mohamed sheta
17-05-2010, 09:23
السلام عليكم و رحمة الله وبركاته
أزيكم يا أخوانى كل عام و أنتم بخير معلش كنت غايب فترة طويلة عن الكتابة فى المنتدى بس لظروف خاصة و اعدكم بتقديم كل جديد و مفيد
المشكلة النهاردة هى لما بنضغط كليك يمين على ملف او مجلد بنلاقى الجهاز بيهنج او يقف لثوانى و يرجع يشتغل لما القائمة اليمين تظهر . أول حاجة نبص عليها هى مدير المهام أو الــ Task Manager عشان نشوف فى عملية بستهلك المعالج او شاغلة الرامات و الغريب متلاقيش !!
المشكلة ببساطة هى فى البرامج لما بنسطبها على اجهزتنا بتعمل حاجة اسمها Shell Extension يعنى لما نضغط كليك يمين على ملف او مجلد نلاقى البرنامج ظهر له اختيارات من القائمة مثال على كده برنامج زى الوينرار او السفن زب 7-zip زى الشكل التالى
https://1.bp.blogspot.com/_fSpdUy9yq9w/S_Dl8-SPPaI/AAAAAAAABa0/VPIuQbGEwgM/s1600/Snap3.jpg
وموضوع الشيل ده فى البرامج لتسهيل عملها فمثلا لما يكون فيه ملف نضغط كليك يمين علية و نختار ضغطه بالوينرار من Add To Archive بدل من فتح البرنامج و تحديد مسار الملف و اختيار ضغطه.
طيب الحل هنا هو ازالة الشيل الخاص بالبرنامج من القائمة اليمين وده بيكون من جوه اختيارات البرنامج نفسه -معظم البرامج فيها الاختيار ده و الحل التانى هو برنامج صغير فى حجمه كبير فى شغله من شركة Nirsoft الشركة الرائدة فى تقديم حلول للويندوز صاحبة برنامج Process Explorer الشهير بديل برنامج الــ Task manager الخاص بالويندوز
والبرنامج بتاعنا هنا هو برنامج ShellExView وحجمه حوالى 54 كيلوبايت و يمكن تحميله من صفحة الشركة على الرايط التالى : https://www.nirsoft.net/utils/shexview.html
والبرنامج مش محتاج تسطيب و فيه منه نسخة عربى و نسخة 64 بت للى يحب المهم بعد ما ننزل البرنامج نفتحه و ننتظر لحد ما يبحث فى الريجيسترى على جميع الشيل الخاصة بالبرامج و يظهر فى اعمدة البرنامج اختيارات كثيرة أهمها اسم الشيل ، اسم الشركة ، منتج من ميكروسوفت ، نوع الشيل واللى يهمنا هنا هو Context Menu، مفعل ام لا Disabled ونبحث على البرنامج اللى عايزين نشيل الشيل بتاعه و نختار Yes فى خانة Disabled والعكس صحيح وهنا انا اختارت برنامج السفن زب 7-ZIP وعملتله Disabled وهنا ممكن نشيل الشي بتاع البرامج واحد و احد و نشوف مين اللى لما عملناله Disabled الكليك يمين مهنجتش الجهاز
https://3.bp.blogspot.com/_fSpdUy9yq9w/S_Dl9WIj-qI/AAAAAAAABa8/obOrn7SL-ZU/s1600/Snap2.jpg
ياريت الموضوع يكون عجبكو و تفضلوا خالص حبى و تقديرى
أزيكم يا أخوانى كل عام و أنتم بخير معلش كنت غايب فترة طويلة عن الكتابة فى المنتدى بس لظروف خاصة و اعدكم بتقديم كل جديد و مفيد
المشكلة النهاردة هى لما بنضغط كليك يمين على ملف او مجلد بنلاقى الجهاز بيهنج او يقف لثوانى و يرجع يشتغل لما القائمة اليمين تظهر . أول حاجة نبص عليها هى مدير المهام أو الــ Task Manager عشان نشوف فى عملية بستهلك المعالج او شاغلة الرامات و الغريب متلاقيش !!
المشكلة ببساطة هى فى البرامج لما بنسطبها على اجهزتنا بتعمل حاجة اسمها Shell Extension يعنى لما نضغط كليك يمين على ملف او مجلد نلاقى البرنامج ظهر له اختيارات من القائمة مثال على كده برنامج زى الوينرار او السفن زب 7-zip زى الشكل التالى
https://1.bp.blogspot.com/_fSpdUy9yq9w/S_Dl8-SPPaI/AAAAAAAABa0/VPIuQbGEwgM/s1600/Snap3.jpg
وموضوع الشيل ده فى البرامج لتسهيل عملها فمثلا لما يكون فيه ملف نضغط كليك يمين علية و نختار ضغطه بالوينرار من Add To Archive بدل من فتح البرنامج و تحديد مسار الملف و اختيار ضغطه.
طيب الحل هنا هو ازالة الشيل الخاص بالبرنامج من القائمة اليمين وده بيكون من جوه اختيارات البرنامج نفسه -معظم البرامج فيها الاختيار ده و الحل التانى هو برنامج صغير فى حجمه كبير فى شغله من شركة Nirsoft الشركة الرائدة فى تقديم حلول للويندوز صاحبة برنامج Process Explorer الشهير بديل برنامج الــ Task manager الخاص بالويندوز
والبرنامج بتاعنا هنا هو برنامج ShellExView وحجمه حوالى 54 كيلوبايت و يمكن تحميله من صفحة الشركة على الرايط التالى : https://www.nirsoft.net/utils/shexview.html
والبرنامج مش محتاج تسطيب و فيه منه نسخة عربى و نسخة 64 بت للى يحب المهم بعد ما ننزل البرنامج نفتحه و ننتظر لحد ما يبحث فى الريجيسترى على جميع الشيل الخاصة بالبرامج و يظهر فى اعمدة البرنامج اختيارات كثيرة أهمها اسم الشيل ، اسم الشركة ، منتج من ميكروسوفت ، نوع الشيل واللى يهمنا هنا هو Context Menu، مفعل ام لا Disabled ونبحث على البرنامج اللى عايزين نشيل الشيل بتاعه و نختار Yes فى خانة Disabled والعكس صحيح وهنا انا اختارت برنامج السفن زب 7-ZIP وعملتله Disabled وهنا ممكن نشيل الشي بتاع البرامج واحد و احد و نشوف مين اللى لما عملناله Disabled الكليك يمين مهنجتش الجهاز
https://3.bp.blogspot.com/_fSpdUy9yq9w/S_Dl9WIj-qI/AAAAAAAABa8/obOrn7SL-ZU/s1600/Snap2.jpg
ياريت الموضوع يكون عجبكو و تفضلوا خالص حبى و تقديرى