اجيب.بالنسبه لأقتراحك ممكن اعمل كده بس مش دلوقتي.
M_HaFeZ
28-10-2010, 18:37
بافكر جديا انى اعمل الموضوع ده الشهر الجاى

اشترى اكتر من واحد وابيعهم بعدها ... بس الفكره انك متعرفش ابدا هيكلفك اد ايه من جمارك لانه ممكن ببساطه يتحسب اكسسورات العاب مش كمبيوتور ..... وكله هيقولك سعره على نيو ايج كذا والكلام اللى مالوش لازمه ده
ThE-EviL
03-11-2010, 16:27
سيتم عمل اوردر ب5 دراعات خلال يومين ان شاء الله.الأعضاء اللي كانوا حاجزين معايا قبل كده ليهم أولوية الحجز.
ThE-EviL
04-11-2010, 21:19
تم حجز دراع واحد فاضل 4 دراعات.الحجز بالأسبقية.
dodyf
05-11-2010, 20:25
اخي انا حاجز دارع بس هو هيجي علي امتي وكمان هو سعره هيبقي كام عقبال اما يجي مصر ولا سعره شامل الشحن من الخارج
في انتظار ارجو الرد
:)
ThE-EviL
05-11-2010, 23:49
اخي انا حاجز دارع بس هو هيجي علي امتي وكمان هو سعره هيبقي كام عقبال اما يجي مصر ولا سعره شامل الشحن من الخارج
في انتظار ارجو الرد
:)ان شاء الله ميعاد الوصول هيكون من 14-25 يوم كحد اقصي والسعر 285 جنيه(غير شامل مصاريف الشحن الداخلي جوه مصر).
لو في اي استفسار تاني انا تحت امرك.
dodyf
06-11-2010, 10:00
ان شاء الله ميعاد الوصول هيكون من 14-25 يوم كحد اقصي والسعر 285 جنيه(غير شامل مصاريف الشحن الداخلي جوه مصر).
لو في اي استفسار تاني انا تحت امرك.


انا اسف ألغي الحجز معلش
لانه انا عايز اجيبه في خلال يوم او يومين بالكتير وكمان كده سعره غالي شويه وبشحن الداخلي سعره هيوصل علي 320 جنيه
:(
ThE-EviL
06-11-2010, 19:57
انا اسف ألغي الحجز معلش
لانه انا عايز اجيبه في خلال يوم او يومين بالكتير وكمان كده سعره غالي شويه وبشحن الداخلي سعره هيوصل علي 320 جنيه
:(

لا عادي ولا يهمك وبالنسبة للسعر فهو نهائي والشحن الداخلي مش هيوصل 40 جنيه علي ما أعتقد.
ThE-EviL
09-11-2010, 00:18
للرفع \/\/\/\/\/\/\/\/
M_HaFeZ
09-11-2010, 23:18
ايه اخبارنا دلوقتى ؟؟؟ طلبت الاوردر ولا لسه ؟
وكام واحد اكد الطلب؟
EL-MARIACHY
09-11-2010, 23:50
السلام عليكم :

معلش بضعه أسئله صغيره و أنا جاد فى الشراء طبعاً (على حسب الإجابات https://dvd4arab.maktoob.com/smile1/he.gif) :

1- انا ساكن فى حلميه الزيتون تبع مصر الجديده فهيكلفنى كام لحد ما يوصل لغايه باب منزلى ؟

2- ماذا يحدث لو الكنترولر إستلمته و طلع فيه مشكله ؟ ماذا أفعل ؟

3- ماذا يحدث لو الكنترولر إستلمته سليم تماما و بدون عيوب ثم إنكسر منى , هل يوجد له تصليح أو تبديل أو أى شيئ ؟

4- انا عُمرى ما إستخدمت ذراع الXBOX , ولكنى إستخدمت كتير أوى أذرع التحكم العاديه( JOYSTICK) اللى ب 30 و 40ج و كانوا بيعطلوا بهدها ب5شهور بطريقه إستخدامى له , فمن خبرة حضرتك , المفروض الحد الأدنى لهذا الذراع بتاع الXBOX يعيش معايا قد إيه ؟

.
معلش الأسئله رخمه أوى و لكن أريد أن أحسبها كويس قبل ما أُقدم على مخاطره كبيره كهذه .

