المساعد الشخصي الرقمي

مشاهدة النسخة كاملة : استفسار هام جدا عن ضمان مذربورد


اكسمان
14-05-2010, 04:39
بسم الله الرحمن الرحيم

اخيرا وبعد محاولات عدة تمكنت من تصنيع جهاز تبريد لمعالج الكمبيوتر يعمل بغاز الفريون
فكرة عمل الجهاز مثل فكرة عمل جهاز OCZ Cryo-Z Phase



OCZ Cryo-Z Phase
https://www.hardware.info/images/news/ocz_cryoz_007_550.jpg

https://www.hardware.info/images/news/ocz_cryoz_016_550.jpg

انا لم اضع صور للجهاز بتاعي طبعا لاني لسه لم انسق شكل الجهاز وفي شوية تعديلات هعملها عليه ان شاء الله
الهدف من الموضوع هو اني عاوز اسال سؤال
انا عاوز اجرب الجهاز علي البريسيسور الXEON WS3550 اللي عندي علي مذربورد الكلاسفيد لكن خايف من اي تسريب من ماء الثلج يسقط علي المذربورد ويتلفها . انا جاتني فكرة اني اضيف سائل عازل علي سطح المذربورد هو شفاف طبعا الهدف منه عزل جميع مكونات المذربورد عن اي تاثير خارجي هو اساسا مصنوع لكده
السؤال بقي هل لو انا عملت كده للمذربورد هتخرج بره الضمان لم لا؟
ThE AlCheMisT
14-05-2010, 12:45
أظن هتخرج، أنا اللى قريته فى توكيل جاما على سبيل المثال ان البوردة بتخرج من الضمان لسبب من تلاتة:
1. وجود حروق بالبوردة
2. وجود التواء أو تقوس فى سطح البوردة
3. تعديل أى من مكونات البوردة، و أظن ده هو السبب اللى ممكن يخلى بوردتك تخرج من الضمان، لأن اضافة السائل ده لو كانت irreversible تعتبر تعديل
oldjas
14-05-2010, 13:11
ألف مبروك أستاذ اكسمان على الاختراع الجامد ..
اعتقد إن المزربورد هتخرج من الضمان عشان السائل اللي إنت بتقول عليه ده الناس اللي بيصلحو المزربورد بيستخدموه لما بغيرو أي قطعة من على المذربورد و الضامن لما يشوف السائل ده هيعرف إنك غيرت حاجة من على المزربورد أو عملت فيها أي اصلاح .
انصحك إنك تجرب جهاز التبريد على أي حاجة تانية تكون تعبانة أو مش هتندم عليها لو جرلها حاجة ..
ومستنين صور الجهاز وكمان نتايج الجهاز :D
Extreme2
14-05-2010, 16:56
يكفي أن تعزل دائرة تغذية المعالج بالعازل اللاصق فقط أخ محمد ..
لكن الجهاز هل سيكون دائم أم تجربة للكسر ؟
overclockman
14-05-2010, 17:01
محمد طالما وصل الموضوع للفريون

اشتريلك مازر رخيصة عن اللى عندك وجرب عليها احسن الاول
اكسمان
14-05-2010, 21:09
أظن هتخرج، أنا اللى قريته فى توكيل جاما على سبيل المثال ان البوردة بتخرج من الضمان لسبب من تلاتة:
1. وجود حروق بالبوردة
2. وجود التواء أو تقوس فى سطح البوردة
3. تعديل أى من مكونات البوردة، و أظن ده هو السبب اللى ممكن يخلى بوردتك تخرج من الضمان، لأن اضافة السائل ده لو كانت irreversible تعتبر تعديل


شكرا علي ردك واهتمامك



ألف مبروك أستاذ اكسمان على الاختراع الجامد ..
اعتقد إن المزربورد هتخرج من الضمان عشان السائل اللي إنت بتقول عليه ده الناس اللي بيصلحو المزربورد بيستخدموه لما بغيرو أي قطعة من على المذربورد و الضامن لما يشوف السائل ده هيعرف إنك غيرت حاجة من على المزربورد أو عملت فيها أي اصلاح .
انصحك إنك تجرب جهاز التبريد على أي حاجة تانية تكون تعبانة أو مش هتندم عليها لو جرلها حاجة ..
ومستنين صور الجهاز وكمان نتايج الجهاز :D
الله يبارك فيك ياغالي بس انا مخترعتش حاجه تقدر تقول انا قلدت الجهاز لان هو موجود من زمان وبيتباع كمان


