مناقشه : ماتوقعاتكم بالنسبة لاسعار فئة ال HD 5800 من ATI [الأرشيف]

مشاهدة النسخة كاملة : مناقشه : ماتوقعاتكم بالنسبة لاسعار فئة ال HD 5800 من ATI

الصفحات : [1] 2

M_HaFeZ

13-05-2010, 17:09

أحببت أن اشارككم التفكير والمناقشه فى موضوع اسعار ATI 5800 وماهى توقعاتكم

1- نزول فى الاسعار قريبا بنسبه محسوسه
2- ام أن الاسعار ستصمد لفترة قادمه فى حدود 6 أشهر
3- ام أن هناك نزول ولكنه بمعدل بسيط ؟

اسباب السؤال هى كالآتى:
- نزول الفيرمى من انفيديا ومايقدمه من أداء مقارب او يزيد عن المناظر له من سواء 5870 او 5850 (بغض النظر عن مزايا وعيوب الفيرمى)
- تعودنا من ATI أن تقدم سعر جيد مقابل الاداء وذلك عن مقارنتها ب nvidia
- السبب الأهم هو اننى عند مراجعتى الاسعار وجدت أنها لم تتغير تقريبا منذ شهر 12 العام الماضى أى مايزيد عن 6 أشهر وخصوصا فى 5850 حيث كان سعره 1700 جنيه مصرى تقريبا ومازال عند هذا السعر ويقل قليلاً الى 1675 وتلك ليست بهبوط فى الاسعار او مايسمى فى Price Cut

توقعى أنه من الصعب المحافظ على نفس السعر لمدة 6 شهور قادمه ولابد كما هى طبيعة التكونولجيا ان تهبط سعرها

شخصياً كنت أفكر فى شراء HD 5770 بمبلغ 1050 جنيه للنسخه القياسيه او زيادة المبلغ ال 1180 للنسخه vapor-x من شركة سافير للحصول على تبريد أفضل وبالتالى قابليه لزيادة السرعه بطريقه اعلى
وعندما قمت بحساب الفارق (افضل دائما حساب الفائده المضافه او ال added value) وجدت الآتى
سعر المنتج الاصلى هو 1050 جنيه وسعر النسخه الفابور 1180 أى أن الزياده هى 12% وهى زيادة قد ارتضيتها

ونظراً لأن شاشتى هى 23 بوصه فبناء على نصائح الكثيرين الافضل لى هو شراء 5850 النسخه القياسيه بسعر 1700 جنيه
وبما أن الفارق فى الأداء بين 5770 وال 5850 هو 49% تقريبا
فإن الزيادة المنطقيه فى السعر هى 1050 * 1.49 = 1564 جنيه أى ان سعر الكارت هو زيادة عن الفارق فى القيمة المضافه من التحديث ب 8% وزيادة قدرها 135 جنيه

طبعا هناك ضريبة يدفعها مشترى الهاى اند دائما وهى انها اسرع العتاد فى التأثر بانخفاض الاسعار
فسيكون تغير سعر كلا من 5870 - 5850 اعلى من نسبة تغير ال 5700 عموما

فما إقتراحاتكم؟ الشراء الآن ام الانتظار ولماذا ؟؟؟

Coolman4now

13-05-2010, 17:17

- أعتقد أن الأسعار ستبقى كما هى تماما دون أى نقصان فيها.

- لاحظ أن أسعار الفئة الخامسة فى مصر أقل من جميع أجزاء العالم بالفعل.

- المنافس الوحيد أمام تلك الكروت هو الفيرمى ، ولقد رأينا أسعاره جميعا ، ورأينا أن توكيل زوتاك يقول أنهم أغلى من الجيجابايت ! فهل تتوقع نزول سعر سلعة ليس لها منافس ؟؟ لا أعتقد ذلك.

- الخوف هو أستغلال التجار أرتفاع أسعار الفيرمى لرفع أسعار الفئة الخامسة أيضا.

- أذا كنت تنتظر نزول الأسعار بما يزيد عن خمسون جنيها مثلا ، فهذا لن يحدث نهائيا.

- أنصحك بالشراء حاليا ولاتتردد.

- ولا تتوقع أيضا انخفاش سعر الفيرمى عن السعر الحالى الأ بجزء بسيط جدا فى خلال مدةست شهور على الأقل.