أنا أسف مره أخرى على التثقيل و أرجو ألا تأخذه على محمل شخصى و لكن عمرى ما إشتريت حاجه من بره قبل كده فأرجو أن تعذرنى
tamora
10-11-2010, 00:13
ممكن احجز دراع و منتظر ردك علي الحجز
tamora
10-11-2010, 22:19
هو الموضوع باظ و لا ايه يا جماعة
ThE-EviL
13-11-2010, 17:17
ايه اخبارنا دلوقتى ؟؟؟ طلبت الاوردر ولا لسه ؟
وكام واحد اكد الطلب؟ كله تمام يا باشا والشحنه في الطريق ادعي بس مش تتأخر.


السلام عليكم :

معلش بضعه أسئله صغيره و أنا جاد فى الشراء طبعاً (على حسب الإجابات https://dvd4arab.maktoob.com/smile1/he.gif) :

1- انا ساكن فى حلميه الزيتون تبع مصر الجديده فهيكلفنى كام لحد ما يوصل لغايه باب منزلى ؟
-تقريبا 30 بس انا بفكر في حوار كده هقول عليه لما الشحنه توصل ممكن يوفر جزء كبير من مصاريف الشحن.

2- ماذا يحدث لو الكنترولر إستلمته و طلع فيه مشكله ؟ ماذا أفعل ؟
-بص انا جبت الكنترولر كتير وعمري ما قابلتني مشكله بس غالبا اي حاجه بتيجي من بره بتبقي علي ضمان المشتري وحضرتك ممكن تسأل في في كافة مواضيع الشراء من الخارج علي النقطه دي.بس اتطمن الكنترولر من السلع المضمونه جدا اللي صعب يبقي فيه مشاكل تصنيع.

3- ماذا يحدث لو الكنترولر إستلمته سليم تماما و بدون عيوب ثم إنكسر منى , هل يوجد له تصليح أو تبديل أو أى شيئ ؟
-مش عارف في حد بيصلحه في مصر ولا لأ.

4- انا عُمرى ما إستخدمت ذراع الXBOX , ولكنى إستخدمت كتير أوى أذرع التحكم العاديه( JOYSTICK) اللى ب 30 و 40ج و كانوا بيعطلوا بهدها ب5شهور بطريقه إستخدامى له , فمن خبرة حضرتك , المفروض الحد الأدنى لهذا الذراع بتاع الXBOX يعيش معايا قد إيه ؟
-انا الدراع عندي بقاله 5 شهور والحمد الله شغال زي الفل ومتهيألي طول ما استخدامك معقول عمره ما يبوظ.انا عندي دراع بلاي استيشن1 اورجينال نفس خامة دراع الأكس بوكس بقاله 8 سنين وشغال تمام لحد النهارده.الغالي تمنه فيه فعلا.
.
معلش الأسئله رخمه أوى و لكن أريد أن أحسبها كويس قبل ما أُقدم على مخاطره كبيره كهذه .
من حقك طبعا تسأل علي كل حاجه قبل الشراء وانا تحت امرك لو في اي استفسارات تانيه

أنا أسف مره أخرى على التثقيل و أرجو ألا تأخذه على محمل شخصى و لكن عمرى ما إشتريت حاجه من بره قبل كده فأرجو أن تعذرنىتم الرد داخل الأقتباس


ممكن احجز دراع و منتظر ردك علي الحجز
ممكن طبعا تحت امرك يرجي متابعة الموضوع واول ما الشحنه توصل هعرفك علي طول.

