بطاقتي الـ XFX GeForce 8600GT تعطّلت، هل هي مشكلة في هذه البطاقة ؟ [الأرشيف]

مشاهدة النسخة كاملة : بطاقتي الـ XFX GeForce 8600GT تعطّلت، هل هي مشكلة في هذه البطاقة ؟

wawoo

05-05-2010, 09:33

سلام عليكم يا شباب

القصة باختصار اننى قومت بشراء كارت جرافيك xfx geforce 8600 GT , من احد المحلات فى سوق الكمبيوتر من سنتين و عدة اشهر ..و كان الكارت بضمان كايرو كمبيوتر ...

الكارت كان يعمل بشكل جيد طوال هذة المدة و لكن..

اثناء عملى من اسبوع تقريبا صوت سمعت انفجار يخرج من ناحية الكمبيوتر فؤجئت جدا و تخيلت انة يمكن ان يكون حدث مشكلة فى البور سبلاى مثلا او شىء فى الكهرباء تسببت فى هذا الصوت .. بدائت افصح الجهاز من الخارج لكن لم اجد شىء غير طبيعى و ظل الجهاز يعمل بشكل طبيعى ..

بعدها بيومين بالضبط حدث نفس الصوت اثناء عملى و لكن هذة المرة كان الصوت عنيف جدا و ظهرت رائحة غريبة من الجهاز و ظهرت على الشاشة بعض النقط والخطوط المتقطعةو اهتزاز فى الصورة .

بسرعة اغلقت الجهاز ثم فتحتة لاعرف مصدر هذا الصوت و وجدت ان الرائحة زائدة جهة كارت الجرافيك ,,على الفور قمت باخراج كارت الجرافيك ...

و كانت المفاجئة ان هذة الاصوات المرعبة كان مصدرها كارت الجرافيك بعد ان انفجرت الكثير من مكوناتة و هى الكباسيتورز ..

وجدت حوالى 5 كباسيتور منفجرة و يخرج منها سائل و لها رائحة غريبة كدة ..

قومت على الفور بمراسلة شركة xfx لمحاولة اصلاح الكارت او استبدالة بكارت اخر ..و لكن من خلال النقاش مع مندوبين الدعم الفنى فهمت منهم انة لا يوجد لديهم ممثل فى مصر و ان ضمان الكارت هو مسؤلية الباع اللى قام ببيعة لى ..

اتصلت بصيانة كايرو كمبيوتر فى القاهرة و ابلاغونى انة لا يمكن اصلاح الكارت فى الضامن من خلالى مباشرة و لكن يجب ان يقوم البائع بارسال فتورة شراء الكارت منهم ..

اتصلت بالبائع الذى اشتريت منه الكارت وابلغنى ان الضمان على الكارت انتهى مع بداية العام و انة لا يوجد ضمان للكارت الان ...

و هاكذا انتهى كارت جرافيك ثمنة 1000 جنية خلال سنتين نتيجة شركة تقوم باستخدام مكونات رديئة الصنع فى اجهزتها ..

مع العلم ان الشركة توفر ضمان مدى الحياة لهذة الكروت فى اوروبا و الدول المتقدمة ..

و قد بحثت على النت بالفعل و وجدت الكثير من حوادث انفجرا هذا الموديل بالذات وقام الكثير من اصحابها ياستبدالها من الشركة بكل سهولة ...

السؤال الان ماذا افعل مع التوكيل هنا فى مصر و مع شركة ْxfx اللى ترفض و تتنصل من اى مساعدة فى اصلاح او استبادل الكارت رغم انهم يعرفون انة ردئى ا لصنع

bika08

05-05-2010, 09:56

كل ما استطيع ان اقولة لك........ حادثة فردية يمكن ان تحدث مع اى شركة اخرى
لا تتوجب النداء بعدم شراء كروت XFX لمجرد ان كارت واحد من مئات للالف حدث معة ذلك..

و لكن المشكلة الان فى الضمان.... هل مكتوب على علبة الكرت انة ضمان سنة/سنتين و يتوجب عليك وجود الفاتورة الخاصة بالكرت و اذا كان الكرت مازال فى الضمان توجهة للضمان مباشرة دون مراجعة البائع و معك الكرت و اهم شيى العلبة و الفاتورة.

نصيحة لك اخى .... الكل يعلم ما هى جودة نصنيع بطاقات XFX ... فاذا كنت غاضب لمجرد حدوث هذا معك فانة يدعى (( القدر))

nayef108

05-05-2010, 10:00

S@M

05-05-2010, 10:34

القصة باختصار اننى قومت بشراء كارت جرافيك xfx geforce 8600 GT , من احد المحلات فى سوق الكمبيوتر من سنتين و عدة اشهر ..و كان الكارت بضمان كايرو كمبيوتر ...

معنى سنتين وعدة اشهر ....ان الكرت خرج خارج الضمان يا اخى العزيز ...لآن ضمان كايرو كمبيوتر بيكون عامان فقط من تاريخ الشراء ...وليس ثلااثة اعوام ....

يعنى مبدئيا لا يحق لك ان تطالب التوكيل ...بأن يدخل الكرت داخل الضمان ....او يستبدلة ...!!!:)

الكارت كان يعمل بشكل جيد طوال هذة المدة ...و لكن..

