اضحك مع الامثال الجديده

[الفجر القادم]

أقوال مأثورة من العربيــــات النقــــل والميكروباص في مصر:


1- متبصليش بعين رضية دنا طلع عين أمى فى السعودية .

2- ربنا يحميكى من الميكانيكى .

3-الحلوة أسمها تفاحة للسفر والسياحة .

4- الحلوة من حلوان وصاحبها راجل غلبان .

5- الحلوة من دمياط وعليها أقساط .

6- الحلوة لما تتدلع ، تخلى الاسفلت يولع .

7- متزمروش يابهايم دا السواق نايم .


8- من حق الكبير يتدلع.

9- صغير بس يحيّر.

10- مهما كان الأتوبيس مليان دايما ليك مكان.

11- تعمل حسابى اقدرك ، تهزر معايا اعورك .

12 - متقولش دى بكام ، دى جاية بدهب المدام .

13- ماتبحلقش كدة يا لوح ، دى جت بطلوع الروووح .

14- قصه كفاح مش جايه على المرتاح .

15-سوقوا بالراحة يا بهايم ، اصل سواق العربية نايم.

16- تركب اسليك ، تنزل اولع فيك .

17- دلعها فى الغيارات ، وريحها على المطبات .

18- لما كنت عصفور كلونى ، ولما بقيت اسد صاحبونى .

19- الرجولة مواقف والندالة دروس .


تعديل الامثلة المصرية القديمة



1 - اللى بيته من إزاز ميغيرش هدومه فى الصالون


2 - فاقد الشىء يدور عليه .


4 - تأتى الرياح محمله بالأتربة .


5 - اللى معاه قرش محيره يجيب حمام ويحمره .


6 - قال يامحشحشين يكفيكوا شر الكمين .


7 - اللى ياكل لوحده يشبع .


8- اطبخى ياجاريه الأنبوبه فاضيه يا سيدى .


9- لو حبيبك عسل ما تحطلوش طحينة .


10 - اللى يتلسع من الشوربه يتصل بالمطافى .


11 - وبكره ترجع ريما من عند خلتها فى مارينا .


12 - ياداخل بين البصله وقشرتها حط قطرة علشان هادمع من ريحتها .


13 - ضربوا الأعور على عينه قالهم كسرتوا النضاره ،


14 - من خرج من داره مينساش يأخد المفتاح معاه .


15 - الباب اللى يجيلك منه الريح شيله وركب قبنورى .


16 - المضطر يركب التاكسى .


17 - اللى يخاف من العفريت يعمل عبيط .


18 - المركب اللى فيها رايسين يلعبوا طاولة .


19 - أكل العيش يحب الطعميه .

20 - العين عليها lenses .

[GHOSTEID0]

المثل ده كنت كل يوم بشوفه
10- مهما كان الأتوبيس مليان دايما ليك مكان. (https://groups.google.com/group/AbuSamirSami)

و على رأى المثل

اقلب القدرة على فمها ..... يتكب الفول منها


...............

اخى الفجر القادم : دلوقتى عرفت جنسيتك :)

[hack4love]

أنت أكبر من هذا الموضوع :)




بلاش تعقيد

هو عيب ان الواحد يضحك والله الموضوع دمه خفيف جداااا وباسلوب محترم


انا خايف ترد عليا تقولي

ياداخل بين البصله وقشرتها حط قطرة علشان هادمع من ريحتها .:D

[الفجر القادم]

لست الا ناقلا ... وصلني من اخ عبر الايميل ، ويبدو انه مشترك بمجموعة بريدية ارسلت له هذا الايميل ، وارجح ان الكاتب الاصلي للموضوع مصري أساسا ...

لا اعتقد ان في هذا الكلام ما يسيء للاخوه المصريين ، اليس كذلك ؟
بالنسبة لي ، كان هناك بعض الجمل المضحكه فعلا ...

[الفجر القادم]

أنت أكبر من هذا الموضوع

لأنني اكبر من ذلك ، يتوجب عليك ان تحسن الظن بي .

[ZaraLinks]

شكرا لك اخي الفجر القادم اعجبتني ابتساماتك
#########

[one-zero]

مشكور اخي الحبيب :D رائعه فعلا و خفيفة الظل و تعكس خفة الدم المصريه الاصيله و الجميله

شكرا مره اخرى

[event88]

هو الموضوع ضحكني واللي ضحكني أكتر أخويا فانكوفر مع الأخ جوستيت 95 ههههههههههههههههههههه
ربنا يخليكم :D
شكرا ليك أخي الصادق (الفجر الصادق):)

[VancouverEG]

لأنني اكبر من ذلك ، يتوجب عليك ان تحسن الظن بي .

اه نسيت أن أقول: لم أُسِئ بك الظن قط.
واسمحلي بمشاركة أخيرة في الموضوع حتى لا يخرج عن مساره، ونسمع خطل من القول؛ الأمثال فعلا مضحكة، وأنا شخصيا ضحكت منها، لكن... ليس كل مضحك يُنقل :)
والأمر أولا، وأخيرا: نسبيا.