يكفي أن تعزل دائرة تغذية المعالج بالعازل اللاصق فقط أخ محمد ..
لكن الجهاز هل سيكون دائم أم تجربة للكسر ؟
هو يا نواف لو كان اداؤه مناسب طبعا هاظبط شكله واركبه عالطول بالنسبة للعازل لازم المذربور كلها علشان الميه بتسيل مبتثبتش في مكانها



محمد طالما وصل الموضوع للفريون

اشتريلك مازر رخيصة عن اللى عندك وجرب عليها احسن الاول
ياعامر انا عامل التبريد ده علشان اكسر سرعه المعالج لتردد عالي انما لو جبت مذربورد رخيصه مش هتكسر معايا فوق 4.2
alayoubi
14-05-2010, 21:41
انا جاتني فكرة اني اضيف سائل عازل علي سطح المذربورد هو شفاف طبعا الهدف منه عزل جميع مكونات المذربورد عن اي تاثير خارجي هو اساسا مصنوع لكده
السؤال بقي هل لو انا عملت كده للمذربورد هتخرج بره الضمان لم لا؟

السائل الي بتتكلم عنه يأتي بلونين شفاف وأحمر ولا أعتقد انه هيأثر على الضمان .

تأكد من وجود سائل لتنظيف أو ازالة السائل الشفاف بعد عمل التجربة وساعتها محدش شاف حاجة .
eng.ahmedhelal
14-05-2010, 22:04
انا جتلي الفكره دي وكنت هاعملها خاصة انها تخصصي و اعملها بسهوله بس واجهتني مشكله الكمبريسور لازم يفصل كل شويه عشان ما يتحرقش
هتعمل ايه في كده
ولا هتستخدم نظام تشيلر
يعني تبرد الميه و تاخد الميه هي اللي تبرد البروسسور ؟
عموما في حل ظريف و انه تعزل بفوطه يعني تلفها علي الاماكن اللي التبريد ماشي فيها
هتاخد وقت علي لما تتملي ميه و في نفس الوقت هتعزلك نظامك شويه عن الهواء الخارجي و تحافظلك عي درجات الحراره المنخفضه
بالتوفيق يا ميدو :D
اكسمان
14-05-2010, 23:10
انا جتلي الفكره دي وكنت هاعملها خاصة انها تخصصي و اعملها بسهوله بس واجهتني مشكله الكمبريسور لازم يفصل كل شويه عشان ما يتحرقش
هتعمل ايه في كده
ولا هتستخدم نظام تشيلر
يعني تبرد الميه و تاخد الميه هي اللي تبرد البروسسور ؟
عموما في حل ظريف و انه تعزل بفوطه يعني تلفها علي الاماكن اللي التبريد ماشي فيها
هتاخد وقت علي لما تتملي ميه و في نفس الوقت هتعزلك نظامك شويه عن الهواء الخارجي و تحافظلك عي درجات الحراره المنخفضه
بالتوفيق يا ميدو :D

اهلا بيك اخي العزيز
بالنسبة للكمبريسيسور طالما راكب ليه مروحه تبريد (اللي هي بتكون علي السربنتينه) يبقي متقلقش منه خالص لو فضل شغال كتير
بس انا خلف مروحه التبريد يعني بين المروحه والكمبريسيسور قمت بلف خط الراجع علي شكل حلقه بينهم علشان لما يتكون عليها تلج يبرد علي الكمبريسيسور
انا جربت الاول نضام تشيلر لكن للاسف لم اكن راضي عنه مع انه قام بتخفيض درجه حرارة البريسيسور الي حد كبير لكن المشكلة هي تعريق الميه علي الخراطيم والبلوك الخاص بالبريسيسور بكمية كبيرة جدا



السائل الي بتتكلم عنه يأتي بلونين شفاف وأحمر ولا أعتقد انه هيأثر على الضمان .

تأكد من وجود سائل لتنظيف أو ازالة السائل الشفاف بعد عمل التجربة وساعتها محدش شاف حاجة .