XTRIP

13-05-2010, 17:18

اتوقع ان الاسعار هتنزل خلال شهرين او 3
خاصة اما نفيديا تنزل 460 جي تي اكس وكروت الفئة المتوسطه
ولما ينزل سعر الفيرمي (ولا اتوقع ) كروت ايه تي اي هتنزل اكيد
وببساطه الاسعار لم تنزل في الفتره الماضية لان ايه تي اي كانت منافس وحيد
ولم ينزل كروت اعلى مثل 5890 او منافس لها من نفيديا

انا افضل انك تنتظر شهرين لغاية الاجازه ما تيجي وتكون نفيديا نزلت باقي الفئات وساعتها
الاسعر هتكون مختلفه وهتختار براحتك

ولو انت مستعجل فلا شك في ان افضل صفقه هي 5850 وابقى اكسر سرعته براحتك
اما 5770 فانا لا افضله لمستخدمي الهاي اند

وبالتوفيق في الاختيار

M_HaFeZ

13-05-2010, 17:24

@ فادى
- نظريتك محترمة جدا .. بس أنا اقصد هو نزول اسعار كروت ATI عالمياً ... واحنا الحمد لله دلوقتى بنستفيد من أسعار منافسة جدا خصوصا فى منتجات ATI ... ده الى اقصده كحافز لنزول الاسعار عالميا فى الاساس ثم تأثر مصر بالتالى لاننا لحد كبير هنتأثر مباشرة للسبب اللى ذكرته
@ (https://www.arabhardware.net/forum/member.php?u=161740)XTRIP (https://www.arabhardware.net/forum/member.php?u=161740)
الرأى ده انا بميل ليه فعلا ....
واحب اسمع اراء الناس اكتر ونتناقش فيها وخصوصا اللى كانوا بيراقبوا الاسعار على فترات طويلة وتغيرها فى الظروف المشابهه

HD5870X2

13-05-2010, 18:32

لا تتوقع نزول أسعار ATI HD5000 إلا عند نزول أسعار nVIDIA

ولا تتوقع نزول أسعار nVIDIA لأنني أعتقد ان تكاليفها عالية وقد تأخرت كثيراً وتريد تحقيق أقصى مكسب

من مراجعات الفيرمي نفسها ما زالت سلسلة HD5800 تقدم أفضل معادلة للسعر مقابل الأداء مع وضع الإعتبارات الأخرى في الحسبان مثل الأداء مقابل كل وات واستهلاك الطاقة والحرارة و...و..

لا يمكن بأي حال من الأحوال أن تقوم التوكيلات هنا برفع أسعار ATI !

M_HaFeZ

13-05-2010, 18:42

لا تتوقع نزول أسعار ATI HD5000 إلا عند نزول أسعار nVIDIA

ولا تتوقع نزول أسعار nVIDIA لأنني أعتقد ان تكاليفها عالية وقد تأخرت كثيراً وتريد تحقيق أقصى مكسب

من مراجعات الفيرمي نفسها ما زالت سلسلة HD5800 تقدم أفضل معادلة للسعر مقابل الأداء مع وضع الإعتبارات الأخرى في الحسبان مثل الأداء مقابل كل وات واستهلاك الطاقة والحرارة و...و..

كلام منطقى يامينا
بس تفتكر ان النزول القادم فى الاسعار هيكون امتى ؟؟ من واقع خبرتك

مفهمتش تقصد ايه بالسطر ده
لا يمكن بأي حال من الأحوال أن تقوم التوكيلات هنا برفع أسعار ATI !

MF88

13-05-2010, 18:48

لا يمكن بأي حال من الأحوال أن تقوم التوكيلات هنا برفع أسعار ATI ! الله اعلم :)

عند غياب المنافس قالت ATI ان لديها قصور فى المصانع يترتب عليه ارتفاع فى الأسعار

مش بعيد تسمع جمله : الكروت قليله و بالتالى السعر يرتفع

والله اعلم طبعا

=============

بالنسبه لصاحب الموضوع : انا عندى كارت 5770 من باور كلر وهو ممتاز ( جبته على 1030 جنيه ) و كان من اوائل الكروت اللى

نزلت . قبل نسخ السافاير كمان

و الحمد لله ممتاز جدا و مفيهوش اى مشاكل . و نصيحه لو هتجيب من الـ 5770 هات الـ VAPOR-X و على فكره

كسر السرعه فى الـ 5770 حلو بس لسه مجربتوش عشان مش عندى عنق زجاجه

لا

الزجاجه مقفوله خالص بباسورد كمان :D

HD5870X2

13-05-2010, 18:50

كلام منطقى يامينا
بس تفتكر ان النزول القادم فى الاسعار هيكون امتى ؟؟ من واقع خبرتك