كده تم حجز ذراعين فاضل 3.
EL-MARIACHY
13-11-2010, 19:22
^^^^^ تمام أوى كده , طب ممكن تحجز لى واحد قبل ما يخلص الحجز ؟

هل فى أى شروط مفروض أوفيها ؟ هل فى حاجه مطلوبه منى اعملها ؟


-تقريبا 30 بس انا بفكر في حوار كده هقول عليه لما الشحنه توصل ممكن يوفر جزء كبير من مصاريف الشحن.

قصدك 300ج ؟ صح ؟https://dvd4arab.maktoob.com/smile1/666.gif
ThE-EviL
13-11-2010, 19:35
^^^^^ تمام أوى كده , طب ممكن تحجز لى واحد قبل ما يخلص الحجز ؟

هل فى أى شروط مفروض أوفيها ؟ هل فى حاجه مطلوبه منى اعملها ؟

تحت امرك تم الحجز ومش مطلوب منك أي حاجه غير متابعة الموضوع لمعرفة ميعاد وصول الشحنه.


قصدك 300ج ؟ صح ؟https://dvd4arab.maktoob.com/smile1/666.gif

لأ انا قصدي 30 جنيه دي مصاريف الشحن فقط بدون سعر الدراع ده في حالة لو هتبعت لي فلوس الدراع مع شركة الشحن انما لو هتبعت لي الفلوس عن طريق البريد مصاريف الشحن بتقل لأن كده شركه الشحن هتوصلك الدراع فقط انما في الحاله الأولي هتوصلك الدراع وبعد هتاخد منك الفلوس وتدهالي علشان كده بتاخد فلوس أكتر في الحاله الأولي.النظام ده كانوا شغالين بيه من 5 شهور مش عارف ايه الوضع دلوقتي لو حد عنده اي معلومات ياريت يفيدنا اسم شركة الشحن ميدل ايست.

كده تم حجز 3 دراعات فاضل 2
EL-MARIACHY
13-11-2010, 22:42
لو سمحت هل حضرتك الدراع الxbox اللى حضرتك هتجيبه لنا بيشتغل على pro evolution soccer ؟
tamora
14-11-2010, 00:14
اخي العزيز ممكن تعرفني شكل كابل الدراع يعني لو في صورة له
الكابلات بتاعت الاكس بوكس اللي موجودة في السوق كلها مش مدخل يو اس بي
اعذرني لجهلي بالموضوع بس احنا اتعودنا ان السؤال في المنتدي هو مفتاح المعرفة
هو كده ممكن الدراع يوصل علي امتي ( انا مش يفرق معايا الوقت يعني حجزي طالما قدمته فهو قائم باذن الله و لن يتم التراجع عنه بس السؤال فقط للمعرفة )
ThE-EviL
14-11-2010, 00:24
اخي العزيز ممكن تعرفني شكل كابل الدراع يعني لو في صورة له
الكابلات بتاعت الاكس بوكس اللي موجودة في السوق كلها مش مدخل يو اس بي
اعذرني لجهلي بالموضوع بس احنا اتعودنا ان السؤال في المنتدي هو مفتاح المعرفة
هو كده ممكن الدراع يوصل علي امتي ( انا مش يفرق معايا الوقت يعني حجزي طالما قدمته فهو قائم باذن الله و لن يتم التراجع عنه بس السؤال فقط للمعرفة ) الدراع اللي هيجي ان شاء الله هيبقي النسخه المخصصه للبي سي في نهاية الكابل متركب عليه وصله يو اس بي للتوصيل بالكمبيوتر ومتهيألي كمان دراع الأكس بوكس العادي يو اس بي لأن انا اعرف ناس عندهم اكس بوكس وقالولي انهم بيوصلوا الدراع بالكمبيوتر عادي يعني اكيد يو اس بي بردو.

