المساعد الشخصي الرقمي

مشاهدة النسخة كاملة : فكرة لادخال موديلات جديدة من الهيدفونات بناء على اختياراتنا للسوق المصرى ,, شارك معنا



الصفحات : [1] 2 3 4 5 6 7 8 9 10

I-IEMA
06-05-2010, 01:23
الســــلام عليكم ورحمة الله وبركاته

شباب الهاردوير المصريين اللى مهتمين بفكرة اقتناء هيدفونات عالية النقاء والجودة

فى بـــالــــى فكـــــرة

طبعا لو حد عاوز يشترى هيدفون محترم من سوقنا المصرى هايجد نفسه قدام موديلين أو 3 بالكتير
و رغم ان ممكن يكون من الموديلات دى حاجة جيدة ,, لكن بيبقى فيه ما هو اجود بمراحل بنفس الفئة السعرية !

و بدل ما كل واحد منا يبحث عن هيدفون و يطلبه من الخارج و يتكلف شحن و ضرايب و جمارك و تكاليف مبالغ فيها

لذلك فكرت اننا نتجمع كلنا ( المقبلين على شراء هيدفون ) و نحدد ميزانياتنا و استخداماتنا للهيدفون
و ندور على النت على الموديلات المناسبة لأغراضنا إلى ان نتفق على موديل مميز نتفق عليه

و نكلم شركة من الشركات المحترمة الكتيرة اللى موجودة فى بلدنا , و ليهم تواجد معانا هنا فى المنتدى
و نطلب منهم انهم يوفرولنا شحنة من الموديل عندنا هنا فى مصر

"بداية الغيث قطرة" , قد تكون هذه الفكرة بداية لتواجد لموديلات اخرى متعددة فى السوق المصرى


الفكرة تعتمد على اننا نتجمع كلنا , نتناقش و نتفق

الحوار مفتوح ,,
قولنا رأيك فى الفكرة , ميزانيتك للهيدفون , و استخدامك ليه , الخواص اللى عاوزها تكون متوافرة فيه


و اليكم مرجع متميز من العضو المتميز A-Bomb ( اللى معانا و مؤيد للفكرة )

الينك : https://www.anythingbutipod.com/forum/showthread.php?t=8404




بتاريخ 9/مايو
---- القرار الحالى للشراء ----
Sennheiser HD201 Headphones

https://img265.imageshack.us/img265/8941/wholepacakgehd201kw2.jpg
ماتقلقوش ما اشتريتهاش من وراكم :p ,, دى صورة من على النت

لينك من موقع امازون : هنــــــــا (https://www.amazon.com/Sennheiser-HD201-Headphones/dp/B0007XJSQC) , بسعر 19.73 دولار أى حوالى 110 جنيه فقط

و اليكم بعض النقاط لا يختلف عليها اثنان بالنسبة لهذا الهيدفون
1- ملك الهيدفونات ذات الميزانية المنخفضة ( معادلة الاداء مقابل السعر )
2- راحة الاذن التامة و عدم الضغط عليها و ذلك بسبب تصميمه الـ full size
3- الماركة وحدها sennheiser تساوى وزنها دهب

لينك رائع لمراجعة لها عن قرب مع صور للهيدفون : هنــــــــــــا (https://www.dvhardware.net/review84_sennheiserhd201.html)
^^^ انصح بشدة مشاهدة هذه المراجعة , اللينك مقدم من msshadow.man

A-Bomb
06-05-2010, 01:46
تمام كدة الكلام...الله ينور:)
و المشاركة دي أنا هاضيف ان شاء الله عليها اي حاجة ممكن تكون مناسبة لينا هنا, و ادينا بنحاول برضوا يمكن الموضوع ينفع ان شاء الله ليه لأ:)
و حطيته في توقيعي علشان يتشاف اكتر....خليها حملة معا من اجل صوت انقي:p

أول نتائج كويسة و بسعر اقل بكتير من المميزات و الاداء اللي السماعة بتقدمه:

Headphones:

Sennheiser HD 202 = 20$
sennheiser eh150 = 32$
Audio-Technica ATH-M30 = 47$
grado sr60i = 80$

الgrado غالية شوية, بس قلت اقول عليها برضوا لأنها مع ادائها دا تعتبر رخيصة.
و ان شاء الله ازود عليهم و احط كمان earbuds و iems بس عشلان الصورة تبقي كاملة قدامنا و نعرف نحدد احنا عايزين ايه.