مفهمتش تقصد ايه بالسطر ده

النزول القادم ل ATI مرتبط بنزول أسعار الفيرمي عالمياً

أسعار الفيرمي مش هتنزل عالمياً إلا لما تحصل nVIDIA على مكاسب جيدة وبعدها تفكر في تنزيل الأسعار لزيادة المبيعات

ومحدش يقدر يعرف تاريخ محدد

السطر الأخير كنت أقصد بيه الرد على فادي :

- الخوف هو أستغلال التجار أرتفاع أسعار الفيرمى لرفع أسعار الفئة الخامسة أيضا.

:)

ellkany2000

13-05-2010, 19:44

هوه حيتم اصدار الكارت HD 5890 امته ؟

Coolman4now

13-05-2010, 19:51

- كل شئ متوقع فى الأسواق المصرية يا عزيزى. ( أنا فادى ولست صام ) :D

- الرفع سيكون من ناحية التجار وليس من ناحية التوكيل.

- عموما طالما الكروت تباع جيدا وخصوصا بعد الدعاية الرائعة التى قامت بها أسعار الفيرمى الرائعة فى مصر.

The_Wolf88

13-05-2010, 20:31

لن تنزل الاسعار الا ربما عند اطلاق فئة 6000 سيتم تخفيض اسعار 5000 للتخلص من الكميات الموجودة في السوق !

M_HaFeZ

13-05-2010, 20:47

يعنى يارجاله شايفين ان الانتظار مش هيبقى مفيد ؟؟
وبالنسبه لاقتراح 5770 بناء على مناقشة الاخوه فى مواضيع ال 5770 والدقة 1920*1080 اعتقد انه مش هيبقى خيار جيد وخصوصا لما اتكلمت مع فادى ووضح بعض النقاط بخصوص ال 5850

طيب لو كده ... الواحد يشترى من انهى مصنع للكروت ؟؟ اعتقد ابرز الموجودين ان مكانش كلهم Sapphire - XFX - Powercolor تقريبا الاختلاف فى الاسعار فى حدود 25 جنيه
وتقريبا ضمان السافير واكس اف اكس سنتين (مش متأكد)
على كده ايه افضل خيار ؟؟ وافضل ضمان ؟؟

حاجه اخيره لاحظت فى مواضيعهم كلا من شركة ماكسيمم وهاى اند غيرت اسعار ال 5850 بالزياده
لانى بالصدفه كنت جمعت الاسعار فى ملف من اسبوعين على جهاز تانى وكان سعر السافير جيم ايديشن ب 1700 واصبح 1750 (هو صحيح ايه الفرق بينه وبين اللى مش جيم )
وال xfx من هاى ايند ب 1725 ومش معايا الملف حاليا بس اعتقد انه كان اقل من كده !!!

نقطة تانيه .. فرق السعر اللى بيصل ل 290 فى التوكسيك يستاهل ولا over ??

S@M

13-05-2010, 20:55

كل شئ متوقع فى الأسواق المصرية يا عزيزى. ( أنا فادى ولست صام ) :D

؟؟؟؟...:)

TEch Zone

13-05-2010, 20:58

اعتقد الاسعار هتنزل بصورة طفيفة على شهر 6 او 7 ومع نهاية الصيف وبداية موسم الركود هتنزل الاسعار لكن مش بشكل كبير
احسن نسخة ل 5770 هى Vapor-X وبعدها يأتى XFX

HD5870X2

13-05-2010, 21:00

في الأول يا فادي بس ...لكن بعد ما الأسعار نزلت واستقرت مش ممكن يرفعوها

لاحظ ان أساساً أسعار ال HD5800 زادت بره من فترة في حدود 20 دولار وهنا نزلت عن يوم صدور الكروت

سمسم :

فادي بيؤكد انه فادي علشان قال : يا عزيزي :D:p

M_HaFeZ :

أرخص كارت Reference من HD5850

اعتقد شركة الحرمين عارضاه بسعر 1675 جنيه

التوكسيك كويس جداً ويستحق سعره لكن أنا شايف ان النسخة الريفيرانس أكثر من ممتازة

على فكرة واحد جالي أول امبارح وطلب مني أجمعله جهاز فيه كارتين HD5850 TOXIC :D:D وفيه احتمال ريفيو لو مكنش مستعجل قوي .... بس شكله مستعجل :(

S@M

13-05-2010, 21:07

مينا مارديتش عليا هنا .....:D

https://www.arabhardware.net/forum/showpost.php?p=1386350&postcount=59

وياريت تسدد اللى عليك ....:p

Coolman4now

13-05-2010, 21:28

- كما رأيت يا مستر حافظ ، أجماع مطلق على شراء كارت HD5850 وتريح بالك من التفكير.

