المساعد الشخصي الرقمي

مشاهدة النسخة كاملة : عاوز طريقة دهان الكيسة اسود


XMasterrrr
16-05-2010, 13:41
نويت على الهاف 922
عاوز اعرف المعدات الى هحتاجها بالتفصيل
حتى و لو كانت مسمار بس يتكتبلى بالله عليكم
علشان عاوز ادهنها اسود داخلى
Coolman4now
16-05-2010, 18:02
- الأدوات المراد توافرها.

1- صنفرة ناعمة جدا ، صنفرة خشنة ، صنفرة وسط.
2- قماشتين ناعمتين وقماشة خشنة.
3- لصق الدوكو.
4- ورق جرايد كثير.
5- على الأقل علبتى رش دوكو أسود مط وليس لميع.
6- مكان واسع مفتوح به تيار هواء وليس به تراب.

- قم أولا بفك الكيسة تماما وتعريتها حتى يتبقى الهيكل الداخلى فقط لاغير.

- أمسح الكيسة من الداخل جيدا.

- قم بصنفرتها على الخفيف جدا بالصنفرة الخشنة مرة واحدة.

- قم بصنفرتها بالصنفرة المتوسطة مرة واحدة فى نفس اتجاة الصنفرة.

- قم بصنفرتها بالصنفرة الناعمة مرتين للتأكد من جودة العمل.

- لاحظ عملك على كيسة وليس سيارة !! لا تضغط بالصنفرة كثيرا وخصوصا الخشنة.

- بعد كل وش صنفرة ينصح بمسح الكيسة بقماشة خشنة بها مياة ، ثم تجفيفها تماما.

- أخر مرة بعد الصنفرة الناعمة ، أغشل الكيسة ، وقم بتجفيفها فورا بنفسك ، لاتترك تجف من نفسها.

- قم بعد التجفيف بتركها فى الهواء الطلق قليلا.

- أمسحها جيدا بقماشة ناعمة جافة.

- أبدا بوضع الكيسة على جنبها على الأرض ، بحيث يكون الجزء المراد رشة أفقيا.

- أبدأ بالرش على شكل خطوط أفقية أبدأ أول خط من اليمين لليسار ثم عد من اليسار لليمين مرة أخرى.

- بعد أول طبقة ، أترك الكيسة لتجف على الأقل نصف ساعة او أكثر أذا كان لديك وقت.

- أبحث عن أى أماكن تجمع فيها الطلاء او الرش بطريقة ملفتة وقم بصنفرتها مرة أخرى.

- رش الطبقة الثانية ، وأرتكها لتجف لليوم الثانى.

- فى اليوم التالى أبحث عن الأماكن التى نسيتها فى الرش ورشها.

- أتركها لتجف جيدا جدا قبل بداية الرتكيب.

- مبروك عليك العمل.
ŤǾЯŊΛĐф
16-05-2010, 20:03
إعقل و بلاش أحسن تبوظها ، دى محتاجة حرفية و شغل بتأنى ، لو بتعمل شغل جامد بأيدك ماشى ، إنما لو زى حالاتى بلاش هو مش هتفرق قوى .
SeeNoEvil
16-05-2010, 20:20
مش لما تجيبها الاول ياراجل
وبعدين الكيسه جاهزه مش محتاجه حاجه
hm90memo
16-05-2010, 21:09
نويت على الهاف 922
عاوز اعرف المعدات الى هحتاجها بالتفصيل
حتى و لو كانت مسمار بس يتكتبلى بالله عليكم
علشان عاوز ادهنها اسود داخلى
اوعه تــــــــــــــــــــــــــــــــــــــــــــــخاف :ah4::ah4::ah4:
طبق كلام الراجل العسل الخبره ده coolman
وان شاء الله هتبقى الكيسه جامده
ali helbawi
16-05-2010, 21:53
شكرا على الشرح لدي استفسار بسيط ما هو المقصود بلصنفرة
alayoubi
16-05-2010, 22:43
إعقل و بلاش أحسن تبوظها ، دى محتاجة حرفية و شغل بتأنى ، لو بتعمل شغل جامد بأيدك ماشى ، إنما لو زى حالاتى بلاش هو مش هتفرق قوى .

انت هتكسر مأديف الراجل ليه , خليه يجرب ويشتغل بايده .


شكرا على الشرح لدي استفسار بسيط ما هو المقصود بلصنفرة

يقصد ورق الزجاج للسنفرة , في منه درجات ناعم ووسط وخشن .. تستطيع التمييز بينها باللمس وطبعا كل درجة برقم مكتوب خلف ورقة الزجاج .
ALL4US
16-05-2010, 22:50
شكرا على الشرح لدي استفسار بسيط ما هو المقصود بلصنفرة

هى عباره عن نوع من انواع الاوراق المقوى ملصوق عليه ماده سلكونيه تشبه الرمال وعن طريق احتكاكها باى سطح تقوم بإزاله اى زوائد فتقوم بتنعيم السطح تماما وتكون على هيئه درجات وانواع .... ناعمه .. خشنه .. متوسطه الخشونه ..

صوره تبين درجاتها
https://3.bp.blogspot.com/_O5kQqh4kTwI/SZni1W5CKII/AAAAAAAAAw8/YxJgVtO6Y3o/s320/14.jpg
XMasterrrr
17-05-2010, 00:36
شكلى هعملها بس المشكلة فى المكان اكتر مكان اقدر عليه هو صالة بيتنا اساسا ههههههههههههه
طب هو الدهان بيفرق جامد صح ؟
Coolman4now
17-05-2010, 00:41
- لاتتوقع المعجزات ، ولكن أهم عامل فى الدهان هو الشكل.

- ويساعد على أخفاء الكابلات ، فهى لاتظهر عليه بوضوح مثل لون المعدن.
ashraf_shivo
17-05-2010, 00:55
بجد والله يا كوول مان
شرح واف وجميل جدا
مشكوووور اخي كووول مان