SeeNoEvil
06-05-2010, 03:01
ميه ميه يارجاله ربنا يسهل ونشوف اي حاجه جديده

medo_hadi2020
06-05-2010, 03:23
فكرة ممتازة واحنا الي لازم نوفر حاجتنا انفسينا وبردة هضيفة لتوقيعي

ThE AlCheMisT
06-05-2010, 03:40
اللينك اللى أ/ A-Bomb قدمه جميل جداً، لكنه من سنة 2007!!!
أكيد فى حاجات نزلت بعد كدة و كويسة برضو، ممكن كمان تكون أحسن من الهيدفونز اللى موجودة فى الموضوع ده

Mshadow.me
06-05-2010, 09:11
فكرة جميلة جدا

دي الحاجات اللي يعتبر سعرها كويس

https://www.newegg.com/Product/Product.aspx?Item=N82E16826158075&cm_re=headset-_-26-158-075-_-Product

https://www.newegg.com/Product/Product.aspx?Item=N82E16826106155&cm_re=headset-_-26-106-155-_-Product

https://www.newegg.com/Product/Product.aspx?Item=N82E16826104214&cm_re=headset-_-26-104-214-_-Product

لو ممكن نتفق علي واحدة منهم ( أو أي حاجة أحسن في نفس رنج السعر ده 25-50$ ) يبقي حلو أوي:)

و ده review لل Creative Fatality Gaming headset

https://www.overclockersclub.com/reviews/creative_fatal1ty_review/ (https://www.overclockersclub.com/reviews/creative_fatal1ty_review/)

محدش يعرف أن كانت موجودة في أي حتة تانية غير Compume ؟

ThE-EviL
06-05-2010, 09:22
فكرة حلوة قوي ويارب تؤتي ثمارها انا بقالي فترة بدور بردو علي سماعة محترمة وفي النهاية وصلت للموديل دة من لوجيتك بصوا كدة

Logitech Gaming Headset G330 (https://www.amazon.com/Logitech-Gaming-Headset-G330-Black/dp/B002I3OZB2/ref=sr_1_2?ie=UTF8&s=electronics&qid=1273130104&sr=8-2) اكتر حاجة اتفق عليها الناس اللي اشتروها انها مريحة جدا جدا مع الأستعمال لفترات طويلة دة غير جودة الصوت طبعا.

عايزين بقي شوية تعاون علشان نوصل لأفضل حاجة ان شاء الله.

A-Bomb
06-05-2010, 10:42
اللينك اللى أ/ A-Bomb قدمه جميل جداً، لكنه من سنة 2007!!!
أكيد فى حاجات نزلت بعد كدة و كويسة برضو، ممكن كمان تكون أحسن من الهيدفونز اللى موجودة فى الموضوع ده

مايغركش انه 2007, معمول له edit قريب:) دا غير ان اغلب السماعات دي من قبل كدة كمان و مازالت محتفظة بمكانتها و الموضوع لسة شغال لحد دلوقتي شوف اخر صفحة....بس ماتقلقش انا يومين كدة هاقعد ادور و اجيبلكوا الجديد كله ان شاء الله


فكرة حلوة قوي ويارب تؤتي ثمارها انا بقالي فترة بدور بردو علي سماعة محترمة وفي النهاية وصلت للموديل دة من لوجيتك بصوا كدة

Logitech Gaming Headset G330 (https://www.amazon.com/Logitech-Gaming-Headset-G330-Black/dp/B002I3OZB2/ref=sr_1_2?ie=UTF8&s=electronics&qid=1273130104&sr=8-2) اكتر حاجة اتفق عليها الناس اللي اشتروها انها مريحة جدا جدا مع الأستعمال لفترات طويلة دة غير جودة الصوت طبعا.