- أنا قلت لك ذلك شخصيا يوم المقابلة ، وأعتقد أنت تتذكر ذلك.

- بالتوفيق.

- يا صمصم أنا قلت ياعزيزى ، فكنت متخوفا من أن يعتقد مينا أنك انت من يرد. :D

- أين الدين القديم عليك يا صمصم ؟

medo_hadi2020

13-05-2010, 21:41

صراحة يا جماعة ATI ثعب تنزل الأسعار تعالوا نفكر تنزل لية ففي منافسة لا الفيرمي بدل ميكون منافس لا دة اعطي ثقة لي ATI وسري دة غباء من نفيديا يعني هما مش عارفين يستروا كرت من بتوع ATI ويقوو كارتهم يلا المهم نزول الفئة الوسطي من الفيرمي مش هتفيد الا لو كانت نجااح بالنسبة للأخ لو ناوي تشتشري 5770 من سفير انسي OUT OF STOCK والفيبور اكس يستاهل اخيرا لماذا لم تفكر في شراء الوسط بين 5770 وا 5850 اقصد 5830 سعرة في النص يعني مش الف ولا 1650 سعرة 1400 واداءة رائع خصوصا بعد كسر السرعة سؤال مهم
حد عندة معلومات عن كرت 5890 ولا مش هيعملوة ولا اية

S@M

13-05-2010, 21:50

- أين الدين القديم عليك يا صمصم ؟

؟؟؟؟ اى ديّن ..:)

M_HaFeZ

13-05-2010, 21:50

يافادى على فكرة انت كلامك هو اللى خلانى اغير وجهتى من ال 5770 لل 5850 وخصوصا انى كنت حاطط ميزانيه فى حدود 1000 جنيه وانت اقنعتنى بجد والله ودول 700 جنيه يعنى 70% زياده تقريبا ;)

بالنسبه للتوكسيك شايف انه سعره زياده شويه وخصوصا انه بزياده 300 جنيه كمان اجيب ال 5870

M_HaFeZ

13-05-2010, 22:16

فى اسئله كنت عايز اعرفها بالمناسبه
فى كروت زى ال ASUS فيها voltage tweak طيب جميل وممكن تعديل الفولت للمساعده فى الاوفركلوك
طيب ماهو باقى الكروت الريفرنس مش ممكن برضو فيها تعديل الفولت ؟؟ ولا انا غلطان ؟؟ وايه الفائده من تعديل الاسوس؟

وفى ناس اتكلمت انه ممكن يخرج بره الضمان ؟؟ هل ده فعلا ممكن يحصل وفى أى الحالات ؟؟ ومش ممكن بعد رفع الفولت نزوله تانى ويادار مادخلك شر ؟؟

Coolman4now

13-05-2010, 22:23

؟؟؟؟ اى ديّن ..:)

- لايوجد ديون يا صام ، أنا أمازحك يا عزيزى ..... :)

- عموما الدين هو زجاجتى البيبسى ، وعدتنى بهم عندما ازور القاهرة. :)

يافادى على فكرة انت كلامك هو اللى خلانى اغير وجهتى من ال 5770 لل 5850 وخصوصا انى كنت حاطط ميزانيه فى حدود 1000 جنيه وانت اقنعتنى بجد والله ودول 700 جنيه يعنى 70% زياده تقريبا ;)

بالنسبه للتوكسيك شايف انه سعره زياده شويه وخصوصا انه بزياده 300 جنيه كمان اجيب ال 5870

- أنا نصحتك تشترى أى HD5850 أرخص كارت فى المجموعة ولم أقل التوكسيك.

- أرخص كارت حاليا هو XFX 5850 وثمنه 1675 جنيها ، متواجد لدى هاى أند.

غرباء

13-05-2010, 22:57

توجه نحو 5850 العادي من سافير فهو من حيث القيمة أفضل من 5830 أو 5770 .