هذة شهادة منك اصلا بجودة المنتج يا عزيزى ...:D

اثناء عملى من اسبوع تقريبا صوت سمعت انفجار يخرج من ناحية الكمبيوتر فؤجئت جدا و تخيلت انة يمكن ان يكون حدث مشكلة فى البور سبلاى مثلا او شىء فى الكهرباء تسببت فى هذا الصوت .. بدائت افصح الجهاز من الخارج لكن لم اجد شىء غير طبيعى و ظل الجهاز يعمل بشكل طبيعى ..

:mad:.........لحظة يا عزيزى ....سمعت صوت انفجار ....صادر من الجهاز ....ولم توقف الجهاز ...وتتفحصة جيدا جدا من الداخل

او تذهب بة الى احد المتخصصين ....!!!

كيف هذا ...الم يخطر ببالك ان هناك مشكلة قد بدأت فى الجهاز ويمكن ان تتفاقم هذة المشكلة ..؟؟!!!!

سامحنى يا اخى العزيز ....هذا تصرف فى منتهى السلبية ...!!!

قومت على الفور بمراسلة شركة xfx لمحاولة اصلاح الكارت او استبدالة بكارت اخر ..و لكن من خلال النقاش مع مندوبين الدعم الفنى فهمت منهم انة لا يوجد لديهم ممثل فى مصر و ان ضمان الكارت هو مسؤلية الباع اللى قام ببيعة لى

ان كنت تقصد شركة XFX نفسها ...فطبيعى هيقولك كدة ...لآن XFX ليس لها فرعا خاصا فى مصر ...:)

لذلك قال لك ان وسيلة دعمك الفنى هو الوكيل ...(( كايرو كمبيوتر )) ...فهى الجهة الوحيدة التى لها الحق فى قبول كارتك او اخراجة خارج الضمان لآنها المستورد ...(( الوكيل )).

لكن XFX كمنشأة رسمية ....ليس لها فرع رسمى فى مصر ...والناس ماكدبوش عليك ..!!

اتصلت بصيانة كايرو كمبيوتر فى القاهرة و ابلاغونى انة لا يمكن اصلاح الكارت فى الضامن من خلالى مباشرة و لكن يجب ان يقوم البائع بارسال فتورة شراء الكارت منهم ..

ليس للفاتورة اى قيمة لآن كرت خارج الضمان تاريخ يا عزيزى ...!!!

ان كنت تريد اصلااحة بتكلفة ....يمكنك الذهاب بة مباشرة ...الى كايرو كمبيوتر ...دو الرجوع لآى شخص ايا كان ..

لآنة ان كان هينفع تصليحة سوف يتم اصلااحة بتكلفة لآن خارج الضمان تاريخ :)

اتصلت بالبائع الذى اشتريت منه الكارت وابلغنى ان الضمان على الكارت انتهى مع بداية العام و انة لا يوجد ضمان للكارت الان ...

تمام ولا يستطيع احد ان يلومة !!

و هاكذا انتهى كارت جرافيك ثمنة 1000 جنية خلال سنتين نتيجة شركة تقوم باستخدام مكونات رديئة الصنع فى اجهزتها ..

تمن الكارت كان كام ....دى حاجة مش مهمة لآن عدى عليها قرابة 3 سنوات ...

ولو XFX تستخدم مكونات رديئة اخى العزيز ...ماكنش الكرت هيعيش معاك حوالى 3 سنوات ....وخاصة بعد ملااحظة انك متكاسل بعض الشيء فى جهازك ....

والدليل انك سمع انفجار جوة الجهاز وفضل مكمل عادى ولا كأن فى حاجة ....لغاية ما الجهاز قطع النفس يا عينى ....:(

فباللة عليك اى كرت مهما كانت ماركة ماكانش هيستحمل معاك زى ما استحمل XFX ....:D

وعلى فكرة لو بحثت فى القطع بتاعة الجهاز هتلااقى ان كرت الشاشة اللى كان فى جهازك هو اكثر قطعة فى الجهاز لها اطول فترة ضمان :)

مع العلم ان الشركة توفر ضمان مدى الحياة لهذة الكروت فى اوروبا و الدول المتقدمة ..

معلومة صغيرة لك يا عزيزى ....فى اوروبا والدول المتقدمة ...بتدفع 40 $ عن كل عام ضمان زيادة انت تريد شرائة :D يعنى مافيش حاجة ببلااش ;)

و قد بحثت على النت بالفعل و وجدت الكثير من حوادث انفجرا هذا الموديل بالذات وقام الكثير من اصحابها ياستبدالها من الشركة بكل سهولة ...

لو كنت داخل الضمان تاريخ كان اكيد سوف يتم تبديل الكرت يا اخى العزيز ...:)

السؤال الان ماذا افعل مع التوكيل هنا فى مصر و مع شركة ْxfx اللى ترفض و تتنصل من اى مساعدة فى اصلاح او استبادل الكارت رغم انهم يعرفون انة ردئى ا لصنع

شوف يا عزيزى ...

انت عملت كل حاجة ....ماعدا انك تذهب الى شركة كايرو كبيوتر نفسها فى فرع الصيانة ...

لفيت برة وجوة ...وكلمت ناس خارج مصر على حد تعبيرك ...ولم تذهب الى (( الوكيل اصلا )) ...

وفى النهاية تحاول التشهير بالشركة والمنتج اللى اديلة 3 سنين شغال معاكوخرج برة الضمان اصلا :D ...و7 سنين فى مصر صنع نجاحات لم يصنعها اى كرت شاشة اخر ....