المشكله يا اخي الن الورنيش ده صعب جدا انه يتشال او بمعني اخر مافيش حاجه ممكن تشيله الا التنر وده طبعا يتخاف منه انه ياثر علي المذربورد لان لازم يكون جودته عالية جدا
ALL4US
15-05-2010, 01:22
اهلا بيك اخي العزيز
بالنسبة للكمبريسيسور طالما راكب ليه مروحه تبريد (اللي هي بتكون علي السربنتينه) يبقي متقلقش منه خالص لو فضل شغال كتير
بس انا خلف مروحه التبريد يعني بين المروحه والكمبريسيسور قمت بلف خط الراجع علي شكل حلقه بينهم علشان لما يتكون عليها تلج يبرد علي الكمبريسيسور
انا جربت الاول نضام تشيلر لكن للاسف لم اكن راضي عنه مع انه قام بتخفيض درجه حرارة البريسيسور الي حد كبير لكن المشكلة هي تعريق الميه علي الخراطيم والبلوك الخاص بالبريسيسور بكمية كبيرة جدا

جربت انك تبدل المياه بسائل التبريد فى نظام تشيلر ؟؟ + ممكن تحط خرتوم بسعه اكبر تمرر فيه الخرطوم اللى بيمشى فيه السائل نفسه بحيث انه يحتوى التكثيف اللى بيحصل ! .. اظن كده افضلا لان التبريد المباشر ليه مساؤى كتيره ومنها انك هتضطر تعزل المزر بورد (وبالمناسبه دى بيزود درجه الحراره بطريقه رهيبه لانه هيكون كانك حطيت غلاف بلاستيك يمنع التهويه) ..

لا تخاطر كثيرا بالكلاسيفايد فهى ثوره بين يديك .. واحظر الثنر فهو يذيب اى ماده بتروليه ومنها البلاستيك (اللوحه الام)


بالتوفيق يا ابو حميد .. وان شاء الله تنجح فى تحقيق ما تريده ..
اكسمان
15-05-2010, 02:19
جربت انك تبدل المياه بسائل التبريد فى نظام تشيلر ؟؟ + ممكن تحط خرتوم بسعه اكبر تمرر فيه الخرطوم اللى بيمشى فيه السائل نفسه بحيث انه يحتوى التكثيف اللى بيحصل ! .. اظن كده افضلا لان التبريد المباشر ليه مساؤى كتيره ومنها انك هتضطر تعزل المزر بورد (وبالمناسبه دى بيزود درجه الحراره بطريقه رهيبه لانه هيكون كانك حطيت غلاف بلاستيك يمنع التهويه) ..

لا تخاطر كثيرا بالكلاسيفايد فهى ثوره بين يديك .. واحظر الثنر فهو يذيب اى ماده بتروليه ومنها البلاستيك (اللوحه الام)


بالتوفيق يا ابو حميد .. وان شاء الله تنجح فى تحقيق ما تريده ..

اهلا بيك اخي العزيز
فعلا انا كنت شغال بسائل تبريد
المشكله مش في الخراطيم المشكله في بلوك البريسيسور بيعرق ميه جاامد واخاف ان البريسيسور ممكن هو كمان يعرق ميه علي سنون التوصيل
eng.ahmedhelal
16-05-2010, 01:00
محمد انت ناوي توصل لكام يعني ؟!
حاول تعقل الكمبيوتر كل ما تتجنن اكثر تلاقي اللي يجننك اكثر و اكثر مالوش كبير يا كبير :D

علي فكره صحيح في معلومه
نظريا الماء الناتج عن التبخير و التكثيف من المفترض انه ما يوصلش كهربه لانه لا يحتوي علي املاح :)
اكسمان
16-05-2010, 01:16
محمد انت ناوي توصل لكام يعني ؟!
حاول تعقل الكمبيوتر كل ما تتجنن اكثر تلاقي اللي يجننك اكثر و اكثر مالوش كبير يا كبير :D

علي فكره صحيح في معلومه
نظريا الماء الناتج عن التبخير و التكثيف من المفترض انه ما يوصلش كهربه لانه لا يحتوي علي املاح :)
ناوي بصراحه علي 4.8 لان المعالج عندي قابليته عالية للاوفركلوك

بالنسبة للنظرية هو المفروض لكن تعمل ايه بقي(بس اعتقد ان النظرية دي ممكن لو استخدمت فريون معين لكن عن تجربة شخصية فريون R12 التكثيف الناتج عنه بيتفاعل مع النحاس
eng.ahmedhelal
16-05-2010, 01:25
ناوي بصراحه علي 4.8 لان المعالج عندي قابليته عالية للاوفركلوك