حد عندة معلومات عن كرت 5890 ولا مش هيعملوة ولا اية
هي مجرد إشاعات من بعضهم ، الارجح انه لن يتم طرح اي بطاقة تحت هذا المسمى .

S@M

13-05-2010, 22:59

لايوجد ديون يا صام ، أنا أمازحك يا عزيزى ..... :)

يا عم وقعت قلبى ...انا افتكرت انى قلتلك على حاجة ونسيتها ....:D

عموما الدين هو زجاجتى البيبسى ، وعدتنى بهم عندما ازور القاهرة. :)

طب عندى دى .....ارميكس بتروح عندكم .............................ابعتهالك شحن .....:D

Coolman4now

13-05-2010, 23:10

- يوجد دين عليك بالفعل يا صام غير البيبسى ؟؟!! حاول تذكره.

- تلميح : جوكر ، فادى ، كارت ، وصلت ؟! ;)

S@M

13-05-2010, 23:46

تلميح : جوكر ، فادى ، كارت ، وصلت ؟! ;)انا مش ناسى ولم يحن الوقت بعد .................:)

M_HaFeZ

14-05-2010, 04:21

- أنا نصحتك تشترى أى HD5850 أرخص كارت فى المجموعة ولم أقل التوكسيك.

- أرخص كارت حاليا هو XFX 5850 وثمنه 1675 جنيها ، متواجد لدى هاى أند.

فادى حصل لبس
انا كنت اقصد انك اقعنعتنى وفى السطر التانى جملة تانيه خالص بوجهها لمينا انى شايف ان التوكسيك سعره عالى لان بزياده مش كبيره (300 جنيه) اقدر اشترى ال 5870

فى اسئله كنت عايز اعرفها بالمناسبه
فى كروت زى ال ASUS فيها voltage tweak طيب جميل وممكن تعديل الفولت للمساعده فى الاوفركلوك
طيب ماهو باقى الكروت الريفرنس مش ممكن برضو فيها تعديل الفولت ؟؟ ولا انا غلطان ؟؟ وايه الفائده من تعديل الاسوس؟

وفى ناس اتكلمت انه ممكن يخرج بره الضمان ؟؟ هل ده فعلا ممكن يحصل وفى أى الحالات ؟؟ ومش ممكن بعد رفع الفولت نزوله تانى ويادار مادخلك شر ؟؟ يوم أمس شباب ممكن رد فى النقطه دى ^^^^

M_HaFeZ

15-05-2010, 00:15

HD5870X2

15-05-2010, 00:38

قمت اليوم بشراء بطاقة XFX 5850 بسعر 1680 جنيه
وسألت واحد من الموجودين فى xfx roadshow على صام بس مكانش موجود :)

عموما قمت بتجربة nvidia 3d gaming وكانت تجربه تستحق الاحترام رغم قلة الوقت فى التجربة

ألف مبروك أخي العزيز

آسف على عدم الرد عن استفساراتك بالأمس

فى كروت زى ال ASUS فيها voltage tweak طيب جميل وممكن تعديل الفولت للمساعده فى الاوفركلوك
طيب ماهو باقى الكروت الريفرنس مش ممكن برضو فيها تعديل الفولت ؟؟ ولا انا غلطان ؟؟ وايه الفائده من تعديل الاسوس؟

وفى ناس اتكلمت انه ممكن يخرج بره الضمان ؟؟ هل ده فعلا ممكن يحصل وفى أى الحالات ؟؟ ومش ممكن بعد رفع الفولت نزوله تانى ويادار مادخلك شر ؟؟

Asus يأتي معها برنامج مخصوص وزيادة الفولت معه أكثر كما أعتقد ولكن باقي الكروت الريفيرانس يمكن تعديل فولتيتها من البرنامج الرائع MSI AfterBurner

بالنسبة للضمان :

الموضوع شائك نوعاً ومفيش اجابة محددة لكن لو لم تعدل البيوس وقمت بكسر السرعة فقط بتعديل الفولت فلا حرج عليك سواء من الناحية الأخلاقية أو الناحية التقنية وهيدخل ضمان عادي

أما لو عدلت البيوس وهريت الكارت أوفركلوك وباظ نتيجة للعبك فيه فسيكون عليك حرج من الناحيتين الأخلاقية والتقنية لو باظ ودخلته ضمان .....لكن برضو هيقبلوه في الضمان :D:D

Coolman4now

15-05-2010, 00:41

- ألف مبروك مستر حافظ.

- أستمتع بتجربة رائعة فى الألعاب بأذن الله.