تفتكر انت الغلط فين ؟؟؟:)

wawoo

05-05-2010, 10:50

نصيحة لك اخى .... الكل يعلم ما هى جودة نصنيع بطاقات XFX ... فاذا كنت غاضب لمجرد حدوث هذا معك فانة يدعى (( القدر))

البطاقة خارج الضمان ب 4 اشهر فقط "مش عارف ازى ضبطوها دى " و انا علمت الان فعلا جودة بطاقات xfx الرديئة

و مش حادثة فردية و لا حاجة حضرتك راجع منتديات بطقات الجرافيكس الاجنبية حتلاقى حوادث كثيرة مماثلة تماما فى نفس الموديل و نفس سيناريو انفجار الكاباسيتورز بالضبط ...

يبقى متقوليش حادثة فردية و انت لا تعلم حاجة عن الموضوع .....هو القدر هو اللى دخل مكونات ردئية فى اجهزة شركة xfx اللى بدافع عنها باهتمام دى ..

و المفروض لو شركة محترمة فعلا و عندها جودة تصنيع زى ما بتدعى ..كانت اهتمت بالموضوع و طلبت حتى انها تشوف البطاقة و تشوف سبب اللى حصل دة لية و تدرسة عشان تتلافة فى مودلات اخرى..

لكن لم يحدث شىء من كل دة لانهم عارفين انهم حطين مكونات ردئية من شركات صينية مشكوك فى جودتها ..و دة سبب عدم اهتمامهم و تنصلهم من الموضوع ...

و اية رايك فى كل دول :::

https://forums.whirlpool.net.au/forum-replies-archive.cfm/1136707.html

https://answers.yahoo.com/question/index?qid=20090612235253AAEsrTw

https://www.maximonet.com/foro/threads/91732-Vol-la-XFX-8600GT-de-mi-viejo/page2?p=1226349

https://forums.anandtech.com/showthread.php?t=2028780

نفس البطاقة و نفس اماكن انفجار الكاباسيتورز ......اية رايك دى صدفة بقى برضو ولا اية ...

https://i48.tinypic.com/2ebu25x.jpg

الخلف

05-05-2010, 10:51

حالة واحدة لا تعتبر دليلاً على السوء

في العمل هناك عدة أجهزة قديمة تستخدم بطاقات GeForce 7300GT وبعضها حتى GeForce 6200 وكلها من XFX ( كلها أتت مع الأجهزة نفسها من نفس المحل )
وكلها لايزال يعمل، عمر بطاقات GeForce 7300 نفسها يصل إلى 4 سنوات وأكثر، فكيف بالـ Geforce 6200 :)

S@M

05-05-2010, 11:04

البطاقة خارج الضمان ب 4 اشهر فقط "مش عارف ازى ضبطوها دى " و انا علمت الان فعلا جودة بطاقات xfx الرديئة
واضح انك مقتنع بزجهة نظرك يا عزيزى ...ولا ترى اى كلاام اخر..يوجة لك ..فقط لا تريد ان تقتنع ...

يبقى متقوليش حادثة فردية و انت لا تعلم حاجة عن الموضوع .....هو القدر هو اللى دخل مكونات ردئية فى اجهزة شركة xfx اللى بدافع عنها باهتمام دى ..ممكن صورة لمكونات جهازك من الداخل بالكامل يا اخى العزيز ..:)

نفس البطاقة و نفس اماكن انفجار الكاباسيتورز ......اية رايك دى صدفة بقى برضو ولا اية ...XFX شهيرة جدا فى الخارج تنتج ملااين البطاقات يا عزيزى ....ولم يذكر اى موقع من المواقع الهامة ...التى تهتم بالمشاكل التقنية فى المنتجات ...اى شيء عن هذا الآمر ..وهذا شيء يعلمة الجميع :)

والدليل ايضا شوف كام الف بطاقة تعمل على منفذ AGP تظل تعمل حتى الآن مع اصحابها ...AGP يعنى اديلها حوالى 6 سنوات :)

wawoo

05-05-2010, 11:06

وفى النهاية تحاول التشهير بالشركة والمنتج اللى اديلة 3 سنين شغال معاكوخرج برة الضمان اصلا :D ...و7 سنين فى مصر صنع نجاحات لم يصنعها اى كرت شاشة اخر ....

تفتكر انت الغلط فين ؟؟؟:)

بقولك سنتين و عدة اشهر "اربع اشهر بالضبط" ..عملتهم انت 3 سنين مع نفسك كدة ...

هو فى كارت جرافيك بيضرب بعد سنتين ....

و بعدين انت متعرفش حاجة عنى وعنى استعمالى للاجهزة بتاعتى ..يبقى متفتيش بقى و تقولى انا متكاسل

انا عندى كروت جرافيك شغالة بقلها 11 سنة حضرتك و اجهزة كاملة شغالة بقلها عدة سنوات ....

مافيش حاجة اسمها كارت يضرب بعد سنتين ....و لعلمك برة مش بيدفعو اى حاجة اضافى عشان يخدو ضمان مدى الحياة
..الاسعار هى هى بل ان فى الخارج الاسعار ارخص كمان من هنا و بيحترمو العميل جدا ....

و انا مش بشهر بالشركة ولا حاجة ..انا بحكى موقف حصل بالفعل مش بدعى على الشركة ولا على منتجتها حاجة محصلتش ..

و الكارت موجود لو عاوز تصلحة انت اتفضل ساعد بدل ما تهاجمنى و تقولى بشهر بالشركة ..