بالنسبة للنظرية هو المفروض لكن تعمل ايه بقي(بس اعتقد ان النظرية دي ممكن لو استخدمت فريون معين لكن عن تجربة شخصية فريون R12 التكثيف الناتج عنه بيتفاعل مع النحاس

لا ايه علاقه الفريون بالموضوع اللي بقوله انا باقول علي الميه اللي بتتكثف علي الاجزاء البارده اما الفريون r11 & r12 دا ازبل انواع فريون اتوقفوا برده علي فكره
عندك ممكن تجيب r22 او يا سلام لو تجيب 134a تبقي 10/10 بس اعتقد ان مافيش عندنا كمبريسور يشتغل عليه :D
اكسمان
16-05-2010, 01:37
لا ايه علاقه الفريون بالموضوع اللي بقوله انا باقول علي الميه اللي بتتكثف علي الاجزاء البارده اما الفريون r11 & r12 دا ازبل انواع فريون اتوقفوا برده علي فكره
عندك ممكن تجيب r22 او يا سلام لو تجيب 134a تبقي 10/10 بس اعتقد ان مافيش عندنا كمبريسور يشتغل عليه :D
علي فكره R22 قديم جدا بردو 134A هو الجديد وفي كمبريسيسورات ليه بس المشكله ان الكمبريسيسورات بتاعته بتكون الميكانيكا الخاصه بيهم ضعيفه جدا ممكن من الركنه الكمبريسور يكلبش جوه وفي حاله كثرة الاستخدام الكمبريسيسور بيفوت بسرعه وصوته بيعلي والحراره الناتجه عن الميكانيكا عالية جدا انما كمبريسيسور فريون 12 قوية جدا تستحمل العمل الشاق لايام متواصله حرارتها منخفضه اداءها عالي جدا وقياسي جدا
بالنسبة لكمبريسيسور فريورن 22 بتكون كبيره الحجم نص او 3/4 او 1 حصان لانها خاصه بالمكيفات طبعا وجهاز زي اللي انا عامله كمبريسيسور قدرته 1/3 حصان كافي وزياده كمان
eng.ahmedhelal
16-05-2010, 02:01
علي فكره R22 قديم جدا بردو 134A هو الجديد وفي كمبريسيسورات ليه بس المشكله ان الكمبريسيسورات بتاعته بتكون الميكانيكا الخاصه بيهم ضعيفه جدا ممكن من الركنه الكمبريسور يكلبش جوه وفي حاله كثرة الاستخدام الكمبريسيسور بيفوت بسرعه وصوته بيعلي والحراره الناتجه عن الميكانيكا عالية جدا انما كمبريسيسور فريون 12 قوية جدا تستحمل العمل الشاق لايام متواصله حرارتها منخفضه اداءها عالي جدا وقياسي جدا
بالنسبة لكمبريسيسور فريورن 22 بتكون كبيره الحجم نص او 3/4 او 1 حصان لانها خاصه بالمكيفات طبعا وجهاز زي اللي انا عامله كمبريسيسور قدرته 1/3 حصان كافي وزياده كمان