دي صورة الوصله اللي في نهاية الكابل بس دي طويله شويه عن اللي بتيجي مع الدراع
https://www.consolemate.com.au/images/xbox2pcblk.jpg
بالنسبه لميعاد وصول الشحنه ان شاء الله من 12-18 يوم بس ربنا يسهل ومش يحصل مشاكل في الجمرك ويأخروا الحاجه لأن الجمرك بتاعنا ليه طقوس وقوانين غريبه.
وتحت امرك لو في اي استفسار تاني.
tamora
14-11-2010, 02:47
انا شركة ميدل ايست جنبي في المنصورة و بشحن عليها جميع قطع الحاسب و بكرة جايلي من طرف شركة High End هارد تيرا بلاك كاش 64 علي ميدل ايست و هروح باذن الله استلمه و هجيب تفاصيل الشحن و هعرفكم بيها

استفسار عن السعر النهائي للدراع لتجهيز نفسي
معلش علي الدوشة و الصداع اللي عامله ليك
DONGWAN
14-11-2010, 04:56
السلام عليكم اخي THE EVIL
انا ساكن بسورية - دمشق .... هل من الممكن ارسال واحدة خارج مصر؟؟؟ وانا جاد وجاهز للسعر اللي تطلبه
بالنسبه للطريقه ... اللي بريحك انا مستعد واحسب لي سعرها من الجنيه للسوري وانشالله خير
انا بانتظار ردك
EL-MARIACHY
14-11-2010, 04:59
لو سمحت هل حضرتك الدراع الxbox اللى حضرتك هتجيبه لنا بيشتغل على pro evolution soccer ؟




معلش حضرتك لم ترد على هذه المشاركه !! للتذكير فقط مش أكثر
ThE-EviL
14-11-2010, 15:09
لو سمحت هل حضرتك الدراع الxbox اللى حضرتك هتجيبه لنا بيشتغل على pro evolution soccer ؟

طبعا شغال ده هو كمان الدراع الرسمي للعبه علي الحاسب اللي الشركه بتنصح بيه.دراع الأكس بوكس هو الدراع الرسمي لأغلب ألعاب الحاسب اللي معظم الشركات بتنصح بيه وده طبعا بسبب دعم ميكروسوفت الجبار ليه.من الاخر كل العاب الحاسب اللي بتدعم استخدام الكنترولر الدراع شغال معاها زي الفل.


استفسار عن السعر النهائي للدراع لتجهيز نفسي
معلش علي الدوشة و الصداع اللي عامله ليك

السعر النهائي 275-290 جنيه ان شاء الله غير شامل مصاريف الشحن داخل مصر.السعر النهائي لا يتم تحديده الا بعد استلام الشحنه لأن مصاريف الشحن بعرفها عند الاستلام.بس أكيد عمره ما هيعدي 290 جنيه.


السلام عليكم اخي THE EVIL
انا ساكن بسورية - دمشق .... هل من الممكن ارسال واحدة خارج مصر؟؟؟ وانا جاد وجاهز للسعر اللي تطلبه
بالنسبه للطريقه ... اللي بريحك انا مستعد واحسب لي سعرها من الجنيه للسوري وانشالله خير
انا بانتظار ردك

أخي الفاضل انا نفسي اخدمك والله بس للأسف موضوع الشحن من مصر للخارج صعب ومكلف جدا ده غير ان انا مش عارف عنه اي معلومات.
DONGWAN
14-11-2010, 15:13
أخي الفاضل انا نفسي اخدمك والله بس للأسف موضوع الشحن من مصر للخارج صعب ومكلف جدا ده غير ان انا مش عارف عنه اي معلومات

شكرا لك اخي على ردك .. يعطيك العافيه .. واتمنى لك التوفيق بالبيع
ThE-EviL
15-11-2010, 16:22
للرفع والتذكير
tamora
17-11-2010, 07:20
مفيش اخبار يا جماعة طمنوني وصلتوا لايه
ThE-EviL
17-11-2010, 12:30
مفيش اخبار يا جماعة طمنوني وصلتوا لايه
لسه يا باشا.ان شاء الله بعد العيد هعرف الشحنه وصلت لحد فين.