لما تكون شركة فاشلة و بتنتج منتجات رديئة يبقى و جبى انى احذر منها و من منتجتها و من طريقة معملتها لزبائنها ..

وانت حر بقى لو تحب تشترى الشركة كلها بعد كدة انت براحتك ..انما فى ناس يهمها انها تشترى حاجة سليمة و مضمونة و تعيش مش تضرب بعد كام سنة ..

wawoo

05-05-2010, 11:10

Stokon

05-05-2010, 11:14

شركة XFX منتجاتها كويسة جدا و الكل يعرف كده و الكواليتى و البكادينج ممتاز عند XFX
و بعدين أنا كان عندى XFX 5200 خدم معايا أكتر من 3 سنين زى الفل
و بعدها 7300 و كان ممتاز و حاليا 7900 عند واحد صاحبى من 2006 شغال تمام ماشاء الله

dune2000

05-05-2010, 11:18

بقولك سنتين و عدة اشهر "اربع اشهر بالضبط" ..عملتهم انت 3 سنين مع نفسك كدة ...

هو فى كارت جرافيك بيضرب بعد سنتين ....

و بعدين انت متعرفش حاجة عنى وعنى استعمالى للاجهزة بتاعتى ..يبقى متفتيش بقى و تقولى انا متكاسل

انا عندى كروت جرافيك شغالة بقلها 11 سنة حضرتك و اجهزة كاملة شغالة بقلها عدة سنوات ....

مافيش حاجة اسمها كارت يضرب بعد سنتين ....و لعلمك برة مش بيدفعو اى حاجة اضافى عشان يخدو ضمان مدى الحياة
..الاسعار هى هى بل ان فى الخارج الاسعار ارخص كمان من هنا و بيحترمو العميل جدا ....

و انا مش بشهر بالشركة ولا حاجة ..انا بحكى موقف حصل بالفعل مش بدعى على الشركة ولا على منتجتها حاجة محصلتش ..

و الكارت موجود لو عاوز تصلحة انت اتفضل ساعد بدل ما تهاجمنى و تقولى بشهر بالشركة ..

لما تكون شركة فاشلة و بتنتج منتجات رديئة يبقى و جبى انى احذر منها و من منتجتها و من طريقة معملتها لزبائنها ..

وانت حر بقى لو تحب تشترى الشركة كلها بعد كدة انت براحتك ..انما فى ناس يهمها انها تشترى حاجة سليمة و مضمونة و تعيش مش تضرب بعد كام سنة ..

انا معايا كارت زى ال XFX MX 4000 وشغال على جهاز 24 ساعة بدون مشاكل بقالوا مثلا 7 سنين وكمان موجود FX 5200 و FX 5500 و 6200 , 7800 , 7900GT

كل دول مفيهموش حاجة وبقالهم عمر كبير ومطحونين وبجد من افضل الشركات اللى اتعاملت معاها

انا كنت افضل انك تقدم الموضوع بشكل طلب مساعدة لحل مشكلة كارتك مش عمل موضوع تهاجم فية الشركة وتزيف حقيقة انها من اكبر الشركات اللى اكذوبة وجود متفجرات بيها:confused:

ردك على S@M غير مقبول ارجوا بتعديلوا او تدخل المشرفين فى الموضوع

بخصوص مشاكل الكبيستور اللى ضربت متقلقش حلها مش صعب وان شاء الله الكارت هيشتغل تانى اماكن تصليحة ممكن الوكيل ذاتة او مول البستان بالقاهرة

S@M

05-05-2010, 11:23

المشكلة فى بطقات
geforce 8600gt

اللى انتجت سنة 2008

هات دليل رسمى موثق من كبرى المواقع العالمية بهذا الكلاام...!!!!:)

والا سوف تعتبر ...تحاول التضليل...ونشر معلومات مغلوطة :)

bika08

05-05-2010, 11:23

اخى.... انت الان لا تتقبل رائى احد ولا تريد ان تقتنع بكلام احد.......
و اذا كنت ان تنشر تجربتك مع شركة XFX و انها كانت تجربة سيئة من الممكن اسلوب افضل من هذا ...

يبقى متقوليش حادثة فردية و انت لا تعلم حاجة عن الموضوع

بقولك سنتين و عدة اشهر "اربع اشهر بالضبط" ..عملتهم انت 3 سنين مع نفسك كدة ...

و عموما رسالتك وصلت ان فى وجهة نظرك فقط ان كروت XFX سيئة ..... و لكن لا انت و لا انا و احد يستطيع الحكم على جودة منتج من خلال 100 بطاقة تالفة من مئات الالف تم انتجهم....

ولا يهمك :)

S@M

05-05-2010, 11:35

بقولك سنتين و عدة اشهر "اربع اشهر بالضبط" ..عملتهم انت 3 سنين مع نفسك كدة ...انت ماقولتش اربع اشهر ....يا عزيزى ...

انت قولت كدة بالحرف الواحد

القصة باختصار اننى قومت بشراء كارت جرافيك xfx geforce 8600 GT , من احد المحلات فى سوق الكمبيوتر من سنتين و عدة اشهرانت اللى ماكنتش موضح بكلاامك اصلا ....وحتى لو سنتين ويوم ...كرتك كدة خارج الضمان الحق حق ...ودة مايزعلش

و انا مش بشهر بالشركة ولا حاجة ..انا بحكى موقف حصل بالفعل مش بدعى على الشركة ولا على منتجتها حاجة محصلتش ..هل ذهبت بالكرت الى فرع الصيانة عند الوكيل ؟؟؟

و الكارت موجود لو عاوز تصلحة انت اتفضل ساعد بدل ما تهاجمنى و تقولى بشهر بالشركة ..تفتكر بعد اسلوبك دة فى الكلاام حد ممكن يساعدك ...!!! يا عزيزى ..:)

على العموم مشكلتك كنت ممكن احلهالك ...لكن سامحنى فأنا لن اتدخل ...