هو اكيد اللي بتعمله مش محتاج حاجه اساسا
عموما ال 12 سام
ال 22 بيولع
و طبعا مش حارمين الاوزون من حاجه :rolleyes:
شوف انت ناوي علي ايه و ربنا يوفقك :D
بس ليا سؤال انت مجمع معلوماتك دي منين ؟
عايز اقولك ان حراره ال 134 اعلي لان اداؤه اعلي بكثير
بسرعه كده درجه تبخر ال 134 اقل بكثير من اللي فاتوا فده بيدي فرصه للكمبريسور انه يشتغل علي range افضل و اكبر و بالتالي حراره اعلي بيطلعها هي دي الفكره
اكسمان
16-05-2010, 02:48
هو اكيد اللي بتعمله مش محتاج حاجه اساسا
عموما ال 12 سام
ال 22 بيولع
و طبعا مش حارمين الاوزون من حاجه :rolleyes:
شوف انت ناوي علي ايه و ربنا يوفقك :D
بس ليا سؤال انت مجمع معلوماتك دي منين ؟
عايز اقولك ان حراره ال 134 اعلي لان اداؤه اعلي بكثير
بسرعه كده درجه تبخر ال 134 اقل بكثير من اللي فاتوا فده بيدي فرصه للكمبريسور انه يشتغل علي range افضل و اكبر و بالتالي حراره اعلي بيطلعها هي دي الفكره
انا والدي مهندس تبريد وتكييف
تصحيح
ال R12 مش سام ودي حاجه انا متاكد منها بنسبة 1000في 100 لاني انا اللي شاحن الماتور ده واقدر افرغ الشحنه في اضيق مكان ومايسببش اي حاجه لاي شخص يستنشقه لذلك هو غير محظور التعامل به لكن اينعم هواكثر غاز فريون مضر بطبقة الاوزون
ال R22 غير قابل للاشتعال بردوا من تجربه شخصية وعلي فكره لو بصيت في اي تكييف هتلاقي كل وصلات التلحيم تمت باستخدام نار الاوكسجين ويتم التفريغ والختم باستخدام لهب الاكسجين ايضا
الغاز السام هو فريون النشادر اخي العزيز وده يعمل بالحراره بدون استخدام اي كباس او كمبريسيسور
طبعا انا معاك في ان R134A اسرع في الانتشار مما ينتج قوة تبريد اعلي في وقت اقل واخف طبعا علي الكمبريسيسور لذلك ينتج عنه احتكاك عالي بسبب سرعه انتشاره وده اللي بيزيد في الحراره الناتجه عن مروره في اي سطح معدني
eng.ahmedhelal
16-05-2010, 04:33
عشان بس نبقي في الصوره :)
اولا الفريونات لما اتعملت اتعملت عشان يبقي ليها ديناميكاحراريه عاليه و ما تكونش مؤذيه للانسان او تكون في حدود الامان

مبدئيا الفريونات سامه بس مش معني هذا انك طول ما تشمها تكح و تتكل علي الله ده يبقي فيلم هندي بس هي سامه ازاي اقولك
زي co2 لما بيتشم بيسمم علي طول ؟! لكن لو بكميات كبيره يعمل تسمم في الدم تقريبا و احتناق و يلاقي وجه كريم
و نفس الحكايه بالنسبه للاشتعال لا بيشتعل بس مع درجات حراره عاليه مش فاكر بالضبط كام بس هو في حدود +1200 كلفن يعني تقريبا 920 سليزيوس
ده كله ارقام بعيده شويه عشان كده انت ما تطرقتش ليها
سبب الكلام ده المركبات او العناصر المكونه للفريون c , cl , f, h اكيد انت عارف الكلام ده


Freons generally have a low order of toxicity. However, exposure to relatively high
concentrations (>100 ppm) may produce adverse effects on health. Possible exposure routes
include inhalation, ingestion, skin and eye contact (NIOSH, 2003B; NIOSH, 2003C).
و بعدين التقسيمه اللي عملتها كانت علي سبيل الدعابه :D

لكن لو هنيجي بقي من الناحيه العمليه من الاخر افتكاسه كله افتكاسه
مجرد اعلانات و حوارت عشان الشركات تبيع ازاي اقولك
انا مش فاكر اسم الشركات ممكن يكون والدك عارفهم لانه اكيد في السوق لكن انا لسه شويه خام يعني
المهم الشركات الامريكيه مثلا كانت بتعمل الفريون ال 12 و 22 باسعار باهظه جت الهند ربنا يباركلها عملتهم بسعر التراب
يعملوا ايه
الضجه بتاعه الاوزون مثلا و يطلع ال 134 صديق البيئه و يحاولوا توجيه السوق ليه بالكلام السابق ده كله

و بعدين يا عم سيبنا من الكلام ده شوف هتعمل ايه عشان ناوي اقلدك بعد اما اخلص امتحانات :)
eng.ahmedhelal
16-05-2010, 04:48
صحيح انت ما فكرتش تعمل بلوك للكارت عند خراط ؟
شريحه نحاس ملحوم عليها ماسوره ربع انش تقريبا مبخر يعني و دخلها مع النظام
انا عايز اقولك انت طلعتها في دماغي جدا خاصه الصيف بقي جميل

انت كنت بتسال عن الترصيع و الكلام ده
خد تصبيره كده :)
https://forums.guru3d.com/showthread.php?t=321784
يمكن يا مسهل :rolleyes:
اكسمان
16-05-2010, 05:46
صحيح انت ما فكرتش تعمل بلوك للكارت عند خراط ؟
شريحه نحاس ملحوم عليها ماسوره ربع انش تقريبا مبخر يعني و دخلها مع النظام
انا عايز اقولك انت طلعتها في دماغي جدا خاصه الصيف بقي جميل

