المساعد الشخصي الرقمي

مشاهدة النسخة كاملة : جهاز بانتيوم 4 3gh ومتعلقات اخر للبيع


mohamdyoon
17-05-2010, 16:17
بسم الله الرحمن الرحيم
والصلاة والسلام على اشرف المرسلين سيدنا محمد الصادق الأمين اما بعد :

القطع التي ستباع :
1- pentium 4 631 3.00 GHz
Gigabyte 945PL-S3 -2
A-Data 1GB DDR2 -3 على قطعتين
4- Nivida GeForce 7100 GS

السعر هيكون مرضي ان شاء الله القطع استعمال نظيف ومن يود الشراء جدياً يقترح السعر وتتم مناقشته

والسلام عليكم
samegeg
17-05-2010, 16:29
أولا : مكان حضرتك فين
ثانيا : لما توصل لسعر مناسب يا ريت تبعت لي على الخاص

وشكرا جزيلا منتظر الرد
شكوكو
17-05-2010, 17:19
البروسيسور يعمل 200
البورده 150
الرامه 150 لانها ماركه معروفه
او 100 لو ترددها اقل من 800
كارت الشاشه 100
rehab702001
17-05-2010, 17:35
ممكن رقم تليفونك لو سمحت؟؟؟؟؟؟
Dr_ahmed2010
17-05-2010, 18:08
ياعم شكوكو دول رامتين 512 مش واحدة
ركز هههههههههه

اهدي ياعم شكوكو شوية الله يكرمك
بالنسبه للأخ صاحب الموضوع لك رسالة ع الخاص
بالتوفيق
elafgany
17-05-2010, 19:35
ياعم شكوكو انت هببت الدنيا مش تركز فالحاجة الأول
انت بتقول البروسيسور200 هو انت عرفت كاشاته كام?
ولا انت هتشتري كله بسعر واحد?
وبعدين دول رامتين 512 مش واحدة
ركز هههههههههه
انا عندي بروسيسور3/1تاخده ب190ههههههههه
اهدي ياعم شكوكو شوية الله يكرمك
بالنسبه للأخ صاحب الموضوع لك رسالة ع الخاص
بالتوفيق
ونتا كمان مش تتسرع فالرد :D
الاستاذ صاحب الموضوع قال موديل البروسسور انتل بنتيوم 631 لو بحثت هتلاقي الموديل كاشته 2 ميجا وهو تقريبا سعره 200 جنيه وقابل للتفاوض
اما بالنسبه للرام فنتا عندك حق لانهم حتتين 512
ركز يا عم شكوكو :cool:
Dr_ahmed2010
17-05-2010, 19:56
ماشي ياعم الأفغاني عندك حق ف دي انا فعلا مأخدتش بالي انه كتب موديل البروسيسور
بس هو شكوكو انا أحمد
هههههيهه
تحياتي
محترف نت
17-05-2010, 20:03
ياريت المكان والنهائى وياتري في كيسه ولا لا
elafgany
17-05-2010, 20:12
ونا محمود واتشرفت بمعرفتكم اخواني
شكوكو
17-05-2010, 21:34
احب اقول للناس الهواه
ان الرامات A-Data