لآن اسلوبك لم يعجبنى من البداية ...

لكن بردو مش هسيبك ....اذهب بالكرت الى مول كوين بمصر الجديدة ...الدور الثانى فى شارع الخليفة المأمون ..

واطلب تغير طاقم الكابستورت التالفة هتلااقى الكرت اشتغل عادى جدا ....

ونصيحة غير البور سبلاى عندك لآن التلف دة حصل نتيجة ان البور سبلاى عندك مش مظبوط ....

ولهاذا كنت قد طلبت منك طلب وانت تجاهلتة ...وهو وضع صورة لمكونات جهازك من الداخل حتى ارى اللوحة ألام والبور سبلاى لآنهم سبب مشكلتك ...:)

وانت حر بقى لو تحب تشترى الشركة كلها بعد كدة انت براحتك ..انما فى ناس يهمها انها تشترى حاجة سليمة و مضمونة و تعيش مش تضرب بعد كام سنة ..
اكيد انت لما اخذت الكرت كان سليم ....ولو كان جرالة حاجة فى فترة الضمان اللى بيمنحها الوكيل ...كان هيتبدل ..حتى لو قبل الانتهاء المدة بيوم واحد :)

على فكرة مافيش اى قطعة اليكترونية مضمونة 100 % من الآن للحظة القادمة فى اى منتج على مستوى العالم يا عزيزى ...يعنى ممكن تبقا شارى اى كرت مش شرط من XFX او حتى بوردة

وتلااقى فيها مشاكل ....او قطعت ...او اتحرقت ...او ...او ...مفيش حاجة مضمونة ..دى معلومة ونصيحة فى نفس الوقت :)

wawoo

05-05-2010, 11:58

بخصوص مشاكل الكبيستور اللى ضربت متقلقش حلها مش صعب وان شاء الله الكارت هيشتغل تانى اماكن تصليحة ممكن الوكيل ذاتة او مول البستان بالقاهرة

طيب انت تقترح اية يا اخ dune التوكيل ولا حد معين فى مول مثلا ..انا مش عارف ممكن يتكلف فى حدود كام ..لو التكلفة كتير يبقى افضل انى اشترى كارت جديد بقى و امرى لله

بس انا مستاء جدا من معاملة xfx دول و من التفرقة فى المعاملة بينا و بين الزبائن فى الخارج اللى بيحصلو على ضمان مدى الحياة و تسهيلات جامدة جدا و احنا هنا بنشترى بنفس السعار و اغلى كمان و بنحصل على دعم اقل بكتير ...و خصوصا ان المشكلة واضح جدا انها عيب صناعة ....

wawoo

05-05-2010, 12:18

لآن اسلوبك لم يعجبنى من البداية ...

لكن بردو مش هسيبك ....اذهب بالكرت الى مول كوين بمصر الجديدة ...الدور الثانى فى شارع الخليفة المأمون ..

..انا طبعا لا اقصد اى اسلوب مش ظريف ..انما انت امطرتنى باتهمات و تخمينات كثير..ما علينا

شكرا يا اخ sam على اهتمامك ...انا عاوزك بس تحط نفسك مكانى ..انا اشتريت احسن حاجة فى الوقتها ..

البور سبلاى " Mazoori 550 w

,و بروسيسور كو د كور 6600

و بورد gigabyt ga p35

والكيس dolphine

,و مافيش اى مكونات اخرى فى الجهاز و انا دائم انظف الجهاز بالبلور و احافظ علية جدا .. عندى اجهزة تعمل من 11 سنة ...

اخر حاجة اتوقعها بصراحة اللى حصل دة و رد فعل الشركة دة ..

dune2000

05-05-2010, 12:25

طيب انت تقترح اية يا اخ dune التوكيل ولا حد معين فى مول مثلا ..انا مش عارف ممكن يتكلف فى حدود كام ..لو التكلفة كتير يبقى افضل انى اشترى كارت جديد بقى و امرى لله

بس انا مستاء جدا من معاملة xfx دول و من التفرقة فى المعاملة بينا و بين الزبائن فى الخارج اللى بيحصلو على ضمان مدى الحياة و تسهيلات جامدة جدا و احنا هنا بنشترى بنفس السعار و اغلى كمان و بنحصل على دعم اقل بكتير ...و خصوصا ان المشكلة واضح جدا انها عيب صناعة ....