عايزين بقي شوية تعاون علشان نوصل لأفضل حاجة ان شاء الله.
بصراحة مش عايز لاlogitech ولاcreative ولا اي حاجة من دول, عايزين حاجة احترافية شوية و يكون سعرها كويس
audio technicha مثلا او حاجة من دول:
https://gear.elektrokrishna.com/
هو 90% منهم اسعاره خياليه بس في كام سماعة مش غاليين, ممكن ultrasone الموديلات المش غالية(يعني 80دولار مثلا او كدة) sony مثلا بس الحاجات المش غالية و المش موجودة في مصر و دول كتير جدا.
المهم مش عايزين حاجات تقليدية ممكن تتلاقي هنا في مصر فبلاش creative و بلاش اي حاجة معمولة للPC أصلا;)

ThE-EviL
06-05-2010, 11:09
مايغركش انه 2007, معمول له edit قريب:) دا غير ان اغلب السماعات دي من قبل كدة كمان و مازالت محتفظة بمكانتها....بس ماتقلقش انا يومين كدة هاقعد ادور و اجيبلكوا الجديد كله ان شاء الله


بصراحة مش عايز لاlogitech ولاcreative ولا اي حاجة من دول, عايزين حاجة احترافية شوية و يكون سعرها كويس
audio technicha مثلا او حاجة من دول:
https://gear.elektrokrishna.com/
هو 90% منهم اسعاره خياليه بس في كام سماعة مش غاليين, ممكن ultrasone الموديلات المش غالية(يعني 80دولار مثلا او كدة) sony مثلا بس الحاجات المش غالية و المش موجودة في مصر و دول كتير جدا.
المهم مش عايزين حاجات تقليدية ممكن تتلاقي هنا في مصر فبلاش creative و بلاش اي حاجة معمولة للPC أصلا;)

80 $ :eek: مبلغ عالي قوي بالنسبة ليا دة انا عمال أقنع نفسي بالعافية :) علشان أجيب هيدفون في حدود 300 جنيه متهيألي مبلغ 80 $ يعتبر عالي بردو بالنسبة لناس كتير.

Mshadow.me
06-05-2010, 12:22
80 $ :eek: مبلغ عالي قوي بالنسبة ليا دة انا عمال أقنع نفسي بالعافية :) علشان أجيب هيدفون في حدود 300 جنيه متهيألي مبلغ 80 $ يعتبر عالي بردو بالنسبة لناس كتير.


+1

مش لازم نضرب في العالي كده, رنج ال50$ كويس جدا

A-Bomb
06-05-2010, 14:19
اوك....يبقي السقف 50 دولار
أنا فعلا بدأت اجمع شوية موديلات في الحدود دي بس هارتبهم كدة و ابقي اقولكم عليهم ان شاء الله.

I-IEMA
06-05-2010, 14:23
ما شاء الله , ايه التفاعل الجامد دا يا شباب :ah7:

على فكرة رنج 50 $ من المحتمل انه على ما يوصلنا هايبقى اغلى من كدا كمان
فبرضه اقترح نخلى الاختيار اقل من كدا شوية , إلا لو كان موديل مايتعوضش


و زى ما قال A-Bomb , السوق قدامنا واسع فبلاش نركز على الماركات التقليدية و نسيب ماركات تانية اقوى بكتيــر
كله قدامنا متاح

الهيدفون صاحب الـ 1027 ريفيو على امازون !!
Sennheiser HD 202

رقم خيالى للريفيوهات ,, و مع كل العدد ده و تنوع الاذواق
واخدة 4.5/5

دا معناها انها متميزة
https://www.amazon.com/Sennheiser-HD-202-Headphones/dp/B000065BP9/ref=cm_cmu_pg__header