https://www.hardwarezone.com/img/data/articles/2005/1613/adata-ddr2-512-800.jpg
ده لو هما عارفين الماركه اساسا
و انا قيمت البروسيسور على اساس الموديل المكتوب و كان عندي زيه و بايعه ب 220 من اسبوع
Dr_ahmed2010
17-05-2010, 21:48
ياشكوكو ياحبيبي دول رامتين مش رامة واحدة انت بتتكلم ع انها رامة واحدة 1جيجا انت لسة مأخدتش بالك ولا ايه? وبعدين احنا عمالين نهاتي والراجل صاحب الموضوع خلع وسابنا مش بيرد لا عام ولاخاص ونسي يدينا رقمه
هههههههه اهمدوا بأة شوية
تحياتي
شكوكو
17-05-2010, 21:53
قال تعالى
﴿ وَإِلَى مَدْيَنَ أَخَاهُمْ شُعَيْبًا قَالَ يَا قَوْمِ اعْبُدُواْ اللّهَ مَا لَكُم مِّنْ إِلَـهٍ غَيْرُهُ قَدْ جَاءتْكُم بَيِّنَةٌ مِّن رَّبِّكُمْ فَأَوْفُواْ الْكَيْلَ وَالْمِيزَانَ وَلاَ تَبْخَسُواْ النَّاسَ أَشْيَاءهُمْ وَلاَ تُفْسِدُواْ فِي الأَرْضِ بَعْدَ إِصْلاَحِهَا ذَلِكُمْ خَيْرٌ لَّكُمْ إِن كُنتُم مُّؤْمِنِينَ ﴾
elafgany
17-05-2010, 22:02
ياعم شكوكو مش تاخد الموضوع علي صدرك كده الاخ Dr_ahmed2010 (https://www.arabhardware.net/forum/member.php?u=11204579) لما علق علي حكاية الكاش مكنش واخد باله ان صاحب الموضوع كتب الموديل ورجع وصلح كلامه وقال انك فعلا فاكر انها رامه واحده واحد جيجا والحمد لله يعني ماركة الرام احنا عارفينها :D الجدال كان علي انك فاكر انها رامه واحده 1 جيجا وهما رامتين 512
ده اللي قصدته انا واخونا دكتور احمد وحنا مش بخسنا بسعره ولا حاجه لان فعلا البروسسور يستاهل 200 جنيه ونا قولت ده فاول مشاركه ليا فالموضوع
خلي صدرك رحب للمناقشه الحكايه مش مستاهله :)
اخوك محمود الافغاني
شكوكو
17-05-2010, 22:12
حصل خير يا استاذ محمود و اعتذر للجميع اذا بدا مني اي شيء
و الامر في الاول و الاخر يعود الى صاحب العرض
Dr_ahmed2010
17-05-2010, 22:42
بوظنا موضوع الراجل
لااله الا الله
ياعم شكوكو الأخ محمود جزاه الله خيرا رد عليك رد وافي
بس سؤال انت ممكن تاخد الرامة512 ب75ج ع حسب سعرك?
elafgany
17-05-2010, 22:47
حصل خير يا جماعه فرصه جميله للتعارف
ربنا يهدينا جميعا
mohamdyoon
18-05-2010, 06:35
شكرا على التفاعل بس اريد ان اوضح بعض الأشياء للضمير والاستفسارات

1- القطع ليس معها علبة ولا ضمان لأن السبب الأساسي والله أعلم انى كنت مش فاهم حاجة لما اشتريت الجهاز وقلت لصاحب المحل خذ العلب انا هحتجها فى ايه بس القطع استعملها نظيف جدا واللى هيشتريه هيشوف بنفسه ان شاء الله

2- السعر هو الأعلى المقترح فاللى عايز يشتري يقترح سعره وان كان الأعلى يبقى على البركة ان شاء الله

3- انا كنت ناوي ابيع القطع مرة واحدة فإنما ان كان احد يريد قطعتين وهناك اخر يريد القطعتين الاخرتين فممكن نبيع كده

4- القطع المذكورة فى اول الموضوع هى فقط التى ستباع ولا يوجد كيسة لحد الان بس ممكن تتوافر حسب الظروف

5- مكان اللقاء الزقازيق اساسي او القاهو لو سمحت الظروف

شكرا لكل الأعضاء المحترمين و انا قلت كل حاجة قدام ربنا لأن الله الموفق
elafgany
18-05-2010, 08:52
5- مكان اللقاء الزقازيق اساسي او القاهو لو سمحت الظروف