ياعززيى الضمان بيعتمد على الوكيل هو اللى بيجيب الكروت وهو اللى بيقدم تقرير للشركة فى حالة وجود تالف

ضمان سنتان لشركة XFX صدقنى ممتازين جدا وخصوصا انة كدة فى الخارج ايضا

المشكلة ممكن تعود ل اكتر من سبب واحدة منهم انها تكون عيب فردى لكارتك مش الخط الانتاجى كلة

بخصوص الحل:
1- الاول تودية للوكيل وتشوف هيقدروا يعملولك اية فية من صيانة وهيتكلف اد اية
2- تسال فى مول البستان بالتحرير او كوين بروكسى عن تكلفة تغيير الكبيستور وقارن الاسعار ولو الفرق مش كبير يبقى الوكيل افضل

وبالتوفيق

bika08

05-05-2010, 12:30

عموما اخى....
تكلفة صيانة المكثفات ليست باهظة.. على حسب عدد المكثفات التالفة و نوعها و لكن على حسب معرفتى انها لن تتعدى 50 جنية

ZEX

05-05-2010, 13:47

كان لدى كارت XFX 7300 GS منذ ان كان ثمنة 950 جنية لا اذكر من كام عام و مازال حتى الان شغال
حالة واحدة لا تكفى لاتهام شركة بضعف التصنيع

الخلف

05-05-2010, 13:56

الأخ wawoo...

بداية كان الموضوع يخص بطاقات XFX دون تخصيص حتى العنوان كان يدل على ذلك، والمحتوى يوحي بكون الشركة تستخدم مكونات سيئة بجميع منتجاتها ولم تأتِ بأي دليل يدل على ذلك، ثم بعد المداولات صرت تقول أن المسألة تخصّ بطاقة محددة فقط وأتيت ببضع وصلات لحالات مشابهة...

لتكون في الصورة فقط
1- قوانين المنتدى ترفض التشهير بالشركات دون أي دليل..

2- القوانين ترفض التشهير بالشخصيات خصوصاً الأعضاء سواء بدليل أو بدونه وإن كان المصلحة تقتضي الإبلاغ فيجب إبلاغ الإدارة لتتصرف هي حيال الموضوع...

3- من الأدب الحواري والأمانة العلمية، التعميم ممنوع، فغير مقبول أن تعمم المشكلة على عموم منتجات الشركة ( كما يوحي عنوان الموضوع - والذي قمت بتغييره بالمناسبة - ومحتوى الموضوع ) لمجرد منتج واحد يعاني من المشاكل... خصوصاً إن كانت المشكلة فردية أو شخصية أو تنطبق على شريحة ضيقة من المنتجات، فالمعروف في الصناعات أنه حتى على مستوى المنتج الواحد تجد عدة شحنات إحدى تلك الشحنات فقط قد تعاني من مشكلة فيجب التدقيق والبحث بشكل متعمق قبل الحكم على المنتج...

4- مسألة الضمان مسألة مفروغ منها، الشركة لايوجد لها ممثل رسمي في مصر وبالتالي أي محل يقوم ببيع وجلب منتجات تلك الشركة هو المعني بمسألة متابعة المشاكل، وأن يتعطل المنتج بعد انتهاء الضمان حتى بيوم واحد فإنه يكون خارج الضمان سواء من جهة الشركة أم من الوكيل وهذه قاعدة تنطبق على جميع المنتجات والشركات وبالتالي انتقاد الشركة هنا ليس بمحله...

5- عراقة الشركة وقوتها لايعني أنها يجب أن تنتبه لجميع المستخدمين في كل مكان في العالم. كثيرة هي الشركات التي من صنف XFX وبعضها لايمتلك حتى مكتباً خاصاً بها في المنطقة بسبب كون المبيعات في المنطقة لا تعلل تكاليف فتح المكاتب...
عدم وجود وكيل للشركة ليس ذنب الشركة نفسه، فالوكلاء في الدولة هي التي تتقدم بطلباتها لكي تكون وكيلاً لتلك الشركة في تلك الدولة/المنطقة حسب مقدرة الوكيل نفسه وحسب رؤية الشركة، هناك الكثير من الشركات الأعرق والأقوى من XFX لاتمتلك وكيلاً حتى في المنطقة ككل فكيف بمكتب يمثلها في المنطقة !!

5- أخيراً عندما حاول الأعضاء توضيح الفكرة بدأت باستخدام أسلوب غير لائق بالحديث وكأنك ترفض النقاش في الموضوع وترفض الرأي الآخر، النقاش والحوار المتبادل والآراء المختلفة هي أساس المنتدى ولا يوجد كلام نهائي حتى يكون هناك دليل قاطع، وحتى ذلك ليس نهائي تماماً، احترام الآراء والأطراف الأخرى أمر لازم في المنتدى وواجب ومخالفته لايعرض العضو المعني فقط للإيقاف فقط وإنما حتى باقي الأعضاء تنفر منه والأعضاء تعرف أعضاء من هذا القبيل ولم تشفع لهم كثرة العضويات بتصحيح صورتهم أمام باقي الأعضاء...

أتمنى أن تأخذ هذه النقاط بعين الاعتبار عند رغبتك بالمشاركة في المنتدى...

مشاركتي هذه ليست إلا تذكير بالقوانين حتى تكون المواضيع والنقاشات أكثر مصداقية وأكثر هدوءاً من بدايات هذا الموضوع

HD5870X2

05-05-2010, 14:40

الحالات الفردية بالفعل لا تعد دليلاً على سوء منتج معين من شركة معينة

أظن انك كنت تستخدم باور سبلاي من نوع سيء يا عزيزي

ضمان XFX في أمريكا وكندا فقط هو مدى الحياة أما في أوروبا فهو عامان فقط مثل مصر !

https://www.xtremesystems.org/forums/showthread.php?t=187571

أعتقد أن تكلفة ابدال المكثفات المنفجرة رخيصة بل أن بعض المكثفات لا تؤثر على عمل البطاقة ولدي بطاقة ATI Radeon 8500 128MB من جيجابايت اتخلع منها مكثف عند تركيبها في كيسة صديقي بطريقة غبية نوعاً وما زات تعمل مع عدم وجود المكثف :D