و بسعر 25 دولار فقط :ah46:

و دى جبتها من اللينك بتاع A-Bomb
لو عاوزين حاجة اعلى فى السعر , نحدد هاندور فى سعر كام بالظبط و نبدأ البحث


----------------
بس علشان يكون الموضوع منظم
نحدد احتياجاتنا الاول

بالنسبالى :

الميزانية : سقف الميزانية عندى 250 ج
الاستخدام : trance , rock فى المقام الاول ( دول سبب شرائى للهيدفون )
افلام , العـــــــاب

و استخدامى لها هايكون مقتصر على الـ PC فقط

احتياجاتى فى الهيدفون :
1- اهم حاجة صوت نقــــــــى ( يعنى لو فيه نغمتين مثلا فى اغنية الاتنين عاليين , اسمعهم صافيين و اقدر الاحظ التناغم بينهم ,,, بدل من السلطة اللى بسمعها من الهيدفونات العادية )
( و لو فيه نغمة كـ background لأغنية اقدر اسمعها , على عكس الهيدفونات العادية انواع ممكن اسمعها فيها و انواع لأ )

2- صوت عالى و Bass محترم :
انا سمعت من هيدفونات بـ 30ج bass مش بطال ,, لكن مش مظبوط ,, فعاوز bass جاااامد و مضبوط
و الصــــوت العام يكون عالى ,, بمعنى ان فى الريفيوهات ما الاقيش ان الناس بتقول ان صوتها واطى

3- راحة الاذن :
خاصية مهمة جدا لساتخدامى لها لساعات طويلة , و رغم انها سهلة عند صنع الهيدفونات ( الهيد فون بتاعى الحالى المتواضع مافيهوش المشكلة دى ) إلا ان بعض موديلات الناس بتعانى من الافتقار للنقطة دى !

4- عزل الصوت :
باختصار شديد عزل الصوت الخارجى عنى , ابقى مع الهيدفون لوحدينا :p

فقـــــــــط لا غير

و جارى الاطلاع على لينكات الهيدفونات اللى حطيتوها فى الموضوع

A-Bomb
06-05-2010, 15:29
تمام الكلام.....و تم تعديل المشاركة الي فوق بتاعتي.
و الhd202 فعلا كويسة جدا مقارنة بسعرها دا.

Mshadow.me
06-05-2010, 19:17
في برضو دي

https://www.amazon.com/dp/B0013OWPV4?tag=pakkad-sale-20

أغلي شوية بس كله بيشكر فيها

عرفتها من موضوعين في المنتدي ده(منتدي متخصص في الصوتيات بس:eek:)

https://www.head-fi.org/forum/thread/426523/50-or-less-headset-for-gaming

https://www.head-fi.org/forum/thread/472143/best-gaming-headset

و أتمني أكون أفدت, و أنا كده كده معاكو في اللي حتتفقوا عليه:)

(لو ينفع نعمل موضوع زي ده للماوسات ال Gaming المنقرضة في مصر:D)

ThE-EviL
06-05-2010, 21:40
علي الرغم ان في تعليقات كتير قوي بتشكر في الهيدفون ده Sennheiser HD 202 بس في حاجة مش مريحاني الا وهي تاريخ صنع الهيدفون دة انا شفت تعليق لواحد شاريها من 2002:eek: يعني مر حوالي 8 سنين من بداية تصنيعها طبعا اكيد اللي بيتباع حاليا متصنع قريب بس انا قصدي انا التصميم ككل من 8 سنين واكيد في خلال المدة الشركة نفسها انتجت موديلات تانية أفضل بمميزات أحسن.ايه رأيكوا؟؟

A-Bomb
06-05-2010, 23:21
the evil
انت ايه اللي مضليقك ان الحاجة تكون قديمة:)؟؟؟
دي سماعة مش بوردة ولا بروسيسور...ماتحطش الموضوع دا في دماغك قوي;)