[ZaraLinks]

فاقد الادب لايعطيه فكيف يعلمه !!!!!!!!!!!!!!!!1

[NaAZoOR]

لا أدري لم نتعمد تعقيد كل شيء ؟؟ هل بسبب قاعدة لم ابسطها ان كان من الممكن تعقيدها ؟؟

الموضوع فكاهي و خفيف و غير جارح و لا يتعدى أي حدود .. ثم أن أصحاب المقامات الكبيرة يمزحون ايضاً ... أليسوا بشر؟؟

تهنئتي أخي اياد على المجموعة الطريفة.

[محمد الجوهري]

أقوال مأثورة من العربيــــات النقــــل والميكروباص في مصر:

جزاكم الله خيرا أخى إياد

و أضف عليهم :

اللى يحصلنى يكسرنى :eek:

و بيكتبو كلمه كده انا لحد دلوقت مش فاهم معناها : زغدانـــــــــــــــــه :confused:

بخلاف ان كل صاحب عربيه بيكتب اسم اولاده على الإكصدام الخلفى للسياره :D

زمان والدى - حفظه الله - كان كاتب على العربيه الأمير محمـــــــــد ( اللى هو أنا يعنى ) :D:D

[S@M]

:D....

شكرا اخى الفجر على الآبتسامة الخفيفة الظل ....:D



اللى يحصلنى يكسرنى :eek:وخد دى ....

على مهلك يا ابو خليل ....دى مهنة مالهاش كبير ....:rolleyes:



و بيكتبو كلمه كده انا لحد دلوقت مش فاهم معناها : زغدانـــــــــــــــــه :confused:
ههههههههههههه:D

ماتاخدش فبالك يا عزيزى ....دا ياما فى عجايب بتتكتب على العربيات وبتتعمل فيها حاليا ولا حد فاهملها اى حاجة ...

تقدر تقولى مثلا....تلااقى عربية نقل كبيرة .....ومتعلق فيها تحت ألآكصدام صندل صغير ....:confused:....تقدر تقولى لزمتة اية!!! ...؟؟:D:D

[Black-Edition]

5- الحلوة من دمياط وعليها أقساط .ليه الغلط بس :D:D:D...أنا بهزر :ah50:

موضوع جميل جدااااااا ... شكرا ;)

+ يا إبن أدم إجري جري الوحوش ... وإن كبر إبنك .... خاويه :D

[vantom85]

والله جامد ههههههههههههههه ربنا يكرمك على فكرة انا قريت 10 منهم هنا على عربيات النقل امثال : طريق السلامة يا بو احمد

[NaAZoOR]

التوك توك الآن هو صاحب نصيب الأسد من هذه العبارات ...

[محمد الجوهري]

على مهلك يا ابو خليل ....دى مهنة مالهاش كبير ....
:D حلــوه

و : يا تهدى .... يا تعدى

يا إسطى محمد . بيب ... بيب
:D:D



تقدر تقولى لزمتة اية!!! ...؟؟

طب شفت قبل كده حد جايب عربيه زيرو ؟
شفت بيعملو فيها ايه عندنا ؟

بيجيبو أرنب ... و الله مش بهزر
و يندبح على مقدمه السياره
و صاحب العربيه يحط ايده فى الدم و يقوم حاططها على الزجاج ... علشان تبقى خمسه فى عين العدو

و تلاقيك ما شفتش بقى لما بيجيبو دقيق أبيض ( أيوه دقيق فينو ) و يرشوه على العربيه الجديده
:D

لصندل ده لمنع الحســــــد (بزعمهم )
و طبعا ده أمر مخالف للشريعه

بس ما عادش زى زمان على فكره موضوع الصندل ده
لان دلوقت أسعار الأحذيه و الصنادل فى إرتفاع :D



التوك توك الآن هو صاحب نصيب الأسد من هذه العبارات ...

التوكتوك نجم الساحه

توكتوك السعاده ...

و واحد كاتب لى : ليه كل حاجه يا دنيا عمرها قصير :D

دول دلوقت بقى بيركبو له عداد كمان :D

https://i39.tinypic.com/4l5qf.jpg

[Kozmos]

شكرا أستاذ أياد على هذه الأمثال الظريفة :D

إسمح لي أن أضيف هذه المثل و هو من أمثال سائقي الميكروباصات و لكنني رأيته لمرة واحدة فقط.

" لا تعيب العايب و لا ترقع في الدايب "

أو لما تلاقي سائق مقطورة مثلا كاتب على خزان الوقود (شايفك يا حرامي) لو أراد أن يزرع الرعب في قلوب لصوص الوقود


....

تقدر تقولى مثلا....تلااقى عربية نقل كبيرة .....ومتعلق فيها تحت ألآكصدام صندل صغير ....:confused:....تقدر تقولى لزمتة اية!!! ...؟؟:D:D

صام بيعلقوا الجزمة دي في الأكصدام عشان لو حد حسدهم, عينه و تأثير حسدها ييجي في الجزمة :D

حاجة كدة زي - مانعة الصواعق- بس بالجزمة :rolleyes:

[S@M]

و تلاقيك ما شفتش بقى لما بيجيبو دقيق أبيض ( أيوه دقيق فينو ) و يرشوه على العربيه الجديده :eek:...دقيق ...!