سمسم : الضمان في أمريكا وكندا هو ضمان مضاعف مدى الحياة بدون دفع أية أموال اضافية على الثمن الأساسي :)

S@M

05-05-2010, 15:29

سمسم : الضمان في أمريكا وكندا هو ضمان مضاعف مدى الحياة بدون دفع أية أموال اضافية على الثمن الأساسي :)اعلم يا عزيزى هذا ....وذلك لآن XFX منتج امريكى اصلا ....:)

لذبك فهو يقدم اقوى دعم ...هناك :)

ولكن انا اتحدث عن اوروبا .اللى الآخ ذكرها فى الموضوع ..وليس امريكا او كندا يا مينا...:)

.فى اوروبا والدول المتقدمة ...بتدفع 40 $ عن كل عام ضمان زيادة انت تريد شرائة :D يعنى مافيش حاجة ببلااش ;)وهذا فعلا حقيقى ...:)

wawoo

05-05-2010, 18:49

الخلف

05-05-2010, 19:43

لا نحمي الشركات بل نحمي المستخدمين، المسألة أنه بينما تقول أن شركة XFX تستخدم مكونات سيئة تتلف فإن عشرات الآلاف من مستخدمي منتجات نفس الشركة لم يشتكوا من أي مشكلة !! فكيف تستخدم مكونات سيئة بينما الآلاف يستخدمون منتجاتها بدون شكوى ؟

وإن كانت فعلاً سيئة فهل تعتقد أن الشركة ستقدم ضمان مدى الحياة في أمريكا وكندا ؟

لو كانت فعلاً تستخدم مكونات سيئة لكنت رأيت الشكاوى تملأ عنان الإنترنت ولم تكن XFX شركة مشهورة ومشهود لها عالمياً بالجودة، ولكن ثقة الكثير من المستخدمين بها عن تجاربهم طوال سنين الشركة والتي كانت تصنع البطاقات حتى منذ أيام GeForce 5000 جعلت أي مشاكل تطرأ هي مشاكل ثانوية قد تكون نتيجة استخدام مكونات غير جيدة دون قصد فهل تعتقد أن شركة كونت سمعتها على مدار سنين طِوال مستعدة للتضحية بسمعتها في أيام قلائل بأن تستخدم مكونات تتدمر ؟

كل المكونات لها عمر افتراضي، المسألة أن بعض الطلبات تكون أسوأ حظاً من غيرها... وطبعاً لا يبدو ذلك على المكوّن المعنيّ، وبالتالي تستخدمه الشركة وهي تقصد استخدام مكونات ممتازة، ولكن نتيجة سوء الدفعة فإن المنتج يكون معيباً...
الشركة تقوم باختبارات مكثفة قبل شحن المنتج، فإن لم تجد شيئاً خلال الاختبارات تقوم بشحن المنتج بشكل نهائي...

أنت قلت بأنها عملت معك سنتين و4 أشهر... هل كنت تعتقد أن الشركة ستضع المنتج تحت الاختبار لمدة سنتين و 4 أشهر ثم سيتدمّر لتقرر حينها أنها لن تبيع ذلك المنتج ؟

الشركة تعمل ما عليها أن تفعله لتضمن تجربة مستخدم جيّدة، ولكن بعض الأمور خارجة عن إرادتها...

المشكلة أنك طرحت الموضوع بصيغة التعميم على جميع منتجات شركة XFX بقولك أنها تستخدم منتجات سيئة، ثم طرحت الموضوع كتجربة شخصية لمنتج واحد، وفقط بعد الحديث قمت بتخصيص المشكلة بمنتج واحد وحددته ومع كل المنتجات الباقية التي تعمل بشكل صحيح ودون مشاكل قلت بأنها تختار مكونات سيئة... فكيف إذاً لم يشتكِ آلاف المستخدمين من الشركة ؟ وكيف ينصح بها الكثيرون أيضاً إن كانت فعلاً كما أنت تقول !!

ما أريد قوله هو أنه وحسب تجربتك الشخصية فأنت عانيت مشكلة مع هذه البطاقة تحديداً أي XFX GeForce 8600GT... وعندما بحثت في الإنترنت وجدت عدة أشخاص عانوا من ذات المشكلة ومن ذات البطاقة...
فالطريقة الصحيحة تقول أن بطاقة GeForce 8600GT من شركة XFX تعاني من مشاكل في تدمّر بعض منتجاتها... ثم تبحث عن نقطة أخرى، هل فقط شركة XFX أم شركات أخرى تعاني من نفس المشكلة ؟

بحث بسيط في الإنترنت يبين بعض الأسماء مثل eVGA وغيرها، وكلنا يعرف أن eVGA من أفضل الشركات المنتجة لبطاقات NVIDIA فهل وجود 10 مواضيع من بين عشرات الآلاف من المستخدمين يعني أن الشركة تستخدم منتجات سيئة ؟
بالطبع لا...

شركات مثل XGX و EVGA و ASUS و Sapphire و غيرها شركات صنعت اسمها وجودتها على مدى سنوات طِوال فهي ليست مستعدة لكي تخسر تلك السمعة لمجرد توفير بعض الأموال عندما تستخدم مكونات سيئة في منتج ما

لهذا السبب نقول أن تلك كانت حالات خاصة واستثنائيّة لأنها محصورة بمنتج معيّن أو بدفعة معيّنة...