Mshadow.me
07-05-2010, 08:39
علي الرغم ان في تعليقات كتير قوي بتشكر في الهيدفون ده Sennheiser HD 202 بس في حاجة مش مريحاني الا وهي تاريخ صنع الهيدفون دة انا شفت تعليق لواحد شاريها من 2002:eek: يعني مر حوالي 8 سنين من بداية تصنيعها طبعا اكيد اللي بيتباع حاليا متصنع قريب بس انا قصدي انا التصميم ككل من 8 سنين واكيد في خلال المدة الشركة نفسها انتجت موديلات تانية أفضل بمميزات أحسن.ايه رأيكوا؟؟


طبعا الشركة عملت حاجات أحسن بكتير بأسعار أوحش بكتير:D

المشكلة أن معظم الشركات الكبيرة في الصوت زي Sennheiser,Razer,ATH ميفرقش معاها المستخدم اللي زينا (اللي حيجيب هيدفون ب25 $) عشان كده مبتنزلش أي حاجة في رنج السعر ده لأنه مالهاش لازمة

السوق في الهيدفون الأحترافية بيبتدي من 100$ زي دي كده ب89$

https://www.amazon.com/Technica-ATH-AD700-Audiophile-Headphones-Neodymium/dp/B000CMS0XU/ref=pd_cp_e_1

أنما أحنا ناس علي قدنا و ال202 كفاية أوي علينا (علي الأقل الواحد يطلع من مود الCreative شوية:D)

ThE-EviL
07-05-2010, 11:37
the evil
انت ايه اللي مضليقك ان الحاجة تكون قديمة:)؟؟؟
دي سماعة مش بوردة ولا بروسيسور...ماتحطش الموضوع دا في دماغك قوي;)

يا باشا انا مش مضايق ولا حاجة كل ما في الأمر اني بفكر بصوت عالي معاكوا علشان نتفق علي حاجة واحدة كلنا في النهاية وتقريبا ده الهدف من الموضوع :).



طبعا الشركة عملت حاجات أحسن بكتير بأسعار أوحش بكتير:D

المشكلة أن معظم الشركات الكبيرة في الصوت زي Sennheiser,Razer,ATH ميفرقش معاها المستخدم اللي زينا (اللي حيجيب هيدفون ب25 $) عشان كده مبتنزلش أي حاجة في رنج السعر ده لأنه مالهاش لازمة

السوق في الهيدفون الأحترافية بيبتدي من 100$ زي دي كده ب89$

https://www.amazon.com/Technica-ATH-A.../ref=pd_cp_e_1 (https://www.amazon.com/Technica-ATH-AD700-Audiophile-Headphones-Neodymium/dp/B000CMS0XU/ref=pd_cp_e_1)

أنما أحنا ناس علي قدنا و ال202 كفاية أوي علينا (علي الأقل الواحد يطلع من مود الCreative شوية:D)

أكيد طبعا عملت حاجات أفضل وأكيد بأسعار أعلي وكذلك بردو الشركات التانية اللي أكيد في شركة منهم ممكن تكون نزلت موديل أحسن وفي نفس الفئة السعرية في خلال مدة 8 سنين ده قصدي مش أكتر. بالنسبه ليا انا مش فارق معايا اسم الشركة في حاجة المهم أجيب أفضل حاجة موجوده بالسعر المناسب.

Mshadow.me
07-05-2010, 11:47
للأسف مفيش غير هما الكام موديل دول و الSenn 202 أو ال JVC HAR-X700 يعتبروا أحسن أتنين في الفئة السعرية دي

A-Bomb
07-05-2010, 15:40
يا باشا انا مش مضايق ولا حاجة كل ما في الأمر اني بفكر بصوت عالي معاكوا علشان نتفق علي حاجة واحدة كلنا في النهاية وتقريبا ده الهدف من الموضوع :).
تمام;)