وانا اقول ....العربية مجيرة لية ............:D:D



لصندل ده لمنع الحســــــد (بزعمهم )
حسد ....:confused:...!!

انا اعرف الحسد بحطولو خرزة زرقا .....انما صندل :(

انا عرفت اسعار احذية ألاطفال غالية لية ..........دلوقتى ..:mad:...اتاريهم كل واحد جايب عربية بيبوظلو جوز ...صندل..:D


التوكتوك نجم الساحه

توكتوك السعاده ...

و واحد كاتب لى : ليه كل حاجه يا دنيا عمرها قصير :D

دول دلوقت بقى بيركبو له عداد كمان :Dهههههههههه...جامد موضوع العداد ...دة ...:D


صام بيعلقوا الجزمة دي في الأكصدام عشان لو حد حسدهم, عينه و تأثير حسدها ييجي في الجزمة :D
دى على اساس انة درع فولاازى ....؟؟!!!:D

دة حتى كولو جلد مافيش فية غير البزيم بس .........هوة اللى صفيح ...........:D:D




حاجة كدة زي - مانعة الصواعق- بس بالجزمة :rolleyes:
هههههههههههههههههههههههه..:D

[GHOSTEID0]

:D حلــوه

و : يا تهدى .... يا تعدى

يا إسطى محمد . بيب ... بيب
:D:D



طب شفت قبل كده حد جايب عربيه زيرو ؟
شفت بيعملو فيها ايه عندنا ؟

بيجيبو أرنب ... و الله مش بهزر
و يندبح على مقدمه السياره
و صاحب العربيه يحط ايده فى الدم و يقوم حاططها على الزجاج ... علشان تبقى خمسه فى عين العدو

و تلاقيك ما شفتش بقى لما بيجيبو دقيق أبيض ( أيوه دقيق فينو ) و يرشوه على العربيه الجديده
:D

لصندل ده لمنع الحســــــد (بزعمهم )
و طبعا ده أمر مخالف للشريعه

بس ما عادش زى زمان على فكره موضوع الصندل ده
لان دلوقت أسعار الأحذيه و الصنادل فى إرتفاع :D



التوكتوك نجم الساحه

توكتوك السعاده ...

و واحد كاتب لى : ليه كل حاجه يا دنيا عمرها قصير :D

دول دلوقت بقى بيركبو له عداد كمان :D

https://i39.tinypic.com/4l5qf.jpg

ايه يا استاذ محمد

مالك بس و مال التك تك

التك تك موجود فى مناطق فى كفر الشيخ اكتر من عدد البشر نفسهم

و انا لو جبت عربية هسميها باذن الله ghosteid95

و هاكتب عليها

اللى خايف يروح

[The King2]

يا ناس يا شر الجو حر ،
شكراً على الأمثله الجميله

[hazemsagherh]

عجبتنى موووووووووووت دى
دلعها فى الغيارات ، وريحها على المطبات .
ايه ده حرام عليك حموت من الضحك :D

[ahmed amin]

فعلا والله الموضوع دمه خفيف
ومشكور اخي علي الابتسامه الصادقه العفيفه التي قدمتها لنا ......:):):):).....

[ahmed amin]

خدو بالكو من المثلين دول :

متزمروش يابهايم دا السواق نايم .
سوقوا بالراحة يا بهايم ، اصل سواق العربية نايم.

اكيد اللي الف المثلين دول كان تاجر مواشي قبل ما يتدهور بيه الحال ويبقي سواق ... وعلشان كده كان متدايق وهوه بيقول الامثال ديه :D:D

[yasserlee]

الله يجزيك بالخير يا اخي علي الأمثال اللي جعلتني ابكي من الضحك
و بالذات
دلعها في الغيارات و ريحها في المطبات

[الفجر القادم]

حياكم الله جميعا اخواني :)

بعض العبارات اللتي اضحكتني فعلا :

6- الحلوة لما تتدلع ، تخلى الاسفلت يولع .

2 - فاقد الشىء يدور عليه .
7 - اللى ياكل لوحده يشبع .


وازيدكم من الشعر بيت :

من حفر حفرة لاخيه ، سدها واستريح
والباب يلي يجيك منه الريح ، احسن من عشرة على الشجرة.

قرأت مرة في موضوع مشابه عن عبارات تكتب على السيارات في فلسطين :

لا تشوفني ماشيه وعم ادرج ، دوبلني واتفرج .
محروسه من عين البشر.
بالطلعة ادفشني ، وبالنزله كمشني .
ياروح ما بعدك روح

[faredrocky]

شكرا جدا على الموضوع الهايل و يا رب اكون زائر خفيف على الموضوع
و على رأى المثل
يا بخت من زار و غار