إذاً المشكلة أنه بينما المشكلة هي محصورة على منتج معين أو دفعة معينة من منتجات الشركة، فأنت عممت المشكلة على الشركة كاملة وقلت أن الشركة تستخدم مكونات سيئة وهذا أمر خاطئ ويعتبر تشهير بالشركة لأنها لا تستخدم مكونات سيئة وإنما تنتقي المكونات الجيّدة، وشاء الله أن تكون تلك الدفعة تعاني من مشكلة في المكونات... وكل الشركات يحدث لها الأمر !!

kaboni

05-05-2010, 21:58

و الله شهاده حق شركة xfx شركه ممتازه وتعاملها في منتهى الاحترام شركه عريقه ولها تاريخ قوي وانا املك ثاني كارت من هذه الشركه ...

لكل مجتهد نصيب

06-05-2010, 00:32

حتى انا كان عندي نفس الكرت واحترق وسمعت نفس الاصوات التي سمعتها وظننت ان السبب كسر السرعه ولم اعلم ان المشكله عامه لدى ملاك هذا الكرت :mad:

wawoo

06-05-2010, 06:46

إذاً المشكلة أنه بينما المشكلة هي محصورة على منتج معين أو دفعة معينة من منتجات الشركة، فأنت عممت المشكلة على الشركة كاملة وقلت أن الشركة تستخدم مكونات سيئة وهذا أمر خاطئ ويعتبر تشهير بالشركة لأنها لا تستخدم مكونات سيئة وإنما تنتقي المكونات الجيّدة، وشاء الله أن تكون تلك الدفعة تعاني من مشكلة في المكونات... وكل الشركات يحدث لها الأمر !!

يا اخ الخلف اذا كانت المشكلة محصورة فى منتج معين او دفعة معينة كما تقول ..و الشركة اكيد تعلم بهذا العيب لانها الوحيدة التى يصلها الشكاوى من موديل محدد

-..لماذا انتظرت الشركة حتى ينتهى الضمان و تنتهى معة مسؤلية الشركة فى استبدال المنتجات المعيوبة ..هل تعتقد ان هذة تصرفات شركة تحترم زبائنها و تحترم القيمة التى دفعت فى منتجتها ..

- و اذا كانت الشركة بالفعل قد فعلت هذا و استخدمت مكونات سيئة فى منتج معين او حتى دفعة معينة كما تقول ..ماذا يضمن لك انها لم تفعل هذا فى منتجات اخرى و دفعات اخرى و لكن انت ولا احد من الذين يدافعون بقوة عن جودة منتجاتها يعلمون بهذا ..ولكن سيكتشفون ذلك حتما اجلا او عاجلا عندنا تفشل اجهزتهم بشكل او باخر ..طلما يمكن تبرير اى مشكلة باى جهاز على انها سؤ استعمال مثلا او اى عوامل اخرى ..

- واذا كانت الشركة بهذة الجودة ..لماذا لم تختبر مكونات اجهزتها و اجهزتها لتتحمل اقصى درجات الجودة قبل ان تطرحها فى الاسواق ..

- كون الشركة قدمت منتج جيد او حتى العديد المنتجات الجيدة من قبل هذا لا يبرر مسؤليتها عندما تقدم منتج سىء لانها اعتمدت على سمعتها السابقة فى استخدام مكونات اقل جودة بعد ذلك لتحقيق ارباح اكثر ..

- انا على يقين ان الشركة كانت تعلم بانها استخدمت منتجات سيئة فى اجهزتها و تكتمت على الامر حتى تمر شهور الضمان و تنتهى مسؤالياتها و ذلك حتى تتجنب استبدال الالاف من البطقات المعيوبة التى ستكلفها بالتاكيد ملايين الدولارات و تاثر سلبا على سمعتها المزعومة ..

و كلنا نعلم بقصه تويوتا العملاق اليابانى فى صناعة السيارات التى سقطت نتيجة تجاهل شكاوى المستهلكين حتى اصبحت مشاكلها ككرة الثلج التى تفاقمت جدا و انتشرت و ظهر مدى استهتار الشركة باحتواء الموقف و تعويض المستهليكن ..حتى انها تواجة الان قضايا بملايين الدولارات من التعويضات بسبب تصرفاتها الغير مسؤالة..

و الاخ "لكل مجتهد نصيب" ليس سوى عينة صغيرة من الاف المستخدمين الذين لا يعلمون بالمشكلة الحقيقية ولا يعرفون ان المشكلة نتيجة مكونات معيوبة سوف تفشل بعد عدة شهورة من الاستخدام ..

Mubarak

06-05-2010, 07:20

إذا لم تستطع أخي الكريم أن تجول في المنتديات العالمية وتجد بعض من يشاركك نفس المشكلة فاعلم أن المشكلة من عندك، من طريقة تهوية الجهاز وتبريده، وحتى الآن لم تأتي لنا بموقع واحد يثبت أن هناك من يشاركك المشكلة، لذلك نعتبر ما تقوم به لا يعدو أن يكون انتقاما شخصيا غير مبني على حقائق.

شركة XFX أحد أفضل الشركات الموجودة في الساحة، بمجرد توقيعك على فاتورة المنتج فأنت موافق على شروط الوكيل والتي تنص على سنتين من الضمان.

يتم قفل هذا الموضوع بعد قيام العضو بتوضيح شكواه وتوضيح الأخوة ملاحظاتهم على الشكوى.