بالنسبة لتقسيمة السوق فبيكون حسب الفءة السعرية في اغلب الاحوال, يعني مثلا:
0-100 دولار
اكترمن 100 ل300
و كدة بقي الي ما شاء الله
فإحنا خلينا في من 50-60 و ما اقل و دول هايبقوا اكتر من مناسبين اظن

I-IEMA
07-05-2010, 17:58
وصلتوا لإيه يا شباب ؟؟؟

انا شوفت ريفيوهات للـ HD202 ,,, الريفيوهات مستمرة لحد امبارح و اول امبارح :)
و لسه بنجاح مستمر ,,
نقطة انها من 2002 دى ماعرفش إذا كانت تفرق ولا لأ :confused:

هى اكيد الخامات اتغيرت مع تغير الزمن ,, لكن التكنولوجيا ؟؟
ماعرفش إذا كانت للهيدفونات تكنولوجيا سارية قد نفقدها فى هذه السماعة ولا لأ

بخصوص جودة الصوت للسماعة دى ,, لا يختلف عليها اثنان (( من الريفيوهات ))

بخصوص الراحة ,, فدى نقطة خلاف فى الريفيوهات ( و لو انى مش معاهم فيها ) .


they're on-the-ears headphones rather than over-the-ears cups and they do hurt after a while انا الهيدفون الى عندى عادى on the ear , يعنى مش كل الاذن "بتغوص" جواه
و عادى مفيش مشكلة , انا اساسا ماقابلتش هيدفون بيحتوى الاذن بكاملها

الـ AKG K181DJ واحدة من اقوى الهيدفونات المشهورة مافيهاش النقطة دى برضه
https://t3.gstatic.com/images?q=tbn:YJ1P5iASrTCjWM:https://www.melmusic.com.au/shop/products_pictures/59002.jpg (https://www.melmusic.com.au/shop/products_pictures/59002.jpg)




If you don't have small ears don't buy theseالهيدفون اساسا شكله كبير , هاندور على واحد اكبر :eek: !؟
و برضه ينطبق عليها ردى على التعليق السابق

دا بالنسبة لرأيى ,, ماعرفش رأيكم ايه

لو عاوزين نشوف موديل تانى ماشى ,

ممكن حاجة Sony محترمة زى دى :

https://images.pricecanada.com/images/products/229/l229760.jpg
https://www.amazon.com/Sony-MDRXD200-MDR-XD200-Stereo-Headphones/dp/B0007N55NW

رأيك ايه فيها يا A-Bomb ؟


--------------------

جارى مشاهدة ريفيوهات الـ JVC HARX700 علشان نشوفها ضمن الاختيارات برضه

Mshadow.me
07-05-2010, 19:02
من اللي أنا قريته أن الSony دي مش عازلة للصوت (يعني ممكن تستخدمها كspeaker:D )

و ده موضوع لكام واحد جابها و معجبتوش

https://www.head-fi.org/forum/thread/153279/cheap-phones-sony-mdr-xd200

بالنسبة لل Senn 202 فيها مشكلة أنها Supra-aural مش Circum-aural يعني حتركب علي جزء من ودنك مش حتحوط ودنك كلها

و ده طبعا يخليك تحس أنها مش مريحة

اللي كلو بيقول أنها ملكة السعر المنخفض هي دي

https://www.amazon.com/Sennheiser-HD201-Headphones/dp/B0007XJSQC/ref=dp_cp_ob_e_title_0

https://www.avforums.com/forums/headphones-headphone-amps/459016-sennheiser-headphones-201s-202s.html

أولا دي Circum-aural يعني ودنك كلها حتبقي جوه, و ده أحسن للراحة و للصوت ككل

ثانيا أرخص, لازم نعمل حسابنا أن الهيدفون مبتعيش للأبد, يعني لو السلك اتقطع أو أتفك من الهيدفون خلاص كده, أنما مدام حنتفق مع حد يجيب شحنة حيبقي عندنا بديل وقت ما تبوظ

ثالثا ناس كتيرة بتقول أنها مريحة و عازلة و صوتها ممتاز

https://www.dvhardware.net/review84_sennheiserhd201.html



I convinced my friend to ditch his Sony ear buds (cheap, crappy blue earbuds that cost 14.99) and instead get the HD201s (I paid for half since I'm such a nice friend when it comes to audio)... https://www.head-fi.org/forums/images/smilies/https://hfimage.head-fi.org/smilies/biggrin.gif .