شكرا لكل الأعضاء المحترمين و انا قلت كل حاجة قدام ربنا لأن الله الموفق
:ah4::ah4: عمار يا زقازيق اول مره من ساعة ما دخلت المنتدي حد يحط عروض من الزقازيق
انا كده باذن الله هاخد منك كارت الشاشه قولي بكام عشان مش اعرف سعره
او كلمني علي ايميلي
elafgany@att.net
Dr_ahmed2010
18-05-2010, 10:28
ليه ياعم ما انت عندك mr_gowant
من الزقازيق وعارض كارت شاشة256 عادي
وبعدين الأخ صاحب الموضوع مش بيدي اسعار
هو ساكت وخلاص ودا مش نافع
احنا عيزين حد يرد علينا
بالمناسبة ياأخ محمود انت اميلك ماستر ولا سب?
تحياتي
elafgany
18-05-2010, 10:44
منا لسه مشترك جديد بقه ولسه بنعرف الناس
عموما صاحب الموضوع مش معانا خالص فينك يا عم عايزين نعرف اسعارك
mohamdyoon
18-05-2010, 12:49
معلش يا جماعة في مشكلة بسيطة في النت وان شاء الله تتحل عندي
mohamdyoon
18-05-2010, 13:05
بالنسبة لأعلى سعر كان من الأخ A-Razzaz (https://www.arabhardware.net/forum/member.php?u=2233) عرض 400 جنيه الجهاز كله وده قليل شوية عشان البوردة
بالنسبة للأخ Dr_ahmed2010 (https://www.arabhardware.net/forum/member.php?u=11204579) انا مش سيبتكوا والله واعوذ بالله من ذلك وانت عايز البروسيسور الرامة والأخ elafany عابز كارت الشاشة المشكلة ان كده مفيش حد هيخد البوردة

الأسعار اللى وضعها الأخ شكوكو ولو فيها مشاكل حد يقولي وبالنسبة للأخ شكوكو مشكور جدا والأخ أحمد ان شاء الله هنوصل لسعر كويس فيى الرامه انت عايز القطعتين بكام وانا هريحك بإذن الله بس المشكلة مفيش حد هياخد البوردة كده

وشكرا لصبركم وانا بحاول اتابع الموضوع والمشكلة النت والله
Dr_ahmed2010
18-05-2010, 13:17
ماشي ياجميل اذا كان كدة فانا هاخد البوردة والبروسيسور والرامتين 350ج
والأخ محمود هياخد الفيجا
علما اني فالمقام الأول عاوز الرامتين بس عاوز اعرف باصاتهم لوسمحت شوف نفسك وانا ان شاء الله شاري منك
mohamdyoon
18-05-2010, 15:14
تفضل يا أخي هذه الأسعار بأقل ما يمكن والله يعلم انى ممكن جاي على نفسي وانت ادرى الصيف داخل والأسعار هتولع والجهاز اللى هشتريه سعر بيغلى
- الرامتين 90 جنيه
2- البروسيسور 200 جنيه
3- كارت الشاشة 100 جنيه
4- البوردة 150 جنيه


الرامتين مع بعض عاملين تردد 1066
eslamgm
18-05-2010, 15:27
تفضل يا أخي هذه الأسعار بأقل ما يمكن والله يعلم انى ممكن جاي على نفسي وانت ادرى الصيف داخل والأسعار هتولع والجهاز اللى هشتريه سعر بيغلى
- الرامتين 90 جنيه
2- البروسيسور 200 جنيه
3- كارت الشاشة 100 جنيه
4- البوردة 150 جنيه


الرامتين مع بعض عاملين تردد 1066

اسعار ممتازه جدا
بالتوفيق
Dr_ahmed2010
18-05-2010, 15:28
وانا ميرضانيش اني اظلمك اعرضهم للبيع وانت هتتأكد بنفسك
اما بخصوص الرامات افهم من كلامك ان الواحدة باص 533?
لو باصاتها كدة يبأة نتفاهم عالخاص احسن
mohamdyoon
18-05-2010, 15:30
وانا ميرضانيش اني اظلمك اعرضهم للبيع وانت هتتأكد بنفسك
اما بخصوص الرامات افهم من كلامك ان الواحدة باص 533?
لو باصاتها كدة يبأة نتفاهم عالخاص احسن

تمام بس يكون الأخ elafgany جاد في الشراء
mansoub
18-05-2010, 15:55
معلش يا جماعة امال الرامه ال 2 جيجا DDR II يبقي سعرها كام علي كده
ولو انا عاوز واحده 1 جيجا DDR II لاب توب يبقي سعرها كام