انت كنت بتسال عن الترصيع و الكلام ده
خد تصبيره كده :)
https://forums.guru3d.com/showthread.php?t=321784
يمكن يا مسهل :rolleyes:
لفيت علي الخراطين هههه مافيش نحاس احمر خام باحجام ممكن يتولف منها بلوك كله عباره عن شرائح خفيفة السمك جدا او عباره عن مواسير رفيعه اكبر سمك تقريبا نص بوصه
بالنسبه للرابط انا شفته من شويه اقعدت ادور عليه بعد ما الدكتور عرض مشاركته

علي فكره انا من النوع اللي بيحب يعرف الحاجه بتشتغل ازاي ويحب يفكر ويشوف قدراته
فاكر مره ايام الثانوي في معمل الكيمياء كان مدرس الكيمياء بيعمل تجارب كده وبيعمل فرقعه صوتها حلو روحت البيت وقعدت افكر جه في بالي الميه وغاز البوتاجاز روحت جبت طبق ومليته ميه وفكيت الانبوبه بالخرطوم بتاعها من البوتاجاز وطلعت فوق البيت كده وفتحت الانبوبه وحطيت الخروطوم في الميه شويه عمل كده زي رغوة الصابون بس كتيره روحت قفلت الانبوبه وولعت جنب الرغوة راحت فرقعت فرقعه صوتها عالي جدا جدا لدرجه قعدت تقريبا نص ساعه مبسمعش خالص(حظي يومها كنت في البيت لوحدي)
المهم روحت لمدرس الكيمياء وحكيتله علي اللي حصل قعت شويه كده يعمل شويه معادلات قالي الرغوة دي كانت غاز الهيدروجين والغاز ده بيشتعل بفرقعه عالية والحمدلله عدت علي خير يوميها
eng.ahmedhelal
16-05-2010, 06:09
ههههههههههههه
يا عيني علي الكمياء و جمالها من اكثر المواد اللي حبتها في العنويه الثامه خاصه العضويه كنت بالعب بيها لعب
فكرتني باللذي مضي
CH4 + H2O → CO + 3 H2
اما بالنسبه للنحاس ربنا يسهل لما اخلص هابقي ابص علي الكلام ده لو لقيتلك حاجه تنفع هابقي اقولك لو ما كنتش لسه اتصرفت
Extreme2
16-05-2010, 20:19
أخ محمد راجع الموضوع التالي لعزل اللوحة :

https://extrahardware.cnews.cz/amd-gigabyte-ln2-65-ghz-pro-phenom-ii-x4

https://extrahardware.cnews.cz/files/images/clanky/2010/05kveten/ln2_oc_amd_gigabyte_linde/photos//004.jpg

أخ محمد , هو فريون 12 متوفر عندكم أصلي ؟
عندنا أصبح 80% من اللي في السوق مضروب مع الأسف , والان أصبحت أستخدم 134a بنسبة 95% , وهو فعلا أسرع بالتبريد بغض النظر عن اطلاقة لحرارة أعلى قليلا من 12 .
طبعا انسى موضوع 22 بتاتا , لأنه يحتاج لمكثف تركبه خارج البيت حتى يبرد :D
اكسمان
17-05-2010, 01:01
أخ محمد راجع الموضوع التالي لعزل اللوحة :

https://extrahardware.cnews.cz/amd-gigabyte-ln2-65-ghz-pro-phenom-ii-x4

https://extrahardware.cnews.cz/files/images/clanky/2010/05kveten/ln2_oc_amd_gigabyte_linde/photos//004.jpg

أخ محمد , هو فريون 12 متوفر عندكم أصلي ؟
عندنا أصبح 80% من اللي في السوق مضروب مع الأسف , والان أصبحت أستخدم 134a بنسبة 95% , وهو فعلا أسرع بالتبريد بغض النظر عن اطلاقة لحرارة أعلى قليلا من 12 .
طبعا انسى موضوع 22 بتاتا , لأنه يحتاج لمكثف تركبه خارج البيت حتى يبرد :D


بالنسبة لفريون 12 متوفر الاصلي والمضروب ايضا منه
وشكرا علي الرابط اخي نواف وجزاك الله خيرا عليه فعلا افادني في كل ما كنت عاوزه