Anyway, he loves it a lot... he finds it a really good deal for the price. He brought it over and I listened to it.

My impressions:
- Balanced... the bass is quick and fast while the highs are not fatiguing. The midrange is just right as well.
- Clear. Instrument separation in quite good... not Sony SA5000 good, but quite good.
- Midrange is clean, not as good as the HD555, but a large jump from the uninvolving Sony ear buds.
- Did I say balanced sound???
- Bass is tight and quick AND it extends to about 30-35 hz with some authority (SAME as the HD555 and was tested using BASS tones (sine wave) from 20hz to 50hz sweep). There is some response until about 23-25 hz (Once again... SAME as the HD555).
- Lightweight.
- Did I forget to mention... balanced sound?? Neutral even??

Cons:
- If you eq. the bass... I hear distortion at loud volumes. This means the driver is hitting its limits (perhaps excursion limits?).
- Good but not as good as the HD555..... so NO, this isnt the best sub $100 can out there (if you count the ebay price of HD555 as justification to put the HD555 in the sub$100 bracket). <- I made this comment since I read a few posters say this is one of the best in the sub$100 category (it's not really a minus, more a comment).

Conclusion:
- Great for the money!
- Balanced and very neutral sounding.
- Tight bass.
- Lightweight.

Verdict:
- 5/5 stars for value
- 4.5/5 stars for sound at its price range

و ده طبعا بخلاف الreviews بتاعت أمازون للي جابوها و بيشكروا فيها

عن نفسي أنا شايف أن دي أحسن واحدة في رنج السعر ده عشان فعلا بتحقق معادلة سعر مقابل أداء

مستني أرائكم

I-IEMA
08-05-2010, 14:37
^^^^^^^^^^^^^^^^

مظبوط كلامك يا باشا
و انا موافق على الـ HD201 , و لو انى كدا هاضحى بشوية Bass عن الـ HD202 ,, بس الـ comfort تستاهل التضحية :)

رأى بقية الاعضاء فى مجلس الشعب ايه ؟
هو المجلس فاضى كدا ليه !!؟؟ ,, عاوزين نعرف اخوانا اللى ناويين يشتروا علشان نكلم الشركات بقلب جامد .

و عاوزين رأيك برضه يا A-Bomb ؟ نتوجه للـ HD201 بسعرها المتميز 20$ ؟
انا عارف اننا كلنا عاملين حسابنا على ميزانية اكبر من كدا ,, لكن برضه علشان الفكرة تناسب السوق المصرى

و بالنسبالى تعتبر نقلة محترمة , و مش مبالغ فيها :
من هيدفون بـ 30ج إلى هيدفون بـ 100ج ,,,,,,,,, بدل ما مرة واحدة انطلق لـ هيدفون بـ 300ج مثلا :eek: !!

Mshadow.me
08-05-2010, 14:51
بخلاف أنك بتتعامل مع Sennheiser مش حاجة سهلة:)

طبعا الهيدفون دي من الرفيوهات بتاعتها تستاهل ضعف تمنها

و كل لما السعر يقل كل ما حيشجع ناس أكتر أنها تشتري

بس أحنا حنكلم أني شركات؟ ماكسيمم مثلا؟ و محتاجين كام واحد عشان يوافق يطلب شحنة؟

I-IEMA
08-05-2010, 15:35
اكيـــد طبعا ,, كفاية اسم Sennheiser لوحده . ( رغم انى لحد الآن مابعرفش اقرأه :p )

---------
بالنسبة للشركات , عندنا ماكسيمم , QDS , دول اللى شوفت الناس بتسألهم على حاجات زى كدا , ممكن يكون فيه شركات كمان ( هانسأل فى الموضوع الرئيسى على الموضوع ده )

و برضه نسأل عن امكانية الطلب عن طريق هاى اند , توب تين , .........
( ممكن ابعت لـ TopTen اسألهم بما انى جبت جهازى من عندهم :D )

محتاجين كام واحد https://l.yimg.com/us.yimg.com/i/mesg/emoticons7/39.gif
خلينا "نبدأ" بـ 10 اشخاص ,, و نشوف بعدها هايبقى النظام ايه

لو حد مش الشركات متابع الموضوع و يقدر يفيدنا بمعلومة عن الموضوع ده
يعنى محتاجين كام واحد ؟ أو امعلومة تانية ؟

يا ريت يعرفنا , سواء هنا فى الموضوع أو ع الخاص

SeeNoEvil
09-05-2010, 00:51
انا عايز الHD201 دي :p
واعتقد لما توصل هيكون سعرها كويس جدا برضو وارخص كتير من الكرييتف اللي هنا كمان

Mshadow.me
09-05-2010, 00:55
خلاص مدام متفقين علي 201 حطها يا هيما في أول مشاركة مع الreview بتاعها, سعرها علي أمازون أو newegg ,و مميزاتها

و متهيألي كلو حيتفق عليها عشان مريحة, صوتها ممتاز و سعرها مناسب لمعظمنا:)

I-IEMA
09-05-2010, 01:11
انا عايز الHD201 دي :p
واعتقد لما توصل هيكون سعرها كويس جدا برضو وارخص كتير من الكرييتف اللي هنا كمان



ايوة كدا يا دكتور :ah4:

كدا تم تأكيد 3 اعضاء للشراء , عقبال الباقى



خلاص مدام متفقين علي 201 حطها يا هيما في أول مشاركة مع الreview بتاعها, سعرها علي أمازون أو newegg ,و مميزاتها

و متهيألي كلو حيتفق عليها عشان مريحة, صوتها ممتاز و سعرها مناسب لمعظمنا:)


اووك يا ..... !! ( انا لسه لحد الاآن ماعرفش اسمك :eek: )
جارى تظبيط المشاركة الاولى بمعلومات عن السماعة



https://www.headphonereviews.org/headphonepics/155.jpg

Dr.a7med
09-05-2010, 03:10
هل النوع الحالي اللي أتفقتوا عليه Sennheiser HD201 Headphones
أفضل من الأنواع المتواجدة في السوق المصري ؟ من كرييتف h600 مثلا

و أن شاء الله أنا معاكوا شاري لو أستقريتوا عليها و معرفناش نلاقي أحسن في حدود الرينج المعقول
و من بعض الريفيوهات اللي قريتها في أمازون فهي شكلها ممتاز :)

Mshadow.me
09-05-2010, 07:42
اووك يا ..... !! ( انا لسه لحد الاآن ماعرفش اسمك :eek: )

سمير:)

و السماعة فعلا شكلها فخم و التبطين بتاعها مريح


هل النوع الحالي اللي أتفقتوا عليه Sennheiser HD201 Headphones
أفضل من الأنواع المتواجدة في السوق المصري ؟ من كرييتف h600 مثلا

في رأيي و رأي الناس اللي جابوها, دي أحسن من الcreative Fatality gaming headset اللي هي أحسن طبعا من الHs-600 :)

أحسن في الراحة و جودة الصوت و معظم الناس بره بتجيبها عشان مفيهاش مايك (طب أيه العلاقة؟) معظم الهيدفونات الgaming أو الcommunication اللي بيبقي معاها مايك بتبقي تصميم رخيص أنما المايك نضيف, و ده طبعا عكس اللي أحنا عايزينه

عشان كده الناس بتجيب ده لوحده و ده لوحده

و بالنسبة لسعرها متهيأليش ممكن نلاقي حاجة أرخص من كده:)